^%^%^%^% مــــاخــــاب مـــن اســـتـشـــار ^%^%^%^%^

[NO_LIMITs]

هلا ومرحبا فيكم

الصراحه حبيت استشيركم بما ان اغلبية المشاركين لهم خبره في مجال البناء والديكور وغيره،،

عندي بيت عمره 3 سنين وكنت مأجره،، الحين نويت اسكن البيت بس ابي اقلبه فوق تحت،،

يعني ابي ارممه واغير كلشي داخل البيت،، واهم الاشياء :

الحمامات(الله يعزكم) ٧ حمامات
الابواب (١٦)
الشبابيك
المطبخين الداخلي والخارجي
ديكورات الغرف(٨ غرف)

كم بحتاج تقريبا اذا باخذ كلشي من قطر،، وهل الافضل اني اسافر مثلا الصين او دبي او السعوديه؟

ابي ارائكم وتجاربكم في هالامور لاني الصراحه ماعرف اي شي في هالمجال،، وشنهي والمحلات الزينه..

وعساكم ع القوه

[مضارب دوسري]

هلا اخوي
محد يقدر يعطيك قيمه معينه لان كل شي يعتمد على الاشكال اللي تبيها
يعني مثلا الشبابيك فيه انواع المنيوم عادي وفيه المنيوم دبل جلاس وفيه يوبي في سي يعني يعتمد على النوع اللي بتختاره من الانواع الثلاثه
الديكورات والجبس واعماله يعتمد عليك انت بتختار مثلا الجبس الرخيص ولا بتختار تشكيلات حلوه وراقيه يعني انت اللي تختار الافضل
عندك البيبان ممكن تركب كل باب. ٧٠٠ ريال ونوعيه عاديه وممكن تركب كل باب بسعر فوق ال ١٠٠٠ ريال و ١٥٠٠ اذا كانت النوعيه اللي تبيها ممتازه
بلاط الحمامات اجلكم الله ممكن تركب صيني وممكن تركب اسباني وايطالي

يعني مثلا انت ذكرت الصين والصين بضاعتهم هناك رخيصه جدا بس تبقى ان الكواليتي تعبان
بلاط الحمامات فالسعوديه في مكارم النخبه لقيت نوعيات حلوه والمتر ب ٣٨ و ٤٥ وايطالي واسباني بعد
اذا لقيت اسباني او ايطالي بسعر حو ال ٤٥ فالدوحه او ٥٠ توكل على الله
فالنهايه محد يقد يقولك كم بيكلف او تقريبا كم بيكلف
لان في بعد اختلافات فالقياسات هذا غير النوعيه اللي بتختارها
الله يوفقك وممكن انت تروح بنفسك وتختار كل شي وتتفق مع العمال وعق تشوف الحساب من نفسك

[محمد2009]

اخوي السلام عليكم ورحمة الله وبركاته ..

اخوي بيتك ماظن يحتاج تكلفه كبيره لانك تقول انه جديد عمره 3سنوات هذا الي انا فهمته

ولكن الصيانه تختلف على حسب ذوق الشخص وئيش الي يبي تغيره فيه ونوع المواد المستخدمه

وهذا رقم شركه مسؤلهم هندي 55901122 متخصصين في الجبس وتصاميم الجبس للاسقف والكرانيش وتركيب السراميك والرخام والبلاستر والاصباغ والتشطيبات يمكن يفيدونك باذن الله والله يوفقك

[القلم الصريح]

في واحد من الشباب اعاد صيانه جزء من الطابق الثاني لبيته وهو عباره عن حماميين وغرفتين نوم وصالة وغلافة ملابس تقريبا 250 الف ريال ، الصيانه عباره عن جبس سقف وحائط ورخام وسرامييك وادوات صحية وباركية واضائه وكبتات ملابس واعادة صبغ الابواب الخشب وغرفة نوم فاخره وورق جدران

[العميد الركن]

تسوي شي حلو وزين اتوقع يبغي لك حول 350 ألف من غير الأثاث

[NO_LIMITs]

