حتى اليهال عندهم بلاك بيري

[هبوب الكوس]

عمره 7 او 8 سنين عنده بلاك بيري او اي نوع من الموبايل

هل هذا سن يستحق ان يقتنيه

مثل ما انتوا عارفين البلاوي اللي من تحت راس البلاك وخاصه 18+ :nop:

صحيح في ناس تحرص على مراقبه هواتف الاطفال

بس في غيرهم بحري لا اهتمام ولا مراقبه للجوال

هل في سن قانوني للاطفال من قبل الاسره

في استحقاق ان يكون عنده موبايل

[راشد محمد]

هالزمن توقع فيه اي شي,,
كمبيوتر وايبود وايباد؟؟
وكل انواع التلفونات

[باراكودا]

12 سنة أعتقد سن مناسب لاقتناء البلاك بيرى

[ذيب سرحان]

ان طاعك الزمن ولا طيعه وهي واقفه على البلاك البيري ..

[MAZEN37]

ان طاعك الزمن ولا طيعه وهي واقفه على البلاك البيري ..
صح لكن شيء مخيف تخيل ابنك او بنتك بهالعمر يشوفوا اشياء غلط
يمكن تجيهم حاله نفسيه
الله يستر علينا وعلى اطفالنا
صراحه اتمنى مراقبه من شركات الاتصال على هذه الاجهزه ولو يحطون رقم التلفون هو نفسه البن كود احسن

[هبوب الكوس]

هالزمن توقع فيه اي شي,,
كمبيوتر وايبود وايباد؟؟
وكل انواع التلفونات

بس لازم في سن محدد لعمر الطفل في اقتناء الجوال

[ANONYMOUS]

على حسب شخصية الوالدين

ومدى اهتمامهم ب عيالهم

وخوفهم عليهم طبعا

[حسن]

اي والله اما هناك بلاوي فيه شلون هذه الروابط تمر على كيوتل الظاهر المراقب انفجر ماعاد يلحق

[سان سيمون]

تسلم اخوي على الموضوع

سبحان الله تحس اغلبية الاسرة منومة مغناطيسيا تسير تتشراء من هالاجهزة وتوزع على عيالها وكانه شيء ضروري من ضروريات الحياة مثل الاكل والشرب ،،،،،، ولما يشوفونك ضد هالشيء لا حرام هذاهم عيالنا عندهم ترى عيالش بيحسون بالنقص والحرمان

بذكر لكم بعض المواقف الي بالفعل تمنع اقتناء الاطفال لهالاجهزه ومن وجهة نظري بعد الثانوية مستعدة اشتريه وأغلفة واقدمة هديه لولدي بس اما بنت تدخل الجامعة وتبشر به لانه تلفوني في يدها تسوي فيه الي تبي تغير صور تقراء مسجاتي ما عندي مانع لكن شلليه وصديقات سوري وهم عارفين هالشيء ومقتنعين

@ بنت بالصف السادس تعرفت على شباب عن طريق البي بي شلون وكيف انا للحين ما عرفت والمصيبة الشاب بعد ما عرف سنها ومعلوماتها كاملة سنها من هي بنته عنوان بيتها قالها انت صغيرة علي دوري لي وحده اكبر

@ ولد بالمرحلة الإعدادية ادمن المواقع الإباحية وسار يمارس العلاقات المحرمة مع الخدم وغيرهم بسبب دلال احد الأبويين لانه وحيدهم وللأسف مش حاسين بالمصيبة


////////////////////////////////////////////////

من وجهة نظري من ابتلى بهذا الداء ان تكون هناك رقابه مشدده من خلال

معرفة من يضيف معه ومن يراسله ولازم يكونون من نفس العمر موب اكبر منه

التشييك الدائم على الرسائل والمحفوظات وغيره

ان يكون العيال مقتنعين برايي الأهل وسبب الرفض لان اذا كان بالإكراه راح يحصلون من يوفره لهم من اصدقاء وغيرة

[بصمة قطرية]

أنا ضد امتلاك الطفل للجوال والبلاك بيري بالذات .... ما خرب جيل هالايام الا التساهل في هالأمور جوال بلاك بيري ،،،،،، و لازم في مراقبة من قبل الأهل ... اللي يبط جبدي يهال في الابتدائي و كل واحد عنده بلاك بيري و لين قلت للام ليش مطلعه له بلاك بيري تقول الكل عنده و اللي تقول شسوي لهم خلهم عادي ........!!!!!!!!!!!!

