ممرضه لابره الانسولين

[بنت مريخ]

مطلوب ممرضه تجي صبح ومسا تعطي أمي أبره الإنسولين
الى يعرف حد يعطيني رقمها
جزاكم الله خير

[الأغر]

اختي اعطيها انت الإبره تنعطى في اي مكان لا تخافي .. سهل تعليم ضرب الابره .. خذي ابره من اللي استخدمتهم الوالده يعني ابره مستعلمه وجيبي حبة برتقال وتدربي على الإبره في البرتقال لإن قشرة البرتقال قريبه من سماكة جلد الإنسان .. الله يشفي الوالده وجزاك الله خير لبرك بها .

[بصمة قطرية]

نفس ما قال لج اخوي الأغر ..
تعلمي طريقتها و عطيها بنفسج ..
انا وايد اخاف من الابر ..
بس تعلمت شلون اضربها ..
كنت اضرب امي الله يرحمها ..
وام زوجي ؟؟
رحت كم مرة المركز الصحي و خليت الممرضة تعلمني ..
تراها وايد سهلة ما يبي لها شي ..
الابرة صغيرة و تكون تحت الجلد ..
ما عليها شر ان شاء الله الوالدة ..
الله يحفظها و يطول بعمرها ..

[alwahesh]

اختي الكريمه

بومشعل ما قصر غسى ربي يطول في عمره ويخليه

الممرضات يجون مرتين في اليوم وهالخدمه فقـــــــــــــــــــــــــــط للقطريين والقطريات

كلمي مؤسسة حمد قسم العيادات الخارجيه او عن طريق جمعية مرضى السكري

والله يشفيها

[استقرار]

اختي الكريمه

بومشعل ما قصر غسى ربي يطول في عمره ويخليه

الممرضات يجون مرتين في اليوم وهالخدمه فقـــــــــــــــــــــــــــط للقطريين والقطريات

كلمي مؤسسة حمد قسم العيادات الخارجيه او عن طريق جمعية مرضى السكري

والله يشفيها


الله يديم عزه وينصره على من عاداه ويجعلها بميزان أعماله .. جربيها

[بنت مريخ]

جزاكم الله خير اخواني
أنا أخاف من الأبره
يالين الى يعرف يبخل علي
والدريول موجود يجيبها ويرجعها

[doha2012]

,


تعلميها اختي , سهله جدا ماتبي لها شي ,

واحسن لكم احد يكون عندها يعرف لابر الانسولين يمكن تحتاج ابره بوقت سريع ,

وتحليل السكر مايب له شي بعد ...


صدقيني اختي لما تضربينها انتي او حد يكون احسن واسهل خاصه لو مافيه ضروره او سفر ,



على العموم , كلمي المركز الصحي القريب من عندكم وبيدرسون حالتها ,



,

[فلتة زمانها]

في خدمه اسمها الرعايه المنزليه كلمي المركز الصحي
ولو اني افضل انج تعطينها بنفسج لانها ابره الانسولين تعطى في المناطق اللي فيها دهون
عكس الابره العضليه فيها خطوره ومحتاجه مهاره

[فيزيائية]

مثل ماقالوا الاخوة كلمي المركز اللي تابعين له

والله يشفي مرضانا ومرضاكم

[doha2012]

في خدمه اسمها الرعايه المنزليه كلمي المركز الصحي
ولو اني افضل انج تعطينها بنفسج لانها ابره الانسولين تعطى في المناطق اللي فيها دهون
عكس الابره العضليه فيها خطوره ومحتاجه مهاره



,


الرعايه المنزليه .. تجي بشكل دوري وليس يومي ولاتعطي ممرضات لابر الانسولين , بس المركز الصحي هو اللي ممكن يبعث لها .. ممرضه ,


ولازم للرعايه المنزليه اللي عن طريق مستشفى الرميله تحويل من المركز الصحي .. خدمتهم ممتازه جداً .. ويصرفون لها كل شي ويجونها ممرضات ودكتور لو احتاج الامر .. ويتابعون حالتها وادويتها وكل شي يتعلق بالمريضه ..


الله يشفي مريضتكم ..






,

[استقرار]

عسى عيالك يبرونك يا أختي الله يطول بعمر الوالده بصحه وعافيه


صيدلي أمريكي يبتكر طريقة بديلة لمادة الإنسولين لتصل إلى الجسم بدلاً من الحقن والحبوب وهي على شكل علكه يتم مضغها - بصراحة أهنية على هالفكرة

أتمنى أن يرى النور قريباً

[بنت مريخ]

جزاك الله خير اخوي استقرار ولك بالمثل ان شاءالله
الحمدللهتعلمت ضرب ابره الانسولين للوالده
بس طلبت من المركز الصحي يجون يعطونها لاني اطلع من البيت 6.30 فحرام اقعدها
ممرضات المركز الصحي يجون 7.30