((( مهند والعجوز والجهر بالمعصية )))

[مشاكل]

مادري شاقول لكم بصراحة

اليوم كنت عند الخضار
الا ذيك العجوز
نازله من ذيك السياره اللي قيمتها تسوى المحل بالخضره اللي فيه والسيارات اللي صافه قدام المحل
لابسه عبايه مخصرة وكأنها بقرة
متمكيجه متبرجه بالضبط زي المهرجه
فجأه،،،،،،
فجت الحلج حددددده بإبتسامه مخيفه
والسعاده تغمر وجهها البشع

قلت شسالفتها هذي ؟

الا ذاك الرجل
الطويل الجميل
الاشقر الاحمر
عريض المنكبين اخضر العينين
شكله تركي من فصيلة مهند

عموماً نرجع للحجيّة ،،،

راحت حق مهند ولامفتكره بحد سوالف ضحك ولا كنّه حولهم حد،، والناس اطالع مستنكره مستغربه وفوق روسهم علامة تعجب اكس لارج !

تمشي معاه ويختار لها الفواكه
متجاذبين اطراف الحديث اللي يتخللها فواصل من الهمسات والبسمات
حط الاغراض في شنطة موترها وهي تودعه باي باي ياشيطان وهو يرد عليها مع السلامه ياشيطانه

تواردت في خاطري عدة اسألة

الهذا الحد اصبح الجهر بالمعصية
نهاراً جهاراً؟

ماخافت من كلام الناس؟
ماخافت من رب الناس؟

وين زوجها وين اخوها وين عيالها؟

اللهم لاتؤاخذنا بما بفعل السفهاء منّا

[intesar]

أصلها مقطوعة من شجرة،،

[al saad]

ما آنت قلت بقره هل حد يحاسب البقره......
قول وين الثيران الي عندها

[intesar]

يمكن هالشيطان زوجها بالسر..

[النهار]

لا حول ولا قوة الا بالله

"اللهم لا تؤاخذنا بما فعل السفهاء منا"

[طرفه]

يمكن هذى زوجها على سنة الله ورسوله
وادعوا لها بالهداية في اللبس وغيره

[سهم قطر]

يمكن هذى زوجها على سنة الله ورسوله
وادعوا لها بالهداية في اللبس وغيره


ههههههه انتي من صجج

[مرتبش]

يمكن تعتبره مثل ولدها
شدراني او يمكن هي مخرخشة ماعليها حرج

[الخزرجي قطر]

لاحول ولا قوة الا بالله
الله يهديها ان شاءالله

[رآعي موآجيب]

أن حكينا مصيبه وأن سكتنا قهر

عندي قصه كلها غصه ولانيب قايلها

أدخل أبغي أوسع خاطري ويضيق خاطري :swoon2:

[حقيقه]

يمكن ناويه تزوجه او متزوجته

سمعها كم كلمه حلوه واستانست عليه واهي فاقده مثل هالكلام من رجال
احسن من غيره اللي بس يتشكون ومب عاجبهم الحريم
كثير مثله يتزوجون قطريات يضحكون عليهن ويسرقون اللي عندهن ويطق

[حسن]

لاتستغرب لان زمنا ذي زمن العجايب

[الكنترول]

لا حولا ولا قوة إلا بالله

[قطرية مثقفة]

يمكن تعتبره مثل ولدها
شدراني او يمكن هي مخرخشة ماعليها حرج

حلووووووووه مخرخشه @ في هالزمن زادوا المخرخشين @ نسأل الله الهداية لنا ولهم وللجميع @ جمعة مباركة

[ellezeem]

يجاملها شوي ويضحك عليها وياخذ منها كم ريال

وايد منهم هشكل . لكن النسوان مايتوبون ويحبون

اللي يضحك عليهم ....

[qatar.up]

ياخي مالك ومالهم خلص امورك وتوكل شهالتدخل في شؤون الغير متى نصير نفس اوروبا ياربي محد له خص في الثاني .

[الموضوعي]

الحين طايحين في الحلاقين الاتراك يجبونهم البيت يعني بيقص شعر الاطفال

[intesar]

الحين طايحين في الحلاقين الاتراك يجبونهم البيت يعني بيقص شعر الاطفال

أنا أخبر يجيبونهم لتحليق الرجال..

