بخصوص عازل السطح

[wadha-qa]

السلام عليكم

حد منكم يعرف شركة لعوازل السطح اسمها التوحيد و النور ؟؟؟؟؟؟؟

ابي اعرف الشركة زينه ولا لا حد جربها

[شموخ دائم]

,

,


مرحبا

لا والله ما سمعت اسمها قريب من اسامي العمره والحج
:)

العازل من الاشياء المهمه جدا في كل منزل مافي مجال الواحد يغامر بشركات او سعر رخيص


دائما في الشبكه هنا ننصح في شركتين هم الافضل على مستوى قطر

المسند

او

تدمر

وسعر المتر تقريبا 83 ريال

بالتوفيق


,

,



اخوك


شموخ دائم

[الزلزال]

بالتوفيق

[ولد المنصور]

انا انصح بالمسند ومكانهم في المرخيه ,,, ومثل ماقال اخوي العازل من اهم اهم الاشياء

[مضارب دوسري]

لا تعورين راسج اختي مع شركات العازل
بدون اي تفكير اتصلي في المسند للعوازل ومكانهم فالمرخيه فوق مكتبة ابن القيم سعر المتر 81 بعد الخصم
وبالتوفيق

[معماري قطري]

,

,


مرحبا

لا والله ما سمعت اسمها قريب من اسامي العمره والحج
:)

العازل من الاشياء المهمه جدا في كل منزل مافي مجال الواحد يغامر بشركات او سعر رخيص


دائما في الشبكه هنا ننصح في شركتين هم الافضل على مستوى قطر

المسند

او

تدمر

وسعر المتر تقريبا 83 ريال

بالتوفيق


,

,



اخوك


شموخ دائم



ههههههههههه هذي الشركة تعطي ضمان 50 سنه وبعدين لين إخترب شيء يقولون وحد الله، ولازم المطر والنور يدخل بيتك.

معاك إخوي في هالشركات المحترمة، والمسند أخبرهم سريعين وشغلهم بروحه ضمان، لكن تدمر من ضغط الشغل استووا بطيئين شوي هالأيام.

وصراحة مهمة تفاصيل العازل ورسوماته .. لأن فيه كم طريقة للتركيب ومواصفات كثيرة، وقبل لحد يركب مهم يسوون له عقد متكامل عن طريقة التركيب وعن مواصفات وعينات المواد العازلة، فمثلاً فيه طريقة ينعمل سلوب اسمنت خفيف قبل وبحيث يكون بميلان من 0.75% إلى 1.25% وبحيث تكون الحواف أقل شيء بسمك 4 سم وتزيد لين قمة الميلان، وبعدين يجي عازل الماء ومنه أنواع وأسماك مختلفة، وطبقة منفذة للرطوبة فوق ، والعازل الحراري ومنه بعد عدة أنواع وطبقة نايلون على ما اعتقد وبعدها صبية اسمنت حماية بسمك 4 سم او 5 سم حسب العقد، وبعضهم يسوونها بسمك أقل فتتكسر، وبعضهم يحطون فيها إضافات تمنعها من التكسر، وإحتياطات كثيرة يسوونها شركات الخبرة ويغشون فيها سواءً عن قصد أو جهل الصغار والرخاص.

مهمة مثلاً تفصيلة ونوعية مخارج الماء، وفواصل التمدد، والزوايا اللي هي التقاء الأُفقي بالرأسي من الحوائط، وإن شاء الله باحط تفاصيل خاصة عن العازل للأسطح وللبيسمنت مستقبلاً للرجوع إليها.color]

[wadha-qa]

شدراني عن مقاولنا يقول هذي الشركة اللي بتسوي عازل السطح

[ولد المنصور]

الحل ,,,, قولوا حق المقاول العازل كم بيكلف عند الشركه اللي يبيها ...... وشوفوا المسند ودفعوا الفرق .. لان العازل مهم مهم مهم مهم مهم مهم مهم مهم مهم مهم مهم ........

[الحـ قطر ــب]

المسند ولاتفكرين بغيرة

[معماري قطري]

شدراني عن مقاولنا يقول هذي الشركة اللي بتسوي عازل السطح


مشكلة العقود المبهمة والرسومات الناقصة تخلي المقاول يلعب على كيفة ويدور أرخص شيء علشان يضمن أعلى ربح.

لكن لو محددة مواصفات العازل وطريقته ورسوماته .. وأحيان كثيرة تنذكر مسبقاً الشركة اللي بتسوي العازل ، في هالحالة بيكون كل شيء مضمون وتحت التحكم.

[ضوى]

احنا محددين في العقد انه اعمال العازل بتكون من شركة العفيف او شركة تدمر

[السد]

شدراني

كلمة شدراني امسحيها من عقلج في عالم البناء
هذا بيتج ومحد يدخل فيه وانتي صاحبة القرار الاخير
وجان عن بعض المقاولين الله لا يسامحهم
انا بيتي سويته عند شركة المسند
يوم كلمت المقاول جاب السعر من عندهم ب 37 ألف ريال
كلمتهم بالتلفون
عطوني السعر من عندهم ب 31 الف ريال
يعني توفير 6000 ريال قطري
ولا تستهينين بالعازل
لان يعتبر من الاشياء المهمة في البيت
حتى لو العازل وصل ب 100 ألف
وانا مغمض العين بختار شركة المسند
وبالتوفيق

[abdulla889]

في شركة نهاريا يمدحون شغلهم من حيث الدقه في المواعيد وجودة العمل والنظافه واخر شي الفحص يجيبون دنكر ماء يترسون السطح ويخلونه مدة 48 ساعه للتاكد من عدم التسريب