استفسار لاهل البحر ... ميركيروي ولا ياماها ؟

[Abdulla86]

السلام عليكم

يصبحكم الله بالخير

يالربع ابنشدكم عن المكاين الياماها ولا الميركيروي

شالاحسن انا محتار لين سالت اللي عنده الميدكيروي يمدها واللي عنده الياماها يذمها والعكس

وبصراحه انا محصل عرض من الفردان مكاين فورستروك ٨٠ الثنتين حسبوهم لي ب ٤٥ الف بس موديلات ٢٠٠٨ مخزنات و عليهم ظمان ٣ سنوات من التركيب

وانا طرادي ٢٤ قدم ولا براعي غزول بس حداق و لفاح

نصحوني بالاحسن

وقواكم الله

[Abdulla86]

ولا رد :weeping:

[SULTAN1]

ان شاء الله الاخوان يفيدونك،اللى أعرفة الياماها والهوندا افضل من الميركوري

[ولد البدر]

أنا مريت بمرحلة الحيرة اللي انت فيها وتميت في رحلات مكوكية ما بين آلياماها والمركوري إلى أن رست المناقصة على آليا ماها لأن الميركوري قالوا انهم بياخذون على كل خدمة فلوس ولازم أجيب الطراد لهم لين الورشة واذا هم بيجيبونه بياخذون مبلغ وقدره وعلى كل شي فلوس واول عشرين ساعة خدمة قلت زين شلون اعرف اذا مرت عشرين ساعة قالوا احسب بساعتك ورحت الياماها وشريت المكينة ضمان سنتين وفيها عداد للوقت وقوية بس اللي مب عاجبني فيها انها ما تشتغل من أول سلف اشغل وحدة تطفأ الثانية وأشغل الثانية تطفأ الاولى لين يشتغلون يمشون تمام وورشتهم ضيقة