كم اسعار البورسلان [الأرشيف] - منتديات شبكة الأسهم القطرية

المساعد الشخصي الرقمي

مشاهدة النسخة كاملة : كم اسعار البورسلان

مضارب دوسري

11-05-2012, 05:48 PM

السد

11-05-2012, 05:50 PM

الاسباني فيرست - كت ليزر - زيرو جوينت
عند المتحدة - سيراميك الخليج
اسعارهم تقريبا من 200 للمتر ورايح

ولد المنصور

11-05-2012, 09:24 PM

والله ياخوي يختلف الاسباني فيه درجات مثل الصيني ,,,,
يبيلك لفه عدله في طريق سلوى......
والله يوفقك

معماري قطري

12-05-2012, 12:05 AM

أنا جربت إماراتي 40 في 40 ب 43 ريال وأشوفه كثير راقي .. للحين ما تركب بس عجبني كثير ... من كم سنة كانوا يجيبون الصيني ب 5 ريالات المتر ويبيعونه بربح خيالي .. هالأيام كل شيء زاد أكيد ونسبة الأرباح الخيالية مثل ما هي ... بس انا أشوف لو الواحد يحتاج كميات كبيرة ياخذ منتج من الدول القريبة أحسن له من الصيني، والأسباني والإيطالي لي الحمد لله فوق 6 سنين مركبهم ولا فيهم أي تغير أو مشكلة، وخصوصاً نوع خذته من العمودي 60 في 120 في سمك 12 أو 14 ملم وبسعر 150 ريال للمتر ذاك الوقت، حتى كنت متخوف من التركيب وإشتكوا العمال يحتاجون 3 أشخاص يركبون كل حبة، لكن بصراحة طلع بعد التركيب روعة.

مضارب دوسري

12-05-2012, 11:39 AM

اخوي معماري قطر سمك ١٠ ملم مناسب للارضيات ؟

مضارب دوسري

12-05-2012, 01:38 PM

وين يبيعون الاماراتي ؟

ولد المنصور

12-05-2012, 01:53 PM

اظن في سراميك الخليج طريق سلوى

مضارب دوسري

12-05-2012, 02:04 PM

بيض الله وجهك يا ولد المنصور

بس اخوي شنو افضل سمك للبورسلان هل ١٠ ملم مناسب وقوي ؟

OREO

12-05-2012, 02:08 PM

السلام عليكم
ابغي اعرف كم اسعار البورسلان وبلاط الحمامات في الدوحه
اهم شي مايكون صيني
يكون اسباني او ايطالي
اتصلت في شركة بورتوتايب في سوق بروه قالولي الاسباني 60 في60 بسعر 70 للمتر
هل احد جربهم او راح لهم ؟
لان انا اشوف السعر ممتاز جدا مقارنه مع باقي الشركات فالدوحه

واللي يعرف اسماء الشركات ياليت يحط معاهم الاسعار وشكرا

عليكم السلام ورحمة الله و بركاته اخوي مضارب دوسري،،

درت كثير من محلات في الدوحه و عجبتني اغراض و اسعار بروتوتايب ،،

روحلهم ابرك ،، لان عندهم اشكال و الوان و اسعارهم يا اما نفس السوق او ارخص و هالشي اللي لاحضته ،،

لكن لحد الان ما شفت حد في المنتدى نصح بقية الشباب بشي مهم عن البورسلان و رغم ان الشباب مهب مقصرين ما شاءالله عليهم ،،

من اهم الاشياء اللي لازم تشيك عليه في البورسلان ان ما يكون مقوس ،، لان بالعين ما راح تشوف الا وقت التركيب ،، فلذا يوم تشوف العينه لازم تحط قطعتين احذا بعض و تشوف و تتأكد من راعي المكان اللي بتشتري منه ،،

موفق بإذن الله ،،

مضارب دوسري

12-05-2012, 03:01 PM

يعطيك العرفيه اخوي اوريو ماقصرت
بس لا هنت بخصوص سمك البورسلان هل 10 ملم مناسب ؟

معماري قطري

13-05-2012, 10:29 AM

إخوي 10 ملم تحصله للقطع الكبيرة وفيه 12 ملم ويكون صلب وقوي ومب بسهولة ينكسر، والبورسلان لتركبه على رمل ركبه على اسمنت صبية خفيفة مثل البلاستر فوق الصبية الأصلية بدون رمل بروحه وبعدين اسمنت، ومر شوف اللي عند العمودي قرب برج المالكي ولا دوار الساعة الأرضية وبتعرف شلون جودته.