[سان سيمون]

أنا ضد امتلاك الطفل للجوال والبلاك بيري بالذات .... ما خرب جيل هالايام الا التساهل في هالأمور جوال بلاك بيري ،،،،،، و لازم في مراقبة من قبل الأهل ... اللي يبط جبدي يهال في الابتدائي و كل واحد عنده بلاك بيري و لين قلت للام ليش مطلعه له بلاك بيري تقول الكل عنده و اللي تقول شسوي لهم خلهم عادي ........!!!!!!!!!!!!

صدقيني هالام راح تشبع في يوم الا اذا رحمها رب العالمين وتشوف شنهو العادي اذا طاح الفاس في الراس قالت يا هادي

[جرح الزمان]

نعيب زماننا والعيب فينا.......وما لزماننا عيب سوانا

[تحداني]

نعيب زماننا والعيب فينا.......وما لزماننا عيب سوانا




معاك حق


جملك الله برضاه

[تاجر كشخة]

الاطفال ما ينلامون اللوم على الكبار

[ضوى]

من دمار الوالدين ، والا البزورة ماعليهم عتب

[شبح الصمت]

انت في عالم السرعه

اقولك بنت اخوي ماشاء الله عليها عمرها 4 سنين فديتها

وقاعده صيه على الاي باد

اشوي تقول لابوها وين الانتر نت هههههههههههههههههههاي

[أسير الاسهم]

انا ما خذت الجوال الا بعد الثانوية .. وهالنظام لازال مطبق عندنا فالبيت ,, محد ياخذ جوال مو بلاك بيري ولا اي نوع المهم مافي الا بعد الثانوية ويصير يطلع ويروح ويجي لازم يكون معه جوال عشان نعرف وين يروح ووين داره .. اما قبلها لا ما له داعي

[دااانة قطر]

هل هذا سن يستحق ان يقتنيه

صحيح في ناس تحرص على مراقبه هواتف الاطفال

هل في سن قانوني للاطفال من قبل الاسره

في استحقاق ان يكون عنده موبايل

بالنسبه لي العياال عندهم بلااك بيري
وقبلها كاان في ايبااد
وقبلها جهااز كمبيوتر

الوقت اللي يتم استخداام اي جهااز عندي هي الفتره اللي نكون فيها مع بعض وحااليا البلااك بيري حق العيااال عندي في شنطتي اول ما أرجع البيت يستلمونه اخذه منهم قبل وقت الدرااسه واذا كنا طاالعين ووقت النوم
بما اني مضاافه معااهم فالحمدلله الصور ماعليها كلااام كاانت فئه تستخدم صور مو حلوة وارسلت لهم بعض الفتااوي والأحااديث والكلاام الطيب واللي شفتهم عااندو على طول دليت واي برودكااست من عياالي يتحول للجميع واي راابط يجوني يفتحونه عندي عالايفون لأن البيبي يحليله يعلق فأشوفه اول شي وبعدها اعيد تشغيله لهم والعنواا مايقصر والحمدلله ماشفنا شي لحد الآن
الثقه مو كل شي وللأسف احنا في زمن مانقدر نمنع كل شي عن عياالنا خااصة اذا هو متوفر عند الجميع لكن التربيه وتوضيح الصح من الغلط ووضع الخطوط الحمرااء وتوضيح العوااقب لمن يتخطاها لها ثماار إيجاابيه ولله الحمد

خلكم قريبين من عياالكم واعرفوا هم مع من وايش يسوون اول بأول وان شااء الله ربي يحفظهم من كل شر

[دااانة قطر]

انا ما خذت الجوال الا بعد الثانوية .. وهالنظام لازال مطبق عندنا فالبيت ,, محد ياخذ جوال مو بلاك بيري ولا اي نوع المهم مافي الا بعد الثانوية ويصير يطلع ويروح ويجي لازم يكون معه جوال عشان نعرف وين يروح ووين داره .. اما قبلها لا ما له داعي


والله انا بعد ماشتغلت طلعت لي جواال :nop:

[الـخـالـدي]

اخوي الغلط من ولي الامر ولا اللي عمره 7 و 8 سنين وش له حاجة فالتلفون ؟

اذا هو وقته كله مع امه ولا ابوه .. متى يصير بروحه الا اذا بغا ينام هذا اذا ماينام عند امه بعد

[ولد ازغوى]

المشكله صار في وقت لازم يكون عنده جوال
وبلاك بيري جسب المحيط بس بعد عطوننا طريقه نقدر نرفض فيه الطلب لعيالنا *

[NINA RICCI]

12 سنه نعطيه جوال بس مب بلاك بيري ..
والمشلكه الكبيره لو كان عند ربعه بي بي ,, تضطر تعطيه للاسف

[ضوى]

المشكله صار في وقت لازم يكون عنده جوال
وبلاك بيري جسب المحيط بس بعد عطوننا طريقه نقدر نرفض فيه الطلب لعيالنا *


