استفسار بخصوص محبس الماي :(

[ام رويشد]

السلااااااااااااااااام عليكم

بستفسر منكم الحين المحبس مال الماي وين يكون مكانه بالضبط اذا البيبات مخفية
لان الفيتري حطهم لنا فوق:(

يعني بيكون شكلهم يبين ؟؟؟؟؟:(

هو مب المفروض يكون مكانهم تحت خلف المرحاض الله يعزكم؟؟؟؟؟

[A.L.I]

صح المفروض خلف المرحاض

سؤال دفنو ارضيه الحمام

[ام رويشد]

لا لحد الحين

[السد]

السلااااااااااااااااام عليكم

بستفسر منكم الحين المحبس مال الماي وين يكون مكانه بالضبط اذا البيبات مخفية
لان الفيتري حطهم لنا فوق:(

يعني بيكون شكلهم يبين ؟؟؟؟؟:(

هو مب المفروض يكون مكانهم تحت خلف المرحاض الله يعزكم؟؟؟؟؟

المحابس مكانهم عدل اختي الكريمة

[ولد المنصور]

اللي اعرفه فوق

[ام رويشد]

يعني فوق خلاص

مع اني تمنيت يكونون ورا المرحاض عشان مايبينون

تسلموووون جميعا

[معماري قطري]

إذا قصدج محابس الماي الرئيسية فهذي تكون أول نقطة دخول البايبات للحمام، ودوم تكون تبين والله يعينج المقاول يجيب شيء زين، وإذا الخاصة بالدبليو سي والبديه ذي تكون مخفية ورا كل قطعة

[خالد32]

في فالسوق انواع صغيره و حلوه

[Chambray]

دخلت الموضوع هذا وتحسفت اني دخلته

لان الفيتري خلص شغله داخل الحمامات وانا بلطت الحمامات
وتوني انتبه ان ماحط لي محابس للمياه في الحمام ولا حق الدبليو سي

وماقدر اقوله عدل لاني ركبت البلاط

الحل الوحيد في وجهة نظري الحاليه هو عمل محبس لكل حمام فوق السطح

صحيح الموضوع مزعج وملخبط
لكن حل من الحلول ..

الا اذا عندكم حلول اخرى . غير التكسير

[ولد المنصور]

هههه الله يعينك اخوي

[معماري قطري]

دخلت الموضوع هذا وتحسفت اني دخلته

لان الفيتري خلص شغله داخل الحمامات وانا بلطت الحمامات
وتوني انتبه ان ماحط لي محابس للمياه في الحمام ولا حق الدبليو سي

وماقدر اقوله عدل لاني ركبت البلاط

الحل الوحيد في وجهة نظري الحاليه هو عمل محبس لكل حمام فوق السطح

صحيح الموضوع مزعج وملخبط
لكن حل من الحلول ..

الا اذا عندكم حلول اخرى . غير التكسير


سوء العمالة والله تخبطهم

يعني لو لكل مهنة ترخيص وتخصص وعلم كان كنا بخير، ولا هذا من أبسط القواعد وأساسيات الشغلة ذي ... ما ادري متى بنتطور .. كنت أقرا كتاب عن نشأة علم التصميم الداخلي، وتطور هذا العلم في أمريكا وفي الكتاب نقاش إن قبل ليكون هناك وجود لهذا التخصص وتحديد إختصاصاته بدقة، كانوا ينفذونه المعمارين أو فنيين الديكور، وعندنا تحصل سائق شاحنة لبناني ولا سوري فجأة إستوى مصمم داخلي وبدون شهادة، وهناك لكل مهنة شهادة وإختبارات خاصة وتجديد ترخيص حتى الواحد يكون مؤهل للعمل حسب الأُصول ويتحاسب على كل صغيرة وكبيرة ولو بعد سنين.

