شركة للحجر الصناعي اللي عنده خبره

[ذكي جدااا]

انا ابقى اركب حجر صنااعي مريت البيت الازرق قالوا لي التركيب بشهر تسعه ....ياليت اللي يعرف شركه ثااانيه يخبرنااااا ومستعجل على الموضوع وجزاكم الله خيير

[الحـ قطر ــب]

بكم عطاك المتر ؟

[هامور خرطي]

الله يعينك .. انتظر وامرك لله
انت وقع العقد واذا حد كنسل او أجل بيجي دورك قبل
انتبه لايحسبون عليك مساحة النوافذ ... السوري عليه حركات

المتر85 اعتقد والمتر الطولي اغلى

[ذكي جدااا]

مشكورين جزاكم الله خيير ..... بس انا مستعجل وابقى شركه ثاانيه بسرعه اذا تعرفوون .....بالنسبه للسعر يقول لانه البيت عندي فيه صبغ فلازم يحسب قيمه ازالة الصبغ والبلاستر فبيكون سعره اغلى بحدود 115 رياال للمتر .......

[السد]

فيه شركة
شركة اتحاديات للحجر والرخام
مكانهم شارع العزيزية التجاري
ورقم الشركة
44119888
وبالتوفيق

[أسير الاسهم]

عندك بيت الاحساء .. تيمـاء .. وكم محل حولينها في ذاك الشارع ( طريق سلوى ) ما عرفت ان عندهم حجر الا بعد ما مريت بالصدفه اسأل عن بلاط وهالسوالف أكتشفت انه عندهم حجر طبيعي وصناعي أعتقد .. بس طبيعي عندهم نفس سعر الصناعي البيت الازرق

روح وشوف وان شاء الله ربي بيسـر لك أمورك

[مساهم الشبكه]

شركة المتحدون مادري الاتحاديات بس الاغلب المتحدون في شارع العزيزيه الرئيسي شغلهم نظيف ومرتب وسعرهم على 75 ريال للمتر بس لاتزيد الدفعه عن 30 في المئه وخل اخر دفعه بعد الانتهاء من اعمال التنفيذ ووقع عقد معاهم لو تاخرو عن المده تخصم عليهم وبالتوفيق

[فويرط]

شركة البوعينين للتجارة والمقاولات

ركبو الحجر في بيتي

باطرش لك رقمهم اتصلهم واستفسر عن أي شي تبيه

[دريمة]

من تجربتي
بيت الاحساء مورد بس يعني مايركب
ومؤسسة البوعينين وايد يتاخرون لحد مايعطونك موعد ولحد مايتفقون معاك ممكن الامر ياخذ شهرين وبيقولك مااقدر ابدا معاك الا شهر 7 او 8
حاليا راح نتفق مع واحد خلال هالايام وشغله ممتاز شفنا فيلا مشتغل فيها ..

[ذكي جدااا]

جزاكم الله خير جميعاااااا على تفااعلكم اخووي فويرط ما قصررت