هلا اخوي
محد يقدر يعطيك قيمه معينه لان كل شي يعتمد على الاشكال اللي تبيها
يعني مثلا الشبابيك فيه انواع المنيوم عادي وفيه المنيوم دبل جلاس وفيه يوبي في سي يعني يعتمد على النوع اللي بتختاره من الانواع الثلاثه
الديكورات والجبس واعماله يعتمد عليك انت بتختار مثلا الجبس الرخيص ولا بتختار تشكيلات حلوه وراقيه يعني انت اللي تختار الافضل
عندك البيبان ممكن تركب كل باب. 700 ريال ونوعيه عاديه وممكن تركب كل باب بسعر فوق ال 1000 ريال و 1500 اذا كانت النوعيه اللي تبيها ممتازه
بلاط الحمامات اجلكم الله ممكن تركب صيني وممكن تركب اسباني وايطالي

يعني مثلا انت ذكرت الصين والصين بضاعتهم هناك رخيصه جدا بس تبقى ان الكواليتي تعبان
بلاط الحمامات فالسعوديه في مكارم النخبه لقيت نوعيات حلوه والمتر ب 38 و 45 وايطالي واسباني بعد
اذا لقيت اسباني او ايطالي بسعر حو ال 45 فالدوحه او 50 توكل على الله
فالنهايه محد يقد يقولك كم بيكلف او تقريبا كم بيكلف
لان في بعد اختلافات فالقياسات هذا غير النوعيه اللي بتختارها
الله يوفقك وممكن انت تروح بنفسك وتختار كل شي وتتفق مع العمال وعق تشوف الحساب من نفسك

يعطيك العافيه اخوي،،، زين وين تنصحني اروح بالنسبه للحمامات والمطابخ؟؟

والشبابيك شنو الافضل من حيث الجوده وشنو افضل المحلات؟

واسمحلي طولت عليك :whistling:


اخوي السلام عليكم ورحمة الله وبركاته ..

اخوي بيتك ماظن يحتاج تكلفه كبيره لانك تقول انه جديد عمره 3سنوات هذا الي انا فهمته

ولكن الصيانه تختلف على حسب ذوق الشخص وئيش الي يبي تغيره فيه ونوع المواد المستخدمه

وهذا رقم شركه مسؤلهم هندي 55901122 متخصصين في الجبس وتصاميم الجبس للاسقف والكرانيش وتركيب السراميك والرخام والبلاستر والاصباغ والتشطيبات يمكن يفيدونك باذن الله والله يوفقك

ماقصرت اخوي وان شاء الله ادق عليه واشوف شعندهم..



في واحد من الشباب اعاد صيانه جزء من الطابق الثاني لبيته وهو عباره عن حماميين وغرفتين نوم وصالة وغلافة ملابس تقريبا 250 الف ريال ، الصيانه عباره عن جبس سقف وحائط ورخام وسرامييك وادوات صحية وباركية واضائه وكبتات ملابس واعادة صبغ الابواب الخشب وغرفة نوم فاخره وورق جدران

مشاءالله شكله حاط اشياء فخمه ،، بخصوص ورق الجدران شنو النوعيه الزينه ومن وين؟

وغرف النوم شنهي افضل المحلات في الدوحه واسعارها معقوله...



تسوي شي حلو وزين اتوقع يبغي لك حول 350 ألف من غير الأثاث

تسلم اخوي وماقصرت،،، بس شكلي بابتدي خطوه خطوه ،، يعني دوخت راس :rolleyes2:

[معماري قطري]

إخوي بيت له 3 سنين تبدل شبابيكه؟ ألا إذا مسويه تجاري وتبي تغير كل شيء فيه ممكن.

عندك قطر يو بي في سي في شارع سلوى كانوا يشترون الألمنيوم ويركبون بداله يو بي في سي وتدفع الفرقية، ما ادري عنهم الحين، وبالنسبة للحمامات إذا ما فيها شيء يعني بايبات أوكي وعازل ما يسرب وبتغير بس الأطقم بدون تغيير أماكنها وتحت إشراف حد مختص يعني يشيل القديم ويركب جديد بتكون العملية سهلة ، وحتى لو تبي تركب أرضيات وحوائط على الموجود ممكن وبسهولة، لكن لو بتسوي تغيير للأفضل وهذا المتوقع في على الأقل الحمام الرئيسي، ممكن تحتاج تغير الصرف الصحي وتغذية الماي وتحتاج شغل أكثر ويمكن تسوي قواطع ثانية.

