استفسار عن المستشفى الكوبي !!

[Om Majed]

السلام عليكم ورحمة الله وبركاته

خذت أم زوجي موعد للعظام في المستشفى الكوبي في دخان لكن سمعت إنهم يبغون
تحويل من مستشفى .

هل يكفي تحويل المركز الصحي وألا لازم آخذ تحويل من مستشفى حمد ..
وسؤال ثاني : يعالجون سكان الدوحه وألا العلاج مقصور على أهل دخان ..

ومن جرب علاج العظام عندهم ؟ !

وجزاه الله كل خير الي بيرد علي :shy:

[Om Majed]

:telephone:

[doha2012]

,



عليكم السلام


اخذ تحويل من المركز الصحي .. ولجميع سكان قطر



عندهم الجهاز الهضمي ممتاز اما الباقي ماعندي فكره .. الله يشفي مريضكم ,




بالتوفيق ان شاء الله ,





,

[Om Majed]

جزاك الله كل خير وارحم االله والديك ماقصرت على الرد

[Galbi]

والله افكر اني اروح لهم
بس ما اعرف اذا يبون تحويله من اي مركز
ولااقدر اقدر اروح لهم على طول

وحاب اعرف شلون علاجهم ؟ احد جربه ؟

[الواعد]

الحين هالمستشفى عام للمواطنين فقط او بعد للاجانب ؟

بعدين لازم تحويل من المركز الصحي بسم المستشفى او تحويل لحمد

واروح له عادي ومعاي التحويل؟ نبي توضيح

[روح الاطلس]

الي سمعته المواعيد صعبه لازم واسطات

[أم وضاحي]

ما في واسطات
جيب لك تحويل من المركز الصحي
العلاج متاح لكل المقيمين في دولة قطر من أجانب أو قطريين
العظام عنده العلاج ممتاز

[الصغيره]

ماعندي فكره عن التحويل

لكن من مما سمعت انه ممتازل

[روز باريس]

السلام عليكم اليوم راحت المستشفى الكوبي بعد ماخذت تحويل من المركز الصحي عطوني موعد ثلاثين شهر ستة موعد عظام قالت لها ليش متاخر قالت زحمة عندهم والمستشفى فاضي قالت ماراح ارجع فاضية داخلت طواري وخلصت شغلي وخذت موعد علاج طبيعي بس بعد شهر ستة والمستشفى تابع لمستشفى حمد بس الدكاترة كلهم كوبين

[حمد 2002]

وين مكانهم يالربع ، وهل جيدين حق علاج الام القدمين والركب للكبار بالعمر ؟!!!!!!!!

[روز باريس]

قصدك المستشفى الكوبي هو في دخان قبل لاتوصل الجسر يكون على يدك اليمين

[بصمة قطرية]

بصراحة جارتي و أهلها كله يتعالجون في المستشفى الكوبي
و شجعتني إني روح
وايد يمدحونه
الدكاترة ممتازين
بالنسبة للي يروح أول مرة يدخل طواري
و ما يتعطل
و مب زحمة ..

[بصمة قطرية]

وين مكانهم يالربع ، وهل جيدين حق علاج الام القدمين والركب للكبار بالعمر ؟!!!!!!!!

أم جارتي كبيرة في السن
و تتعالج عندهم
علاج الركب
وايد تمدحهم كل مرة تقول لي روحي لهم
آخرمرة قالت لي بوديج معاي ..:victory:

[الرويـس]

يوم تدخل المستشفى الكوبي يتخيل لك انك داخل الدوري الاسباني او مسلسل مكسيكي
اساميهم عجيبه ( أليخاندرو ، وبيدرو ، وقوستافو ، لينا ، ديماريا ، رودريجوز ، فابيو .... )

ناقصهم ميسي وياخذون الدوري القطري


فيسكا كوبا

[حسن]

في مستشفى الخور واحد هندي اسمه ارون يمدحونه
اما الكوبي مادري عنه رغم اني اشوفه ككل اسبوع وامر عليه