جاكوزي الى في الانصار 2500

[ميلاف]

السلام عليكم ورحمه الله وبركاته ...


لااله الا الله محمد رسول الله

سبحان الله وبحمده سبحان العظيم

ياجماعه لقيت في الانصار جاكوزي انواع واشكال يبتدي من 2500 الى 5000 يقولون ضمان سنه صيني شرايكم ...؟ تنصحوني اشتري منه ؟؟ وذا ماتنصحوني من وين اشتري


لاني كل مادشيت هالمحلات الى يقول ب 50 الف والى 30 قلت ماعليه يصير خير ههههههههههه فشرايكم ياجماعه

[ذيب ازغوى]

والله ياخوي لو تسمع النصيحه انك تبتعد من شي اسمه جاكوزي وانصحك انك تكتب في الانترنت مضار الجاكوزي على الانسان

واكثر الفنادق اللي ان قد سكنت فيها كانو يمنعون اليهال من استخدامه منهم اقل من 20 سنه الا اكيد في سبب

[معماري قطري]

الجكوزي الله يسلمك مثل الغسالة اللي مخصصة للإنسان .. قبل غسيل الملابس باليد وبعدين اخترعوا الغسالة ... نفس الشيء الجكوزي تكون مسترخي ومرتاح والمكينة تصدح بأنغامها وتحرك الماي والصابون، أقل رغوة تستوي عندك وايد وتطفح فوق، وانا عني مدمن جكوزي ومدمن حمام بخار، واليوم مستحم بخار وفي عز الظهر مت حر بس بعده سبحت بماي بارد.

يمكن ضرر الجكوزي إذا تنقعت فيه فتره طويله والماي حار يؤثر على الإخصاب لكن الماي البارد زين وصحي، وتبي الصج أي شيء صيني يخوف .. انا حصلت جكوزي سعودي ومقاسه كبير بعد ومكينته أمريكيه ومضمون سنتين، نوع ب 5000 ونوع أقل بس نسيت كم، وفيه ليت ما ادري اي لون تحت الماي وفيه نظام أمان للكهربه مثل ما ذكر لي البايع، وعلشان ما أُتَهَم بالدعايه إن حبيت بارسل لك اسم المحل خاص.

[ميلاف]

اي ولا تهون يااامعماري ارسل اسم المحل

وبما انك قلت حمام بخار انا مسوي احذا الحمام غرفه لحمام بخار خليتها مصكره مافيه درايش فيها باب يودي للحمام وباب تتدخله المهم حبيت اعرف شلون اسوي حمام بخار وين القى جهاز البخار ومن يركبه ووين يبعونه وبكم والانواع ياليت تذكري جزااااااااااااااااااااااااك الله الف خير

[السد]

يا اخي يخوف الجاكوزي
احس انه يشوط !!

[مضارب دوسري]

اي والله يا السد يخوف
وبعدين فرق السعر يحسسك ان الرخيص ماله امان

[bo_hamad]

بقولك شئ رايح تستخدم الجاكوزي فترة وبعدين خلاص بتمل وبتخليه ديكور بس

الله يوفقك يا الغالي

[مرسى الحزن]

اي ولا تهون يااامعماري ارسل اسم المحل

وبما انك قلت حمام بخار انا مسوي احذا الحمام غرفه لحمام بخار خليتها مصكره مافيه درايش فيها باب يودي للحمام وباب تتدخله المهم حبيت اعرف شلون اسوي حمام بخار وين القى جهاز البخار ومن يركبه ووين يبعونه وبكم والانواع ياليت تذكري جزااااااااااااااااااااااااك الله الف خير

حتى انا ابي اعرف وين القى جهاز البخار
ردوا علي ضروري

[الورد جميل]

بالتوفيييق
الصراحة يخوف الجاكوزي من كثر ما نقرى عنه

[MAZEN37]

بقولك شئ رايح تستخدم الجاكوزي فترة وبعدين خلاص بتمل وبتخليه ديكور بس

الله يوفقك يا الغالي
:nice:

[معماري قطري]

حتى انا ابي اعرف وين القى جهاز البخار
ردوا علي ضروري


من يومين شفت جهاز بخار في محل تجهيز الصالونات اللي في النصر وهم يركبون ... ما اذكر الإسم بس المحل معروف مقابل جبله وعلى الطريق الفرعي اللي يدخل على إشارات عيادة الدوحة وانت متجه شمال بيكون على يمينك.

وغير بتحصله في شركات تجهيز برك السباحة وهم بيوضحون طريقة تركيبه، وتحتاج لسقف منحني، ولصور أفضل شوف تقريري عن حوض السباحة المغلق فيه معاه حمام بخار بالصور، وتحتاج إضاءَة خاصة ما تتأثر بالرطوبة، وكنترول خارجي قرب الباب ويجي محمي عن الماي ما اتوقع مشكلة لو انحط داخل الحمام .. لكن نقطة الكهربه لازم تكون خارجية ومحمية ومركب قربها الجهاز مع توصيلة ماي بضغط، وبعدين يسوون فتحة صغيرة حق مدخل بايب البخار، وكل ما كانت عندك شوية سعة في الحمام تاخذ راحتك وممكن تنسدح تسترخي ولازم تركب باب زجاج وعازل علشان ما يطلع البخار، ولازم تلبس الحوايط بلاط أو رخام ولو تسوي كرسي بلاط بيكون أحسن.

[خالد32]

انصح بمحل جاكوزي شارع سلوى مقابل أنصار

[ولد المنصور]

والله انا ضد الجاكوزي ,, وضد حمام البخار ... بانيو كبير للاسترخاء فقط .... وجهاز البخار ما يحتاج هه جونا يكفي .. استغفر الله العظيم .

[OREO]

نصحيه لا تقرب من الصيني لان يلدغ اذا انك مهب منتبهله هههههه :omg:،،

روح خذلك من محل ع شارع سلوى اسمه اكوا زون و صناعه انجليزيه و عليها ٥ سنوات ضمان ،،

المحل في طخه انصار ستي اذا ما خاب ظني ،، لان من فتره ما رحلتهم ،،

اسعار الجاكوزي تبتدي تقريبا من ٥٠٠٠ ريال و انت طالع و ع حسب الحجم ...

لا تنسى يوم تركب الجاكوزي تركب الواير حسب المواصفات يعني الواير يكون واتربروف و قطعه وحده من الجاكوزي لين المفتاح برا الحمام الله يعزك و من المفاتح لين الدي بي ،،

و لا تنسى بأن الواير لازم يكون جاي في تيوب ( بيب ) و ما يكون طايح تحت الجاكوزي و لا يكون مستواه عالي عشان لاسمح الله اذا تسرب ماي ما يوصل للواير ،،


موفق ان شاءالله ،،