فرق 300 ريال وحماية المستهلك ***

[Anas_G]

..

بسم الله الرحمن الرحيم

اليوم شريت جهاز سامسونج نوت من ستار لنك المول بسعر 2599
وبعد ما دفعت وخلصت تمشيت شوي شفت كشك لشركة السامسونج سالت عن السعر وطلع 2300 .. مع اني الي اعرفه ان الفرق بين المحلات ما تتجاوز ال 50 ريال على اجهزة التليفونات ..

رجعت لستار لنك وحاولت ارجعه مافي امل بس في استبدال مع اني ما فتحت العلبة نهائيا

وقمت بالاتصال بحماية المستهلك وقالي بالحرف الواحد مافي بند يمنع اختلاف الاسعار بين المحلات حتى لو فرق كبير وسالته عن جدوى حماية المستهلك وضحلي ان حماية المستهلك ممكن تدخل في حال ان المحل عرض سلعه بسعر معين وثاني يوم رفع السعر فقط

تجربة شخصية حبيت اشاركم فيها ويعطيكم العافيه

[هامور خرطي]

نفس الحركة بس غرض ثاني من ستارلنك بس رجعوا لي فلوسي ع البطاقة.

كان قلت له اوك عطني ورقة ووقت ما ابغي اشتري بجيكم
ستارلنك ماتعجبني حركاتهم
اشتر من كارفور الاجهزة افضل لك .سعر زين بدون نصب وكذلك خدمة عملاء ممتازة واترك اكشاك ستارلنك وربعه

[وحيد-الشوق]

لو أنا مكانك كان رجعته غصبا عنهم

[ولد البدر]

المس تهلك

[khaldoon]

الحين احنا مب من حقنا ارجاع البضاعة خاصة لو انها انشرت بنفس اليوم وما تم فتحها و لا فض الاكياس و لا شي؟.....انا اعرف انه هالشي حق مكفول من حماية المستهلك....ايش الموضوع

[@north_star@]

القانون يسمح بارجاع البضاعة شرط ارجاعها بحالتها الجديدة وبدون ما تفتح

[khaldoon]

القانون يسمح بارجاع البضاعة شرط ارجاعها بحالتها الجديدة وبدون ما تفتح


بالضبط....هذا اللي انا اعرفه و قلته بردي فوق و انه حماية المستهلك المفروض يكفلون لنا هالشي في حالة رفض البايع ارجاع البضاعة مثل ما قال صحاب الموضوع ...بانتظار تفسير صاحب الموضوع هل هو بلغهم انه البضاعة مازالت بكراتينها ما فتحت و هم ما ساعدوه و الا اشلون بالضبط

[chillis]

ستار لنك من اغلى المحلات هو والصقر فرق السعر وايد عن باقي المحلات للاسف ولا احد يحاسبهم

[khaldoon]

ستار لنك من اغلى المحلات هو والصقر فرق السعر وايد عن باقي المحلات للاسف ولا احد يحاسبهم

انا قلت هالكلام من قبل ......من كم سنة رحت اشتري جوال نوكيا c-06.....سعره بالكاريفور كان 985 و من الوكالة و ضمان الوكالة .....بنفس الوقت سعره بستارلينك 1395.......لييييييييييييييش؟!!!

[chillis]

انا قلت هالكلام من قبل ......من كم سنة رحت اشتري جوال نوكيا c-06.....سعره بالكاريفور كان 985 و من الوكالة و ضمان الوكالة .....بنفس الوقت سعره بستارلينك 1395.......لييييييييييييييش؟!!!

انت لو تروح اسعار الايباد اول ما نزل عندهم اشلون سعره وبرع اشلون حتى لو هو عنده ضمان ما يعرف الاسعار بالطريقه البشعه هذي مع ان مضطرين اوقات علشان الضمان نتعامل معاه لا بعد هو اهون من الصقر هذاك مصيبه اكبر

[هامور خرطي]

انا عن نفسي مقاطعة لا بارك الله فيهم

[بوخالد911]

الله يعينك

[khaldoon]

انت لو تروح اسعار الايباد اول ما نزل عندهم اشلون سعره وبرع اشلون حتى لو هو عنده ضمان ما يعرف الاسعار بالطريقه البشعه هذي مع ان مضطرين اوقات علشان الضمان نتعامل معاه لا بعد هو اهون من الصقر هذاك مصيبه اكبر


انا ما اقرب هالمحل خير شر من يوم شفت الفرق اللي ذكرته فوق ...فممكن لو تكرمتي توضيحين ليش هو عنده ضمان و غيره ما عنده.....

