الكورنيش ياهل الكورنيش انقذونا من الديزل (نبي اكسجين)

[الصغيره]

من زمان ومراكب السياحه او اللي يركبونها الناس لها موقف او موقفين معروفين عند المطعم

واللي يبيهم يجيهم

الحين للاسف تم توزيعهم على الدكك اللي على طول الكورنيش اي الاماكن اللي ممكن اي شخص يجي ويبسط بها او يحط له كرسي او بسطه ويقعد يستمتع بالبحر


الان المراكب وزعت على طول الكورنيش وتم شغاله واللي يمشي بدل ما يشم اكسجين يشم ديزل

حتى ان البعض بدا يلبس ماسك على انفه من قو ريحة الديزل

يعني ياجماعه وين نروح ومن المسؤول عن التقسيم الظالم

نروجو من يهمه الامر ينقذنا وفي ميزان اعماله الصالحه

امين

[MAZEN37]

بالعكس احسن اقتراحي تحويل من المكائن من ديزل الي بترول

[مضاربه]

والله انك صادق الكورنيش مب ناقص تلوث على اليمين المراكب وعلى اليسار المواتر كله في صدورنا

[فرحة الكواري]

من ناحية ان المراكب صارت على دور مادور الكورنيش صح كلامك
لكن انا كل يوم هناك وامر جنبهم وما اشم ريحة الديزل او البترول
وما اذكر اني شفت حد متكمم ... !!

يمكن اذا تتكلم عن بالليل يجوز اما الصبح والعصر مافي شي من اللي ذكرته غير توزيع المراكب

[نورعبدالرحمن]

يعني خليتوا التعري الي في الكورنيش والمسخرة الي عيني عينك
شباب قطرين مع بنات اجانب ولا حد يتكلم
وجيتوا علي الريحة ..اصلا من مستمتع غير الاجانب في بلادنا
الله يستر علينا

[Dana’1]

تبغين اكسجين نقي
للاسف مالك الا تطلعين برا الدوحة...واذا ما تقدرين

والاجواء انظف شوي

[محمد الجفيري]

لا حول الله يا ربي .

[باراكودا]

وين البئية لابد من تدخلها فورا في الكورنيش وعلى طريق الشحانية باصات التاتا
تمشى وخلفها العادم ينفث السموم يجب سحب الباصات الهندية من الشوارع فورا لخطورتها
الكبيرة على البئية .

[مضاربه]

من ناحية ان المراكب صارت على دور مادور الكورنيش صح كلامك
لكن انا كل يوم هناك وامر جنبهم وما اشم ريحة الديزل او البترول
وما اذكر اني شفت حد متكمم ... !!

يمكن اذا تتكلم عن بالليل يجوز اما الصبح والعصر مافي شي من اللي ذكرته غير توزيع المراكب


الشيخه الي يتحسس من الريحه هم الي عندهم حساسيه في صدورهم او عندهم الجيوب الانفيه انا اشم وريحه قويه

[جرح الزمان]

ما لكم حل إلا حديقة المتحف الإسلامي

[الصغيره]

اشكركم كلكم على التجاوب والردود

اخواني انا امشي مساء

المراكب تشتغل وفعلا اليمين مراكب واليسار سيارات ولما تكون كتمه الله يعين جفاف حتى بالانف والشفاه

ريحة الديزل والله واضحه

التوزيع عشوائي وعلى كيفهم

والله والله يوم الاربعاء سبع وربع احد المراكب صافط وين العتب اللي تنزل للبحر ما تسع الا لشخص او اثنين يعني مش اللي عند الدكك لا المنافذ الصغيره اللي على يمين المسارات والله والله حاط الجسر الخشبي على المسار اللي يطلع من الفتحه قلت له ليه كذا قال او من زمان من عشرة سنه

كيف عشرة سنه واانا كل يوم امشي على الكورنيش

اما اللي عن العري والتعري هذا بلا ابوك ياعقاب ايش نقول ونكتب

التعري واللي يبحلق بالحريم وهو مقيم واللي يتفل على الطريق واللي قاعد يصور بخلق الله

نسكت افضل