استفسار هل ممكن .....

[وحش الصناعات]

السلام عليكم يا اخوان

موضوعي استفسار بسيط واتمنى احصل الاجابة الطيبه منكم..
اذا البيت ابغي أزحمة متر جنب الطوفه عشان يكون الارتداد ثلاث متر بدل اربعه هل في مشكله مع العلم بان قواعد الدور الاول وضعت والطابوق تم تركيبه ولكن لحد الان لم يتم الدفان ولم يرتفع الطابوق بالشكل الكبير.

ملاحظه المقاول هو الذي اخطأ فيعني التعديل عليه بس متخوف لان بيرجع وبيعدل من الفاونديشن وبيغير اماكن صب الحديد وما شابه.

اتمنى أشوف آرائكم وملاحظاتكم وشكرا.*

[الحـ قطر ــب]

خله يخرب كل اللي سواه وويسوي القواعد من جديد حسب الارتداد اللي تبيه واللي موجود فالخريطة

[ولد المنصور]

هذا المقاول يبيله كرت اصفر ههههه .... مثل ماقال اخوي يسوي قواعد جديده ..
والله يعينك

[الشلهوب]

اخوي حسب رخصة البنا اذا كان الارتداد بالخرائط 3 امتار ممكن اتعدل واذا كان بالخرائط الارتداد 4 امتار لايمكن اتعدل الابعد موافقة التخطيط على التعديل من 4 امتار الى 3 امتار

[مهاجر]

انا اللي اعرفه الارتداد مسموح لين ٣ متر واذا تبي اقل ممكن بس الطوفه تكون بدون درايش وبيبان وهذا اللي انا مسويه بس سؤال انت حاط استشاري لانه اذاالمقاول مغلط وين الاستشاري ؟

[ريان]

اذا كان المقاول بيتلف القواعد القديمه ويعمل قواعد جديده فهذا الامر متروك لك وقناعتك .

اما اذا راح يزيح القواعد القديمه ويغير في اماكنها هذا الموضوع يبي مهندس تاخذ رايه

فالموضوع .

وبالتوفيق ان شاء الله

[almaf1a]

من رأيي تنسى الموضوع دامك انك صفيت طابوق الطابق الاول وخلصت من القواعد

[وحش الصناعات]

مشكورين يا الربع على الردود والله ليهينك، ومثل ما قال اخونا ريان هذا يبيله مهندس ناخذ رايه، اما موضوع الارتداد في ما عندي مشكله فيه لان الي فالخرايط ثلاثه متر، وبخصوص الاستشاري الله يهديه لكن بعد هالحركه غيرته على طول لان ماقدر يبرر بشي مقنع، لكن الحمدلله على كل حال الموضوع بالنسبه لي اشوف بسيط ولكن يهمني شي واحد والي قاله اخوي ريااااان ،
وشكرا للجميع.