جمارك قطر

[للصبر اخر]

مرحبا يا اعضاء
انا من اسبوعين طلبت اغراض من احدى مواقع الانترنت
ولما راسلتهم امس وسالت عن سبب التاخير
قالولي جمارك قطر طالبه نزودها باسم العميل ورقم بطاقته الشخصيه
سوال
ليش هالتعجيز
قبل كانت الاغراض توصل عادي
حاولت مع الموقع
قالو مانقدر لازم صوره من البطاقه الشخصيه
زين والحل
ليش كل هالاجراءات المشدده ؟؟؟

[R 7 A L]

مافيه حل الا انك ترسلين لهم صورة البطاقة الشخصية وتنتظرين لين ربي يفرجها

[للصبر اخر]

يعني ليش مصعبين الامور

يسلمو رحال

[راعي الدتسن]

على اي شركة شحن..؟

[للصبر اخر]

على ارامكس

[للصبر اخر]

لازلت اعاني من المشكله
لي 4 شهور ولم استلم الطرد الخاص فيني
ما الحل مع الجمارك المصعبة كل شي

[monatee]

هاي اجراءات جديدة بدت فيها الجمارك من كم شهر

لازم يعرفون الغرض رايح حق من

مالج الا اطرشين صورة من بطاقتج الشخصيه

[للصبر اخر]

طرشت الصوره
من شهرين ونص
ولحد الحين ما استلمت شي

[monatee]

اكيد ماستلموا الصوره وضاعت في الطوشه
انتي بنفسج كلمي الجمارك وعطيهم رقم الشحنه

[بصمة قطرية]

كلميهم و استفسري ..
تنتظرين ما اعتقد بتوصلين لشي ..!!
نفس الشي لنا طرد من كم شهر لازم نستلمه شخصياً ..

[alfahad1]

اول شي روحي مكتب اراميكس وهم المسؤولين في تخليص هالامور اذا يبون صوره للبطاقة الشخصيه روحي

لهم وعطيهم في المكتب وعندهم المندوب هو اللي يروح الشحن الجوي ويخلص الاجرائات المطلوبة

واذا في امور تعقيدية اخرى( كالعادة )من الجمارك روحي لهم المطار الشحن الجوي وتفاهمي معاهم

[وطن]

اختي اذا الموقع نفسه هو اللي طلب البطاقة الشخصية بسبب اجراءات الدولة مثل ما قالوا
وما سوو شي فهذا اهمال منهم
راجعيهم
او الغي الطلب من عندهم
واطلبي من مكان ثاني

واذا ارامكس
عطيهم نسخة البطاقة ولازم هم يتصرفون