المساعد الشخصي الرقمي

مشاهدة النسخة كاملة : كريم مارفل اسباني نخب اول . كم سعره بالدوحة 60×60 ؟


Chambray
10-05-2012, 12:53 AM
السلام عليكم
حصلت عرض حلو من اسبانيا لشراء رخام مع التوصيل للدوحة ..

بس حبيت اعرف كم اسعارهم بالدوحة ونصايحكم ؟؟
هل اخذ 60 في 60 ولا اخذ 90 في 90 ؟ ولا 30 في 90 ؟؟؟؟؟؟؟؟؟؟

لكم خالص الشكر والتقدير ..

وماخاب من استشار
شموخ دائم
10-05-2012, 02:06 AM
,

,


مرحبا


اخوي الكريم

ابيك اول شي تنسى حاجه اسمها نخب اول
حتى في مصانع اسبانيا ماعاد ينباع لارتفاع تكلفته يوصل سعره بحدود 800 ريال
ومحد يجيبه لان الزبون ما راح يشتري بهذا السعر في قطر ولا في الخليج

الكريم مارفيل

الموجود في قطر يسمونه ( commercil ) وهو النوع العادي الي تجي فيه عروق مقبوله
بحدود 300 ريال قاصر زايد حسب نظافته
وبيقولك نخب اول

وعندهم نوع يسمونه ( classec ) وهو الصندوق يجي مخلوط شي غامق وشي فاتح شوي
وهذا سعره ارخص الموجود وينباع ايضا بحدود 280 وبيقولك انه
نخب اول
:)
وبيقولك تشتريه وانا مو مسئول عن الصناديق شنو فيها ما فتحته


وعندهم نوع اسمه ( selection ) وهو عباره ان المصنع في اسبانيا
يحاول ينتقي لك الرخام القطع القليله العروق
يعني انتقاء بقدر المستطاع
وبيقولك نخب اول


طبعا المصانع الي في ايطاليا والي في اسبانيا والي في تركيا

بيعطيك ( سامبل ) قطعه رخام رووووعه نظيفه ولونها مميز جدا جدا
( يصقلونها بطريقه خاصه ويحطون عليها مواد ملمعه ) للعرض فقط او للزبون يشوفها
وبنفسي شفتهم يحطون هذي المواد هنا في معرض قطر بروجكت
قبل الافتتاح
:)
شغالين تلميع للعرض

وبعد ما تشتري وتشحن لك البضاعه بالصناديق
راح تتفاجا بالي تشوفه كل الصناديق فيها مخلوط شي عروق وشي فاتح وشي غامق
المصانع هناك تعمل هذا ( التسويق )
هم ماهرين بالتسويق ويوم تكلمهم ان البضاعه مختلفه شوي

( بيقولك هذا رخام طبيعي من الجبال من خلق الله وطبيعي بيكون مختلف ومتنوع )

ماقدر اعطيك احسن من كذا

هذا الي قاعد يصير بالسوق
ونفس الكلام هذا يقولونه ( تجار قطر ) لان هم طايحين بنفس المشكله

وعلى الزبون ان يتقبل الاختلاف في الدرجات والعروق
ويبقى التركيب ( الفني الماهر ) يقدر يركبه ويطلعه ممتاز
اذا فتح كل الصناديق وصار ينتقي للصاله درجه معينه وتشابه عروق القطع
وللممر درجه معينه وتشابه القطع
ويطلع ممتاز جدا
اذا ما عمل هذي الحركه راح يكون الرخام ملخبط للاسف بالبيت
ويفقد الكثير من جماله


السعر بتوفر بحدود 20 % وهي نسبه الربح
وراح تتحمل تكاليف تخليصه من الميناء عن طريق مخلص
وتدفع جمرك على البضاعه
ونقلها الى موقعك بتحتاج تريلا ورافعه وعمال ومكان للتخزين

:)

المقاسات هذا موضوع ( ذوق ) ناس تحب 60
وناس تحبه اصغر وناس يحبونه ( كبار ) سلابات كات تو سايز

نصيحه
لو حصلتوا كريم مارفيل سعره اقل من 280 ريال
هذا يعني انه ( classec ) وممكن يكون تركي او من دوله مختلفه وله نفس درجه اللون

اكبر مفاجئه مرت علي ان شركه اسبانيه ( تشتري رخام تركي ) وتصدره الى الخليج
على اعتبار انه رخام اسباني

عالم الرخام هذا عالم عجيب غريب
المهم في الموضوع ان نشتري من مكان نثق فيه او نثق في صاحبه
او يكون صادق بكلامه ويقولك هذا احد الانواع الي ذكرتهم لكم


