البيبات الخارجية هل اركب نحاس ام ppr

[Chambray]

البيبات الداخليه للحمام كلها ppr
لكن الخارجية لحين ماركبها المقاول

لكن افكر اركب نحاس في الخارجية

احس مع الشمس مب شئ ال ppr

ايش رايكم؟؟

[ريان]

انا سمعت عن طريقه تخلي ppr مايتاثر بالشمس والحر

وهي الماده اللى يستخدمونها حق بيبات المكيفات السبلت

تنلف على البيبات وتنحط عليها ماده مثل الجبس .

لحد الان مالقيت احد وانا مادورت بجد .

وخلنا انشوف الشباب يمكن احد يدلنا عليها .


وبالتوفيق ان شاء الله

[almaf1a]

اظم استفساري معاك وننتظر الاجابة
البي بي ار كم عمرها اللحين هل مر على بيوت قطر سنين كافيه لمعرفه جودتها واستحمالها لحرارة الماء على المدى الطويل 10 او 15 او حتى 20 سنه
لان الموضوع فيه تكسير

[ضوى]

البيبات الداخليه للحمام كلها ppr
لكن الخارجية لحين ماركبها المقاول

لكن افكر اركب نحاس في الخارجية

احس مع الشمس مب شئ ال ppr

ايش رايكم؟؟

تصدق امس بس اكلم المهندس عن هالنقطة ، وقالي انه بيسوي طريقة زي الحاجز عشان ماتتاثر البيبات بالشمس ، اما بالنسبة لتحملها للماي الحار فهالشي عطاني عليه ضمان 30 سنة على قولته

[السد]

ppr
ما عليه كلام
وفي شركة معتمدة
aquatherm وهي شركة المانية لصناعة بايبات ال PPR تاسست في سنة 1973م اي من قبل 39 سنة
وانا بنفسي تاكدت من وكيلها في دولة قطر
وهذا الرابط يبين عناوين موزعي هذه الشركة في دول العالم
http://www.aquatherm-pipesystems.com/index.php?id=51&L=2


واي واحد يبي ياخذ البايب PPR يشوف اسم الشركة المصنعة على البايب الاخضر ووكيلها ويوم التصنيع وساعة التصنيع مطبوع على البايب


يعني الخلاصة
اخذ وانت مطمئن

[كبير المتداولين]

بيبات النحاس لايعلو عليها سواء في الداخل والخارج وبالخارج افضل بيبات النحاس تتقبل الحراره والرطوبه والشمس والتكسير وكل العوامل الجويه

[معماري قطري]

بيبات النحاس لايعلو عليها سواء في الداخل والخارج وبالخارج افضل بيبات النحاس تتقبل الحراره والرطوبه والشمس والتكسير وكل العوامل الجويه


مشكلة النحاس يا اخوي الموجود في السوق أغلبه صناعة إعادة تدوير، وفيه خليط من مواد مثل الحديد تسبب صدأ وتآكل، وانا مركب نحاس وسويت دراسة قبل ووثقت في النحاس والحمد لله للحين عندي زين عدا مشكلة بسيطة وإنحلت اللي هي شوية ثقوب صغيرة جداً سربت ماي، والحين أشوف هذي المادة وإنتاج ألماني جيد وأحس انها مصنوعة لتدوم، حتى سمعت بضمان 30 سنة وأكثر، وحسب ما سمعت إنه من مادة مقاومة لأشعة الشمس، لكن العازل بيكون ضروري مع جهاز تحريك وتدوير الماي للشتاء والصيف حتى ما يجيك مثلاً ماي بارد قبل أو ماي حار قبل حسب الموسم، وجهاز التدوير ذيه لازم يكون للبارد والحار، مثلاً في الصيف هالأيام أول ما تشغل الماي مع وجود مبرد فوق للماي يجيك الماي حار " يشلوط " .. وبعملية تدوير الماي مثل الفنادق يجيك الماي بارد أول ما تفتح الحنفية.

وبعدين ما ندري وين دور حماية المستهلك من بايبات النحاس الخفيفة والمصنعة بخليط مواد تهتريء بسرعة، أو بالأحرى وين مختبرات المواد؟

[ASK2]

الـ ppr يعيش برع وداخل لكن النحاس هو افضل منه سواء داخل او برع ..

طبعاً غالباً يتم تركيب الـppr داخل و النحاس خارج

لان استحماله اكثر من ppr ...

