ادرس في امريكا ماستر ومب متأكد

[الحمر]

بالربع انا ادرس في امريكا ماستر ومب متأكد ا,ا شهادتي بتتصدق ولا لا ؟
للعلم ان الجامعه مب موجودة باللستة حقت الاعلي للتعليم . وانا اقدمت على هاي الحركة لانهم صدقولي البكلوريوس من نفس الجامعه

في حد يقدر يفيدني. تخصصي public safety management , وهل هاي تخصص علية طلب ولا لا

[آنا غيــر]

ما اعرف انشالله الناس اللي عارفين بهالامور يساعدونك

بس حد يروح ويتعنى عشان يدرس قبل لا يعرف كل هالمعلومات اللي انت تبيها ؟

[الحمر]

شكرا حبيبي

[الخفي]

انت ياخووي غامرت المفروض تتاكد قبل لاتروح وتتغرب وتخسر وقت ومال

لان ربعنا عودونا على المفأجااات كان تاكدت قبل

[النهار]

ياخوي اسأل المجلس الاعلى للتعليم وهم يفيدونك

[الحمر]

انا قلت مادام صدقو البكلريوس اكيد بيصدقون الماستر.

ان شاء ليرجعت الدوحة بسأل.

[آنا غيــر]

انا قلت مادام صدقو البكلريوس اكيد بيصدقون الماستر.

ان شاء ليرجعت الدوحة بسأل.

هالكلام مايمشي فهالزمن

كل شي يمشي بقوانين معينه ومحدده ومب شرط دام وافقوا عالبكالوريس معناته بعد الماستر يوافقون عليها من نفس الجامعه ..

وليش تنطر لين ترد الدوحه

في ايميلات .. في تلفونات .. تحرك .. لاتصير جذي ميت :rolleyes2:

[sweet qatar]

اخوي الحمر..

تخصصك ان شالله مطلوب في المشاريع الكبيرة والجديدة في قطر..

دامك بديت الدراسة لا تشيل هم التصديق الحين..


الله يوفقك ويكتب لك الي فيه الخير..

[قطري !]

كمل دراستك ولاتهتم صدقني راح يصدقونها .. لانك تدرس بانتظام


وياما صدقوا حق طلاب تخرجوا من جامعات عربيه غير موجودة في اللسته حقة المجلس



الله يوفقك

[تحداني]

مب ضروري تكون موجوده في قائمه المجلس الاعلى للتعليم
بس ضروري تتأكد من اعترافها عن طريق سفارتها في الدوحه
وعن طريق معادله الشهادات .. وبعدها راح تتطمن



بالتوفيق يارب