موفق يارب


,

,


اخوك


شموخ دائم
Chambray
10-05-2012, 03:50 AM
بل حيرتني زيادة والله

اشكرك على هالمعلومات القيمة
راعي 2006
10-05-2012, 09:07 AM
موضوع مهم بصراحه ويبيله شرح اكثر واتمنى الجماعه يفيدونا اكثر ووين الاماكن الي ينصحونا حتى لو كانت فالرياض

واسف ع المداخله
Chambray
10-05-2012, 11:48 AM
موضوع مهم بصراحه ويبيله شرح اكثر واتمنى الجماعه يفيدونا اكثر ووين الاماكن الي ينصحونا حتى لو كانت فالرياض

واسف ع المداخله

المشكلة يالغالي ان السعوديه مانعه تصدير الرخام ...
ولد المنصور
10-05-2012, 02:45 PM
انا احب المقاسات الكبيره ...
هامور خرطي
11-05-2012, 01:55 AM
اللي يقهر ان بعض محلات الرخام عندنا ماعندها حتى مخازن لللرخام وانا شفت اكثر من محل ووقت الصج يقول انا موزع فقط !!!!
كنت ارغب بروية شرايح السلابات وتفاجات باكثر من محل يقول يواعدني ويوصف لي نفس المخزن !!
المهم يوم شفت السلابات وشفت المعجون وهو يغطي الحفر والشقوق ، غيرت رأيي

القهر ان البايع يردد ها الجملة اللي شبعنا منها
رخام طبيعي لازم عروق ولازم مادري ايش ولازم بالمصنع يغطون الحفر بالمعجون و و و و
معماري قطري
12-05-2012, 12:33 AM
,

,


مرحبا


اخوي الكريم

ابيك اول شي تنسى حاجه اسمها نخب اول
حتى في مصانع اسبانيا ماعاد ينباع لارتفاع تكلفته يوصل سعره بحدود 800 ريال
ومحد يجيبه لان الزبون ما راح يشتري بهذا السعر في قطر ولا في الخليج

الكريم مارفيل

الموجود في قطر يسمونه ( commercil ) وهو النوع العادي الي تجي فيه عروق مقبوله
بحدود 300 ريال قاصر زايد حسب نظافته
وبيقولك نخب اول

وعندهم نوع يسمونه ( classec ) وهو الصندوق يجي مخلوط شي غامق وشي فاتح شوي
وهذا سعره ارخص الموجود وينباع ايضا بحدود 280 وبيقولك انه
نخب اول
:)
وبيقولك تشتريه وانا مو مسئول عن الصناديق شنو فيها ما فتحته


وعندهم نوع اسمه ( selection ) وهو عباره ان المصنع في اسبانيا
يحاول ينتقي لك الرخام القطع القليله العروق
يعني انتقاء بقدر المستطاع
وبيقولك نخب اول


طبعا المصانع الي في ايطاليا والي في اسبانيا والي في تركيا

بيعطيك ( سامبل ) قطعه رخام رووووعه نظيفه ولونها مميز جدا جدا
( يصقلونها بطريقه خاصه ويحطون عليها مواد ملمعه ) للعرض فقط او للزبون يشوفها
وبنفسي شفتهم يحطون هذي المواد هنا في معرض قطر بروجكت
قبل الافتتاح
:)
شغالين تلميع للعرض

وبعد ما تشتري وتشحن لك البضاعه بالصناديق
راح تتفاجا بالي تشوفه كل الصناديق فيها مخلوط شي عروق وشي فاتح وشي غامق
المصانع هناك تعمل هذا ( التسويق )
هم ماهرين بالتسويق ويوم تكلمهم ان البضاعه مختلفه شوي

( بيقولك هذا رخام طبيعي من الجبال من خلق الله وطبيعي بيكون مختلف ومتنوع )

ماقدر اعطيك احسن من كذا

هذا الي قاعد يصير بالسوق
ونفس الكلام هذا يقولونه ( تجار قطر ) لان هم طايحين بنفس المشكله

وعلى الزبون ان يتقبل الاختلاف في الدرجات والعروق
ويبقى التركيب ( الفني الماهر ) يقدر يركبه ويطلعه ممتاز
اذا فتح كل الصناديق وصار ينتقي للصاله درجه معينه وتشابه عروق القطع
وللممر درجه معينه وتشابه القطع
ويطلع ممتاز جدا
اذا ما عمل هذي الحركه راح يكون الرخام ملخبط للاسف بالبيت
ويفقد الكثير من جماله