ومن رايي كصيانة شاملة، والبيت شبه جديد انت سو دراسه ولو عن طريق مكتب استشاري مختص .. أذكر مره سوينا تصميم متكامل لتجديد صالة رياضة كبيرة عمرها حول 30 سنة، وأضفنا عليها حوض سباحة شبه اولمبي مغلق والتصميم بس خذ حول سنة والتنفيذ ما تم، وتم هدمها بالكامل، بس أثناء متابعتي مع المكتب المصمم كنا نشوف أُمور تتضح لنا مع الوقت، ومع تطور التصميم ودراسة المبنى، وبالنسبة لك مبنى بسيط يحتاج أكيد جهد أقل .. بس انت بيدك انك تقرر شتحتاج تسوي وخصوصاً شيء واضح، ولا شوف لك حد من مصممين الديكور .. انترير دزاينر ... وهذا بيشيل حوايط وبيحط حوايط وبيقلب لك البيت فوق تحت بس شوف حد متخصص مب هاوي لا شهادة ولا شيء.

[مرحوم قطر]

هلا الشيخ محد يقدر يعطيك مبلغ معياً لان خبرك كل شي و على حسب الي انت تبغيه و يختلف على حسب المساحات و غيره

يعني مثلا لو الحمام كرم الله السامع 2 * 3 في ناس بتجدده اب5000 و في ناس بتجدده اب 10000

على حسب الي انت تبغي تركبه

انا ممكن اعطيك اسعار شغل اليد للتركيب وهي اصلا مختلفه على حسب الي انت تبغيه

فملا تركيب السيراميك شغل يد 15 لين 35 على حسب الي انت تبغيه


و بخصوص انك تروح الصين انا عن نفسي ما انصحك دامك ماتعرف في هلمجال لان اهناك في نصب

فلازم تكون مفتح عشان تعرف لهم فا انا انصحك تروح السعوديه بتلاقي الي تبيه و باسعار حلوه

بس ما تروح الا اذا الكميات المطلوبه شي كبير وهذا الشي اعتقده انه موضوعك لانك تتكلم عن حمامات كثيره

و غرف و تبغي اثاث


بخصوص الابواب و الدرايش اخوي البيت عمره 3 سنين ما اعتقد له داعي تغيرهم اصبغ الابواب و انتها الموضوع

تعور راسك ليه و الابواب ترى غاليه مب رخيصه يعني انت تتكلم عن 16 باب اهني دخلت في 32000

مع العلم ان هذا سعر باب عادي يعني شي اي كلام و ما اعتقد ان الماجر كسر الابواب غير المكسر بس

اما انا لو منك ما اغيرهم اللهم اذا كان كلش اصبغهم على حسب الديكورات الي بسويها في الغرف



فنصيحتي كل الشيخ

1_ شيل من بالك فكرة انك تروح الصين اذا كلش كلش روح الرياض او الدمام حق تشتري الاثاث فقط

و الاسبب في الاثاث فقط حالياً شركتنا تشطب بيت تصدق الشغل واقف لان في سيراميك ناقص و نعلات ناقصه

و تكرم ديكورات الحمامات ناقصه مب غلطتنا ولا غلطة البايع هي غلطة المالك مسكين غير شوي في الديكورات

و اعتفس كل شي و مافي من الي طلبه في الدوره و الحين مطر يروح الدمام عشان اييب الناقص .

2_ الابواب و الشبابيك ما انصحك تغيرهم لاني اشوف من وجهة نظري ان ماله داعي لانهم يعتبرون للحين جداد

فمافي داعي تبدلهم اذا كلش كلش اصبغهم .

3_ الحمامات و المطابخ نصيحتي تبدلهم لانهم مب استعمالكم استعمال الماجر بدلهم احسن .

4_ لالالالالالالالالالالالالالالالا تاخذ عمال من اي مكان يعني من الجبره ولا الدوحه و يقصون عليك

و يصبغون لك الهوا و يجيك مصري و يقول يا باشا دنا حزبطك خذلك شركه بيني و بينها عقد تتكفلك ابكل شي .



