يالله طابور كل واحد يروح يطعم

[غرِيبهـ]

بسمـ الله الرحمنـ الرحيمـ

السلامـ عليكمـ ورحمة الله و بركاتهـ

تطعمتو انت و انتي ولا لين احين :con2:

أطلق المجلس الاعلى للصحة حملة تطعيمات للكبار في اخر اسبوع من ابريل

لعده امراض وبائية يحتاج لها الكبار اي البالغين

الحملة لازالت مستمرة و اسهل شي انك تروح للمركز الصحي التابع له و تاخذ التطعيم الامور سهالات تروح لمركز الممرضات على طول دون المرور على الطبيب
وتاخذ التطعيمات الازمة حاليا يعطونك 3 تطعيمات عن الجدري المائي ( العنقز) والمكروبات والبكتيريا و ثالث نسيته :unsure:

معلومات اكثر في هالرابط
http://www.alarab.qa/mobile/details.php?issueId=1594&artid=186116

بتقولون مطعمين واحنا صغار من هالامراض خلاص خلص مفعوله :)

عن تجربة انا سويت فحص شامل في تايلند الشهر الماضي و قالو لي
ماعندج مناعة من مرض التهاب الكبد الوبائي مع ان احنا مطعمين من قبل
اخذت النتيجة للمركز الصحي هني وعادتلي الفحص
وطلع فعلا ماعندي مناعه منه وخذت اول تطعيم له اليوم :( هو 3 جرعات

حبيت الكل يستفيد و يبادر بالتطعيم



ملاحظة : التطعيم في الفترة الصباحية فقط حسب سؤالي للمرضة عن الاوقات

الصحة تاج على رؤوس الاصحاء

[qatari 111]

جزاج الله خير .. وان شاء الله بروح اليوح باخذ التطعيمات .. بس 3 مره وحده . *_*

[ريم 28]

جزاك الله خير

بالفعل حتئ اختي قالوا لها في تايلند لازم تطعيم وما عندج مناعه الز من مرض الكبد الوبائي

الله يحفظ الجميع من الامراض

[عليه العوض]

يمكن اروح بعد صلاة العصر والا بس صباح

[غرِيبهـ]

جزاج الله خير .. وان شاء الله بروح اليوح باخذ التطعيمات .. بس 3 مره وحده . *_*
رحم الله واللديك
اي 3 مره وحده :(

جزاك الله خير

بالفعل حتئ اختي قالوا لها في تايلند لازم تطعيم وما عندج مناعه الز من مرض الكبد الوبائي

الله يحفظ الجميع من الامراض

تسلمين اختي خليها تروح المركز الصحي وبيعيدونه لها هني وتاخذ التطعيم
البلد صارت زحمة ومن كل الاجناس الواحد يتطعم افضل


يمكن اروح بعد صلاة العصر والا بس صباح

انا تابعه لمركز الريان الصحي و التطعيم فيه الفترة الصباحية فقط
صراحة هو ماياخذ وقت و المركز فاتح من 7 الصبح الى 2 الظهر

[النهار]

جزاك الله خير

[رمح الشمال]

جزاه الله خير من جا منه خير

[OREO]

يزاج ربي كل خير و ان شاءالله السبت بروح افحص بإذن الله ،،

[qatara]

مدام ينكتون علينا هل الاجانب
بانواع الامراض المختلفه
والله حتى لو نكره التطعيم فلابد منه
وخاصه الكبد الوباي منتشر
بشمال افريقيا وبكستان والهند

[MAZEN37]

اولا شكرا
ثانيا انا ما اعرف عن ايش تطعمت قبل ؟
يمكن مب زين

[لاجل QT]

ليش مايسون بدال التطعيم شراب :(..يعنى لازم ابرة.. تعور عاد:(

[رآعي موآجيب]

بيض الله وجهش

لكن إذا تطعمنا بنسخن نفس البزران !!؟ :swoon:

[findi]

يزاج الله خير ع التذكير

[غزلان]

انا تطعمت تطعيمتين عن الحج وحده عن الحمى والثانيه ماعرف عن شنو
مايكفى:o

[نشميه]

مشكله الابر ، لو في دوا أحسن

[bu 3li]

واللي دوامه ياخذ نص يومه ومايقدر يروح الصبح ؟؟
شيسوي ؟؟ لازم عالاقل يكون فيه العصر ولا شنو هالابره اللي ماتنفع الا ا لصبح

[وحيد-الشوق]

الله يعينا اكره شيء عندي التطعيمات :(

اليوم عندي بسنة للتطعيم ههههههههههههه

[مشاكل]

