تجديد الحمام ( اعزكم الله )

[NoooN]

السلام عليكم
http://www.ronamag.ca/sites/default/files/story/visit-charm-style-bathroom-2012.jpg
اخواني انا حبيت اجدد حمامي الله يعزكم
وماعندي خلفيه عن احسن المحلات
والاهم مافي الموضوع مدة التجديد لان خلركم صعبه تجديد وانت ساكن بنفس الغرفه
انا حمامي مساحته كبيره يعني يشل جاكوزي و غرفه الشاور والملحقات الاخرى

وانا فكرت اصبغه يمكن يكون اسرع ؟؟

ياليت تفيدوني وتقريبا التكلفه ؟

[(محمد)]

وعليكم السلام ورحمة الله وبركاته

كم المساحة اختي ؟

[(محمد)]

بالنسبة للصبغ في يوم واحد نخلصه ان شاء الله ... وبالنسبة للتركيب في حال وجود باقي الملحقات تعتمد على نوع الملحقات وهل تحتاج تكسير وتركيب سيراميك ولا لا .. وهذا بياخذ وقت بحسب الشغل والمساحة.

[معماري قطري]

موضوع مهم إن تركز/ تركزين على الصورة الشاملة في الصيانة والتجديد، وإذا كان فيه حمام آخر ممكن استعماله مؤقتاً، فقفل الحمام هذا فترة التنفيذ وعمل فتحة لدخول العمال وخروجهم مؤقتة في الحائط، واستخدامها بعد ذلك لتكون شباك بحجم مناسب ومتناسب مع حجم الحيز، وفكرة الصبغ أو ورق الجدران الخاص والمقاوم للرطوبة ممكنة بس ركز على أن تكون أطراف الحايط السفلى سيراميك أو حتى رخام أو غرانايت حسب الرغبة، وبالنسبة للإضاءَة تحتاج إعادة تصميم كذلك والأسقف، وهذه الفتحة والمدخل الخاص حتى عن طريق درج خارجي تجعل خصوصية لغرفة النوم وتصبر على الشغل، لكن الأهم هو وجود خطة للعمل واتفاق مع مقاول مختص.

[معماري قطري]

الصورة المرفقة وايد عجبتني

سهل تقليدها، وهنا يبين الحوايط كلها عليها طبقة جبس ومصبوغ بصبغ عازل للرطوبة، والسقف كذلك ولونه عجيب، والأرضية مسوية إنعكاس للون الحوايط وإتصال بينهم.

[NoooN]

مرحبا اخواني
وشكرا على سرعة ردكم علي

بخصوص مساحة الحمام انا مب عارفه والله بس هو تقريبا نفس حجم هذي الصوره

http://3.bp.blogspot.com/-UkmnpHm4ecU/TddUf_dMl_I/AAAAAAAAAiU/1P0L-fLnY44/s1600/luxurious-Bathroom-Idea-Dream-Of-bathroom-with-Finnish-sauna-5.jpg

وانا ابي اغيره كامل مع ملحقاته
وبخصوص الفتحه الخارجيه للعمال انا في الطابق الثاني وصعبه افتح فتحه خارجيه :(

مافيه شركات متخصصه تعمل لي ياه كامل ؟ وبفتره تقريبا ماتتجاوز الاسبوعين :( ؟

[معماري قطري]

واحد جدد الدور كله الثاني إذا نتكلم عن الأول = الأرضي والثاني = الأول

مشكلة العرب إخترعوا الصفر وخربوا حسابات العالم .. المهم فتح مكان الدريشة نزلة شوي وركبوا العمال خشب لهم وحديد يركبون عليه، وهو سكن تحت وكان يتابع البنيان معاهم لين خلص بدون أي إزعاج كبير له ولعائلته، والتجديد سهل إذا حبيتي تكسرين كل شيء قديم خلال يوم بيخلصون شغلهم، وهذا اليوم بيكون فيه إزعاج شوي .. بعدين إذا الحمام قديم وتبين تسوين شغل كامل حتى البايبات تغذية وصرف لازم تتبدل وحتى العازل مال الماي ... يعني نصيحة سوي تجديد كامل ما تضمنين يبقى شيء شبه مكسور ويترقع ترقيع وتتورطين بعدين ترجعين تشوفين حلول ثانية ويمكن تكسير ثاني.