[نووون]

تواردت في خاطري عدة اسألة

الهذا الحد اصبح الجهر بالمعصية
نهاراً جهاراً؟

ماخافت من كلام الناس؟
ماخافت من رب الناس؟

وين زوجها وين اخوها وين عيالها؟

اللهم لاتؤاخذنا بما بفعل السفهاء منّا


مسكينة ... كبيرة وشافت مزيون مجابلها ومعطيها وجه .. ومحسسها باهتمامه ..
مع كلمتين حلوين وتنقية ممتازة للفواكه :nice:.. يعني مريحها عالاخر .. وبقى يفتح لها باب السيارة !
خلاص ضاعت المراة في خرايطها ... لابتعرف رب ولادين ولاناس (لحظتها)
لان المراة ضعيفة بطبعها وتحب الاهتمام والكلمة الحلوة .. (وخاصة الكبيرة)
وقص عليها هالتركي ..
ترا يمكن تدري ان يقص عليها ويبي فلوسها وحلالها لكنها بمزاجها تشتري هاللحظات بفلوس الدنيا

[الأصيلة]

إن بعض الظن إثم
ومن عاب استعاب..

[نورعبدالرحمن]

من راقب الناس ماتت امة ،
اشفيها الحجية مفكرة نفسها صباح

[بوحارب]

الحمدلله على نعمه العقل وش خلت حق المراهقات !!

[qatara]

اشكره ثورها مقيد

ولا مطلقته

هل الايام العصمه بيدهم


اللهم لاتبلينا ويستر على كل مسلم ومسلمه

[بريق الماسه]

حط الاغراض في شنطة موترها وهي تودعه باي باي ياشيطان وهو يرد عليها مع السلامه ياشيطانه





ههههههههه


فانتاستيك :p

[wadha-qa]

بعض العجايز الله يهديهم تقط الميانه زياده عن اللزوم شفت هالعينه في سوق واقف وانصدمت

الله يهديهم ان شاء الله

[أسد الجزيرة]

يمكن جدته من الرضاعة

[ANONYMOUS]

عند العيايز كل شي جايز

http://vod.dmi.ae/statics/upload/131091919557.58_131091773390.7_pro_1.jpg

[الزعفراني]

يا لبيه :)

[doha2012]

,


لاحول ولاقوة الا بالله ,



لاتظلمهم .. ولا تكلم فيهم



حكمت بس من منظر وموقف .. وخليت من دخل يحط له كم كلمه عليهم


والفاظ غير طيبه وضعتها .. ل نتقِ الله ونختار كلماتنا



طيب ,

انت شايفهم وناقد عليهم .. ليه مانصحتهم لله .. وقلت لهم هذا عيب بدل ماتكتب موضوع وتهجيهم فيه وتنقد على تصرفهم .. !! اليس افضل !!




استغفر الله واتوب اليه ,

[ولي العهد]

يمقن حبيبها ايام الطفوله واثناء حمله صندوق الخيار شافت الوشم على يده وتذكرت الفريج وطفولتها انا اقول يمقن اي ويمقن لاء ...... بتشوف العجب

[faisalqatar]

الصراحة اعجبتني يوم اتقوله يالشيطان هههههههههه
ما يندرى شقال لها عشان اتقوله يالشيطان هههههههههه

[ولي العهد]

الصراحة اعجبتني يوم اتقوله يالشيطان هههههههههه
ما يندرى شقال لها عشان اتقوله يالشيطان هههههههههه



انا اعلمك شقالها يوم قالت له يالشيطان ... صندوق الخيار الي كان شايله طاحت منه خياره والاخ يوم طاحت الخيار بالارض كلها ويوم شافته قالت له الخياره الي طاحت بالارض حبها الشيطان واي شي يطيح بالارض حبه الشيطان ودامك كلت الخياره الي حبها الشيطان يعني انت شيطان .... وطبعا يمقن اي ويمقن لاء:protest: هههههههههههههههههههههههههههههههههههه

[ضوى]

لا حول ولا قوة الا بالله

[شبح الصمت]

الله يستر على كل عجوز

[d.romance]

الله يهديها

[قطري !]

يالله ترحم حالها






يا شيطان بعد .. هههههه

[بكرة أحلى]

لاحول ولا قوة الا بالله

اللهم لا تؤاخذنا بما فعل السفهاء منا


والله يهديها إن شاء الله :(

[مرت محمد]

معرف ليش الناس مشغوله بغيرها لاحول الله ولا قوه الا بالله العلي العظيم

دع الخلق للخالق وهي لها رب يحاسبها اما نقعد ونتمسخر على اشكال الناس وعجوز ولا شابه لها رب يحاسبها ترى ملينه من الموضيع التافه والعقره بخلق الله

[سيناتورنايف]

وانت ليش من يوم دشت لين طلعت وانت مراقبها هل انت فاضي تراقب الناس ولا مهتم بهلعجوز على قولتك

[ريتويت]

إن بعض الظن إثم
ومن عاب استعاب..

