هل أنت خسران بالبورصه ؟ تفضل الحل هنا :)

[عزيز]

السلام عليكم ورحمه الله وبركاته

ألي خسران بالبورصه وباعطيكم مثال

مثلا أنا خسران :d ( والعياذ بالله من كلمه أنا ) في الصناعات شريت 200 سهم ب 250 ريال وألحين السهم نازل 154 : (

الحل لتعويض الخساره بنظري هو المضاربه بشطاره بس لازم تكون عندكم خبره ولو قليله وبعطيكم أمثال مثلا شريت الصناعات ب 250(مثل حالتي)ألحين هي نازله يعني أنطرها مثلا ترتفع توصل 170 تبيعها وترد تشتريها لما توصل سعرها 160 علي الأقل وبكذا لو عندك سهم من قبل بتكون حصلت علي الأقل 12 زياده

وأدري انه بعضكم راح يقول شنو يعني 12 سهم والعمليه بتكون خطره ومجازفه كبيره بس الفكره هي أنك تزيد عدد أسهمك ولذلك لتقليل الخساره عندما ترتفع في بدايه 2006 (بأذن الله )وعندكم حل من الأثنين
1_أنك تنتظر لين يرتفع السهم وتصير مستثمر طويل الأجل
2_أنك تنفذ الطريقه المذكوره أعلاه(علما أني خسران مبالغ كبيره وماعندي خبره بالمضاربه بس بصراحه بجازف شخصيا )

وأرجو ياأخوان محد يتسرع ويسوي هالفكره الأ وهو دارسها عدل أو مخلي خبير مضاربه ينوب عنه علشان لو الله لايقول أرتفع السهم عقب مابعتوه وخسرتو ولا شي الله لايقول ماتدعون علي وتقولون عزيز كان السبب والله يشهد أنه هالفكره طرحتها عليكم لمنفعتكم الشخصيه وليس دعوه موجهه للبيع

ملاحظه:ألي عنده أسهم كثيره خسران فيها مايبيعها كلها مره وحده ويبيع ويشتري فيها علي الأقل 70% من مجموع الأسهم ألي عنده

والسموحه علي الأطاله وأتمني الأفاده للجميع

وياهلا بكم :)

[عزيز]

أتمني من الأخوان سهم عتيج وبيزات وقطر ومغرور وبوعلي اليافعي ومغرور قطر الأفاده بموضوعي وطرح افكارهم علي هالموضوع وذلك لتزيد الأهميه لدى الأعضاء والزوار والسموحه علي الأطاله :)

[The Edge]

طريقة ممتازة والله يا عزيز.. أنا حاليا أسوي هالطريقه... بس الحذر مطلوب من غدر السوق.. و يجب التواجد في السوق و ضمان تحصل حد ينفذ لك الطلبات بسرعة

[المسكين]

مرحبا اخوي عزيز



اما عن نفسي الصراحه متبع هذه الطريقه


شاري التحويلية على 95.3 ريال للسهم والحين


مثل ما انت شايف نازله في الخمسينات


فأنا الان ابيع واشتري بأقل من اللي بعت


والفايده اشتري فيها اسهم زياده




( لاكن ابيع النص وليس الكل ) لان لوتبيع الكل


وترتفع ففي هذه الحالة انت خسرت خساره كبيره


والا اشراي الاخوان













الله لايجيب الخساير انشاء الله

[مغروور قطر]

اخوي عزيز طبعا هذا اسلوب المضاربه لتعويض الخساره بس اخوي ماانصح بالمضاربه في الوقت الحالي لان مخاطره كبيره وخاصه في الوقت الراهن واذا ناوي على المضاربه يجب عليك اتركيز والمتابعه القويه الاسهم واعتقد من افضل شركات المضاربه ولكن بعد متابعه دقيقه صناعات المصرف دولي ولكن يجب تملك وسيط سريع لتنفيذ العمليات

[سهم عتيج]

