25الف !!!!!!

[سهوم المنايا]

السلام عليكم

جبت لي صباغ وقلت له ابي اسوي برايمر على البيت كامل مع السور ومعجون وبرايمر من الداخل

طق الحسابه وقام يكلم نفسه وقال لي 25 الف

علما ان البيت مساحته مع الملحق625

معقوله هذي اسعار البرايمر

[المزن الرياني]

الحساب اخوي بمساحه الحوائط ( الطول * الارتفاع ) وتضربه بسعر المعجون
بس بكل الاحوال مستحيل يوصل لهالسعر

اغلب الغش سواء بالشغل او بالاسعار تكون بمرحله المعجون والصبغ

[محمد2009]

عليكم السلام ورحمة الله وبركاته

اولا كم متر البيت ؟

بعدين على كم اتفقتوا على المتر لشغل اليد ؟؟


والشي الاخر البيت جديد ولا يبيله صيانه وبعض الترتيبات في الطوفه ؟

بعدين الصبغ عليك او عليه ؟

هذي الاساله بتساعدنا على الاجابه

والله يوفقك

[الدوحي7]

والله بايقينا العمال بوق،،

[alwahesh]

اعتقد السعر معقول نسبيا اذا الفيلا 625 متر مربع

يعني اعتقد 6 غرف نوم وغير الصالات والمجالس والممرات ويمكن السقف

والصباغ عنده مساعدين وسقالات بالاجار وغير العدة

[القلم الصريح]

يعني اذا بنحسبها 25000 الف / 625 م = 40 ريال عالمتر؟؟؟

[bo_hamad]

لا تتفق معاه بالمتر

عطا كونتراك وشوف غيره

[السد]

تاكد من شركة الصبغ
جوتن - ناشيونال
وخله يعطيك بالتفاصيل
صبغ خارجي بكم
وصبغ داخلي بكم المتر

[كبير المتداولين]

سعر برايمير الخارجي العادي من 3 الى 5 ريال
للمتر

سعر المتر للبرايمر الداخلي مع المعجون 8 ريال

نوع الصبغ جونتن
معجون بدجت


السعر الي تكملت عنه اخي الكريم صبغ البيت كامل مع المعجون والبرايمير صبغ عادي

[معماري قطري]

يعني اذا بنحسبها 25000 الف / 625 م = 40 ريال عالمتر؟؟؟


أتوقع هذي مساحة البناء .. يعني مسطح الأرضيات، وإذا بغينا نطلع المساحة المصبوغة نحتاج نقيس كل حايط وكل سقف إذا السقف بينصبغ بعد، فمثلاً الحايط الخارجي متضمن الفتحات بيكون إذا البيت بإرتفاع 8 متر ... 625 على 2 علشان نطلع مساحة الدور على فرض البيت دورين متساويين = 312.5 متر مربع ، وبمحيط70.71 متر، وبمساحة خارجية متضمنة الفتحات = 565.7 متر مربع، ونظيف عليها سور السقف من داخل 85 متر مربع تقريباً، وبيت السطح إحتمال 50 متر مربع إذا فرضنا وجود غرفة خزان ماي، فيعطينا للخارجي بس مجموع = 771.41 متر مربع.

بعدين عندنا للداخل أقل شيء مسطح الأسقف وعلى فرض سقفين بمجموع 625، غير عن الحوايط الداخلية اللي بتكون أكثر من المجموع كله .. يعني بتطلع لنا المساحة الإجمالية قريب من تقديرياً 2100 متر مربع.

فيطلع لنا سعر البيت كامل برايمر مع معجون في حدود 16750 على فرضية سعر 8 ريال للمتر المربع، وطبعاً المساحة الإجمالية وقت حسبتها صح نشيل منها الفتحات ونحسب الحوايط الداخلية صح ويمكن تطلع أقل ولا أكثر.

أتمنى إني ما عقدت الأُمور بشرحي المطول، وبالتوفيق.

[سهوم المنايا]

مشكووورين وماقصرتوا والله اني استفدت من كل عضو رد علي في هالموضوع

تحيياتي لكم من القلب ومشكورين

[MAZEN37]

يعني اذا بنحسبها 25000 الف / 625 م = 40 ريال عالمتر؟؟؟
حسابك بالمتر المربع
هو حاسب بالمتر المسطح:waiting:

[محمد الجفيري]

بالتوفيق يا رب

[معماري قطري]

حسابك بالمتر المربع
هو حاسب بالمتر المسطح:waiting:

الله يطول لي في عمرك إخوي مازن

بس شالفرق بين المتر المسطح والمتر المربع؟ إذا قصدك المسطح المساحة الأرضية فهي هي المتر المربع، لكن أوقات الصبغ يتضمن صبغ الأسقف اللي تتساوى في مساحتها مع الأرضيات ويمكن تزيد بسبب بروزات وكسرات.

انا من رايي أي واحد حاب يصبغ أول يطلب من الصباغ قياس المساحة الإجمالية وعمل توصيف لكل مساحة، يعني مثلاً يذكر الواجهة الرئيسية الخارجية ومساحتها كذا، ومساحة الفراغات كذا ومساحة أي عناصر عمرانية تتطلب صبغ خاص أو لون غير كذا، وبعدين يتجه لكل واجهة ولكل غرفة ويفصل كل شيء في جدول، فهذا بيكون أسهل للجميع وحتى لو صور وضمن الجدول هذي الصور للتوضيح، وبعدها نجي لتوصيف الشغل لكل قطعة أو واجهة أو سقف، ويحدد السعر لكل جزء متفق عليه حسب الإتفاق وبعدين يجمع ويطلع له السعر النهائي.

وهذي الشركات النظيفة تسويها كجداول حساب كميات خاصة بها للتسعير بس، وتخفيها عن العميل علشان يقدرون يلعبون ولا يلتزمون ويسوون عقد اللي يسمونه Lump sum أو سعر إجمالي، وأوقات يجيك واحد ما يقيس كلش وجنه ساحر يتمتم ويسوي حركات غريبة ويطالع في عيونك ويقول سعر مضاعف مرات، وهذا نصيحة إبعد عنه.

[مضارب دوسري]

يعني اذا بنحسبها 25000 الف / 625 م = 40 ريال عالمتر؟؟؟

لاوين الله يجزاك خير
هو ماراح يصبغ الارضيات عشان تحسبها على 625
الحسبه غلط

[مضارب دوسري]

[font="courier new"]سعر برايمير الخارجي العادي من 3 الى 5 ريال
للمتر

سعر المتر للبرايمر الداخلي مع المعجون 8 ريال

نوع الصبغ جونتن
معجون بدجت[/
السعر الي تكملت عنه اخي الكريم صبغ البيت كامل مع المعجون والبرايمير صبغ عادي


يعطيك العافيه سمعت بالنصيحه وكلمت المقاول
وانا مساحة البنيان عندي 640 متر
قال البيت كامل برايمر جوتن ومعجون بدجت ب 15000 وبينزل لين 13000