لـ اصحاب الخبره في مجال الايجارات !!!

[احساس رابح]

السلام عليكم ورحمه الله وبركاته :-

اخواني وخواتي

صبحـكم / مسـاكم الله بالخير

ممكن من اللي عنده خبره او معلومه يفيدني جزاكم الله خير

بخصوص :-

استأجرت بيت صغير عباره عن 3 غرف ومجلس بملحقاتها وايجاره بمبلغ ( 6500 ) ريال شهري مع اني دفعت ايجار سنه مقدم

المهم بعد ماسكنت في البيت اكتشفت ان البيت كان مأجر بـ 6 الالف ريال ومجرد ماطلع منه المستأجر الاول سكنت فيه انا وعايلتي

السؤال / هل يحق للمالك رفع الايجار ؟؟؟

مع اني سمعت انه لايحق لاي صاحب عقار رفع الايجارات في عقود سنه 2012

والسؤال الثاني اذا كان لايحق له رفع الايجار !!

هل يحق لي اشتكي عليه او اطالب بنفس الايجار الاول !!؟؟

مع العلم بأني وقعت معاه العقد ؛؛؛؛

اللي عنده خبره يفيدني جزاه الله خير

[محمد2009]

عليكم السلام ورحمة الله وبركاته ..

اخوي العقد صحيح لانه انت اخذت البيت بعقد جديد وانت مستاجر جديد وهو حط لك قيمة الايجار وانت راضي عنها مسبقا ..
واما المستاجر السابق فهو له عقد اخر بقيمه اخرى وبعد مطلع قام المؤجر وحدد قيمة جديده فجيت انت وخذت البيت بهالقيمه المتفق عليها ..

واتمنى تكون فهمت قصدي والله يوفقك

[شموخ دائم]

,

,


مرحبا


المالك تصرفه صحيح مثل ما شرح الاخ محمد

انا حبيت اضيف ان القانون ينطبق عليك الان عقدك ب 6500
ما يصير يرفع عليك انت الا بحسب القوانين الجديده
العقد الي انتهى للساكن الي قبلك هذا شي انت مالك علاقه فيه
ومش من حقك تدخل في عقود غيرك

موفق يارب

,

,


اخوك


شموخ دائم

[MAZEN37]

مالك الا بالطيب مع المالك
لكن انت حاليا ملتزم بعقدك مالك بالماضي

[الشلهوب]

العقد صحيح حسب الاتفاق بين الطرفين كما تم توضيحة من الاخوان اما عقود الايجارات السكنية اصبحت حسب العرض والطلب اما العقود التجارية هي التي لايجوز فيها رفع الايجار الا بالنسب المنصوص عليها حسب قانون لايجارات

[alwahesh]

العقد صحيح وما تقدر تشتكي عليه ولكن تقدر تنسحب بأن تشوف شخص غيرك يسكن العقار

وللعلم يقدر يزيد الايجار وبدون تحديد نسبه معينه لان القانون انلغى او انتهى من شهر 2 -2011

[تاجر كشخة]

الصراحه غريبه ما يعني زعلت من زياده 500 ريال وما سالت عن 6000 ريال الباقيه على بيت 3 غرف ومجلس :waiting:

[براك]

بصراحة المالك له حق و أنت موقع على عقد بالتراضي بين الطرفين و أهم شيء انك ترتاح للعقار إن شاء الله و الله يبارك لك فيها

[احساس رابح]

مشكورين وجزاكم الله خير