التطعيم جميل والاجمل منه الاحساس بوخز الابر

مشكوره الشيخه كنت اظن ان التطعيم في الصحه الوقائية بس
- مافي تطعيم حق الانفلونزا الموسمية؟
- هل بيطعمون عيالنا فالمدارس ولا لازم نطلعهم من المدرسه علشان يتطعمون؟

[غزلان]

التطعيم جميل والاجمل منه الاحساس بوخز الابر

مشكوره الشيخه كنت اظن ان التطعيم في الصحه الوقائية بس
- مافي تطعيم حق الانفلونزا الموسمية؟
- هل بيطعمون عيالنا فالمدارس ولا لازم نطلعهم من المدرسه علشان يتطعمون؟


اهااا ماقصرت تذكرت طعمونا عن الانفلونزا الموسمية وعن الحمى:mad:
وحده من الأبر كانت:cry2:

[wadha-qa]

انا تطعمت عن الانفلونزا الموسميه ومحد جاب لي طاري الابر الثانيه

[فلتة زمانها]

جزاج الله خير يالغلا
بس شنهي الجرعات اللي خذتيها حق التهاب الكبد ومن وين ؟؟

[Rashid554]

الأعلى للصحة ينفذ الخميس حملة تطعيم لموظفي وضيوف برنامج المجلس بقناة الدوري والكأس

يقوم المجلس الأعلى للصحة بحملة تطعيم لموظفي وضيوف برنامج المجلس بقناة الدوري والكأس، وذلك يوم الخميس 10 مايو 2012 بالاستديو التحليلي الخاص بمباريات كأس حضرة صاحب السمو أمير البلاد المفدى.
وتتضمن الحملة تطعيم جميع العاملين وضيوف البرنامج، في إطار حملات التوعية بأهمية التطعيم ودوره في الوقاية من الإصابة بالأمراض الانتقالية الممكن تجنبها بالتطعيم.
ومن المقرر مشاركة الشيخ الدكتور محمد بن حمد آل ثاني مدير إدارة الصحة العامة بالمجلس الأعلى للصحة في حلقة البرنامج لهذا اليوم، حيث سيتحدث عن طبيعة عمل ودور المجلس الأعلى للصحة، وجهود فريق العمل به لمكافحة الأمراض الانتقالية، لاسيما حملات التطعيم الدورية ومشاركات المجلس في الحملات العالمية كالأسبوع العالمي للتطعيم، وحملات التوعية ذات الصلة. وفي الإطار صورة الشيخ الدكتور محمد بن حمد آل ثاني مدير إدارة الصحة العامة بالمجلس الأعلى للصحة .
هذا، ويعتقد الكثير من الكبار خطأ أن التطعيمات مخصصة للأطفال فقط، ولكن التطعيمات متوفرة للجميع من أجل الوقاية ضد الإصابة بالأمراض الانتقالية، علاوة على أن هذه التطعيمات آمنة وفعالة.
وتعتبر دولة قطر من الدول الرائدة في مجال التطعيم، حيث ارتفعت نسبة المطعمين سنوياً، وذلك من خلال الحرص على توعية المجتمع بأهمية التطعيم والتحصين.
ويسعى المجلس الاعلى للصحة من خلال حملاته الخاصة بالتطعيم إلى نشر الوعي بأهمية التطعيم وتعزيز الطلب المجتمعي له وتحسين سبل الوصول بخدماته إلى السكان الأكثر تعرضاً لخطر الإصابة بالأمراض الممكن تجنبها بالتطعيم.
كما يسعى المجلس إلى حث الأفراد بمختلف فئاتهم العمرية وشرائحهم الاجتماعية للإقبال على التطعيم باعتباره التدخل الصحي الأعلى مردوداً والأقل تكلفة للوقاية من الأمراض وأشكال العجز والوفاة.
وتمتلك دولة قطر البرنامج الموسع للتطعيم وهو واحد من أفضل برامج التطعيم في المنطقة، وذلك كونه يستهدف عدداً واسعاً من الأمراض تبلغ أربعة عشر مرضاً.

[Rashid554]

الي عرفته ان اسبوع التطعيم ينتهي 30 ابريل
واحنا الحين في 10 مايو !!
فـ لين متى مستمره هالحمله

[غرِيبهـ]

جزاك الله خير
تسلم رحم الله واللديك

جزاه الله خير من جا منه خير
تسلم ماتقصر وجزاك مثله وافضل

يزاج ربي كل خير و ان شاءالله السبت بروح افحص بإذن الله ،،
على خير انشاء الله بالتوفيق


مدام ينكتون علينا هل الاجانب
بانواع الامراض المختلفه
والله حتى لو نكره التطعيم فلابد منه
وخاصه الكبد الوباي منتشر
بشمال افريقيا وبكستان والهند
فعلاً انا معاك بهالنقطة التطعيم ضروري

