استفسار يالربع اتمنى الافاده

[A-Alansari]

السلام عليكم

يالربع اخوي من كم اسبوع انقلب في اف جي والحين نبي نبيع الموتر

القير والمكينه والشاصي كله سليم

بس البدي يبيله شغل شوي

وحبيت اعرف كم يسوى الموتر لانه الهنود لعبو فينا صراحه

واحد قالي باخذه ب 25 بط جبدي

الموتر موديل 2011 لونه اسمنتي

ماشي تقريبا 40 الف

[المحافظ]

هل الموتر كان عليه تأمين شامل؟ يعني هل عوضوك شركة التأمين شي؟

انت كم حاط في بالك ؟ كم يحتاج شغل ؟

[A-Alansari]

التامين شامل بس اخوي انقلب وهو مسافر في السعوديه

والله مادري بالضبط كم يحتاج شغل بس الي اعرفه الاف جي كل شي فيه يتبدل لانه قطع السقف بروحه الباب بروحه والرفرف بروحه

مو في بالي سعر معين لاني ماعرف الاسعار صراحه عشان جذي قلت استفسر عشان ماينصبون علي

[oldqtr]

والله ياخوي انا مثلك مدري

بس كم ساموه؟

[ولد الانصاري]

واحد من الربع يدور اف جي

اذا الموتر مافيه الا البدي .. رقمك ع الخاص الشيخ

وتستاهل سلامة اخوك .. وما عليه شر ان شاء الله

[الحـ(درب)ـب]

اسمع انا بقولك بالعموم

اي موتر انقلب
تحط فيه مابيه 30 و 40 الف اذا كنت ماتملك كراج

اذا تملك كراج مابين 20 و 30 طبعا للتويوتا

فإذا حسبنا التصليح اقل شي 40 الف
وسعر الشراء اللي عطوك 25 الف
صار المجموع 65 الف على موتر مقلوب + مجهود وتعب وروحه ورجعه وكل يوم بالصناعية

انا اشوف انه ماضلموك بالسعر 25 بس هم عطوك قليل يعني حاول توصله لين 35 وانا اشوف انه سعر جيد نوعا ما


وتقبل مروري

[mazag]

والله انا اشوف لو وصل لين 30 سعر ممتاز بيعه
لانه ماظن بتحصل بدي بالسكاريب لاف جي واذا حصلت مب اقل من 25 الف وراك صبغ بعد تقريبا 6 الاف ريال اقل شيء وفك وتركيب وشد بدي بعد قول 5 الاف ريال
وروح وركض بالصناعيه وكل يوم بيظهرك شيء بالموتر مخترب
صارت معاي بفتك
منقلب لين ماكرهت اليوم الي فكرت اصلحه فيه قطيت عليه حروه 20 الف

[A-Alansari]

مشكورين يالربع ماقصرتو

الموتر مافيه غير بدي وسألت في الوكاله عن كل القطع الي في البدي ومحتاجه تتبدل والسعر طلع 12500 والموتر وصل 55 وللعلم الموتر مايبيله غير بدي

وهاي رقمي للي حاب يشوف الموتر 66663664

[يراعٌ فراتي]

يالغالي لو جاب لك 55 بيع وانت مغمض

اشوف لو 40 او 35 زين

ودامه وصل 55 ممتاز سعره
وعسى الله يوفقك في بيعته

والحمد لله على سلامتك اخوك والعوض خير ان شاء الله

[mazag]

55 وتنطر!!!
بالتووفيق

[المحافظ]

55 و على حالتها .. تنباع على طول .. عقب التصليح يمكن ما توصل 60 أو 65 ..

[البرونزي]

ياجماعه الموتر موديل 2011
وماشي 40 الف بس
سعره في السوق بين 110 و 105 الاف
ولو الموتر مقلوب ماراح ينزل من سعره اكثر من 20 او 25 الف بالكثييييير
يعني بالراحه وهو مقلوب بيجيب 85 الف وفي اسواء الحالات
اذا على كلام راعيه البدي بس .
والحمدالله عل سلامة اخوك وموفقين ان شاء الله

[A-Alansari]

جزاكم الله خير والي له خاطر الموتر للحين موجود يقدر يشوفه او يجيب معاه راعي قراج ويقول له كم بيكلفه تصليح

[A.L.I]

بالتوفيق