12 سنه نعطيه جوال بس مب بلاك بيري ..
والمشلكه الكبيره لو كان عند ربعه بي بي ,, تضطر تعطيه للاسف


شنو هالزمن اللي الاباء والامهات مايقدرون يرفضون شي لعيالهم !!! عجبي

اخواني اخواتي انتوا الابابء والامهات وهم الأبناء عليكم الامر وعليهم السمع والطاعة

[NINA RICCI]

شنو هالزمن اللي الاباء والامهات مايقدرون يرفضون شي لعيالهم !!! عجبي

اخواني اخواتي انتوا الابابء والامهات وهم الأبناء عليكم الامر وعليهم السمع والطاعة

شي اكيد نفرض راينا ونامرهم باللي نبيه .. بس بعد مانحرمهم من شي موجود عند ربعهم .. بس هني يبتدي طبعا دور المراقبه والحرص .. لان الحرمااان شي كلللش كلللش مب حلو

[ضوى]

شي اكيد نفرض راينا ونامرهم باللي نبيه .. بس بعد مانحرمهم من شي موجود عند ربعهم .. بس هني يبتدي طبعا دور المراقبه والحرص .. لان الحرمااان شي كلللش كلللش مب حلو

اختي انتي ماحرمتيهم من شي ضروري او فيه حياة او موت !! اقصاها تلفون ؟؟ ومب اي تلفون بلاكبيري !! دمار وخراب يعني راح تؤثمين على اللي يشوفونه هم ، شنهي الرقابة في هالبلاك التعيس؟؟وبعدين واحد عمره 12 سنة وش حاجته ببلاك ؟؟

[ولد ازغوى]

كلامج صح وودنا فيه بس التنفيذ صعب لان بعد احنا كانوا اهلنا يجيبون لنا وينفذون لنا والحمدلله كنا قد الثقه والحين نربي عيالنا بنفس الثقه اللي اهلنا عطوننا اياها بس احنا في وضع غير واصعب من قبل
ومب كل من عنده بلاك بيري خربان لان الخراب موجد من قبل البلاك بيري وقبل الايفون وقبل الكمبيوتر وقبل كل شي لان ما في تربيه صحيحه

[qatarshark]

كل واحد وطريقة تربيته لعياله
انا عن نفسي عيالي عندهم بلاك بيريوانا الي شريته لهم مب هم الي طلبوالاسباب منها اذا رحنا احدى المجمعات ما اقعد ادورهم بس اتصل لهم او ارسل لهم مسج,,,, لكن المشكلة مش في البي بي لالالالالا ممكن يشوف روابط او غيره في اي جهاز تلفون والشي هالايام متوفر مب مثل ايامنا, وبعدين لو انا منعت منهم البي بي ممكن ناس يستغلونهم ويعطونهم البي بي وهني المشكلة لا يبه خل اعطي عيالي وانا اراقبهم واعرف من ضايفين وساعات اذا اخروا الصلاة احرمهم من الاجهزة كلها البي بي والايباد والكمبيوتر لمدة اسبوع والله العظيم انهم تادبوا ويدرون اني اراقب اجهزهتم بس مب قدامهم لا لما ينامون لكن المشكلة في ولي الامر وطريقة تربيته لعياله يعني مب سبهلله لا انا اربيهم واعلمهم الصح من الغلط يعني اقول لهم ان هذا الشي حراام ولو انخشيت عني ماراح تنخش عن رب العالمين القصد منها التربية الصالحة

[NINA RICCI]

اختي انتي ماحرمتيهم من شي ضروري او فيه حياة او موت !! اقصاها تلفون ؟؟ ومب اي تلفون بلاكبيري !! دمار وخراب يعني راح تؤثمين على اللي يشوفونه هم ، شنهي الرقابة في هالبلاك التعيس؟؟وبعدين واحد عمره 12 سنة وش حاجته ببلاك ؟؟

ماشوفه اقل من الايباد في المضمون اللي صار بيد اطفال حتتى بعمر ال 6 سنين واقل :)

[ولد ازغوى]

وحبيت بعد اقول احيان في امهات عيال وجدات عندهم بلاك بيري ويتداولون اشياء يستحي الواحد. ينطق اسمها وكله بحجة انها كبيره او عفا عنها الزمن
هاي شتسمينه
وفي النقيض في مراهقات صغار وصورهم محترمه و ما يرضون على نفسهم يطرشون شي مب زين

البطوله عند الام والاب مب اني اخش عنهم واصك
البطوله هي انك قدرت توصل ولدك او بنتك لبر الامان في ظل هالظروف بدون حرمان او كبت

[ضوى]

