ايميلات المدارس؟؟؟؟!!!! كلها غلط...

[روعة الجوري]

السلام عليكم


حاولت اتواصل مع مدارس عدة وارسل لهم ايميل بالسي في

ومالقيت غير موقع المجلس الاعلى وبالفعل لقيت ايميلات وارسلت عليها السي في وطلعت كلها غلط

شالحل؟؟؟؟؟!!!!!

من وين يعني بنطلع الايميلات؟ وعقب بيقولون مافي قطريات يتقدمون للتدريس!!!

المشكلة الاكبر ان الايميلات هذي صادرة من المجلس الاعلى

لكن ان دل على شي فانه يدل على تخبط المجلس المستمر

اللي عنده ايميل هالمدارس لا يبخل علينا بها

الرفاع الابتدائية بنات
الوسيل النموذجية
زكريت الابتدائية
الخوارزمي الابتدائية
عاتكة الابتدائية

وشكرا مقدما

[intesar]

لا تنتظرين الإيميل.. دقي عليهم الباب.. روحي وقدمي السي في باليد..
اللي يبغي الشيء هو يركض وراه.. لأن هم مو نشادين..

[شبح الصمت]

انا في وجهة نظري المسؤول عن الايميلات


مثل المسؤول عن توصيل الأمانة

لانه المسؤول عن الايميل اذا مهب انسان سوي عادي اي ايميل يوصله يقطه او يتغاضى عنه ويستلم الي يبيه


فالأفضل لج أنج تسعين لنفسج وتروحين لين عندهم وتسلمينه للموارد البشرية

صج بتتعبين بس إن شاء الله تعبج ما يروح خالي بلاش

وموفقين إن شاء الله

[بنت الطائي]

السلام عليكم


حاولت اتواصل مع مدارس عدة وارسل لهم ايميل بالسي في

ومالقيت غير موقع المجلس الاعلى وبالفعل لقيت ايميلات وارسلت عليها السي في وطلعت كلها غلط

شالحل؟؟؟؟؟!!!!!

من وين يعني بنطلع الايميلات؟ وعقب بيقولون مافي قطريات يتقدمون للتدريس!!!

لا ما اعتقد يقولون جذيه المشكلة الاكبر ان الايميلات هذي صادرة من المجلس الاعلى

لكن ان دل على شي فانه يدل على تخبط المجلس المستمر

تخبط مرة وحده .......... اللي عنده ايميل هالمدارس لا يبخل علينا بها

الرفاع الابتدائية بنات
الوسيل النموذجية
زكريت الابتدائية
الخوارزمي الابتدائية
عاتكة الابتدائية

وشكرا مقدما

ولا تزعلين روحي هيئة التعليم واطلبي منهم الايميلات وما راح يقصرون
بس احس شكلج عيزانه تروحين بنفسج وتطلبين الشغل

[قطرية مثقفة]

لا تنتظرين الإيميل.. دقي عليهم الباب.. روحي وقدمي السي في باليد..
اللي يبغي الشيء هو يركض وراه.. لأن هم مو نشادين..

صاجه اهم ولا يهتمون بالسي في على الإيميل @ ويفضل عندج حد اتعرفينه @

[شيزكيك]

كنت رايحه مدرسه وقدامي وحدة من المقيمات سلمت الاستقبال السي في. وصج يفضل تروحين بنفسك وتقدمين وانتظري بعد اعلانات المدارس في الجرايد

[ANONYMOUS]

اكيد مافي تحديث

[elders]

اتصلي على الرقم خدي الفاكس
اكتر شي ما بيتطنش الفاكس

[النجلا]

عن تجربة .. روحي لهم بروحج احسن ..والله يوفقج ..