بما أنني لست مضاربا في السوق ولكن

أعتقد ان طريقة المسكين هي طريقة جيدة لتخفيف الخساير,, بس المفروض الواحد يكون حذر جدا في هذه الحالة,, ولو ركز على سهمين او 3 أسهم يتحركون باتجاه معاكس فهذا أفضل,, وممكن تكون مثل هالطريقة ناجحة,, يعني تبيع سهم مرتفع وتروح حق سهم يتحرك بين سعرين,, ويكون سعره في ذاك الوقت هو أقل سعر بين سعريه المتحركين وتشتري فيه,, وعندما يرتفع الى السعر الأكبر بين السعرين وفي نفس الوقت فان سهمك الأصلي قد نزل سعره عن السعر الذي بعت فيه,, فهنا تنتقل مرة أخرى الى سهمك,, وهكذا

بس هناك بعض الملاحظات على هذه الطريقة وهي,, ان كثير من المضاربين قد يطمئنون بعد فترة على ان هذه الأسعار ستظل بين هذين السعرين وفجأة فان السهم اما أن يرتفع بشكل كبير عن معدله,, او يحدث العكس’’ لذلك فمن الممكن بعد فترة ان تضيع الأرباح او تزداد الخساير اذا لم يكن المضارب منتبها جيدا للتغيرات الجذرية التي قد تطرأ على حركة السهم..والله أعلم

[علي]

أويد اخوي سهم عتيج مع اخذ الحذر

[Alemadi]

طريقه ممتازه وفيها مخاطره كبيره وانا سويتها مع المصرف بعته بخساره على 265 وشريته على 246 وانشالله يكسر حاجز 250 ويرتفع عشان اطلع راس مالي وباذن الله بحول على الدولي الاسلامي حق فتره طويله والله يوفق الجميع

[رحال]

الو قت الحالي ليس للمضاربة نظرا لبط ء الرتم في السوق والا يام الجاية سوف يشهد السوق الى نزول وثبات

وطلوع خفيف لا يذكر الى أن تصل الا سعار في مرحلة ثبات الا سعار وتعوم نفسها بنفسها ولكن أفضل طريقة

هي ( الأ فرج ) لاختصار الوقت والتوفيق من الله !!!

[الخبير المالي]

كثيرا مانصحنا بعدم المضاربه والتحول تدريجيا للاستثمار طويل الاجل ربما تذبذب الاسعار يوحي بوجود حركة في السوق وفرص مواتيه للمضاربين ولكن السوق القطري ينقصه الوسطاء المحترفيين والذين من المفترض ان يقوموا بعمليات البيع والشراء للمستثمرين بسرعه وامانه ومع الاسف لانجد هؤلاء الوسطاء اضف الى ذلك افتقار المواطن القطري للوعي الاستثمار عموما فما بالك بعمليات المضاربه والتى اصلا تحتاج الى سرعه في اتخاذ القرار واكثر ماأخاف منه ان يخسر الكثيرين نتيجة تلك العمليات اكثر من ماخسروه في الهبوط الاخير للسوق...وبالتوفيق للجميع

[عزيز]

شكرا للجميع علي الردود والتفاعل والتعليقات

والله كريم وبنشوف أخرتها مع السوق االتعبان والسموحه علي الكلمه ياجماعه

ياهلا فيكم جميعا :)

[قناص الاسهم]

مرحبا شباب
انا الصراحه شريت 8000 سهم صناعات بقيمة الاكتتاب ( 16.5 ) وبعت نصهم بسعر 244 ريال واحتفضت بالنصف الاخر لليوم الاسود :app:
اقولها وبصراحه مستحيل ارد اشتري من السوق مره ثانيه الا في حالة يوصل سعر السهم ريالين او ثلاثه ((هههههههههههه لا حد يعصب اتغشمر والله))
بس الصراحه انا انسان حذر وقلبي مش قوي مثل غيري ومن خاف سلم :court:
ودمتم سالمين