[مهرة]

سلآمي لشبيه مهند وفصايله على قولتك .. يوووووووووووه عآد لو رآحت استنبوووووول ويش رآح اتسوي بحالها .. يابووووووووووي ..!!

[مشاكل]

السلام عليكم ورحمة الله وبركاته

انا ماأدري ليش بعض المواضيع صارت بعض الناس تتحسس منها
لاحول ولاقوة الابالله

عموماً المرأة التي نعتها بالعجوز هي ليست بعجوز فعلاً
ولكني وصفتها بهذا الوصف الاستفزازي لانها امراءة يبدو عليها اربعينية وتتصرف تصرف المراهقين في لبسها وتصرفها الشاذ عرفاً وشرعاً والملفت للنظر
وهي التي يفترض بها ان تكون قد وصلت لسن الرشد والنضج العقلي

الله يرحمنا برحمته

[الزلزال]

لا حول ولا قوة الا بالله

[fahad_qatar]

الا الله ياخذ عمرها أنشالله

[بوجاسم566]

ياريـال خلها على الله

احنى في عصر التطور :(

وياريـتك ما كتبت الموضوع

لانة من جد ماله داعي :(

[ولد شرق]

لابسه عبايه مخصرة وكأنها بقرة
متمكيجه متبرجه بالضبط زي المهرجه
فجأه،،،،،،
فجت الحلج حددددده بإبتسامه مخيفه
والسعاده تغمر وجهها البشع

قلت شسالفتها هذي ؟

عموماً نرجع للحجيّة ،،،

راحت حق مهند ولامفتكره بحد سوالف ضحك ولا كنّه حولهم حد،، والناس اطالع مستنكره مستغربه وفوق روسهم علامة تعجب اكس لارج !

تمشي معاه ويختار لها الفواكه
متجاذبين اطراف الحديث اللي يتخللها فواصل من الهمسات والبسمات
حط الاغراض في شنطة موترها وهي تودعه باي باي ياشيطان وهو يرد عليها مع السلامه ياشيطانه

تواردت في خاطري عدة اسألة

الهذا الحد اصبح الجهر بالمعصية
نهاراً جهاراً؟

ماخافت من كلام الناس؟
ماخافت من رب الناس؟

وين زوجها وين اخوها وين عيالها؟

اللهم لاتؤاخذنا بما بفعل السفهاء منّا



اخوي مشاكل
ليتك انتقدت الانتقاد البنّاء بدال ماتنعت خلقة الله سبحانه وتعالى بالبقره
ولاتنسى ان وجهها البشع هو من خلقة الله اللي اخلقه في احسن تقويم


طبعا انا معاك في الموضوع وردي مهب معناه اني ضدك بس ياخوي الانتقاد البنّاء افضل من الاستهزاء بالاشكال فالاشكال ليست من اختيار البشر وانما الاخلاق هي من فعل البشر

الله يهدينا ويهديها ويهديك قول آمين...

[ميلاف]

هالاشكال وايد الحين موضه عند البنات من عقب المسلسلات التركيه وهم مايبون الى نفس الديزاين

ولا ادوخ الا عليه

مانقول الا الله يهديهم ويهدينا

[Dana’1]

الحين مهند صار وسيم بملامح رجولية ؟!

دام جاتك الجشاعة اانك تكتب من وراها وتوصفها باوصاف مقززة ! كان نصحتها بكل شجاعة علي الاقل حتى لو نهرتك وفشلتك يكون سويت الي عليك كرجل مسلم و راح تاخذ اجر بإذن الله
بدل ما تاخذ وزر!!

[ريم الشمال]

استغفر الله .. أن كان تصرفها غلط فأنك وقعت في شئ أكبر خطاء الغيبة التي ترتبت على الموضوع
شئ لم يعجبك ورأيته ضد الأخلاق وضد عادتنا كان ذكرته دون التعريض من باب النصح دون ذكر النوع سواء ذكر أو أنثى كل من أغتاب هذه المرأة بغض النظر عن تصرفها فقد وقع في خطاء الغيبة
الله يهدينا ويهديها وعسى الله أن يوقع في قلبها مخافته فتتوب عن فعل قد فعلته وهي في جاهلية
الوقت الحالي نحن نمر بفتنة و بجاهلية الزمن الحالي عسى الله أن يجيرنا منها
ترى العيب عند الباب

ريم الشمال

[Dawn]

ما عليها شرهه ..