معماري قطري

13-05-2012, 10:42 AM

مب قصد دعاية كلامي السابق والله .. بس منتج عجبني وتمنيت لو سويت البيت كله وشكله شكل الرخام وأجود بكثير ... ولازم فيه نوعياتقطع كبيرة غير وفي محلات وايد غير

مضارب دوسري

13-05-2012, 02:53 PM

بيض الله وجهك اخوي

ريان

14-05-2012, 01:46 AM

اذا الكميات كبيره روح للرياض

والقصد مو الرخص مع ان الاسعار اقل

ولكن اشكال وانوع كثيره

الاسعار توصل الى 120 ريال للمتر

والارضيات اخذت اسباني شكله حلو وسعره 98 ريال قبل الخصم

واذا تبي اتشوفها راكبيت عندي فالبيت .

كبير المتداولين

14-05-2012, 01:46 PM

معماري قطري

15-05-2012, 10:38 AM

للاسف اغلب البورسلان الموجود عندنا نوعياته رديئه انا اشتريت من الرياض بورسلان وحصلت نفس النوعيه بالدوحه ونفس التشكيله وكان في فرق بالسمك بين النوعين مع انهم نفس بلد المنشأ الي بالرياض كان سمكه تقريبا 3سم والبي بالدوحه كان 2سم تقريبا

إخوي كبير المتداولين الله يسلم لي راسك ما عمري شفت بورسلان 2 سم أو 3 سم، والغالبية على حسب الحجم يكون سمكهم من 7 ملم للصغير وانت طالع لحد 12 ملم أو 14 ملم للقطع الكبيرة، وأكبر سمك 14 ملم = 1.4 سم.

ال 3سم وال 2 سم هذي للرخام والجرانيت، وممكن تحصل سمك أعلى لأنه ينقص حسب الطلب، لكن البورسلان والسيراميك لهم طرق تصنيع وإضافات خاصة تجعل كل مادة تختلف عن الثانية وتتنافس الشركات المصنعة في تقديم الأجود والمقاوم لكل عوامل الإهتراء... عجبني بورسلان منتج إيطالي بطريقة قص شريحة من غرانايت نادر جداً وبسمك يقل عن المليمتر، وثم توضع هذه الشريحة على عجينة البورسلان وينتج عندنا خليط بين البورسلان والغرانايت الطبيعي، وبحماية تجعل المصنع كثير أقوى وأفضل ومنه درجات الأُولى توصل لسعر 800 ريال والثانية تنزل لسعر 270 ريال للمتر، وبارفق لكم صورة له بعد التركيب علماً إن سعر المتر منه غرانايت طبيعي حصلته بعد عناء وفي محل رخام واحد في قطر بسعر 6700 على ما اتذكر يمكن أقل أو أكثر بس سعر خيالي، وهالسعر شجعني أشتري البورسلان المهجن فهو يعطي نفس شكل الطبيعي.

وهذا رابط الصورة http://im14.gulfup.com/2012-05-10/133666237153.jpg

PGR

15-05-2012, 11:08 AM

انا درت تقريبا على كل المحلات اللي في الدوحه عشان اشوف احسن البورسلان ووين موجود ,,,, الاحسن موجود عند جلفار واسعاره بين 270 الى 380 ريال على حسب الحجم 44*44 او 60*60 واللون وفي بعد على 510 وحجمه 30*90 (المقاس والسعر تقريبي) ,,,,, الاماكن الثانيه كلها جودتها اقل من اللي عند جلفار مع انه اسعارها مب رخيصه في على 200 و 220 و 180 يعني على حسب المكان ومنهم (الدهليز- المتحده)

اخوي معماري قطر الشيخ وين هالمكان اللي عنده هالنوعيه دلني عليها جزاك الله خير ابي اروح بس اشوف

وبالتوفيق للجميع

معماري قطري

15-05-2012, 02:07 PM

الأخ PGR هذي النوعية اللي في الصورة خذتها من ست سنين تقريباً من عند العمودي اللي قرب تقاطع حفصة، وخذت على دفعات للمداخل وحتى حطيت منه عتبة في الحوش، بعد ما خذت كم حبة سويت لهم زاوية مقوسة عند معمل رخام علشان ما تنكسر، وهذي صورة لحافة البلاطة ومركبة خارجية لها ست سنين وما تغيرت والحمد لله.http://im17.gulfup.com/2012-05-15/1337065486971.jpg (http://www.gulfup.com/show/X2b3xnb43bhc08)

http://im17.gulfup.com/2012-05-15/1337065486362.jpg (http://www.gulfup.com/show/Xrpb7tnhvcw000)

معليش الصورة بينت كبيرة ... توني عليمي في هالأُمور وبعدين عشان يوضح القطع اللي بشكل قوس ربع دائري، وهذا مهم لأي عتبة أو نعلة حتى النعلات الخشبية علشان ما تنكسر وعلشان بالنسبة للعتبات ما تكسر حد لو طاح عليها لا قدر الله صدفة