جنرال كووووول مسويين ترفيعات مب تنزيلات ,, حاسبوووو

[بومحمد55]

السلام عليكم ورحمة الله وبركاته ،،

ياجماعه حاسبوووو من النصابيين واللي يحاولون يستخفون بعقولنا ترى جنرال كووول

اللي لمجموعة الريس مسويين عرض خاص وهو في الأصل مب عرض خاص ولاتنزيلات

بل ترفيعات لأن زايدين عن السعر الأصلي 95 - 100 ريال :mad:

أنا من شهر تقريباٌ قبل العرض مريت على جنرال كوول فرع طريق سلوى وخذت منه أسعار

المكيفات السبليت فكانت الأسعار كالأتي:

2 طن بيستن = 3200 ريال والسعر الحالي مع العرض = 3295 ريال
1,5 طن بيستن = 2400ريال والسعر الحالي مع العرض = 2495 ريال

ومن أسبوعين أو ثلاث أسابيع ماخذ من فرع الغرافه ثلاجه صغيره بسعر 595 ريال

والحين مع العرض صار سعره 695 ريال ولما قلت حق المصري اللي يبيع هناك ليش رفعتو

أسعاركم عن السعر الأصلي والله العظيم والله يشهد على كلامي أن سكت وماعرف يتكلم ويرد

على كلامي و قالي خلاص بعطيك بنفس السعر اللي عندك :omg: مع العلم الفاتوره معاي

وصورة الثلاجه معاي ..

واليوم مريت على فرع معيذر وبالضبط مثل ماتوقعت نفس الشي

[SULTAN1]

اتصل في حماية المستهلك وقدم الفاتورة اللى عندك وخلهم يقارنون ،جزاك الله خير على التنبيه

[بومحمد55]

اتصل في حماية المستهلك وقدم الفاتورة اللى عندك وخلهم يقارنون ،جزاك الله خير على التنبيه

أتصلت لهم اليوم وخذو بياناتي وقالولي بيطرشون لي مسج فيه رقم الشكوى وإيميلهم

بس لحين ماوصلني منهم شي لاأتصال ولا مسج وأنا متصل فيهم الصبح

[رجل الجزيرة]

أتصلت لهم اليوم وخذو بياناتي وقالولي بيطرشون لي مسج فيه رقم الشكوى وإيميلهم

بس لحين ماوصلني منهم شي لاأتصال ولا مسج وأنا متصل فيهم الصبح

كانت عندي ثلاجة من المخازن الكبرى وعلى الضمان لمدة سنة كاملة وإختربت في خلال شهر وكلمتهم وحصلوها وإختربت مرة ثانية وشافوها وقال إن القطعة غير موجودة وقعدت أكثر من 5 شهور وهم يماطلون لين إشتكيت لحماية المستهلك وأعطوني رقم الشكوى وتابعوا الموضوع أخذت من الشركة ثلاجة جديدة عن طريقهم في خلال إسبوعين.

وجزاهم الله خير وبيض الله وجيههم.

يا جماعة الخير:

إلي عنده مشكلة في أي شيء حتى لو كانت سيارة فما عليكم إلا أن تتصلوا بحماية المستهلك وإذا قعدنا نكتب الشكاوي هنا وهناك قامت الشركات وأخذت حقوقنا وحن ما عندنا إلا طولت اللسان على الفاضي.

فعليكم بحماية المستهلك فعلى الأقل جربوا ولا أنتم بخسرانين شيء.

[رمح الشمال]

معا حماية المستهلك لا تنسى تردد ياليل مطوالك

[بومحمد55]

اتصلت اليوم في حماية المستهلك وعطوني رقم الشكوى وايميلهم وطرشت لهم صورة الفاتورة وصورة الثلاجة وأسعار المكيفات قبل العرض ومع العرض وبنشوف شو راح يصير

[almaf1a]

اطلعنا باخر الاخبار
بالتوفيق
ما انصحك بالجنرال كول

[محمد الجفيري]

لا حول ولا قوه الا بالله

[بومحمد55]

اطلعنا باخر الاخبار
بالتوفيق
ما انصحك بالجنرال كول




أفاا عليك قاعد لهم قعده والمشكله صار لي يومين أتصل في وطني الحبيب صباح الخير

يقولون لي بنتصل فيك ويسحبون علي :secret: أبي أفضحهم

[مرتبش]

أفاا عليك قاعد لهم قعده والمشكله صار لي يومين أتصل في وطني الحبيب صباح الخير

يقولون لي بنتصل فيك ويسحبون علي :secret: أبي أفضحهم

:thumbup:
شغلك عدل
يعطيك العافية

[راشد محمد]

لا حول ولا قوه الا بالله

[بومحمد55]

معا حماية المستهلك لا تنسى تردد ياليل مطوالك

صدقت يا رمح الشمال حماية المستهلك مطرشين لي إيميل
يرجى إرسال كتاب رسمي موجه للسيد مدير إدارة حماية المستهلك .

ونقول يااااااااليل مطولك

[قطرية فله]

جنراااااااال

كل ماله في دماااار

من كم يوم المكيف اخترب

و كان يخر مااااي و تمينا ننطر 3 ايام ويوم يا العامل صلحه و خذا فلووسه كامله و راح



ما يمدينا شغلناه الا المكيف يخر و كأنه محد صلحه:eek5:

و تمينا نتصل لهم و ما ياو الا عقبها بيومين :rolleyes2:



هذي حاله معاهم :(

حتى فالتصليح انتبهووووو من عمالهم

يا أنهم :

الله بالخيير :tease: أو جذابين:nice: ههههههه

[بوخالد911]

تسلم للتنبيه

[الـقـاسـي]

انا ندمت على اليوم اللي خذت فيه مكيفات من جنرال كول خذت كميه من عندهم حق البيت واللي شجعني اخذ كان عندنا مكيفات ويندو من جنرال كول وللامانه من صار لها سنوات من ركبناها وهي عال العال ..
لكن مع السبيلت فاشلين وبقووه كل كم يوم مكلمهم الا المكيف مافي غاز الا المركوحه خربانه الا فيه ليك لعوزوني

[المجد5]

السلام عليكم
انا مجرب جنرال كول نصيحه لو بلاش لاحد ياخذ
مكيف
شباك ماكمل سنه مايبرد قيمته 1000 التصليح عندهم 450 وديته محل في نجمه كلف 120 ريل شوفو الفرق

[بومحمد55]

اشكر الجميع على ردودهم الطيبة والله يعينك على من تعامل معاهم

وانا عن نفسي ما خذت منهم غير الثلاجة الصغيرة وما تعاملت معاهم في مكيفات

[Crown]

احنا خذينا منه مكيفات الي اجيك واقفه

والله ولا تبرررد اسم مكييف جنرال كووول نصابين عدل

الي شغله عدل جنرال الاصلي ولا جنرال كول تقلييد ومايسوى