مركز الدحيل لتركيب اللوحات المرورية

[Juve]

السلام عليكم اخواني

ممكن تدلوني على مكان "مركز الدحيل لتركيب اللوحات المرورية" حيث انهم ارسلولي رسالة بخصوص تركيب اللوحات وانا ما ادلهم، انا جددت رخصت السيارة من يومين في مرور خليفة وتوقعت ان تركيب اللوحات رح يكون في نفس المكان بس استغربت من الرسالة الي وصلتني

الرجاء مساعدتي و حابب لو تدلوني على الطريق وانا جاي من الطريق السريع جاي من سلوى باتجاه اللاند مارك

كمان يا ريت تخبروني على ساعات العمل لديهم وهل يعملون في الليل و ايام الجمعة والسبت

شكراً للجميع :)

[بوطويشم]

وعليكم السلام

المكان عند مركز تدريب الشرطة

و انت جاي من طريق 22 فبراير عقب جسر الشمال بتلقى لفه او يوترن تدخلك عند جمعية الدحيل لكن قبل الجمعية في دوار صغير تاخذ يسار كانك متجه للجامعة وبيجيك الدوار الي عن المعهد وبتلقى لوحة على يمينك تبين لك وين المكان بالضبط واذا دخلت المعهد كمل سيده بتجيك مطبه و عقبه لف يسار وبتشوف حواجز بيجونك 6 صفوف وقف السيارة وانزل عن المكتب الي فيه الوكيل و عطه الأستمارة و ارجع السيارة و انتظر لين تجهز اللوحة وهم بيركبونها لك

احس اني طولت الموضوع وهو قصير بس ان شاء الله تدله

[Juve]

ما اندليت والله يا ريت شرح مبسط اكثر :(

وتسلم يالغالي

[دفرنت]

وانت جاي من اشارات الجامعة متجه غرب
تخلي شمال الاطلنطي على يمينك وتروح سيدة بيجيك دوار تكمل سيدة لين تلقى لوحة مركز تركيب اللوحات عاليمين

ان شالله يكون وصفي صحيح

[Bo jassim 33]

شرحوا لك الاخوان بالتفصيل

وانت جاي من جسر اللاند مارك

ومتجه للشمال

بيصادفك جسر الجامعه

وبعده مجمع دحيل على يدك اليمين

المبنى اللي بعده هذا هو

والظهر موجودين وفاضيين مب زحمه نفس مرور مدينه خليفة

[Juve]

الله يجزيكم الخير جميعاً
فاتحين بعد ال 4 العصر؟

[بوطويشم]

فاتحين مر عليهم

بس اهم شي دليت ولا لا

:)

[Juve]

ان شالله اكون دليت :)

تسلم يا غالي

[Juve]

ركبتها والمكان طلع بالضبط حسب الوصف

الله لا يحرمنا منكم تسلمو :app2:

[حمودي2]

السلام عليكم ورحمة الله وبركاته
ياريت الوصف بس وانا بخلي مبنى الجوازات على اليسار وباتجاه الشمال
بيجيني اللاند مارك على يميني وبعدين؟؟؟؟؟؟
اعذروني اخواني