و اذا بغيت شي راسلني على الخاص و شركتي ممكن توفرلك كل الي تطلبه .

[NO_LIMITs]

إخوي بيت له 3 سنين تبدل شبابيكه؟ ألا إذا مسويه تجاري وتبي تغير كل شيء فيه ممكن.

عندك قطر يو بي في سي في شارع سلوى كانوا يشترون الألمنيوم ويركبون بداله يو بي في سي وتدفع الفرقية، ما ادري عنهم الحين، وبالنسبة للحمامات إذا ما فيها شيء يعني بايبات أوكي وعازل ما يسرب وبتغير بس الأطقم بدون تغيير أماكنها وتحت إشراف حد مختص يعني يشيل القديم ويركب جديد بتكون العملية سهلة ، وحتى لو تبي تركب أرضيات وحوائط على الموجود ممكن وبسهولة، لكن لو بتسوي تغيير للأفضل وهذا المتوقع في على الأقل الحمام الرئيسي، ممكن تحتاج تغير الصرف الصحي وتغذية الماي وتحتاج شغل أكثر ويمكن تسوي قواطع ثانية.

ومن رايي كصيانة شاملة، والبيت شبه جديد انت سو دراسه ولو عن طريق مكتب استشاري مختص .. أذكر مره سوينا تصميم متكامل لتجديد صالة رياضة كبيرة عمرها حول 30 سنة، وأضفنا عليها حوض سباحة شبه اولمبي مغلق والتصميم بس خذ حول سنة والتنفيذ ما تم، وتم هدمها بالكامل، بس أثناء متابعتي مع المكتب المصمم كنا نشوف أُمور تتضح لنا مع الوقت، ومع تطور التصميم ودراسة المبنى، وبالنسبة لك مبنى بسيط يحتاج أكيد جهد أقل .. بس انت بيدك انك تقرر شتحتاج تسوي وخصوصاً شيء واضح، ولا شوف لك حد من مصممين الديكور .. انترير دزاينر ... وهذا بيشيل حوايط وبيحط حوايط وبيقلب لك البيت فوق تحت بس شوف حد متخصص مب هاوي لا شهادة ولا شيء.


هلا فيك اخوي واشكرك على الكلام الطيب والمفيد،،

انا هالبيت شاريه جاهز وتشطيبه تجاري عشان جذي ابي اغير الاشياء المذكوره وان شاءالله اشوف حد متخصص مثل ماقلت..

[NO_LIMITs]

هلا الشيخ محد يقدر يعطيك مبلغ معياً لان خبرك كل شي و على حسب الي انت تبغيه و يختلف على حسب المساحات و غيره

يعني مثلا لو الحمام كرم الله السامع 2 * 3 في ناس بتجدده اب5000 و في ناس بتجدده اب 10000

على حسب الي انت تبغي تركبه

انا ممكن اعطيك اسعار شغل اليد للتركيب وهي اصلا مختلفه على حسب الي انت تبغيه

فملا تركيب السيراميك شغل يد 15 لين 35 على حسب الي انت تبغيه


و بخصوص انك تروح الصين انا عن نفسي ما انصحك دامك ماتعرف في هلمجال لان اهناك في نصب

فلازم تكون مفتح عشان تعرف لهم فا انا انصحك تروح السعوديه بتلاقي الي تبيه و باسعار حلوه

بس ما تروح الا اذا الكميات المطلوبه شي كبير وهذا الشي اعتقده انه موضوعك لانك تتكلم عن حمامات كثيره

و غرف و تبغي اثاث


بخصوص الابواب و الدرايش اخوي البيت عمره 3 سنين ما اعتقد له داعي تغيرهم اصبغ الابواب و انتها الموضوع

تعور راسك ليه و الابواب ترى غاليه مب رخيصه يعني انت تتكلم عن 16 باب اهني دخلت في 32000

مع العلم ان هذا سعر باب عادي يعني شي اي كلام و ما اعتقد ان الماجر كسر الابواب غير المكسر بس

اما انا لو منك ما اغيرهم اللهم اذا كان كلش اصبغهم على حسب الديكورات الي بسويها في الغرف



فنصيحتي كل الشيخ

1_ شيل من بالك فكرة انك تروح الصين اذا كلش كلش روح الرياض او الدمام حق تشتري الاثاث فقط

و الاسبب في الاثاث فقط حالياً شركتنا تشطب بيت تصدق الشغل واقف لان في سيراميك ناقص و نعلات ناقصه

و تكرم ديكورات الحمامات ناقصه مب غلطتنا ولا غلطة البايع هي غلطة المالك مسكين غير شوي في الديكورات

و اعتفس كل شي و مافي من الي طلبه في الدوره و الحين مطر يروح الدمام عشان اييب الناقص .

