فتاة تواسي والدها بعد هبوط فريقه لقطة موثرة

[المبرمج صلاح]

في لقطة مؤثرة بالدوري الهولندي بعد هبوط أحد الفرق الى الدرجة الثانية ذهبت ابنة اللاعب لابيها وأخذت تواسيه على هبوط فريقه.

http://ysv.me/753315

تتوقعون ايش كانت تقول له ؟؟؟؟ :telephone::shy:

[(محمد)]

البنت : يبه ابي كندر سبرايز.

الاب : اوهوو مو وقتج الحين .


البنت : يبه ... اكاهو اللي يبيع مناك ماتشوفه ...رخيص يبي ثلاثين ريال بس.


الاب : اووو هووو ... وخري عني وخري عني (انسدح) .

[qatarshark]

أنا اتوقع كانت تقوله :
يبه أنا ماقلت لك ابي اللعب معاكم الحين تستاهل الخسارة محد قالك ما تلاعبني اي والله :tease:

[findi]

^


هههههههههههههه

[sendarala]

هههههههههههههههههههههههههههههههههههههههه


ما عندي تعليق فني مثلكم

[ريم الشمال]

البنت : يبه لا تهتم إذا طحت بتقوم .
الأب : من قالج .
البنت : محد بس أنا لما أطيح أوقف وشتري اسكريم .
الاب : أممممممم شتخططين عليه .
البنت : ولا شئ بس شوف سيارة الأسكريم هناك قوم أشتري واحد لي واحد لك يبرد عليك.

ريم الشمال

[الراقيه سبشل]

البنت : يبه خلصت المباراه وانت مافزت

الاب: ايه ايه مافزت !!

البنت : انزين والرهان الي كان بيننا؟؟ يلا انا فزت وبنروح على باسكن روبنز

الاب: يه ماعندج سالفه , صدقت هالبزرة , وانسدح :\

[المبرمج صلاح]

شكرا لكل من شارك بالموضوع وتعليقاتكم الجميلة التي اضحكتني اكثر من الموضوع نفسه
واعذروني لعدم الرد على تعليقاتكم والتاخير في الرد لكثرة انشغالي بمشاغل الحياة
وبحاول قدر الامكان ان اضع لكم مواضيع ترسم الابتسامة على وجوهكم وان تتانسو هموم الدنيا شوي

الله يحفظكم ويغفر لكم جميعا

[alfahad1]

البنت : يبه خلك من الكوره عازمك على مندي في مطعم الافغاني

الاب : هز راسه ما يبي

البنت : خل الكورة تنفعك

الاب : انسدح

البنت : بانطرك برا وخل عنك الدلع انت رجال