احد يعرف عن شركة نيو كلاسيك للتصميم والديكور

[wrc]

السلام عليكم ورحمة الله وبركاته،،،احد يعرف هذي الشركة نيو كلاسيك للتصميم والديكور واعمالها لان على حسب كلامهم خبره ٨ سنوات موقعها شارع ال شافي الريان؟

[دريمة]

للرفع

[كبير المتداولين]

ياخوي وفر ال 30 الي بتدفعها وصمم بيتك بنفسك

[معماري قطري]

ياخوي وفر ال 30 الي بتدفعها وصمم بيتك بنفسك

الله يسلمك يا كبير المتداولين

ردك يخوف ونصيحتك بتورط الرجال ... إسمح لي بس أذكر بإنه التصميم عبارة عن خطة تنفيذ معتمدة وموثقة، وعبارة عن أساسيات عقد لأي شيء في الحياة، والتصميم المتكامل يسهل لك التعاقد مع عدة أطراف ويوضح علاقة كل طرف بالشغل.

والمكتب الإستشاري المشرف يمثل محامي مختص يدافع عن حقوقك، صحيح انت تتدخل في التصميم بإحتياجاتك المرئية لكن هناك أُمور وحسابات هندسية تخصصية لا بد منها، واللي أغلب الناس تتسهله شبكة الكهرباء في البيت، وهذي لها حسابات معقدة ما يسويها الا مهندس كهربائي ممارس ومعتمد وخبير في شغلته، والعمل الهندسي دوم يكون عمل فريق.

عيل شالفرق بين بيت عادي مساحته 500 متر ولا شعبي 300 متر مربع وشقة راقية 100 متر وتحصلها مدروسة دراسة جيدة وفي مكان روعة وهذي الصغيرة تحصلها بمليونين والبيت الشعبي يمكن بنفس السعر إذا حسبنا الأرض، وأحياناً الشقة ذي إذا تشطيبها عالي توصل أرقام خيالية.

إحنا يمكن نتعلم أشياء بسيطة ونحس بنفسنا قادرين نسوي كل شغلة التصميم، لكن الواقع كلش غير وحتى المصمم المختص يخطي كثير في أول حياته إن ما التزم بقوانين التصميم وشيء ما يعرفه لازم يحوله للمختصين من المهندسين ... مره صارت لي سالفة في بداية عملي ... طلب مني تحويل صالة رياضة إلى قاعة دراسية، وكانت عملية سهلة عمل مدرجات وتوصيف كراسي ثابتة لها وتكييف، وعوازل صوتية وستيج للمدرس، وأُمور بسيطة ثانية وخلصت الشغلة بسرعة وتعين المقاول وانا أشرفت وانتهت الشغلة، بس أول ما استخدموا القاعة وصلت شكاوي إن المكيفات ما تبرد زين وكتمة وضيق نفس، وكان معانا مهندس تكييف شيبه وخبره الله يذكره بالخير، عرف الموضوع وسئلني ليش ما حولت التصميم عندي أصمم لك التكييف، قلت الموضوع سهل كلها 4 مكيفات سبلت وخلاص، قال لا للقاعات ولأعداد الناس الكبيرة تحتاج هواء خارجي نقي ونسبة معينة منه، وما ينفع الا التكييف المركزي.

معليش كعادتي طولت وايد وحان وقت النوم وسامحوني.

[wrc]

ياخوي وفر ال 30 الي بتدفعها وصمم بيتك بنفسك

جزاك الله خير على النصيحه

[wrc]

الله يسلمك يا كبير المتداولين

ردك يخوف ونصيحتك بتورط الرجال ... إسمح لي بس أذكر بإنه التصميم عبارة عن خطة تنفيذ معتمدة وموثقة، وعبارة عن أساسيات عقد لأي شيء في الحياة، والتصميم المتكامل يسهل لك التعاقد مع عدة أطراف ويوضح علاقة كل طرف بالشغل.

والمكتب الإستشاري المشرف يمثل محامي مختص يدافع عن حقوقك، صحيح انت تتدخل في التصميم بإحتياجاتك المرئية لكن هناك أُمور وحسابات هندسية تخصصية لا بد منها، واللي أغلب الناس تتسهله شبكة الكهرباء في البيت، وهذي لها حسابات معقدة ما يسويها الا مهندس كهربائي ممارس ومعتمد وخبير في شغلته، والعمل الهندسي دوم يكون عمل فريق.

عيل شالفرق بين بيت عادي مساحته 500 متر ولا شعبي 300 متر مربع وشقة راقية 100 متر وتحصلها مدروسة دراسة جيدة وفي مكان روعة وهذي الصغيرة تحصلها بمليونين والبيت الشعبي يمكن بنفس السعر إذا حسبنا الأرض، وأحياناً الشقة ذي إذا تشطيبها عالي توصل أرقام خيالية.

إحنا يمكن نتعلم أشياء بسيطة ونحس بنفسنا قادرين نسوي كل شغلة التصميم، لكن الواقع كلش غير وحتى المصمم المختص يخطي كثير في أول حياته إن ما التزم بقوانين التصميم وشيء ما يعرفه لازم يحوله للمختصين من المهندسين ... مره صارت لي سالفة في بداية عملي ... طلب مني تحويل صالة رياضة إلى قاعة دراسية، وكانت عملية سهلة عمل مدرجات وتوصيف كراسي ثابتة لها وتكييف، وعوازل صوتية وستيج للمدرس، وأُمور بسيطة ثانية وخلصت الشغلة بسرعة وتعين المقاول وانا أشرفت وانتهت الشغلة، بس أول ما استخدموا القاعة وصلت شكاوي إن المكيفات ما تبرد زين وكتمة وضيق نفس، وكان معانا مهندس تكييف شيبه وخبره الله يذكره بالخير، عرف الموضوع وسئلني ليش ما حولت التصميم عندي أصمم لك التكييف، قلت الموضوع سهل كلها 4 مكيفات سبلت وخلاص، قال لا للقاعات ولأعداد الناس الكبيرة تحتاج هواء خارجي نقي ونسبة معينة منه، وما ينفع الا التكييف المركزي.

معليش كعادتي طولت وايد وحان وقت النوم وسامحوني.

جزاك الله خير على النصيحه ,يقول المثل عط الخباز خبزه ولا اكل نصه :ok2: ,,,ونوم العوافي واحلام سعيده

[معماري قطري]

جزاك الله خير على النصيحه ,يقول المثل عط الخباز خبزه ولا اكل نصه :ok2: ,,,ونوم العوافي واحلام سعيده

هههههههههه ضحكني المثل

ومب أي خباز تحمل إختار خباز زين ... هنيه انت تشتري خبز وايد وايد وتدفع ثمنه شيء مقدم وشيء دفعات، لا وخبز ما تذوقه الا إذا انتهى الخباز من شغله بالكامل.

[MeMe MoOoON]

والله نصيحه لك وفر المبلغ احسن مثل ماقال اخونا

في مصممين الاغلبيه عندنا بقطرر مايعطيك افكار يفكر شلون يبوق من عندك مبلغ اكثر
هههههههههه والله هذا اللي حاصل واذا تبي الزين يطلب منك مبلغ كبير وخيالي جدا جدا جدا

وهذا اللي حصل معانا وبالاخير اخذنا جوله على البيوت بقطر والله يخلي الكتالوجات الديكور وركب الفكره اللي تبيها واختار اللون اللي يعجبك وهنا بتصمم احلى بيت لانه من اختيارك انت ومن قلبك مسويه