رايح الخبر بأذن الله .. ممكن حد يفيدني بـ............

[Bo Mohd]

السلام عليكم يالطيبين..

ان شاء الله انا حاب افرش بيتي اليديد.. من الـ (أ) .. إلى الـ (ي)..

فقررت باذن الله اني اروح الخبر يوم الاربعاء..

ممكن حد يفيدني اذا عنده معلومات عن اسماء المحلات اللي موجوده هناك..؟!

واكون لكم شارك..؟!

[ولد المنصور]

ان شالله الاخوان يفيدونك

[بودحوم]

طريق الدمام الخبر

بتلقى اكثر وأكبر محلات الأثاث

[راشد محمد]

بالتوفيق

[ذيب ازغوى]

اكبر محل اثاث في الخبر اسمه الانصار وموقعه وانت جاي من الدمام بيجيك الراشد على يسارك امش وبيكون على يمينك هو

وفي محلاات كثيره تحصل في الطريق بين الدمام والخبر

[الخزرجي قطر]

بيت الأنصاري/المطلق / العبدالواحد / المنزل / جالري
الله يوفقك ان شاءالله

[ريان]

بالتوفيق ان شاء الله

وعطنا الاخبار :)

[مساهم الشبكه]

اسئل اي راعي تكسي على شارع التلفزيون شارع طويل وعلى طول الطريق بتلاقي يمينك ويسارك المحلات وبيطيحونك حتى على هل لتريلات اللي تنقل اغراضك كل مافي السالفه تعطي راعي لتريلا الوصولات وخل الباقي عليه بيجيبهم لك لي المكان اللي انت فيه بقطر وبالتوفيق مقدما

[كبير المتداولين]

تحمل من الاسعار بتشوف اشياء اغلى من الدوحه

الدمام محدوده في الاثاث انصح بالتفصيل من سوق الحراج اسعار حلوه وتشكيلات روعه

[خزامئ]

الله يبارك لكم في بيتكم
فيه محل دايمن يسوي اعلان اسمه ميداس
ويقول في اعلانه انه يوصل لك مجان اذا شريت من اثاث محرز

[Dana’1]

سئل اي راعي تكسي على شارع التلفزيون شارع طويل وعلى طول الطريق بتلاقي يمينك ويسارك المحلات وبيطيحونك حتى على هل لتريلات اللي تنقل اغراضك كل مافي السالفه تعطي راعي لتريلا الوصولات وخل الباقي عليه بيجيبهم لك لي المكان اللي انت فيه بقطر وبالتوفيق مقدما

سوق التلفزيون بالدمام،،،مش بالخبر وهناك اكثر الاثاث تفصيل والاسعار زينة ورخيصة
بس يبغالك تدور فية عدل لين تلاقي شي اوك
التلفزيون ، ومخطط 8 كلها اثاث محلي شي جاهز وشي تفصيل
بس بالدمام في محل كبير اسمة مفروشات العمر هذا الويب سايت حقهم فيه العناوينن طبعا
http://ecbiz119.inmotionhosting.com/~alomar6/index.php/?___store=arabic&___from_store=default


اما بالنسبة للموضوع اخوي الشباب ما قصرو فعلا طريق الدمام الخبر السريع كلة محلات اثاث
وفية محل اظن اسمة المشاريع هناك وانت طالع من الخبر متجة للدمام تلاقية عاليمين
عندة شغلات حلوة بتصاميم امريكية واسعارة مناسبة

وفية بالخبر نفسها على امتداد الكورنيش الخط الساحلي "الراكة" بين الخبر والدمام ،،،غير عن الخط السريع الي ذكروة الشباب
في محل لا تفوتة اسمة دبليو ستي اسعارة مناسبة بالنسبة لغيرة من المحلات وهذا الويب سايت حقهم وحاطين العنوان بالضبط مع الاحداثيات بعد
http://live.cityw.com.sa/AR_ProductCatalogue_ProductList.aspx?CategoryId=20 01

وعندك بعد ممحل وود اكس وهذا الويب سايت حقهم تلاقي التفاصيل بالداخل
http://www.kina.com.sa/wood_ex.htm

مفروشات المطلق فخامة غالية هذا الويب سايت
وبالوقع عندة بعض الشركات للاثاث الي يوفرة مثل ناتوزي..الخ
http://www.almutlaqfurniture.com/index1.asp?id=3

ميداس مثل ما قالو الاخوان بس كان في بعض المحلات لها افرع بقطر هذا الويب سايت مالهم
http://www.midasfurniture.com/new_site/main_1.html


ايكيا حلو تاخذ من عندهم بعض الكماليات..مثل بعض اكسسوارات غرف الاطفال
ادراج بلاستك ملون بايطار خشب ابيض،،،،بعض كماليات المطبخ ،،،مثل رولات الربر الي تنحط بادراج المطبخ...تخفف من ارتطام الملاعق والشوك والسكاكين او الاكواب بالدرج حلو بصراحة
ومنظم الادراج وغيرها من الاكسسوارات الحلوة

بس لا تفكر تاخذ منهم السكاكين واغراض المطبخ الستان لس يقولن مو ذاك الزود تحلي بسرعة هذا كلام اختي:)

هذا الويب سايت حقهم
http://www.ikea.com.sa/

بعد عندك اوبار، لمسة ، المعرض
هذا بكورنيش الخبر يكون الكورنيش يسارك وخلفك فندق المريديان تمشي سيدا تتعدى جرير بعد الاشارة تجيك هالمحلات يمينك
وعلي اليسار بتلاقي محل اسمة فيري سبشل هذا يصمم لك الاثاث

وفية محل اثاث حلو ويجيب شغل مرتب حلو وراقي اسمة "عالم الروائع"
بس هذا بقلب الخبر بنفس امتداد صالون الصف الاخر مشهور بالخبر وهذا الصالون بشارع " الملك سعود تقاطع 22"


وفية الكثير من الاثاث ممكن راح تشوف جنب كل محل ذكرتة او الاخوان اذكروة كذا محل
والله يعينكم ويبارك لكم بمنزلكم وبالتوفيق لكم في التسوق يارب آمين

ملاحظة كثير من المحلات ما جيتها شخصيا بس بالذكر اما من امي او اختي وصديقتي وغيرهم..وان شاءلله ازورهم بس ابدأ بالمرحلة هذي