مطلوب جهاز الطباعة على ...................

[shgawia]

مطلوب جهاز الطباعة على التيشيرتات - الاكواب - البازل - السلاسل - الميداليات - المرايات - القبعات - الصحون - الكريستالات - الدروع - الشرائط - الاقمشة -- السيراميك -- البلاط -- وغيرها

وهذي صورة الجهاز من يقدر يوفره لي وبكم سعره ؟؟؟


انا سمعت انها تنباع في السوق الصيني التنين بس مادري اللي عنده اي معلومات ياليت يضيفها لنا

http://www.dohaup.com/up/2012-05-16/admin856177554.jpg (http://www.dohaup.com/)

[اوف ليميت]

هذي اللي تسألين عنها نوعيه صينيه بس نوعيه صينيه ممتازه درجه اولى
تطبع وتنقل الحراره للجهتين فوق وتحت من غير ماتحركين الغرض

بس تحتاج انتباه شديد ومحتاجه لبعض انواع الطباعه ورق مايحتر بسرعه خاص فيها ضد الحراره
وللmug محتاجه تيب (لزقه) خاصه ضد الحراره
ومع ذلك يوم تخلص من الطباعه تكون منتبه جدا للشي اللي طبعته وللورقه لان درجة حرارتها عاليه جدا 300
ووقت الطباعه 40 ثانيه
تستخدم للطباعه على كل شي تقريبا
سعرها يتراوح مابين ال 320 دولار لل 480 دولار

هذا موقعهم
http://www.sun-fly-sublimation.com/sublimation-heat-press-accessories_c10.html


وفي نوعيه صينيه ثانيه .. magnetic heat
اخف واسهل ووقت الطباعه 10 الى 20 ثانيه
تستخدم بشكل اكبر للطباعه على التيشيرتات والملابس
سعرها يتراوح بين ال 200 الى 250 دولار فقط

وهذا موقعهم
http://www.printermaker.com/product/product_6.html

بخصوص انها متوفره فالسوق الصيني...نعم..في السوق الصيني في فرع عجمان .. شفت الثانيه الماغنيتيك مره

بس الاولى ماشفتها..الله اعلم اذا موجوده الحين

ملاحظه مهمه جدا..نعيد ونكرر..طابعات الهيت ترانزفير تحتاج لورق ناقل للحراره خاص فيها..ف يايكون موجود بقطر وتشتري كل مره..يا كل مره تسوي اوردر اتجيبه...ماتقدر تطبع شي الا بوجود الورق هذا وعليه الكتابه او الرسم..في نوع اسمه اوباكيو opaque

هالموقع بيفيد بالمعلومات tshirtsupplies.com
و
t-shirtforums.com

في انواع من الطابعات ايبسون المعروفه..تؤدي نفس الغرض..سبلميشن من غير هيت..او في نوع هيت بس مايحتاج اشياء خاصه وايده

عالعموم...اخر معلومه..تأكد ان الطابعه تطبع على التيشيرتات وانواع الملابس كلها باستخدام ورقة الهيت الترانزفير الصحيحه

لان وايد من هالطابعات بالهيت ترانزفير مايصير تستخدمها الا على تي شيرتات خاصه (وتعال حلها واشتر فنايل كل شهر من برع)

وشكرا

[shgawia]

مشكور اخوي على المعلومات بس بغيت احد يساعدني في طلبها

[اوف ليميت]

لاتطلبين من حد يساعدج

دشي الموقع..ادفعي ببطاقة كريديت كارد او بطاقة نت افضل عشان السيفتي..وعطيهم عنوانج فالدوحه وهم يوصلونها عن طريق يو بي اس او فيديكس..وبيجيبونها لباب بيتكم

مش محتاجه تعقيد
رقم الشيبمينت بيكون موجود بعد الطلب..سيفيه وشيكي عليها بموقع البريد مالهم عالنت من وقت لوقت وين اوصلت ومتى اطلعت وجذي..كل شي موجود ومراقب ومتابع
واذا بغيتي تفتحين حساب في ارامكس ب 100 ريال..هم بيتابعونها لج وبيجيبونها لقطر وبيوصلج مسج عالتيليفون وايميل بعد والقيمه

[shgawia]

يعني اروح لارامكس واقولهم يطلبونها لي واعطيهم الرابط ؟

[اوف ليميت]

لااااااا شنو يطلبونها لج

روحي افتحي حساب عندهم وبيعطونج حساب خاص فيج ف امريكا وبريطانيا والصين
وعقب ردي البيت اطلبي عن طريق الموقع فالنت وادفعي فالنت بالبطاقه

بطاقات الماستر كارد تمشي والفيزا (مش فيزا الكترون) وبطاقات النت من اي بنك اطلعها تحط فيها المبلغ اللي تبيه، بس بطاقة المصرف الاسلامي العاديه تشتغل فالنت

عقب ماتطلب حط العنوان اللي عطوه ارامكس لك بامريكا وبس
ارامكس بتوصله لك عقب

[للصبر اخر]

https://www.shopandship.com/login.aspx

دخلي هالموقع
فتحي لج اكاونت منه
ودفعي بالفيزا
وهم خلال ساعه بيبعثون لج ارقام حساباتج في الصين وبريطانيا وامريكا

[Markato]

ممكن اوفرها لج واصله لين البيت عندج

[الفخامة]

ممكن اوفرها لج واصله لين البيت عندج

هلا الشيخ .. بغيت وحدة .. بس أبي أعرف تفاصيل المكينة هذي وجميع نواحي استخدامها .. وسعرها ..

ياليت ترسل لي على الخاص أكون شاكر لك .

[shgawia]

والله انا بنفسي ماعرف سعرها للاسف وحاولت اشوف السعر فالموقع بس مالقيته انشالله حد يساعدنا

ومشكورين اخواني كلكم على الردود ومشكور اخوي اوف ليميت تعبتك معاي

[سهم لافي]

بيض الله وجهك اخوي اوف ليميت

عز الله انك ماقصرت على هالمعلومات

تحياتي لك

[السكين]

لاتطلبين من حد يساعدج

دشي الموقع..ادفعي ببطاقة كريديت كارد او بطاقة نت افضل عشان السيفتي..وعطيهم عنوانج فالدوحه وهم يوصلونها عن طريق يو بي اس او فيديكس..وبيجيبونها لباب بيتكم

مش محتاجه تعقيد
رقم الشيبمينت بيكون موجود بعد الطلب..سيفيه وشيكي عليها بموقع البريد مالهم عالنت من وقت لوقت وين اوصلت ومتى اطلعت وجذي..كل شي موجود ومراقب ومتابع
واذا بغيتي تفتحين حساب في ارامكس ب 100 ريال..هم بيتابعونها لج وبيجيبونها لقطر وبيوصلج مسج عالتيليفون وايميل بعد والقيمه

الف شكر لنشرك هالمعلومات المفيدة ، وما شاء الله عليك عملت بحديث الرسول عن كاتم العلم .

جوزيت خير

[المبرمج صلاح]

http://farm4.staticflickr.com/3136/2736334849_f1876b437d.jpg
بالتوفيق ان شاء الله

[مشتاقة لقطر]

بالصيني 3700 غير الاوراق والحبر

من زمان كنت سائلة عنها

5 في 1

بس لما فكرت في سالفة الورق غالي والحبر غالي بعد كل لون بسعره

بطلت السالفة كلها