وحمام بمساحة كبيرة يحتاج شغل نظيف وتصميم متكامل وتحطين إحتياجاتج كاملة، مثلاً جكوزي وحمام بخار وغيرهم.

[معماري قطري]

بعدين راعيي أحاسيس بعض الأعضاء صراحة انا واحد أتعذب لين شفت صور هشكل نظيفة، والصور هذي تبرز كل محاسن الحيز العمراني.

[NoooN]

معماري قطري

شكرا لك اخوي على التواصل
ياليت تعطيني احسن الشركات اللي ممكن اثق فيهم
ابي حاجه جودتها عاليه و مودرن

[معماري قطري]

إذا شركات تنفيذ وايد وشوفي اللي مصنفه أقل شيء رابعة، وعن تجربة انا جربت شركة حمد بن خالد بن حمد hkh بس هالأيام مؤكد مشغولين، وغيرهم شركة كونسيرف إدارتهم جيده وعرب لكن العمال آسيويين والمهم يكون موجود فورمان جيد ومشرف جيد وعقد متكامل بكل التفاصيل علشان تضمنين شغل صح .. وبالتوفيق للجميع.

[MAZEN37]

احسن شيء وانتو مسافرين في الصيف

[محمد الجفيري]

بالتوفيق يا رب

[قطرية مثقفة]

موضوع مهم إن تركز/ تركزين على الصورة الشاملة في الصيانة والتجديد، وإذا كان فيه حمام آخر ممكن استعماله مؤقتاً، فقفل الحمام هذا فترة التنفيذ وعمل فتحة لدخول العمال وخروجهم مؤقتة في الحائط، واستخدامها بعد ذلك لتكون شباك بحجم مناسب ومتناسب مع حجم الحيز، وفكرة الصبغ أو ورق الجدران الخاص والمقاوم للرطوبة ممكنة بس ركز على أن تكون أطراف الحايط السفلى سيراميك أو حتى رخام أو غرانايت حسب الرغبة، وبالنسبة للإضاءَة تحتاج إعادة تصميم كذلك والأسقف، وهذه الفتحة والمدخل الخاص حتى عن طريق درج خارجي تجعل خصوصية لغرفة النوم وتصبر على الشغل، لكن الأهم هو وجود خطة للعمل واتفاق مع مقاول مختص.

كلامه عين العقل ،، حماي سوا نفس الطريقة حق حمام غرفة النوم الماستر سكر الباب ولان الشباك كبير صارت الدخلة منها وبواسطة درج من الخارج وللعلم الطابق العلوي ،، ونصيحة مني اذا بتسوي سوي صيانة عدله خصوصا اذا كان بيتك بيت العمر لان الترقع ماينفع

[معماري قطري]

كلامه عين العقل ،، حماي سوا نفس الطريقة حق حمام غرفة النوم الماستر سكر الباب ولان الشباك كبير صارت الدخلة منها وبواسطة درج من الخارج وللعلم الطابق العلوي ،، ونصيحة مني اذا بتسوي سوي صيانة عدله خصوصا اذا كان بيتك بيت العمر لان الترقع ماينفع


مشكورة على التأييد الإيجابي

وأحب أضيف ان لازم يكون عقد الصيانة متكامل وموضح كل شيء ومع شركة مب شخص، وتتحدد فترة زمنية معينة، وأوقات عمل محددة وتحطون شروطكم كاملة، وإذا العقد مجهز صح ومفهوم بتلاقون شركات تنفيذ جيدة وبتلاحظون اللي يبغي يتهرب من البداية، وبتعرفون كم التكلفة وأي بدائل ثانية، والله شركة المتحدة للتجهيزات يقدرون يسوون كل شيء حتى صياغة عقد الصيانة وبالعينات ... شغلهم إحترافي لآخر درجة والمواد موجودة عندهم.