2_ الابواب و الشبابيك ما انصحك تغيرهم لاني اشوف من وجهة نظري ان ماله داعي لانهم يعتبرون للحين جداد

فمافي داعي تبدلهم اذا كلش كلش اصبغهم .

3_ الحمامات و المطابخ نصيحتي تبدلهم لانهم مب استعمالكم استعمال الماجر بدلهم احسن .

4_ لالالالالالالالالالالالالالالالا تاخذ عمال من اي مكان يعني من الجبره ولا الدوحه و يقصون عليك

و يصبغون لك الهوا و يجيك مصري و يقول يا باشا دنا حزبطك خذلك شركه بيني و بينها عقد تتكفلك ابكل شي .



و اذا بغيت شي راسلني على الخاص و شركتي ممكن توفرلك كل الي تطلبه .


اخوي مرحوم قطر شاكرلك مرورك الطيب وكلامك الاطيب،،

مثل ماقلت ان البيت شريته جاهز والتشطيب تجاري،، الابواب شكلها ونوعها الله بالخير يعني لازم اغيرها والشبابيك يمكن ماغيرهم بس اركب عليهم درابزين من برع ،،

اما بخصوص الحمامات بغيرهم اكيد بس ودي تنصحوني بافضل المحلات من حيث الجوده،، يعني ابي اروح مكان واحد واخلص معاهم،،،

ونفس الشي للمطابخ ،، وين افضل محلات بعد من حيث الجوده..

واذا تعرف شركه زينه اتعامل معاهم في سوالف التركيب الله يجزاك خير...

اشكرك مره ثانيه

[معماري قطري]

هلا فيك اخوي واشكرك على الكلام الطيب والمفيد،،

انا هالبيت شاريه جاهز وتشطيبه تجاري عشان جذي ابي اغير الاشياء المذكوره وان شاءالله اشوف حد متخصص مثل ماقلت..



إذا هذا الوضع وانت الحين مب محتاج البيت بسرعة وتبي ترتبه ترتيب علشان تسكنه، فشكل ما ذكرت لك مهم تشوف الصورة الشاملة وتعرف شيحتاج تغيير .. أوقات حتى عازل الرطوبة للسقف ولتكرم الحمام يتطلب فحص وتبديل إذا مسوى غش، وحلو إنك تركز على أُمور التشطيب النظيف والتغييرات الداخلية اللي تناسب معيشتك فيه.

وبالتوفيق لك مقدماً.

[مرحوم قطر]

اخوي مرحوم قطر شاكرلك مرورك الطيب وكلامك الاطيب،،

مثل ماقلت ان البيت شريته جاهز والتشطيب تجاري،، الابواب شكلها ونوعها الله بالخير يعني لازم اغيرها والشبابيك يمكن ماغيرهم بس اركب عليهم درابزين من برع ،،

اما بخصوص الحمامات بغيرهم اكيد بس ودي تنصحوني بافضل المحلات من حيث الجوده،، يعني ابي اروح مكان واحد واخلص معاهم،،،

ونفس الشي للمطابخ ،، وين افضل محلات بعد من حيث الجوده..

واذا تعرف شركه زينه اتعامل معاهم في سوالف التركيب الله يجزاك خير...

