القسائم التعليميه والروضه

[ميموري]

السلام عليكم ورحمة الله وبركاته

حبيت استفسر عن شغلتين

1.الاولى اذا مدرسة الابن من ضمن المدارس المدرجة بلائحة القسائم التعليميه المدفوعه وكان الوالدين منفصلين هل القسيمة تكون للام او الاب "مع العلم ان الاب رافض يدفع ريال واحد من الاساس والام اللي تدفع لابنها للسنوات الماضيه"

2. الشغلة الثانيه بالنسبه للروضة kg1 و kg2 هل تندرج من ضمن القسائم او الدفع يكون على ولي الامر؟؟

ولكم كل الشكر

[FAUCHON]

حبيبتي لاالحين مافيه تفاصيل واضحة بنسبة للقسائم التعليمية والي مكتوب في الجريدةالرسمية بيكون توزيع القسائم في شهر يونيو وانساء الله نشوف تفاصيل اكثر توضح كل الامور وجواب لكل شخص يسئل عن جواب

[ميموري]

يعطيج الف عافيه حبيبتي فوشون

[السندان]

اذا اعلنوا القسائم اكيد بتكون عن طريق المجلس الاعلى الى المدرسه المعنيه

لان بعض اولياء الامور غير مؤتمنين ياكلها ويخلي عياله في البيت

[شيزكيك]

القسائم كانت موجودة قبل بس كانت تصرف ح حق ابناء المتقاعدين والي يشتغلون في القطاع الخاص والحين اقروها للككل وهي عبارة عن قسيمة فيها المبلغ طبعا ما را ح يسلمون ولي الامر كاش

[بصمة قطرية]

ما زلنا ننتظر توضيح بخصوص القسائم التعليمية و نأمل خير ان شاء الله .... اعتقد انها ما تشمل رياض الاطفال فقط المدارس بالمراحل الثلاث ...

[بنت الطائي]

قال شنو قال القسائم للام او الابو !!!!!!!!!!!!!!!!!!!!!!!!!!!!!!!!!!!!!!!!!!

[نوار قطر]

حبيبتي بنت الطائي البنت ماتقصد انها تنحط في جيبها انا عارفه قصدها لاني امر بنفس حالتها ،،،،،،،، حبيبتي ميموري مثل ماعرفت ان اتيبين ورقة من المحكمة تثبت ان انتي الي تصرفين على ولدج يعني ورقة اعالة وتقدمينها لين يطلبونهااا

[qatara]

قال شنو قال القسائم للام او الابو !!!!!!!!!!!!!!!!!!!!!!!!!!!!!!!!!!!!!!!!!!

ههههههههههه
شفتي شنهو هم البعض

[doha2012]

,


الله يوفقك اختي ,

وان شاء الله تتضح الرؤيه .. واكيد فيه حل للمساله اللي تسالين عنها ,




,

[ريان]

يقال ان فيه اجتماع مع الوزير

وراح تتضح الصوره

وبتكون فالجرئد اليوم

والعهده على الراوي

[ميموري]

اشكر كل من رد

سواء انسان فاهم

او ناقص "فهمه"


قال شنو قال القسائم للام او الابو !!!!!!!!!!!!!!!!!!!!!!!!!!!!!!!!!!!!!!!!!!






ههههههههههه
شفتي شنهو هم البعض


من ردكم مبين انكم يهال

حبيت اوضح النقطه اللي قلتها اذا تفكيركم قاصر انه يفهمها

لما يصير طلاق بين اثنين ممكن يكون احد الاطراف يناحس الثاني ويحرم عياله حتى من مصروفهم اليومي عشان الطرف الثاني يتذلل له ويطلب منه وهاتي يامحاكم

اتمنى ماتنحطون بهالموقف عشان تقدرون قيمة الكلمة اللي قلتوها

بس ياليت تكبرون عقلكم وبلا استهزاء

[أسد الجزيرة]

و ممكن بعد يحرم العيال من التعليم نحاسة في طليقته

[ميموري]

و ممكن بعد يحرم العيال من التعليم نحاسة في طليقته

هذي مشكلة منتشره للاسف هالوقت

[مرت محمد]

حبيبتي ميموري ياما طرحنا اسئله في المنتدى وكنا نتمنى الجواب الشافي لتساؤلاتنا بس ياليت الي يردون علينا العقول المتنوره المشكله اليهال هم الى يردون وياكثرهم الله يكبر عقولهم

وكلنا سالنا نفس السوال الي طرحتيه وحنا وياج ننتظر الجواب

[أسد الجزيرة]

الموضوع في جريدة الراية صفحة 27

[(بوطلال)]

السلام عليكم ورحمة الله وبركاته

حبيت استفسر عن شغلتين

1.الاولى اذا مدرسة الابن من ضمن المدارس المدرجة بلائحة القسائم التعليميه المدفوعه وكان الوالدين منفصلين هل القسيمة تكون للام او الاب "مع العلم ان الاب رافض يدفع ريال واحد من الاساس والام اللي تدفع لابنها للسنوات الماضيه"

2. الشغلة الثانيه بالنسبه للروضة kg1 و kg2 هل تندرج من ضمن القسائم او الدفع يكون على ولي الامر؟؟

ولكم كل الشكر

اختي مافي شي اسمه قسيمه للام او للاب . القسيمه تطلع بأسم الطالب في المدرسه الي هو فيها ومحد يقدر يصرف المبلغ غير المدرسه الي فيها الطالب .