ما تنسي سالفة واحد من الاخوان نزل موضوع من اسبوعين تقريبا يقول كل ما واحد راح لهم قالوله جهازك صايده ماي و خسرت الضمان

[chillis]

انا ما اقرب هالمحل خير شر من يوم شفت الفرق اللي ذكرته فوق ...فممكن لو تكرمتي توضيحين ليش هو عنده ضمان و غيره ما عنده.....

ما تنسي سالفة واحد من الاخوان نزل موضوع من اسبوعين تقريبا يقول كل ما واحد راح لهم قالوله جهازك صايده ماي و خسرت الضمان

فعلا كل ما تروح يقولك ما يشمله الضمان هو عنده ضمان لانه يتعاون مع كيوتل علشان جذي اتوقع يعطونه الضمان والدليل الايفون يبيعه سعر كيوتل مثل ما قلت لك مرات محتاجين للضمان ما حب جهاز بدون ضمان :(

[khaldoon]

فعلا كل ما تروح يقولك ما يشمله الضمان هو عنده ضمان لانه يتعاون مع كيوتل علشان جذي اتوقع يعطونه الضمان والدليل الايفون يبيعه سعر كيوتل مثل ما قلت لك مرات محتاجين للضمان ما حب جهاز بدون ضمان :(

صحيح هو يتعامل مع كيوتل ....متفق تماما معاكي اني ما احب اشتري شي بدون ضمان لانه جميع الاجهزة اللي شريتها و لله الحمد وكالة و جديدة غير مستعمله و احتجت فيها الضمان اول سنة مره واحده على الاقل....تيجي على الجهاز في يوم من الايام تلاقيه قاطع النفس ولا يتحرك و لا شي....من غير مقدمات و لولا الضمان كان بصلحه على حسابي

بالتوفيق ان شاء الله

[شبح الصمت]

مشكلتنا وهالحاصل

فيني تحرج من الشيء انحرج ارجع انحرج اكاسر

عالم ناس

ما اعرف اتفاهم معاهم اذا لغتهم غير

اسباب كثيرة

بس تبي الصج دامك ما فتحته غلطان صدقني ارده وخليه يرد فلوسي

لا وسوي لهم بلبله في وطني الحبيب صباح الخير

الحين الحين تتصل فيهم تكفى لجل يدرون انه احنا مهب مقصه

لي متى والجرد على ظهورنا وساكتين لازم الواحد يكون له وقفه كلمة

300 ريال يحسبون جايبنها خالي بلاش فاتحين الخزنه وهاك طلع ..


يمدحون الاتصال في وطني الحبيب صباح الخير ونشوف قرار حماية المستهلك

اتوقع هالشيء موجود لو سلعه سعرها في السوق 400 ورحت مكان ثاني وشفت السلعه سعرها 350 ريال تاخذ فاتوره وتوديها لهم ويقارونون الاختلاف هالشيء هل اهو موجود لانه حسب ما وصل لنا ..

عليك ابهم تراني صج منقهر فيني قهر

[بوسلمان 2010]

لاحول الله ماادري وش دورهم عيل حماية المستهلك

[رمح الشمال]

المس تهلك

اي والله المس تهلك هههههههههههههههه. هذا المسمى الصحيح .بطني ههههههههههههههههههاي

[Anas_G]

القانون يسمح بارجاع البضاعة شرط ارجاعها بحالتها الجديدة وبدون ما تفتح

بخصوص هالموضوع كلمت الموظف في حماية المستهلك وقالي ما يقدر يجبر المحل ان يرجع السلعه حتى لو لم يتم فتحها وقالي ان هالكلام حسب المحل يعني اذا المحل كاتب على الفتورة هذه البضاعه لاتسترد ولاتسبتدل يعني ما يقدر يسوي شي .. واذا كاتب هذه البضاعه تستبدل فقط يعني تبديل يعني ما تقدر تاخذ فلوسك

[وحيد-الشوق]

هذا موضوع لي والموقف صارلي شخصيا في المانيا شريت تلفون جديد واستعملتة تقريبا اقل من اسبوعين بشوي ورجعته المحل لأنه ماعجبني !! وعطوني فلوسي كاملة :funny:

وهذا رابط الموضوع

http://www.qatarshares.com/vb/showthread.php?t=474890

[السندان]

اخبر خذت منه اي فون 4اس بقيمة 3400 تقريبا والمحلات برا 2900 ريال

يعني فرق 500 ريال تقريبا

اخذت من عنده لان عندي نجوووم من كيوتل بقيمة 2000 ريال والا ماأقرب منه ابدا