اشكرك مره ثانيه



هلا اخوي اما بخصوص البلاط و السيراميك فا احسن الاماكن نابينا بس سعره غالي وايد

اذا لك خاطر الله لا يهينك روح الحسا و اشتر كل الي تبيه و بيكلفك اقل من نص السعر الي بتصرفه في الدوحه

و اهناك ممكن تشتري المطابخ و تشوف اشياء كثيره يعني تشكيلات مش موجوده في قطر

و من واقع تجربه بكلمك عن طريق سلوى من سنتين تقريباً و نفس البضاعه هي هي ماتغيرة

و كل الي تغير ان الاسعار زادة بس مافي شي جديد يعني الاشياء الموجوده في السوق القطري

محدوده و مافيها تجديد فا انا عن نفسي مثلا فضيت نفسي يوم رحت الحسا و تقظيت كل شي

و عطيت صاحب المحل العنوان و جابولي الاغراض لين داخل البيت


يوم كنت بشتري من قطر وصلت التكلفه بالنسبه للسيراميك و اطقم الحمامات كرمكم الله

حدود 25 الف و لما رحت الحسا شريت سيراميك احلى من الي اخترتهم في قطر و جدودتهم اعلى بكثير

و كلفتني 10000 ريال و 1000 اجار الكرين لين البيت و وصلة البضاعه خلال يومين


و اذا تبي محلات في الحسا ممكن ادليك على واحد و بيسويلك كل الي تبيه


بخصوص الدرابزين و الابواب الحديديه او الالمنيوم المشغول و غيره


ما انصحك تاخذ من برع اول شي لان انا رحت و قارنت بالاسعار ترى سعر السعوديه في

الدرابزين اكثر من سعر قطر و نصيحتي لك و حق الاخوان في محل في العزيزيه

الشارع التجاري القديم ( المظلم ) اخر محل في الشارع ونت رايح شمال ما اعرف اسمه

بس بتلاقي حاط برع المحل ابواب و درابزين و حديد مشغول اسعاره انا اشوف انها وايد حلوه

يعني حديد مشغول و من الداخل المنيوم و تصميم جداً حلو مع التركيب مترين في مترين و عشرين صانتي صفقتين

كلفني 1800 و ابصراحه اشوف ان السعر حلو وايد و درابزين الدرايش كلفتني 350 للمتر


و قالولي يجهز خلال اسبوعين اما في السعوديه قالولي 3200 لنفس الباب و يجهز خلال شهر


بخصوص المطابخ انا مطبخ بيتي سويته عند محل ايراني في الحراج و اشوف وايد زين كلفني 4000


اخوي فصل مطبخ صغير في نابينا كبت مترين و كبت محلق متر ونص كلفه 6000 مع الفرن و الشفاط 10500


في طريق سلوى محلات اعتقد حسن فكري الدور الثاني في مطابخ وايد حلوه و رخيصه بس ماعرف الجوده


في السعوديه مطابخ جوده عاليه تصميم رائج و سعر رخيص يعني مطبخ اخوي لو انه ماخذه من الحسا

يمكن ما يكلفه 2000 ريال مع الفرن يمكن 4000 (( مب اكيد الا تقدير من واقع تجربه ))


و حط في بالك اخوي كل ما بعدت عن قطر كل ما رخص السعر

يعني الدمام ارخص من الحسا (( في الاثاث ))

الرياض ارخص منهم في كل شي



فا اسمحلي اخوي انت تبي تشتري كل شي من قطر و من محل واحد

بس انا اي واحد يسالني اقوله روح السعوديه و اشتر كل الي تبيه

انا رحت يوم واحد و شريت كل شي حتى الادوات الكهربائيه صحيح فرق بينها و بين قطر شي بسيط

بس مع الكميه الي شريتها وفرت وايد يعني مثلاً المكيفات وفرت في كل مكيف 100 ريال

في 10 صارة 1000 ريال التفزيونات تخيل انت معاي تلفزيون باناسونيك 3d سعره 1900 ريال

ماليزي و عليه ضمان الخليج لمدة سنتين و تدفع 100 ريال زياده يعطونك ضمان لين باب البيت

الادوات الصحيه التشكيله الي بغيتها طلعت علي (( شور دبليو سي مغسله خلاطات و ديكورات ))

طلعة علي في قطر حدود 8000 في السعوديه خذت احسن منها على 5000



بخصوص التركيب انا عندي شركة مقاولات و ممكن اذا لك خاطر اركبلك و اسويلك سعر وايد حلو

و عمالي ولله الحمد و المنه جداً ممتازين بنقال و عنود و نيباليين و كلهم استاديه و شغلهم نظيف