قبل الكل يركب نحاس داخل وبرع لكن مكلف جداً

بس اذا تبي من احسن طبعاً النحاس احسن

بس الـ ppr يعيش بعد برع خصوصاً الالماني الازرق

بالتوفيق

[بن غيث]

طبعا النحاس
وفي ناس توفر وتركب ppr
الالماني ( صيني المنشأ )

كل واحد وامكانياته

[مضارب دوسري]

السلام عليكم
لو كان النحاس الموجود حاليا نفس اللي ركبوها شيبانا فالتسعينات
ف انا اقولك ركب نحاس طبعا
لكن فالوقت الحالي النحاس ردي بالقو
كفايه من سنتين قب الزواج كنت اركب فالملحق واسوي صيانة وغيره النحاس السابق وركبت نحاس جديد
والله لا يوريك

ركب بي بي ار وريح راسك ابرك
والنحاس اذا نوعيته مب زينه مايستحمل البريشر

[خالد32]

بي بي ار و انت مغمض
بيت الواد ما شاء الله من سنة 1999 لحد يومك بس الي عليها الشمس على طول تقشرت شوي و هذي صناعة التسعينات اكيد الجديدة احسن
و ما صادته مشاكل الا مع النحاس

[Chambray]

جزاكم الله خير
وين احسن وكاله لبيع البيبات النحاس الالمانية ؟

[بن غيث]

اسأل عن بيبات الشريف

[Chambray]

اسأل عن بيبات الشريف

اسال من ؟؟ من وكيلهم؟؟؟؟؟؟

[فتك العديد]

اخوي في بيبات بي بي ار مصممه للمناطق الخارجيه وهيا مكونه من ثلاث طبقات بلاستك والمنيوم وبلاستك وهاي خذها وانت مغمض وصناعتها المانيه وقول حق الي بيركبلك البيبات ابي بيبات بي بي ار المنيوم كوتيد للسطح وتقريبا سعر البيب الواحد 65 ريال وفي منه صناعه تركيه ولونه الخارجي اخضر والالماني لونه اسود من برع والطبقه الداخليه خضره وبينهم الالمنيوم

[Chambray]

اخوي في بيبات بي بي ار مصممه للمناطق الخارجيه وهيا مكونه من ثلاث طبقات بلاستك والمنيوم وبلاستك وهاي خذها وانت مغمض وصناعتها المانيه وقول حق الي بيركبلك البيبات ابي بيبات بي بي ار المنيوم كوتيد للسطح وتقريبا سعر البيب الواحد 65 ريال وفي منه صناعه تركيه ولونه الخارجي اخضر والالماني لونه اسود من برع والطبقه الداخليه خضره وبينهم الالمنيوم

اين يباع هذا ؟؟ وشكراً على مداخلتك المفيده

[بوخالد911]

مووفق اخووي

[ASK2]

ياخوي فك عمرك وركب شي مضمون ولا تعور راسك

بيبات النحاس افضل منها سواء داخل او خارج مافي

بـ125 البيب

بتحصله في اماكن واايد روح محل الجوزاء عند دوار الكتب من اشارات العالم الجديد بتجاه دوار الكتب

قبل الدوار في لفه هو على الفه بتحصل عنده بيبات بي بي ار الزرق والنحاس وهو وكيل اخبر حق بيبات البي بي ار ..

بالتوفيق

[معماري قطري]

الله يعين صاحب الموضوع .. تعددت الإختيارات وصعب التحديد

بس إذا صناعة ألمانية ومصنوعة للخارج شوف مواصفاتها الفنية وضمانها وإن إرتحت خذها وانت مغمض وبتطلع أوفر بعد لك، انا صراحة إختياري الجاي وقت مشكلة في البايبات ويُنصح بالتبديل هو نوعية البي بي آر الألماني

[الوهم]

بايبات النحاس الاصليه تكون صناعه انقليزيه والسعر يعتمد على الحجم

افضل البايبات النحاس هي الانقليزيه وهي الآتي :

- Yorkshire
- Muller

وصلات اللحام ( انقليزي):
- Pegler Yorkshire

او الوصلات العاديه :
- conex

بالنسبة للبي بي أر يجب التدقيق من قبل المالك وقت التركيبات سواء انت اللي بتشتري او المقاول .. لان بعض شركات المقاولات او الشركات اللي تبيع تخلط في البضاعة بدون ما تخبر المالك

وافضل الانواع الالماني اللي يكون حائز على شهاده DVGW

أفضل المتوفر حاليا :

- Wefatherm
- BR binninger
- aquatherm

في الوقت الحالي من وجهه نظري افضل الداخلي يكون بي بي أر ألماني اصلي والخارجي نحاس انقليزي
ملاحظه ألبي بي أر يحتاج واحد خبره وفنان عشان يلحم بشكل مايكون فيه تسريب في المستقبل والالماني الاصلي ان شاء الله مضمون .. بس اذا ألبي بي أر صيني او تركي والفني ماعرف يلحم 100٪ يصير تسريب في المستقبل
واللي عنده تي استفسار انا حاضر

شكرًا لكم جميعا