كلامج صح وودنا فيه بس التنفيذ صعب لان بعد احنا كانوا اهلنا يجيبون لنا وينفذون لنا والحمدلله كنا قد الثقه والحين نربي عيالنا بنفس الثقه اللي اهلنا عطوننا اياها بس احنا في وضع غير واصعب من قبل
ومب كل من عنده بلاك بيري خربان لان الخراب موجد من قبل البلاك بيري وقبل الايفون وقبل الكمبيوتر وقبل كل شي لان ما في تربيه صحيحه

اخوي ولد ازغوى انت اب صح ؟؟ ليش التنفيذ صعب؟؟ اهلنا وش كانوا يجيبون لنا ؟ بلاكبيري ؟؟ تلفون البيت ومحسوب علينا المكالمات والطلعات ، الاتاري بوقت السوني بوقت ، الامرو ابدا مش سبهللة لازم حزم لا يعني لا ، انا اقدر حاجة العيال للبلاك من عدمه مب هم اللي يقدرونه ، الله يخلي التلفون بو ليت شنهي مشكلته ؟؟؟ يرسل ويستقبل اكثر من جذي وش ابي ، يبون كمبيوتر ونت انا معاهم ويدخلون على اللي يبون بس بالصالة وسط العالم والناس شي ثاني لا

[ضوى]

ماشوفه اقل من الايباد في المضمون اللي صار بيد اطفال حتتى بعمر ال 6 سنين واقل :)

ولا الايباد ولا الايبود اختي كلهم في نفس الخانة اختي

[الزلزال]

الله يستر على اعيالنا

[ولد ازغوى]

انا ام :) وعيالي صغار لكن عندي اخوان باعمار مختلفه اصغرهم عمره ٧ سنين وتوه مطلع له بلاك بيري
وقت النوم هو واختي اللي عمرهم ١٥ سنه يحطون البلاك بيري في درج في غرفة الوالده و اللي بيخترب ما بينطر الخراب من البلاك بيري
لانه حتى بدون تلفون ممكن ينحرف

وعلى عمرنا واعليه علينا كانت طاقتنا مستهلكه في الحوش والسياكل والاتاري ولاهههههه
الحين الياهل وين يشوف الحوش ولا الشارع الا لين بيطلع
ووين يلقى له وقت اصلا من يردون من المدرسه الساعه ٢ هبابهم بيحلون واجباتهم والعبوا شوي بالايباد الا جا موعد نومهم *

[ضوى]

انا ام :) وعيالي صغار لكن عندي اخوان باعمار مختلفه اصغرهم عمره ٧ سنين وتوه مطلع له بلاك بيري
وقت النوم هو واختي اللي عمرهم ١٥ سنه يحطون البلاك بيري في درج في غرفة الوالده و اللي بيخترب ما بينطر الخراب من البلاك بيري
لانه حتى بدون تلفون ممكن ينحرف

وعلى عمرنا واعليه علينا كانت طاقتنا مستهلكه في الحوش والسياكل والاتاري ولاهههههه
الحين الياهل وين يشوف الحوش ولا الشارع الا لين بيطلع
ووين يلقى له وقت اصلا من يردون من المدرسه الساعه ٢ هبابهم بيحلون واجباتهم والعبوا شوي بالايباد الا جا موعد نومهم *

الله يحفظ عيالج حبيبتي ، ويستر على عيالنا وعيالكم يااارب

[دااانة قطر]

وحبيت بعد اقول احيان في امهات عيال وجدات عندهم بلاك بيري ويتداولون اشياء يستحي الواحد. ينطق اسمها وكله بحجة انها كبيره او عفا عنها الزمن
هاي شتسمينه
وفي النقيض في مراهقات صغار وصورهم محترمه و ما يرضون على نفسهم يطرشون شي مب زين

البطوله عند الام والاب مب اني اخش عنهم واصك
البطوله هي انك قدرت توصل ولدك او بنتك لبر الامان في ظل هالظروف بدون حرمان او كبت



صح لساانك أخوي
كفيت ووفيت
واليل بالأحمر شي مخزي
ولاعااد اللي ضاايفين العيله الكريمه ( كلا الجنسين ) وصورهم :waiting:

[تحداني]

عور راسنه هالبلاك بيري
ما اعرف من اي داهيه طلع لنا .. صار وجوده قضيه ما بعدها قضيه


جملكم الله برضاه

[حسن]

من دمار الوالدين ، والا البزورة ماعليهم عتب

اي والله صدقتي خصوصا دلع الامهات هو اللي مخرب الاب يمنع والام تسمح

[سان سيمون]

