نصيحتكم بخصوص الجير

[ابو افنان]

g x كروزر
اذا الجير فيه خراب تصلحه ولا تغيره كامل احسن
ومن وين ممكن تحصل جير بسعر مناسب سواءا جديد او مستعمل
ومشكورين مقدما
ياليت من عنده فكره يفيدنا

[تمون]

انا اشوف تركب واحد احسن من توظيبه لانه بيخترب مره ثانية وخذ واحد علية ضمان على الاقل شهر واذا تبي تصلح انصحك في دكا او دكار

[ولد المنصور]

صلح اللي عندك احسلك بواااايد حتى لو بيكلف سعره واحد مستعمل وصلحه في دكا او دكار .... لو خذت مستعمل ماتظمنه اسمه مستعمل

[المناعي1]

مرحبا أخوي انا عندي جي أكس أر م2000 سألت الوكالة قالو 22 ألف والله وفقني مع واحد شاري من صناعية الاحساء و ثاني رحت السعودي طبعآ عقب نسقت مع راعي المحل أهناك و كان جايب بس 2 الي عطاني الرقم خذ واحد و الثاني انا خذيته و هاذا رقم المحل في السعودية 5929011 و بتوفيق أنشاءالله لا تنسى فتح الخط عبدالله أو احمد و اسم المحل مركز الاحساء المتكامل

[A-Alansari]

اذا قير تماتيك لاتصلحه ركب واحد جديد او مستعمل بس يكون صاحي مب موضب

ويمدحون الشارجه في الامارات اسعارهم رخيصه

[alwahesh]

يعتمد الشيخ على حسب السبب

يعني ممكن كلشات عادي تغيرها ولا يمكن قطعه صغيره دايما تخترب في الجيات من 2000-2006

او مخ القير ( الكونفيرتر ) عادي يتبدل

او حتى يمكن يكون الاْيل قديم ولازم يتبدل

في النهايه سواء صلحت او غيرت اهم شي يكون الميكانيكي شاطر

[المحافظ]

صارت معاي من زمان في موتر امريكي و بدلته بجير من السعودية ، عاش معاي كذا سنة و بعدين اخترب ، وبدلته ومشى معاي لين بعت السيارة .. اسعار الجير في السعودية والشارقة رخيصة لكن محد يعطيك ضمان .. فيه محل في الغرافة اسمه الجودة ، الميكانيكي العود عندهم ممتاز .. شوف شيقول لك .. رجال امين ..

[@north_star@]

انت نزل الجير اول وشوف شنو العطل يمكن ما يبله تبديل بالكامل بس اذا يبغي توضيب بكل أغراضه الافضل تشوف واحد مستعمل نظيف وبالتوفيق ان شاء الله

[MLAAS]

عزيزي .. انا كان عندي جي اكس .. يلكش 3 و 5 وفيه ونه ..

تكلفه الاغراض مع التوضيب كان بيكلفني 6500

شريت لي قير جديد مع كلج مع التركيب ب 10000

القراج اسمه ثلابكو شارع 16 .. وهو عنده قيور جديده بكرتونها يجيبها من الامارات
واذا بتقولي انك انت بتروح تجيب القير .. تراك بتوفر تقريبا 500 ريال ..

[صقر الجزيرة]

مرحباً عندك كراج الشيب شارع ٦ مقابل التويوتا شغله نظيف وسعره رخيص
عنده قيرات مستعمله اذا بغيت تبدل الغير

بالتوفيق