اولا شكرا
ثانيا انا ما اعرف عن ايش تطعمت قبل ؟
يمكن مب زين

عفوا جزاك الله خير
اذا مب متاكد وتبي تطمن ادخل للطبيب و اخذ مشورته وممكن يسويلك فحص
شامل وبناء عليه يقرر اذا تحتاج او لا
بس الافضل تبادر بالروحة

[غرِيبهـ]

ليش مايسون بدال التطعيم شراب :(..يعنى لازم ابرة.. تعور عاد:(
لاجل مساكين امهاتنا الله يعطيهم الصحة كل يوم ياخذون ابرة السكر ماقالو شي شكة دبوس مابتحسين ابد ابد :unsure:


بيض الله وجهش

لكن إذا تطعمنا بنسخن نفس البزران !!؟ :swoon:
هلا اخوي جزاك الله خير
والله وحده كانت تسال اذا بنتسخن قالت الابرة اللي بالعضل تسوي شويه
سخونة بس حبة بندول تودي السخونة

يالله تشجع


يزاج الله خير ع التذكير
ويجزاج يارب هلا بج فندي



انا تطعمت تطعيمتين عن الحج وحده عن الحمى والثانيه ماعرف عن شنو
مايكفى:o

غزوله حبيبتي انا رايحة الحج قبل و متطعمه وكان عن الهبتايتس
واحين يقولون بح مافيج مناعة تطعمت عنه اليوم :mad:


مشكله الابر ، لو في دوا أحسن

تذكروني بالتطعيم ايام الابتدائي هههههه من يدخلون من الباب يصير رعب
وتبدا سنفونية البكاء ههههههه ايام من يتذكر :cry2:

[الخزرجي قطر]

جزاكم الله خير

[غرِيبهـ]

واللي دوامه ياخذ نص يومه ومايقدر يروح الصبح ؟؟
شيسوي ؟؟ لازم عالاقل يكون فيه العصر ولا شنو هالابره اللي ماتنفع الا ا لصبح

ماعرفشي ممكن تشيك مع المركز الصحي التابع له
كلها عشر دقايق مابتتاخر
ثلاث شكات دبابيس :nop:


الله يعينا اكره شيء عندي التطعيمات :(

اليوم عندي بسنة للتطعيم ههههههههههههه
هههههه شكلك من اللي كانو يشردون ايام التطعيمات في المدارس
ولا الابرة اللي كنها مسدس تخرع :nop:

التطعيم جميل والاجمل منه الاحساس بوخز الابر

مشكوره الشيخه كنت اظن ان التطعيم في الصحه الوقائية بس
- مافي تطعيم حق الانفلونزا الموسمية؟
- هل بيطعمون عيالنا فالمدارس ولا لازم نطلعهم من المدرسه علشان يتطعمون؟
عفوا ممكن تستفسر لما تروح

بالنسبة للعيال الحملة موجهه فقط للكبار وليس للاطفال
الاطفال مطعمين

لكبار اظن مع لسنين راح مفعول التطعيم

انا تطعمت عن الانفلونزا الموسميه ومحد جاب لي طاري الابر الثانيه

توهم بادينها اخر شهر ابريل يمكن رحت انت قبل

[نووون]

الله يجزاج خير على التنبيه

[غرِيبهـ]

جزاج الله خير يالغلا
بس شنهي الجرعات اللي خذتيها حق التهاب الكبد ومن وين ؟؟
هلا فلتة شحالج حبوبة
تطعيم التهاب الكبد خذته في المركز الصحي اليوم اول جرعة وبعد شهرين الجرعة الثانية بس انا خذته نتيجة فحص قالولي ماعندج مناعه منه
مب انا بس حتى اختي
وحملة التطعيمات تقطي امراض ثانيه نثل العنقز و البكتيريا و المكروبات التيفود اظن منهم

الي عرفته ان اسبوع التطعيم ينتهي 30 ابريل
واحنا الحين في 10 مايو !!
فـ لين متى مستمره هالحمله
اولا شكرا على الاضافة للموضوع
الحملة مستمرة طول الوقت اظن هاي سمعته في برنامج الدار على تلفزون قطر
بلقاء توعية بالحملة


جزاكم الله خير

رحم الله واللديك


يالله روحو تشنترو تذكرون اول نسميها شنتوره ههههه

[متواصل]

الله يبعد عنكم الشر والامراض يا رب

ماعندهم تطعيم ضد جاري ؟؟

جاري خبيث وبائي ،، ماله تطعيم ؟؟

[هدى ورحمه]

زين اذا مزكمه اقدر اروح اتطعم ؟؟

[لاجل QT]

لاجل مساكين امهاتنا الله يعطيهم الصحة كل يوم ياخذون ابرة السكر ماقالو شي شكة دبوس مابتحسين ابد ابد :unsure:

