عقد سبّاكه ! نصايحكم

[مضارب دوسري]

السلام عليكم
انا حاليا ارتب عقد للبايب فيتر
وتم ذكر المواصفات فيه
مثل بي بي ار الماني
وبايبات للصرف الصحي بحرينيه
وسخان مركزي

ياليت احد يقولي بعض النصايح عشان احطها كشروط
اول شي
ابي اعرف التيستنغ كم بار المفروض يكون ؟
والله يجزاكم خير مقدما وشكرا

[مضارب دوسري]

للرفع لان ابي اخلص تفاصيل العقد اليوم

[(محمد)]

ربي يوفقك اخوي مضارب

[ZURICH]

اي شي متعلق بالماء في البيت مهم و السباكة من اهم الخطوات في البيت .

ركزعلى المقاس المناسب للبايبات الداخلية والخارجية

خاصة اللي طالعة من الخزان الرئيسي وبايبات الصرف

وخذ فكرة عن القطع اللي تمنع الروائح ( الرداد ) في الحمامات

وفي خطوة قليل يسونها في قطر .. وضع خرسانة او خلطة اسمنت مع طابوق

تحت بايات الصرف كل مترين في الحوش عشان مايهبط مع الوقت

ومن رأيي .. إسأل بايب فيتر أفضل لك ونصيحة لاتتعامل مع البنغال

[المقاول]

يالدوسري
ليش بي بي ار ليش ما يكون نحاس؟ الفرق بسيط والنحاس افضل
واعزل كل مواصير التغذية ... والسباك خلية يشتغل حسب الخريطة.
السباكين يشتغلون على كيفهم .. وحاول تكون المتريال من اجود شي
في السوق ... وقد ماتقدر تحرص حرص ... ونتمنى لك التوفيق....

[مضارب دوسري]

النحاس ماينفع للبريشر
انا سالت كذا شخص ركبوا بريشر على النحاس وصارت لهم معاناه ماتخلصوا منها الا عقب ما شالوا البريشر

[مضارب دوسري]

يعطيك العافيه يا حوران
كنت على وشك التوقيع مع هندي ولكن اكتشفت انه لاناقة له ولا جمل في السباكه وهونت عن التوقيع معاه

[ولد المنصور]

اخوي العزيز ... في اشياء بسيطه اذا ودك اتحطها ,,, الشطاف خله يحطلك الحار والبارد ,,,, المحابس خلها يحطها خلف الباب وتحت .... وعندك فتحه الصرف خلها يحطها في زاويه احسن من النص .... وبيبات الماي اللي في السطح لو يحطها على سور الوارش دار مادار من داخل طبعا عشان ماتعرض للشمس مباشره وانظف وموفق ياخوي ....

[مضارب دوسري]

بيض الله وجهك يا ولد المنصور ملاحضات في محلها ربي يجزيك خير

[ولد المنصور]

ويجزيك الخير يارب واذا بغيت شطافات عجيبه وشكلها حلو,,,, مافيه الا نكست للمشاريع ولازم تاخذهم قبل البلاستر لان فيه قطعه يثبتها قبل حق الشطاف ,,, والمحل في طريق سلوى قبل معرض المالكي والشارقه بكم محل ... واذا بغيت اتشوفهم عندي حيااااك الله في اي وقت ...

[حياة]

أنا بعطيك سباك ممتاز واااامين
اسمه محمد
شوف الخاص

[مضارب دوسري]

بالانتظار اخوي فالخاص ماوصلني شي

[مضارب دوسري]

الله يجزاك خير يا ولد المنصور اذا ممكن رقم البايب فيتر اللي ركب لك وبكم حسب عليك الحمام الواحد اكرمك الله

[Aaziz]

معلوماتي في البايب فيتي على قدي .. ولكن سمعت من الشباب بعد ماعانو ،، انهم اهم شي يكون في كل حمام و مطبخ محبس يقطع الماي عن الحمام في حال كان فيه ليك في هذا الحمام او المطبخ .
ويقولون ان افضل طريقه للتسليك هي انك تخلي التسليك خارجي في اعلى السقف (يخفيه ديكور السلتكس او ما اعرف اسمه) و من هذه البيبات الظاهره تنزل بيبات مخفيه في الجدار كقطعه واحده دون وصلات الى الخلاط او المرحاض او الشاور .

منزل مبارك

[حياة]

أرسلت لك ع الخاص
مسوي بيتي من عاده طابوق والحين ع وشك النزول بإذن الله
الرجال ممتاز شوي عليه وكله من أحسن شي كل التمديدات من البدايه للنهايه
قول له ابغي نفس اللي اشتغلت حق علي بوعبدالله اللي فيلته في معيذر
هو بيعرف عقب لان كل اللي ركبت من افضل الانواع وشغله ماعليه كلام

[مضارب دوسري]

بصراحه كلمته اخوي
بس بصراحه سعره غالي وايد
يبي ياخذ عالحمام الواحد 3700
كل الفيتريين اللي لاقيتهم سعرهم من 2500 ونازل
بس ربي يجزاك خير عالمساعده

[(محمد)]

اخوي مضارب ... عندي مغربي اساس شغله كهرباء مصانع رجل متدين وخبرة فوق 10 سنين تقريبا في السباكة وهو مسؤول السباكة عندي .. توني ماجربته في الشغل تبي تشوفه وتجربه حياك الله وبالنسبه للسعر لا تحاتي .

وقريب بيكون عندنا توقيع مع شركة وصلات جديدة عليها ضمان 25 سنة وخلال الشهر الجاي يمكن نبدا وياهم بإذن الله


اما اذا تبي العادي .. شوفه وان شاء الله بنراعيك في كل شي .... ومب مشكلة اذا بيتك في الخور نجيك طال عمرك.