اخوي ولد ازغوى انت اب صح ؟؟ ليش التنفيذ صعب؟؟ اهلنا وش كانوا يجيبون لنا ؟ بلاكبيري ؟؟ تلفون البيت ومحسوب علينا المكالمات والطلعات ، الاتاري بوقت السوني بوقت ، الامرو ابدا مش سبهللة لازم حزم لا يعني لا ، انا اقدر حاجة العيال للبلاك من عدمه مب هم اللي يقدرونه ، الله يخلي التلفون بو ليت شنهي مشكلته ؟؟؟ يرسل ويستقبل اكثر من جذي وش ابي ، يبون كمبيوتر ونت انا معاهم ويدخلون على اللي يبون بس بالصالة وسط العالم والناس شي ثاني لا

وانا من رايج تسلمين اخت ضوى

[هبوب الكوس]

12 سنة أعتقد سن مناسب لاقتناء البلاك بيرى

ماضني 12مناسب للطفل 16 واجد عليه


ان طاعك الزمن ولا طيعه وهي واقفه على البلاك البيري ..

هذا يحتاج له وقفه صارمه لان في هذا السن الام والاب من يجلب له الجوال




صح لكن شيء مخيف تخيل ابنك او بنتك بهالعمر يشوفوا اشياء غلط
يمكن تجيهم حاله نفسيه
الله يستر علينا وعلى اطفالنا
صراحه اتمنى مراقبه من شركات الاتصال على هذه الاجهزه ولو يحطون رقم التلفون هو نفسه البن كود احسن


كلامك صحيح اخوي مازن


على حسب شخصية الوالدين

ومدى اهتمامهم ب عيالهم

وخوفهم عليهم طبعا

صادق وخاصه الام عاطفيه وماتبغي تكسر خاطر الولد


اي والله اما هناك بلاوي فيه شلون هذه الروابط تمر على كيوتل الظاهر المراقب انفجر ماعاد يلحق

وغير البلاوي الخوف يجيه رقم غريب والاخ يشبك

[لقمان]

المشكلة اكبر الى يشتكى من عيالة ويققول العيال شياطين المسكين ما يدرى الاب والام هم الى ساعدو على الشطانة يشوف لة مقاطع حارة وصور كاسيات المشكة ان شايف عيال اعمارهم والله ما تجاوز 12 سنة وهو يدخن مارلبورة ابيض مع عيال اكبر منة تقريبا فى السن 15 سنة عسى الله يحفظ عيالنا وعيال المسلمين من هذة افة

[بصمة قطرية]

انا ما خذت الجوال الا بعد الثانوية .. وهالنظام لازال مطبق عندنا فالبيت ,, محد ياخذ جوال مو بلاك بيري ولا اي نوع المهم مافي الا بعد الثانوية ويصير يطلع ويروح ويجي لازم يكون معه جوال عشان نعرف وين يروح ووين داره .. اما قبلها لا ما له داعي

في البيت عندي النظام المتبع جوال فقط ..
لما يوصل الاعدادية ..
و عيالي في الثانوية و ما زلت اشوف البلاك بيري ما يناسبهم ..!!

[هبوب الكوس]

تسلم اخوي على الموضوع

سبحان الله تحس اغلبية الاسرة منومة مغناطيسيا تسير تتشراء من هالاجهزة وتوزع على عيالها وكانه شيء ضروري من ضروريات الحياة مثل الاكل والشرب ،،،،،، ولما يشوفونك ضد هالشيء لا حرام هذاهم عيالنا عندهم ترى عيالش بيحسون بالنقص والحرمان

بذكر لكم بعض المواقف الي بالفعل تمنع اقتناء الاطفال لهالاجهزه ومن وجهة نظري بعد الثانوية مستعدة اشتريه وأغلفة واقدمة هديه لولدي بس اما بنت تدخل الجامعة وتبشر به لانه تلفوني في يدها تسوي فيه الي تبي تغير صور تقراء مسجاتي ما عندي مانع لكن شلليه وصديقات سوري وهم عارفين هالشيء ومقتنعين

@ بنت بالصف السادس تعرفت على شباب عن طريق البي بي شلون وكيف انا للحين ما عرفت والمصيبة الشاب بعد ما عرف سنها ومعلوماتها كاملة سنها من هي بنته عنوان بيتها قالها انت صغيرة علي دوري لي وحده اكبر

@ ولد بالمرحلة الإعدادية ادمن المواقع الإباحية وسار يمارس العلاقات المحرمة مع الخدم وغيرهم بسبب دلال احد الأبويين لانه وحيدهم وللأسف مش حاسين بالمصيبة