السعر بتوفر بحدود 20 % وهي نسبه الربح
وراح تتحمل تكاليف تخليصه من الميناء عن طريق مخلص
وتدفع جمرك على البضاعه
ونقلها الى موقعك بتحتاج تريلا ورافعه وعمال ومكان للتخزين

:)

المقاسات هذا موضوع ( ذوق ) ناس تحب 60
وناس تحبه اصغر وناس يحبونه ( كبار ) سلابات كات تو سايز

نصيحه
لو حصلتوا كريم مارفيل سعره اقل من 280 ريال
هذا يعني انه ( classec ) وممكن يكون تركي او من دوله مختلفه وله نفس درجه اللون

اكبر مفاجئه مرت علي ان شركه اسبانيه ( تشتري رخام تركي ) وتصدره الى الخليج
على اعتبار انه رخام اسباني

عالم الرخام هذا عالم عجيب غريب
المهم في الموضوع ان نشتري من مكان نثق فيه او نثق في صاحبه
او يكون صادق بكلامه ويقولك هذا احد الانواع الي ذكرتهم لكم


موفق يارب


,

,


اخوك


شموخ دائم


ما شاء الله هذا تقرير متكامل وتُشكر على هالمعلومات

نصيحة لكل واحد يبغي شيء عملي وزين ويدوم البورسلان ولا غير البورسلان، يجي مصقول ومنتج بجودة عالية، ويتحمل الأحماض والتشميخ، ويتنظف بسهولة وسهل التركيب... وما ذكره شموخ دائم يجعلني أنسى الرخام نهائياً.
خالد32
14-05-2012, 07:57 PM
نخب اول عروقه قليله جداً ٦٠ * ٦٠
من ٣٥٠ الى ٣٧٠ ريال
خزامئ
14-05-2012, 08:07 PM
موضوع ممتاز الله ينفع من نفع لخونه المحتاجين
سوا من معلومات او اي شيً
وبيحصلها في ميزان حسناته
اخونا شموخ موسوعه من المعلومات المفيده
الله يجزاه عنا خير
خزامئ
14-05-2012, 08:11 PM
اخونا معمار قطري
فيه مكان تنصح فيه للبورسلان
انا سمعت انه يبقع
وهل يصلح نحطه للمجالس والصالات والممرات
قصدي يستحمل الكد او
بس المكان المحشوم
معماري قطري
15-05-2012, 12:18 AM
اخونا معمار قطري
فيه مكان تنصح فيه للبورسلان
انا سمعت انه يبقع
وهل يصلح نحطه للمجالس والصالات والممرات
قصدي يستحمل الكد او
بس المكان المحشوم

الله يسلمك يا اخوي البورسلان أغلبه زين إلا الصيني الرديء.

إذا تقدر تحصل المواصفات الفنية لبعض القطع ركز على درجة الكحت .. Abraision resistance ولها مسمى آخر موك دغري ... MOHK degree واللي هي عبارة عن تسلسل رقمي من 1 إلى 10 وواحد هي درجة مقاومة الطبشور للكحت وهي معروفة بسهولة تتفتت الطبشورة، و10 للألماس، وبينها درجات وأنصاف درجات وإذا حصلت شيء 7 أو 8 فهذا مقاوم وقوي ولا يتأثر حتى 6 زين، وبالنسبة للرخام لو يجيك فرضاً 3 أو 4 أو 5 يكون في مناطق معينة 2 أو 2ونص أو حتى ممكن 1 ونص اللي هو قريب للطبشور، وما عليك أغلب البياعين عندنا إذا سئلتهم بيقولون عن وشو تتكلم وبيحاولون يتفلسفون، مع إن الشركات العالمية واللي فاهمة شغلة الجودة تحط مواصفاتها كاملة.

عن تجربة الرخام صراحة ورطة لو جات عليه مواد كيماوية وكثيرة في المنظفات بتخربه، والحامض ينهيه ويخليه يتفتت، بعكس البورسلان ما يتأثر الا بالكسر لو طريقة تركيبه غلط، وركبه في أي مكان حتى عتبات الدرج ولا تهتم بس خذ الأنواع اللي تجيك بسكوتتها وحده يسمونها فوللي فرتفايد Fully Fertified وأتمنى إني جاوبت سؤالك وبالتوفيق
خزامئ
15-05-2012, 08:49 PM
ماقصرت الله يجزاك خير
محمد الجفيري
16-05-2012, 09:39 PM
يعطيك العافيه