و اذا ودك ممكن اوريك صور حق شغلنا

[NO_LIMITs]

اخوي مرحوم قطر،، اشكرك جزيل الشكر على تفاعلك وعلى كل ماذكرت ،،

الصراحه كلامك جميل ومفيد ،، ان شاءالله بحاول اروح الحسا بس بعد مالف وادوخ في قطر اول واشوف الاسعار والاشكال الموجوده ،،

شرايك لو احصل خصم من نابينا 35٪ بتكون الاسعار حلوه؟؟

اعرف واحد يشطب بيته وماخذ الله يعزك الحمامات وسرميك واشياء ثانيه من نابينا وممكن يعطيني نفس الخصم،، يقول ان نابينا عنده اشياء حلوه جودتها عاليه...

اما بخصوص الحسا شلون المحلات هناك ثقه ؟؟؟ يعني فرضاً رحت واخترت،، لازم يكون الدفع كاش عندهم ؟؟ وهل يرسلون لي عمال يركبون المطبخ لو بشتريه من عندهم؟؟

وشنو افضل المحلات في الحسا؟؟

ياليت ترسلي صور من شغلكم وان شاءالله يكون لي تعاون معاك ،،، ولك جزيل الشكر والاحترام...

[ذكي جدااا]

بالتوفييق اخوووي نو ليمت .....عندي سؤال بالنسبة للاخوان اللي يجيبون الاغراض من الحسا ...كيف تكون طرية الشحن ووين اروح ...هل في شركة متخصصه لشحن الاغرااض وتوصيلها للدوحه ياليت تفيدونا....

[مرحوم قطر]

اخوي مرحوم قطر،، اشكرك جزيل الشكر على تفاعلك وعلى كل ماذكرت ،،

الصراحه كلامك جميل ومفيد ،، ان شاءالله بحاول اروح الحسا بس بعد مالف وادوخ في قطر اول واشوف الاسعار والاشكال الموجوده ،،

شرايك لو احصل خصم من نابينا 35٪ بتكون الاسعار حلوه؟؟

اعرف واحد يشطب بيته وماخذ الله يعزك الحمامات وسرميك واشياء ثانيه من نابينا وممكن يعطيني نفس الخصم،، يقول ان نابينا عنده اشياء حلوه جودتها عاليه...

اما بخصوص الحسا شلون المحلات هناك ثقه ؟؟؟ يعني فرضاً رحت واخترت،، لازم يكون الدفع كاش عندهم ؟؟ وهل يرسلون لي عمال يركبون المطبخ لو بشتريه من عندهم؟؟

وشنو افضل المحلات في الحسا؟؟

ياليت ترسلي صور من شغلكم وان شاءالله يكون لي تعاون معاك ،،، ولك جزيل الشكر والاحترام...


هلا اخوي بخصوص الخصم ما اعرف صراحه بس جرب و شوف

و بخصوص الثقه اي نعم ثقه و امورك طيبه

احسن مكان سوق مفتوح اسمه اسواق المالكي


تدخل الحسا لفة السجن شارع المملكه اخر شارع الزينه يسار اول لفه يمين

سيده و تفتر على الباندا و بتلاقي دوار صيدلية الدواء تاخذ الدوار يمين التكويعه و ترجع

اول دخله على اليمين في واحد ينقاله مخلص سوداني حلاو و شاطر ممكن ينسق لك الي تبيه

بتشوف اشكال و الوان يعني يبيلك على الاقل من 3 لين 4 ساعات و انت تختار و يستحسن تودي الاهل معاك


و بخصوص الدفع اي نعم يكون كاش بس في ثقه و الفاتوره عندك و يوصلك خلال يومين بالكرين لين باب البيت و انا مجرب و غيري مجرب


وبخصوص تركيب المطابخ لا هم ما يركبون بس يوصلون لك عشان كذا انا اقولك لا تغامر

و ركب مطبخ من قطر حتى لو السعر اغلى لان الي بيسويلك اياه هو الي بيركبه


وبخصوص الصور ابشر بسعدك و برسلها لك على رساله خاصه بالروابط ان شاء الله


و الله يوفقك و اذا صملت تروح الحسا عطني خبر و بعطيك رقم مخلص و مابيقصر