////////////////////////////////////////////////

من وجهة نظري من ابتلى بهذا الداء ان تكون هناك رقابه مشدده من خلال

معرفة من يضيف معه ومن يراسله ولازم يكونون من نفس العمر موب اكبر منه

التشييك الدائم على الرسائل والمحفوظات وغيره

ان يكون العيال مقتنعين برايي الأهل وسبب الرفض لان اذا كان بالإكراه راح يحصلون من يوفره لهم من اصدقاء وغيرة

هذي المشكله اتحصن عيالك من المشاكل يطلعون لك الجماعه حرام وليش


أنا ضد امتلاك الطفل للجوال والبلاك بيري بالذات .... ما خرب جيل هالايام الا التساهل في هالأمور جوال بلاك بيري ،،،،،، و لازم في مراقبة من قبل الأهل ... اللي يبط جبدي يهال في الابتدائي و كل واحد عنده بلاك بيري و لين قلت للام ليش مطلعه له بلاك بيري تقول الكل عنده و اللي تقول شسوي لهم خلهم عادي ........!!!!!!!!!!!!

الله يهديهم بس سرعة الرضوخ والدلع الزايد

[Dana’1]

بنتي عمرها 8 وكل ما طرأت سالفة الجولات والبلاك بيري بالذات او شافت احد من العيال عندة
تقول ابغى واحد،،،وانا ارفض وابوها بعد وتسأل لية قلت لان ما تحتاجينة هو حق كبار والجوال من الاساس حق الي يروح مشاوير بروحة او للضرورة،،،تقول طيب عيال عمتي عندهم لية ! اقولها هم عندهم بلاك بيري وما عندهم آي باد وانتي عندك مع انهم يحبونة ويلعبون فية اذا شافوة عندنا وبعدين مو زين سالفة فلان عندة وانا ما عندي
فية اشياء عندنا مو عند غيرنا وفي العكس يابنتي ما يصير كل شي نشوفة نبغاة،،ماصارت
تقول طيب متي بيكون عندي بلاك بيري،،اقولها اذا كبرتي ان شاءلله
تقول اذا جيت المتوسطة،،،"تقول كذا لان تشوف الي بهالاعمار عندهم بي بي" اقولها يمكن الله اعلم بس الغالب بعد المتوسطة او الثانوي بعد كل شي بوقتة حلو
وهذي سالفتنا تنعاد باغلب الاوقات :)

انا ماني ضد جوال عادي جدا مافية نت وخرابيط،،،لكن بالوقت المناسب وللضرورة!
اما البي بي ،،،لا
والا آي فونن

آي باد وبعد احاتيها من هاليوتيوب ! واليو تيوب اشوفة مصيبة للآطفال اذا مافي احد وراهم
والله يحفظها ويصلحها ويستر عليها وجميع بنات وشباب المسلمين آمين يارب العالمين

[بوحارب]

والله أن بعض البزران اللي عندهم بلأكبيري أحسن من أبو العيال

على الأقل يطرشون أشيا تبيض الوجه

لكن المصيبة لما واحد أبو عيال ويرسل سوالف بزران !!

[بصمة قطرية]

بنتي عمرها 8 وكل ما طرأت سالفة الجولات والبلاك بيري بالذات او شافت احد من العيال عندة
تقول ابغى واحد،،،وانا ارفض وابوها بعد وتسأل لية قلت لان ما تحتاجينة هو حق كبار والجوال من الاساس حق الي يروح مشاوير بروحة او للضرورة،،،تقول طيب عيال عمتي عندهم لية ! اقولها هم عندهم بلاك بيري وما عندهم آي باد وانتي عندك مع انهم يحبونة ويلعبون فية اذا شافوة عندنا وبعدين مو زين سالفة فلان عندة وانا ما عندي
فية اشياء عندنا مو عند غيرنا وفي العكس يابنتي ما يصير كل شي نشوفة نبغاة،،ماصارت
تقول طيب متي بيكون عندي بلاك بيري،،اقولها اذا كبرتي ان شاءلله
تقول اذا جيت المتوسطة،،،"تقول كذا لان تشوف الي بهالاعمار عندهم بي بي" اقولها يمكن الله اعلم بس الغالب بعد المتوسطة او الثانوي بعد كل شي بوقتة حلو
وهذي سالفتنا تنعاد باغلب الاوقات :)

انا ماني ضد جوال عادي جدا مافية نت وخرابيط،،،لكن بالوقت المناسب وللضرورة!
اما البي بي ،،،لا
والا آي فونن

آي باد وبعد احاتيها من هاليوتيوب ! واليو تيوب اشوفة مصيبة للآطفال اذا مافي احد وراهم
والله يحفظها ويصلحها ويستر عليها وجميع بنات وشباب المسلمين آمين يارب العالمين
اااامين يارب ... أختي بالنسبة لليوتيوب اللي في الايباد تقدرين تقفلينه ما يفتح الا برقم سري أنا ما خليت العيال يلعبون في الايباد الا عقب ما قفلته عنهم لانه مش مراقب انصعقت يوم فتحته كان ولدي يبي يشوف كارتون ....خذته محل و علمني الطريقة بعدها ارتحت ... ماقدرت اعطيهم الايباد لو ما انقفل اليوتيوب ...

