استفسار بخصوص تاجير السيارة في اوروبا

[VX.R]

السلام عليكم ورحمة الله وبركاته

أنا انوي " بإذن الله " أخذ جولة في الريف الاوروبي ..

و محتاج اهل الخبرة في تاجير السيارات في اوروبا ، للشرركات الممتازة في التعامل والمصداقية .


وشكرا :app:

[محمد الجفيري]

ان شالله يساعدوك

بالتوفيق اخوي

[ولد ازغوى]

احنا جربنا سكست وكانت الخدمه زينه يعني ما تضايقنا منهم الا مره ما عطوننا السياره اللي حجزناها وكان شي عادي ممكن يمشي والغلطه بعد كانت منا او مادري الموظف كان معاند معانا/ في سالزبورج رحناله على ويهنا قلناله نبي ناجر سياره قال عندكم حجز بالنت قلناله لا قال اسف ما عندنا لكم سياره وحطم طموحنا هههه جان نطلع من المكان ونقعد برا ونشبك بالنت ونحجز من الموقع ومن مكان التسليم ورحنا تريقنا ورجعناله قلناله حجزنا بالنت وواستغرب شلون حجزنا وحتى معاملته تغيرت كان اول شي مكشر وعقب قام ينكت ويستظرف دمه بس الحمدلله كانت اروع رحله

يعني اللي عرفته من النظام انك اذا بغيت سياره مخصوصه لازم تحجز لها من النت قبلها بفتره عشان تلقى مطلوبك متوفر

[ولد ازغوى]

نسيت اقول ود معاك الليسن القطري و الرخصه الدوليه وبطاقة فيزا

[قطريه ماركه]

يورب كار

http://www.europcar.com/

و لا تنسى التقرير الزين *__^

[ضوى]

جربنا سكست والصراحة كان الوضع مثالي ولله الحمد ، حجزنا بمكتب قطر واستلمنا السيارة بالمانيا وسلمناها بالمانيا ، وافترينا فيها في المانيا والنمسا وسويسرا ، وسوينا حادث في بيرن بسويسرا ومشى الموضوع خاصة الخطا مب علينا على اللي خبطنا

بس الجولة بالسيارة في اوروبا روووووووووووعة صج صج استانسنا

[sout qatar]

يورب كار

دوم احجز عن طريقهم والحمدلله ولا مره صادتني مشكله معاهم

[بعيد المرامع]

تبي نصيحة مجربة ، وجربتها في اوروبا

شف هالموقع ، مره مضمون ودعم عربي ، ويعطونك الفاوتشر اول ماتدفع ، يعني تجي عالمضمون ابرك لك ، واسعارهم منافسة ايضا

http://www.rentalcars.com

وهذا موقعهم القديم للاستفادة ، وفيه ارقام اتصال من داخل الامارات والسعودية والبحرين ورقم دولي

http://www.traveljigsaw.ae/

طبعا هما وسطاء تاجير ، يعني لهم اتفاقيات مع شركات تاجير سيارات ، وانت حسب السيارة المتوفرة عند اي مكتب تاجير ، وتقدر تحدد الشركات الي تحب تتعامل معاهم

وبالتوفيق

[k.buahmed]

السلام عليكم

صحيح المكاتب المعروفة زينة, بس ساعات تحصل مكتب عادي بسعر جيد, لكن يبي لك مصدر موثوق
و مثل ما قالوا الاخوان اهم شيء تحجز من الموقع