هلا اخوي جزاك الله خير
والله وحده كانت تسال اذا بنتسخن قالت الابرة اللي بالعضل تسوي شويه
سخونة بس حبة بندول تودي السخونة

يالله تشجع


ويجزاج يارب هلا بج فندي



غزوله حبيبتي انا رايحة الحج قبل و متطعمه وكان عن الهبتايتس
واحين يقولون بح مافيج مناعة تطعمت عنه اليوم :mad:



تذكروني بالتطعيم ايام الابتدائي هههههه من يدخلون من الباب يصير رعب
وتبدا سنفونية البكاء ههههههه ايام من يتذكر :cry2:

لاتلومينى من كثر ماخذت ابر في حمالي :weeping:كنت اخذ ابرتين كل يوم فوق منطقة الركبة المنطقة تستوي بنفسجية من كثرة الابر:weeping:..والابرة دواها حاار يذبح..من جذي متعقدة من الابرة

الله المستعان ...بس هالابرة ضرورية هل التطعيم موجود ولا خلصت الحملة

[خالد العمادي]

بسمـ الله الرحمنـ الرحيمـ

سلامـ عليكمـ رحمة الله و بركاتهـ

تطعمتو انت و انتي ولا لين احين

أختي بعيدا عن الموضوع لاحظت كل مواضيعك تكتبي السلام بهذه الطريقه فما السبب في كتابتك للسلام في كل مواضيعك بنفس الطريقه وانا أشوفها خاطئه ولكنها متعمده منك .. فهل انا على خطأ ؟؟
أتمنى أن تفيديني

[فلتة زمانها]

سمعت انه اخر يوم للتطعيم يوم الاحد
صارلهم فتره بس واااايد ناس ماعندها خبر

[qrt_trading]

التطعيم بس للمواطنين ولا اقدر اودي شغالاتي يتطعمون بعد

[غرِيبهـ]

زين اذا مزكمه اقدر اروح اتطعم ؟؟

انتظري لين تصحين و روحي التطعيم موجود مده طويلة
ماعليج شر ان شاء الله
اجر وعافية




لاتلومينى من كثر ماخذت ابر في حمالي :weeping:كنت اخذ ابرتين كل يوم فوق منطقة الركبة المنطقة تستوي بنفسجية من كثرة الابر:weeping:..والابرة دواها حاار يذبح..من جذي متعقدة من الابرة

الله المستعان ...بس هالابرة ضرورية هل التطعيم موجود ولا خلصت الحملة

اجر وعافية يارب لاجل

ممكن تسالين مختص بمدى ضروريتها عموما هي اختيارية


سمعت انه اخر يوم للتطعيم يوم الاحد
صارلهم فتره بس واااايد ناس ماعندها خبر
لا فلتة مستمر التطعيم عشان مايكون في زحمة حسب فضاوتج روحي

التطعيم بس للمواطنين ولا اقدر اودي شغالاتي يتطعمون بعد
ماعندي فكرة اسالي المركز

[غرِيبهـ]

بسمـ الله الرحمنـ الرحيمـ

سلامـ عليكمـ رحمة الله و بركاتهـ

تطعمتو انت و انتي ولا لين احين

أختي بعيدا عن الموضوع لاحظت كل مواضيعك تكتبي السلام بهذه الطريقه فما السبب في كتابتك للسلام في كل مواضيعك بنفس الطريقه وانا أشوفها خاطئه ولكنها متعمده منك .. فهل انا على خطأ ؟؟
أتمنى أن تفيديني

شكرا على متابعتك لمواضيعي
مع اني لم ارى اي مشاركة لك فيهم

الا هذه المشاركة
شكرا على التنبية راجعت السلام وعرفت اني اكتبه غلط
محد يتعمد الخطا
جزاك الله خير


روح تطعم

[Cooki]

البالغين بس .. يعني من سن كم بالضبط.. 18 وفووق

[غرِيبهـ]

البالغين بس .. يعني من سن كم بالضبط.. 18 وفووق

اذا يعتبر من فئة الكبار

مادري صراحة تاكدو من المركز


حسيتني مندوبة الصحة :funny: على الاسئلة اللي تجيني

:nop:

[غرِيبهـ]

للرفـــع

[منهم وفيهم]

ارحم الله والديج
تسلمين عالتنبيه

[فلتة زمانها]

غريبه انتي تطعمتي في اي مركز؟

[غرِيبهـ]

غريبه انتي تطعمتي في اي مركز؟

مركز الريان الصحي

حق التطعيم على طول تروحين مركز الممرضات
معاج البطاقة الصحية



مادري حد راح تطعم او لا من الاعضاء ؟

[fahad_qatar]

جزااااااااج الله عنا كل خير أختي