[Dana’1]

^^^
فعلا صحيح كلامك
عن طريق الاعدادات>>>عــام>>>القيود
عقب نختار الي مسموح من عدمة
وانا فعلا سويتة ومرة ابوها فتحة لحاجة وهي تحب تتفرج علية تشوف اناشيد اطفال ورسوم قصص الانبياء واصحاب الاخدود
بس هاليومين طاحت علي مقاطع من مسلسل كريم برقبتة سبع حريم مدري اميمة بدار الايتام
وتموت من الضحك بالذات يوم انهم بالبر !:)

المشكلة مو هنا انا اعرف ايش تدخل لان تفتحة بوجودي جنبها علي طول

لكن اذا راحت عند الاهل واجتمعو مع عيال عمتها وكال الاطفال جلسو عند كمبيوتر عمتها ويتفرجون وبحضور الكبار ،،،اغلب مقاطعهم مقالب للاطفال والمواقف المرعبة الي مزحهم ثقيل وفية رعب يحبها ولد عمتها @ــــ^ عقب تجيني تقول يمة انا خايفة تشوف وتقول كذا وانا افهم فيها وقلت ان هذا لعب ومسخرة وخذرتها من انها تدخل مثل هالامور والحمدلله تفهمت

بس باليو تيوب نفسة يدخل الواحد من مقطع لمقطع كرية ،،،بس ان شاءلله نوصل لحل نهائي معة!

الله يصلحهم يارب آمين
وجزاك الله خير اختي بصمة قطرية على هالرد الطيب

[نورعبدالرحمن]

طارق سويدان يقول دلعو عيالكم في كل شي ..الا في شي يضر اخلاقهم وصحتهم ،
جاني ولدي يصيح يبي بلاك بيري لان كل اصدقائة عندهم وهو في الابتدائي ،،علمتة انة مايكون امعة ويقلد كل حد
انا ما ربيت وتعبت علشان في الاخير يضيع ولدي على اشياء احنا عارفين ضررها

[ريم 28]

ما وراها الا الضرر
بس لما يجون ويقولون اش معنئ فلان
لو الاقارب كلهم انصحوا بعض بالطيب واللين لاقتنعوا وحافضوا على اطفالهم من هالمفسده

[دااانة قطر]

والله أن بعض البزران اللي عندهم بلأكبيري أحسن من أبو العيال

على الأقل يطرشون أشيا تبيض الوجه

لكن المصيبة لما واحد أبو عيال ويرسل سوالف بزران !!



مرااهق في الثلاااثين او الاربعين او الخمسين:waiting:

[بوسلمان 2010]

الله المستعان والله انها بلشه لاحول الله

[chillis]

بيه هبوب انت قديم الياهل الحين من عمره سنتين عنده اي باد شتقول انت فطبيعي بيعطونه بلاك بيري من 6 سنوات :×

[هبوب الكوس]

نعيب زماننا والعيب فينا.......وما لزماننا عيب سوانا

الله يهدي الجميع



الاطفال ما ينلامون اللوم على الكبار

لهدرجه الكبار سايبه عندهم


من دمار الوالدين ، والا البزورة ماعليهم عتب

اي نعم التحكم من الوالدين ولا البزوره مساكين :(




انت في عالم السرعه

اقولك بنت اخوي ماشاء الله عليها عمرها 4 سنين فديتها

وقاعده صيه على الاي باد

اشوي تقول لابوها وين الانتر نت هههههههههههههههههههاي

احنا على ايامنا بليب نستانس اذا حد ضرب لنا ويحط رمز 999

ننزل اقرب سوبر ماركت ونتصل :tooth:

[bo_hamad]

فيه امهات تشجع على ذلك

ما انصح

الله المستعان

[هبوب الكوس]

انا ما خذت الجوال الا بعد الثانوية .. وهالنظام لازال مطبق عندنا فالبيت ,, محد ياخذ جوال مو بلاك بيري ولا اي نوع المهم مافي الا بعد الثانوية ويصير يطلع ويروح ويجي لازم يكون معه جوال عشان نعرف وين يروح ووين داره .. اما قبلها لا ما له داعي