[khaldoon]

اتفق مع من يقول روحي لهم....مع ذلك كنت اروح اماكن كثيرة و معي السي في يقولون لي ارسلها عن طريق الايميل فقط ...يا جماعة يهديكم يرضيكم صرت واصل خذوا السي في...ابدا....مستحيل....خذا هذا الايميل و ارسله لنا و الا ما نستقبل

ارسل الايميل و ما يوصل....على سبيل المثال ....مركز الشفلح و الجزيرة


مركز الشفلح و لا ايميل يوصل

الجزيره تعبي بيانات طويله عريضه عن نفسك مستعينا بدائرة المعارف البريطانية و بالاخير يحطون رمز صغير....تكتبه علشان ترسل الايميل مع السي في يقولك الرمز غلط مع انه صحيح 100%...تعيد و تزيد ما في فايدة

[intesar]

اتصل قول لهم ايميلكم تعبان وما يشتغل..

[شيزكيك]

arrefaa@sec.gov.qa

alwosil-m@sec.gov.qa

zikrit@sec.gov.qa

aatekah@sec.gov.qa


alkharizmi@sec.gov.qa

جربتي هالايميلات طبعا دحيل صار اسمها زكريت والوجبه ب صار اسمها الخوارزمي

[khaldoon]

اتصل قول لهم ايميلكم تعبان وما يشتغل..

ههههههههههههههههه رد جميل جدا...والله بلغتهم رجعوا اعطوني كذا ايميل مثله ما يشتغل ...فتحت موضوع و تكلمت بهالشي من قبل و ما قدر احد من الاعضاء يعطيني ايميل الشفلح ....حتى اللي بالشفلح نفسهم ....راجعي قسم الاستفسارات لو حبيتي :nop:

[روعة الجوري]

اشكركم جميعا على ردكم

في مدرستي يشيكون حتى عالايملات مب بس السي في اللي يقدمونه للمدرسة

ولو انا قادرة اروح واوصل سيفيي للمدارس (والسبب مدرستي)
ماكنت استعنت بالايميل

تشيز كيك

شكرا لك من الاعماق لكني ارسلت لها ورد علي البوست ماستر ان هالايميلات مش شغالة للاسف




مازال البحث مستمرا وان شاء الله نلقى حل

شكرا لكم

[الحريّه]

اختي روعة الجوري , طاب صباحك
لا ألومك في ضيقك , فمن الطبيعي أن تتوقعي أن ترد عليك المدارس لأن في كل مدرسة سكرتاريا لها توصيف وظيفي يتضمن الرد على الإيميلات الواردة .
أتوقع شيئان :
أولهما أن المدارس قد استلمت الإيميل
ثانيهما أن حاجة هذه المدارس للتعيين لم تتحدد بعد , لأن أكثر المدارس تبدأ في الإعلان عن حاجتها لسد الشواغر في آخر العام الدراسي - شهر يونيو - عندما تبدأ بعض المعلمات في الإعلان عن رغبتهم بمغادرة المدرسة لسبب أو لآخر.
و أوَد أن أذكر هنا أن بعض المدارس تخصص ايميلاً مختلفاً عن إيميل المدرسة لإستلام السِيَر الذاتية يختلف عن إيميل المدرسة بسبب احتمال ازدحام إيميل المدرسة بالسير الذاتية مما يؤدي إلى إرباك عمل السكرتيرة في تنظيمها للإيميلات الواردة من المجلس الأعلى . و يتم ذكر هذا الإيميل في الإعلانات التي تضعها المدارس في الصحف المحلية.
و أنصحك أختى الفاضلة بما نصحك به الإخوة و الأخوات هنا , وهو الذهاب إلى المدارس بنفسك للتعرف على الشواغر المتاحة لديها و تسليم نسخة من سيرتك الذاتية للمدرسة مباشرة , و التأكد من أن هناك معرفة حقيقية بوجود سيرتك الذاتية و رغبتك بالعمل , و خلق تواصل فعلي بينك وبين القائمين على العمل هناك.
وفقك الله إلى ما تصبين إليه
تحياتي

[روعة الجوري]

اشكرج عزيزتي

بس الموضوع مب ان الايميل وصل ومحد رد علي

الايميل رجع لي لان مافي عنوان ايميل جذي اصلا

اشكر لج ردج وتوضيحج وبنتظر لشهر يونيو مثل ما نصحتي



شكرا مرة ثانية