طريقة جديدة لسرقة البطاقات في ماكينات الصرافة الآلية

[durra]

نعرض لكم هنا طريقة احتيال جديدة في صرافات البنوك للتو اكتشفت اكثر من حاله في السعودية، واغب الضحايا هم عملاء لبنك سامبا والراجحي.

الطريقة بإختصار هي قيام اللصوص بوضع لقطعه بلاستيكيه عند مدخل البطاقة تسحب نسخه من بياناتها لعمل نسخه منها لاحقاً، بالاضافة لكاميرا مثبتة باعلى الماكينة تصور الضحيه وهو يدخل الباسوورد. وبالتالي سحب جميع المبالغ النقدية المتاحة في حسابه لاحقا..

http://mz-mz.net/wp-content/up/20120-mz-mz-71.jpg

http://mz-mz.net/wp-content/up/20120-mz-mz-82.jpg

http://mz-mz.net/wp-content/up/20120-mz-mz-61.jpg

http://mz-mz.net/wp-content/up/20120-mz-mz-101.jpg

http://mz-mz.net/wp-content/up/20120-mz-mz-91.jpg

علينا الإنتباه دائماً وتفقد حالة الصرافة وعدم استخدامها في حال بدا انها معدلة او شيء من هذا القبيل.

منقول

[رآعي موآجيب]

والله دام هالسروق الأبقع عنده كل هالقدرات التكنولوجيه ليش ما يستغلها في شي يكون له مصدر رزق بدال النهابه والحرام

شلون يفكرون هذولا !!

[khaldoon]

بااااااااااااااال....حتى الصراف الالى نبي نقعد نفقد فيه

اللي ركب هالأشياء هذه وين كانت كاميرات الصراف او الكاميرات اللي موجوده بغرفة الصراف عنه وقت تركيبها ...خاصة انها اجهزة كهربائيه يعني تنسخ المعلومات من البطاقة
و كاميرا تصور.....هذه يبيلها وقت و تركيب و توصيل مع جهاز اخر و الا تشتغل على البطارية؟


في حلقة مفقوده بالموضوع او انه اللي ركبها بيكون شغال بالبنك و مرتب امور كاميرات المراقبة

و الا في شي مب مقنع

[الخزرجي قطر]

الواحد ياخذ حذره بس صعب تتفقد جهاز الصراف الألي لما تبي تسحب نقود

[أنا أحبكم]

اشك في صحة الموضوع

[ZURICH]

بعد طريقة الاحتيال الجديدة من سنة اواكثر

تم وضع قطع بلاستيكية جديدة لونها أخضر لمدخل البطاقات على اغلب اجهزة السحب الالي

للتصدي لهذا النوع الجديد من السرقة

[Rashid554]

فيه كيمرات رقابه في الصرافات الالية
ما اعتقد في شخص يتجرأ ويقدر يركبها

[alfahad1]

انا انسرقت بهالطريقة 10.000 ريال في الامارات

نصيحه اي واحد تنسحب بطاقته يبلغ بنكه على طول ويوقفها

[لاجل QT]

بااااااااااااااال....حتى الصراف الالى نبي نقعد نفقد فيه

اللي ركب هالأشياء هذه وين كانت كاميرات الصراف او الكاميرات اللي موجوده بغرفة الصراف عنه وقت تركيبها ...خاصة انها اجهزة كهربائيه يعني تنسخ المعلومات من البطاقة
و كاميرا تصور.....هذه يبيلها وقت و تركيب و توصيل مع جهاز اخر و الا تشتغل على البطارية؟


في حلقة مفقوده بالموضوع او انه اللي ركبها بيكون شغال بالبنك و مرتب امور كاميرات المراقبة

و الا في شي مب مقنع

مو هذا اللى باط جبدي وش خانت كيمرا المراقبة ...اطلعت زينة

يعنى لو فكرو يكسرون atmولاحد حولهم محد درة عنهم

المفروض يكون الجهاز حساس لاي اختراق على طول يطلع صوت انذار

[دنيا الاسهم]

صعب اصدق سرقة بهذة الطريقة الا اذا كان السارق متفق مع البنك صاحب الالة والنص بالنص

[qatara]

سبحان الله

في نوعيه من البشر يحيرك ذكائها في استخدامه للشر
يعجز حتى ابليس اللعين

لاكن تعال لنفس الفئه لعمل الخير تلاقيه صعب عليه ومخه يبلد

وهاذي حقيقه

[.خالد]

ها الطريقة قديمة وحاولت عصابة اسويه تسويها في الدوحة وانكشفت وتم القبض عليهم ،الحين اغلب ااسرقات تتم عن طريق اخذ معلومات البطاقات وخصوصا البطاقات الائتمانية واستخدامها عن طريق الشراء عبر النت ..شكرا لصاحب الموضوع