عدل شغلك اهم شيء النظام وخاصه مع الاطفال




بالنسبه لي العياال عندهم بلااك بيري
وقبلها كاان في ايبااد
وقبلها جهااز كمبيوتر

الوقت اللي يتم استخداام اي جهااز عندي هي الفتره اللي نكون فيها مع بعض وحااليا البلااك بيري حق العيااال عندي في شنطتي اول ما أرجع البيت يستلمونه اخذه منهم قبل وقت الدرااسه واذا كنا طاالعين ووقت النوم
بما اني مضاافه معااهم فالحمدلله الصور ماعليها كلااام كاانت فئه تستخدم صور مو حلوة وارسلت لهم بعض الفتااوي والأحااديث والكلاام الطيب واللي شفتهم عااندو على طول دليت واي برودكااست من عياالي يتحول للجميع واي راابط يجوني يفتحونه عندي عالايفون لأن البيبي يحليله يعلق فأشوفه اول شي وبعدها اعيد تشغيله لهم والعنواا مايقصر والحمدلله ماشفنا شي لحد الآن
الثقه مو كل شي وللأسف احنا في زمن مانقدر نمنع كل شي عن عياالنا خااصة اذا هو متوفر عند الجميع لكن التربيه وتوضيح الصح من الغلط ووضع الخطوط الحمرااء وتوضيح العوااقب لمن يتخطاها لها ثماار إيجاابيه ولله الحمد

خلكم قريبين من عياالكم واعرفوا هم مع من وايش يسوون اول بأول وان شااء الله ربي يحفظهم من كل شر

بيض الله وجهج

مشكلة المهملين من بعض الابوين لا حسيب ولا رقيب



اخوي الغلط من ولي الامر ولا اللي عمره 7 و 8 سنين وش له حاجة فالتلفون ؟

اذا هو وقته كله مع امه ولا ابوه .. متى يصير بروحه الا اذا بغا ينام هذا اذا ماينام عند امه بعد

وانت الصادق ماله حاجه للهاتف في هذه السن

[آنا غيــر]

مو المشكله الحين البزر لي نشب له في شي اهله مايعرفون يردونه

وواجد ينكسر خاطرهم على عيالهم ..

والله اخبر اول الاهالي صارمين اكثر .. ومب لهالدرجه كانت تنكسر خواطرهم علينا !!

[شبح الصمت]

ايام حلووه

:cry2:

http://www.ng4a.com/wp-content/uploads/2010/10/2154295.jpg


http://www.maximumpc.com/files/imagecache/futureus_imagegallery_slide/gallery/trs_80model1_01_0.jpg

[هبوب الكوس]

المشكله صار في وقت لازم يكون عنده جوال
وبلاك بيري جسب المحيط بس بعد عطوننا طريقه نقدر نرفض فيه الطلب لعيالنا *


ياخوي مايبيلها شي وخاصه انهم اطفال الواحد يقدر يرفض مثل هذي المتطلبات

اهم شي الاول والاخير الاتفاق بين الزوجين يعني مب الاب يرفض والام تأيد



12 سنه نعطيه جوال بس مب بلاك بيري ..
والمشلكه الكبيره لو كان عند ربعه بي بي ,, تضطر تعطيه للاسف

ما اعتقد الواحد يضطر يشتري للولد عشان ربعه

[MAZEN37]

ما شاء الله ما شاء الله
كل العالم عضلات ومحد عند ولده بلاك بيري
بمنتدى موزنبيق حنا
اخبر صورة صاروخ عندك يا هبوب

[سكتون]

انا اتوقع بسبب رخص تكلفة الخدمه
لو يرجعونها نفس قبل 35 ريال بيصير قليل اللي يستخدمه من الاطفال

[الشيخة شيوخة]

:telephone: اتذكر الطفل قديما لما نعطيه لعبة على شكل تلفون مايبى هاللعبة يبى التلفون الاصلى
والحين وهوفي بطن اممممممه عنده ب بي

[chillis]

ما شاء الله ما شاء الله
كل العالم عضلات ومحد عند ولده بلاك بيري
بمنتدى موزنبيق حنا
اخبر صورة صاروخ عندك يا هبوب

:app: :app: قصدك المدينه الفاضله

[بوخالد911]

من سن 12 وفووق
اتس اوك

ولكت لو اقل ؛ لا

[زلـزال]

المصيبة مب في اليهال عندهم المصيبة في الاستخدام

ولاحظوا حتى الكبار عندهم خلل في الاستخدام

إذن فهو سلاح ذو حدين

في طريقة التعامل

مع هاتف

فتح آفاق خطـــــــــــــيره على الصغار والكبار وفتح باب للدمار بشكل غريب اعتقد

ان احنا نواجه تحدي صعب وغزو فكــري مرير

الله يستر