وين معهد التدريب المهني ؟ ما اسمع له حس ولا حتى هذي المهن لازم يشرف أقل شيء على ترخيصهم حتى لو بدورة تعريفية ... عجبتني إدارة حكومية يرسلون عمال البوفيه عندهم دورة إتكيت وطبخ في الشيراتون، ويجون العمال نظيفين لابسين لباس خاص، ممكن ربعنا في هذي الإدارة هامهم بطنهم وايد :app2: بس يبين أُسلوبهم في العمل منظم.

معليش دوم أتفاعل وأطول شوي .. بس مره رحت أشوف تمديدات صرف صحي لبيت صديق وشفت بايبات ماي المكيفات مركبة وعليها إسمنت أبيض في تكرمون فتحة الصرف في الحمام ومبين إن الإسمنت يخبي شيء تحته فحركت البايب لين تكسر الاسمنت وشفت نقطة إلتقاء بايب ماي المكيف مع فتحة الصرف، فإذا بها معمولة بقطع بآلة ليست المخصصة لهذا الغرض وحول البايب توجد فجوات كثيرة وتم تغطيتها بالإسمنت وستسرب الماء حتماً في المستقبل وستتشرب أرضية الحمام هذا الماء وسيفيض بفعل العازل إلى السطح أو ستكون له رائحة ورطوبة ومشاكل كثيرة، وعولج هذا الخطأ المقصود لكن حصل تسريب بعد السكن، فليس كل من يدعي أنه فاهم لشغلة ما فاهم فعلاً، والغالبية " يتعلمون التحسين في روس القرعان".

ودمتم سالمين

[Chambray]

مداخلتك حلوه يا معماري
لكن انا ماستفدت منها

ايش الحل في وجهة نظرك لمشكلتي؟

[معماري قطري]

دخلت الموضوع هذا وتحسفت اني دخلته

لان الفيتري خلص شغله داخل الحمامات وانا بلطت الحمامات
وتوني انتبه ان ماحط لي محابس للمياه في الحمام ولا حق الدبليو سي

وماقدر اقوله عدل لاني ركبت البلاط

الحل الوحيد في وجهة نظري الحاليه هو عمل محبس لكل حمام فوق السطح

صحيح الموضوع مزعج وملخبط
لكن حل من الحلول ..

الا اذا عندكم حلول اخرى . غير التكسير

لو البايبات الخارجية مكشوفة ولا داخل دكت من الطابوق وممكن الوصول لها بسهولة الحل سهل.

والحل يتلخص في عمل فتحة بالدريل بدون تكسير من داخل .. تكرم .. الحمام وبعدين قطع البايب الخارجي وتركيب بايب المحبس في الوصلة الداخلة على الحمام، وهالطريقة تكفي عن عمل محبس خاص لكل قطعه، فلو صار تسريب بسرعة تقطع الماي لين يتم التعديل بس بيكون مقطوع عن الحمام ككل وأهون من الركوب للسطح والفصل والماي يكون أوقات يتسرب بقوة وانت رايح .

[معماري قطري]

مداخلتك حلوه يا معماري
لكن انا ماستفدت منها

ايش الحل في وجهة نظرك لمشكلتي؟

سامحني شطيت شوي عن سؤالك وقلت لك الحل، وأضيف لو كان البايب الخارجي مخفي في الحايط ... بعد يسوون فتحه جنبه قدر الإمكان وبعدين يكسرون من برا لين يطلع البايب ويشبكون معاه المحبس، ومن داخل الفتحة تتغطى ولا تبين، وإذا العمال عرب إنسى بيحطون لك ألف مشكلة ومشكلة وبيعقدون الأُمور.

انا مستعد للمرور في وقت يناسب لمعاينة مشروعك وإبداء الرأي .

[Chambray]

سامحني شطيت شوي عن سؤالك وقلت لك الحل، وأضيف لو كان البايب الخارجي مخفي في الحايط ... بعد يسوون فتحه جنبه قدر الإمكان وبعدين يكسرون من برا لين يطلع البايب ويشبكون معاه المحبس، ومن داخل الفتحة تتغطى ولا تبين، وإذا العمال عرب إنسى بيحطون لك ألف مشكلة ومشكلة وبيعقدون الأُمور.