وعلى فكرة عطني اقل سعر عطاك اياه بايب فيتر وبعطيك خصم عليه 20% .

[مضارب دوسري]

لقيت اسعار اخوي محمد اقل سعر كان من بنغالي1900
بس خبرك البنغالي شغله مش حالك
ولقيت اسعار بحدود ال 2300
باختصار انا ابي سعر 2300 ومابي اي خصومات اخوي
ابي شغل واحد امين وبس مابي اي شي ثاني
الشغل اللي عندي بي بي ار الماني وبايبات بحريني وباقي الامور من مكسرات واطقم ومكاين بريشر وسخان مركزي وغيره يكون علي

[(محمد)]

لقيت اسعار اخوي محمد اقل سعر كان من بنغالي1900
بس خبرك البنغالي شغله مش حالك
ولقيت اسعار بحدود ال 2300
باختصار انا ابي سعر 2300 ومابي اي خصومات اخوي
ابي شغل واحد امين وبس مابي اي شي ثاني
الشغل اللي عندي بي بي ار الماني وبايبات بحريني وباقي الامور من مكسرات واطقم ومكاين بريشر وغيره يكون علي



السباك اللي عندي خبرة طويلة في السباكة خارج قطر وجبته على توصية مدير مكتبي... وهو مسؤول قسم السباكة وخبرة في الكهرباء المنزلية في نفس الوقت ... فبالنسبة للشغل اذا تبي تشوفه وتجربه انت تامر وبالنسبة للسعر بعد انت تامر.


تبيني اكلم السباك ونشوفه لك

وبالنسبة للامانه الحمدلله فريق العمل عندي منقيهم على اساس الدين اولا والخبرة ثانيا .. فريق متدين وملتزم ولله الحمد بما فيهم العبد الفقير اللي قدامك

[مضارب دوسري]

الله يجزاك خير
اجل توكلنا على الله
ياليت تدلني وين مكان المكتب وانا بكره بجيب الخرايط ان شاء الله

[(محمد)]

الله يجزاك خير
اجل توكلنا على الله
ياليت تدلني وين مكان المكتب وانا بكره بجيب الخرايط ان شاء الله

مكتبنا في معيذر شارع ام الدوم .... ارسل لي رقمك ... وخلني اكلمه عشان يلاقيك بموعد تتفقون عليه ان شاء الله.


وان شاء الله بكلمهم يخصمون على المبلغ الاقل عندك اللي هو 1900 ريال 20 % يعني 1500 ريال بإذن الله لأنه عرض الافتتاح .


بس خلني اتأكد من السباك وبيجيك رد على التلفون واسمحلنا على القصور.

[مضارب دوسري]

مابه قصور الله يجزاك خير بس بخصوص السعر انا ابي بسعر السوق مابي خصومات
لاني سلمت المواصفات اللي ابيها لابو الوليد
يعني ابي السعر يكون من 2000 الى 2300 وهذا سعر السوق
وان شاء الله اذا كان الشغل تمام بنكمل في امور ثانيه غير البايب فيتر ان شاء الله

[(محمد)]

مابه قصور الله يجزاك خير بس بخصوص السعر انا ابي بسعر السوق مابي خصومات
لاني سلمت المواصفات اللي ابيها لابو الوليد
يعني ابي السعر يكون من 2000 الى 2300 وهذا سعر السوق
وان شاء الله اذا كان الشغل تمام بنكمل في امور ثانيه غير البايب فيتر ان شاء الله



براحتك يالغالي ابشر ولا يهمك ورقمي عندك ومالك الا طيب الخاطر

[(محمد)]

سعدت فعلا بلقاء الاخ مضارب ... أدب وأخلاق وحسن تعامل ... نسأل الله له التوفيق في منزله المبارك ... وبإذن الله سنعمل قصارى جهدنا لتنفيذ ماتم الاتفاق عليه وعلى الله توكلنا وبه نستعين

[مضارب دوسري]

بيض الله وجهك وارحم الله والديك
وانا ايضا تشرفت بشوفتك والقعده معاك
بصراحه اول مره اشوف مواطن يدير شركته بنفسه ويقابل الزباين لان بالعاده يكون عند الشخص موظفين وهم يقابلون ويرتبون كل حاجه وهو بس يوقع وخلاص
بارك الله له في حلالك وان شاء الله يكون الشغل تمام( وبصراحه انا مطمئن من ناحيتك وناحية الموظفين) والله يوفقك اخوي

[(محمد)]

بيض الله وجهك وارحم الله والديك
وانا ايضا تشرفت بشوفتك والقعده معاك
بصراحه اول مره اشوف مواطن يدير شركته بنفسه ويقابل الزباين لان بالعاده يكون عند الشخص موظفين وهم يقابلون ويرتبون كل حاجه وهو بس يوقع وخلاص
بارك الله له في حلالك وان شاء الله يكون الشغل تمام( وبصراحه انا مطمئن من ناحيتك وناحية الموظفين) والله يوفقك اخوي



ووجهك ابيض اخوي مضارب ما قصرت على كلماتك الطيبة وان شاء الله نكون عند حسن الظن.


جزاك الله خير وبارك فيك

[راشد محمد]

ووجهك ابيض اخوي مضارب ما قصرت على كلماتك الطيبة وان شاء الله نكون عند حسن الظن.


جزاك الله خير وبارك فيك

الله يوفقكم ...............:nice:

[بوخالد911]

موفقين يا رب