البنك الاهلى وغيره من طلب الوظائف

[ام حمد ومحمد]

السلام عليكم ورحمه الله وبركاته

اسمحولى انى كتبت هالموضوع من ضيقتى والله انا مقيمة ومن قهرتى تكلمت والله من تزوجت
ما تقدمت وصارلى 8 سنوات تزوجت ماتقدمت لااى وظيفة لان اعرف الاوليه للقطرين وهذا على راسى
قلت خلنى ادرس احسن اضيع وقتى بالدراسه والله ما على اقول شاهد
اشياء ادرس عشان يوم اقدم لااى وظيفة اكون اوكى
معاي ثانوية ودرست icdl
والانجليزية والمهارات الكتابية
ويوم قدمت يقولى المسؤال انتى لك الاولوية انا ادري ويقولى زوجك قطري بس الاولوية للقطرين
والله سكت وقلت ادري بس رجعت البيت مكسوره









والا زوجى يقولى ليش مارديتى عليه وتقوليله اكا اجانب يشتغلون فى البنك وفى البلد انا صج ماعرفت ارد لانى مالى حق لا ويقول يوم تاخذين الجواز اتصلى والله انكسر خاطري
ونفس الشي ف الصحة قالو موقفين الشغل والله اقول الحمد لله علي كل شئ اوقات اقول خيره

وانتظر ردكم وانا اموري بيد الله فقط واحمد ربي على كل حال



عيالى عيالكم ياقطر

[قطري vip]

سؤال اختي دام زوجك قطري اعتقد تستحقين الجنسيه بعد خمس سنوات من الزواج فهل قدمتي لاخذ الجنسيه

[qews]

اختي بغض النظر عن الجواز .. شخص مر عليه فتره وماشتغل تكون فرصه للتوضيف اقل. وهذا على علم بمعرفه شخص واصل دراسته 7 سنوات وارتاح سنتان والحين يقدم ومحد ياخذه.

كل التوفيق والاحترام

[feva qatar]

الارزاق على الله .. حتى القطرين مب محصليين شغل ..
اناا قدمت على كل مكاان ومحد التفت صوبي ..
انتظري وكلناا ننتظر معاج

[تحداني]

سؤال اختي دام زوجك قطري اعتقد تستحقين الجنسيه بعد خمس سنوات من الزواج فهل قدمتي لاخذ الجنسيه




نفس السؤال جى على بالي


جملك الله برضاه

[وحيد-الشوق]

الله يكون بعونج ويسخر لج حد يساعدج

لكن شلون ٨ سنوات وماعندج الجنسية ؟

[الزعفراني]

احمدي ربج انهم ما وظفوج في البنك الاهلي الربوي ، تأكدي إن الله يحبج ويبي يبعدج عن هالوظيفة . الواحد لو يتأمل اشوي يعرف إن هالأشياء الله مقدرها لكل انسان ، ودام الله اختارها لنا بلاشك فيها الخير .


حاولي في أماكن ثانية وربج يوفقج ودام مش محتاجه للوظيفة بلاها .

[النجلا]

توكلي على الله .. وعليج بقيام الليل وسورة البقرة ..

انا كنت في نفس وضعج وسنتين وانا ادور شغل لكن مايأست وكل من يقول لي دوري لج واسطة واقول ماعندي غير رب العالمين هو واسطتي .. والحمدلله اشتغلت ..

توكلي على الله ..

[ام حمد ومحمد]

نفس السؤال جى على بالي


جملك الله برضاه


السلام عليكم ورحمه الله وبركاته
والله ماادري احنا تقدمنا عقب الزواج بثلاث سنوات قالو تغير القانون صار خمس والحين يوم نسال يقول تحت الاجراءات مافى رد وصلنا

[ام حمد ومحمد]

احمدي ربج انهم ما وظفوج في البنك الاهلي الربوي ، تأكدي إن الله يحبج ويبي يبعدج عن هالوظيفة . الواحد لو يتأمل اشوي يعرف إن هالأشياء الله مقدرها لكل انسان ، ودام الله اختارها لنا بلاشك فيها الخير .


حاولي في أماكن ثانية وربج يوفقج ودام مش محتاجه للوظيفة بلاها .

الحمد لله
اخوي مب بس البنك الا كل مكان ويوم اسمع ان قطريين بعد مب محصلين وظائف اسكت واقول الله بيرزقنى
وبالنسية للشغل من منا مب محتاج ماتقدم حق الشغل الا المحتاج سواء من ناحية مديا او اثبات النفس او فى تلك الاحوال
عيل ليش انا كتبت الموضوع وترددت مليون مرة قبل لااكتبة

[ام حمد ومحمد]

اختي بغض النظر عن الجواز .. شخص مر عليه فتره وماشتغل تكون فرصه للتوضيف اقل. وهذا على علم بمعرفه شخص واصل دراسته 7 سنوات وارتاح سنتان والحين يقدم ومحد ياخذه.

كل التوفيق والاحترام

لا اخوي انا اشتغلت من فتره بسيطة
بس كونى اقدم ع وظيفة نفسي مثل اى اجنبية واقامة ع الزوج ويرد على ويقول لين اخذتى الجواز تابعينه انزين هذى اجراءات شسوي انا اللى الله كاتبة بشوفه بس لاتتفلسف علي عشان انا مااعرف القوانين يعنى بس عقب اللى فهمنى زوجى قالى انتى ماتشوفين اجانب فى البنك قلت اى قال عيل ليش مارديتى عليه .:cry2: قلت يمكن مستواى التعليمى اقل

واسمحولى ع الازعاج بس تكلمت من ضيقتى

[فـيـراري قطر]

رفيجي جامعي وقطري ومن عايله معروفه صارله سنتين بدون شغل لان عمره 32 سنه؟ بذمتكم مب حرام؟

وناس تدخل الدوحه اليوم ويعطونها رواتب فلكيه لانه الحبيب يحمل جواز كذا صار خبير مشالله...
للعلم الي عيونه زرق كان في بلاده من الطبقه الدنيا وجا عندنا وصارله راس