انا مستعد للمرور في وقت يناسب لمعاينة مشروعك وإبداء الرأي .

بيض الله وجهك وماقصرت ..
ان شاء الله اذا رجعت قطر اكلمك ان شاء الله
لاني حالياً خارج قطر ..

[معماري قطري]

بيض الله وجهك وماقصرت ..
ان شاء الله اذا رجعت قطر اكلمك ان شاء الله
لاني حالياً خارج قطر ..

بالتوفيق لك ولكل من يبني ويتعب مع العماله ومع العقليات الموجودة في البلاد

[محمد الجفيري]

بالتوفيق

up up up up

[ASK2]

يكون ثلاث محابس للماي للحمام

واحد ينحط على البيب اللي عند التانكي اللي نازل حق الحمام وثاني ينحط داخل الحمام في بداية البيب اللي داخل الحمام وثالث ينحط حق تانكي الدبليو سي المرحاض ..

ذي الشغل الصحيح عشان اذا صارت مشكله او اخترب شي مب يكون اهناك محبس واحد ويقطع الماي عن مثلاً اكثر من حمام او عن المغسله او عن الشاور ..

مثلاً ااخترب السيفون تسكر محبس المرحاض وتقدر تستعمل الحمام من مغسله وشاور و...الخ

اخترب الشفاط تسكر المحبس اللي داخل الحمام ماتروح فوق وتسكر البيب

تبي تشتغل في ذي الحمام تسكر المحبس اللي على البيب اللي نازل حق ذي الحمام وتستخدم الحمامات الثانيه عادي ..

لان في مقاولين وااايد يركبون محبس واحد حق اكثر من حمام واذا اخترب حمام واحد تسكر المحبس وينقطع الماي عن الحمامات الثانيه

عشان كذي كل بيب ينزل حق حمام يفضل يكون عليه محبس وداخل الحمام محبس وعلى تانكي الدبليو سي اللي هو المرحاض محبس

بالتوفيق ..

واسمحولي على الاطاله

[خالد32]

دخلت الموضوع هذا وتحسفت اني دخلته

لان الفيتري خلص شغله داخل الحمامات وانا بلطت الحمامات
وتوني انتبه ان ماحط لي محابس للمياه في الحمام ولا حق الدبليو سي

وماقدر اقوله عدل لاني ركبت البلاط

الحل الوحيد في وجهة نظري الحاليه هو عمل محبس لكل حمام فوق السطح

صحيح الموضوع مزعج وملخبط
لكن حل من الحلول ..

الا اذا عندكم حلول اخرى . غير التكسير

حط في كل مخرج ولف صغير
بس الشاور صعبه تحط له
الله يعينك

[معماري قطري]

حط في كل مخرج ولف صغير
بس الشاور صعبه تحط له
الله يعينك


الله يسلمك ليش نعقد الأُمور

مهم محبس للماء رئيسي في مدخل بايب الماي لكل حمام واحد للحار وواحد للبارد، وأي تسريب أو خراب يحتاج تصليح يتسكر المحبس اللي عليه العطل ويتصلح ويُفتح، وفوق السطح بعد مهم علشان قطع الماء وتصليح أي مشكلة تسريب، بدون قطع الماء عن كل الحمامات، وأوقات تضطر تقطع الماء من بداية الوصلة اللي قرب الخزان اللي فوق، فينقطع الماء عن عدد كبير من الحمامات أو جهة كاملة.

وأي محبس يتركب يطلع إضافي وما له ضرورة قصوى، وفيه محابس صغيرة وسهلة التركيب ونص لفة هذي للقطع كلٍ على حدة، لكن لبيوتنا وبعدد حمامات كبير تسكر المحبس الداخلي وتنتظر لين ما يتصلح الحمام وترجع تستعمله بالكامل.