نصب كيو تاير

[aldeem1]

السلام عليكم

من فتره حسيت بنفظه في الموتر فقلت باروح اسوي ميزانيه للتايرين اللي جدام
يمكن لعل وعسى تروح.. اقرب مكان لي كان كيو تاير وعلى طول رحتلهم وقلتلهم
ابي ميزانيه للتواير (ترصيص) ومعروف الترصيص 15 ريال للتاير الواحد،،، عاد
الاخ قال الميزانيه للتاير الواحد 45 ريال :omg::rolleyes2: يعني المفروض
بهالسعر اسوي ميزانيه حق ثلاث تواير :eek5:،،، قلتله ليش 45 والسالفه كلها
تركيب التاير على الجهاز وطقطقلك شوي بالمطرقه على قطع الميزانيه وخلصت السالفه
قال هذا سعرنا، قلت تدري شلون؟ خلاص بس شيكلي على الميزانيه قال اوكي التششيك
على الميزانيه للتاير الواحد 15 ريال (بس يشيل التاير ويركبه على الجهاز 15 ريال)

عاد اهني انا :secret: ما عرفت شاسوي،، اظربه، ادعمه
المهم حسيت اني مغفل والله بس ما كثرت حجي معاه دقيت سلفت وعلى طول
ميزانية دبي واحلى ترصيص تايرين ب 30 ريال ومن احسن ما يمكن

وحبيت احذركم من ميزانية المحلات اللي في المره،،، تسوي ميزانيه عنده تمام
تحرك من عنده وتلوع جبدك من النفظه، وعلى طول تروح محل ثاني تشيك تحصل الميزانيه
105,60 او اي رقم يخطر على بالك والميزانيه المفروض تكون 0,0

[بن غيث]

نفس الموقف صار معاي
وما يعلمك بالاسعار الا عقب ما يخلص
مع ان اسعار
الترصيص واحدة في كل مكان

[تمون]

الله يعينا عليهم

[بوخالد911]

بل


صج نهبه

[monatee]

قريت الموضوع وتذكرت اني ابي اسوي ترصيص حق سيارتي
المهم رحت حق ميزانيه دبي اول امس
قلت له ابي كل التواير قالي ب 200
قلت ليش قالي هاي سياره جديد لازم لزقه! !
حركت عنه والصراحه ماعرف سوالف الترصيص مادري اذا كان صادق ولا جافني بنت ويقص علي
للعلم ان السياره نيسان باترول 2011

[مخاوي الشيبة]

قريت الموضوع وتذكرت اني ابي اسوي ترصيص حق سيارتي
المهم رحت حق ميزانيه دبي اول امس
قلت له ابي كل التواير قالي ب 200
قلت ليش قالي هاي سياره جديد لازم لزقه! !
حركت عنه والصراحه ماعرف سوالف الترصيص مادري اذا كان صادق ولا جافني بنت ويقص علي
للعلم ان السياره نيسان باترول 2011



من كم شهر مدخل لي 5 بوالين

بلواسطه طبعا

وركبتهم عنده صحيح خذا 250

على خمس تواير

ميزانية لزقات بس شغل نظيف ويستاهل سعره

يعني من سنه لي سنه او 6 شهور لي 6 شهور

تحس بنفظه


صحيح يا اختي ماقص عليج راعي المحل

[لـبـيـه]

نفس الشي رحت له وسويت ميزانيه وبلفيت خذ رقم الشاصي انه بيسوي نفس ميزانيه الوكاله

المشكله مب متذكر كم خذ 120 او 180 المهم قلت بس بترد الميزانيه نفس الوكاله

طلعت من عنده ولا حسيت بشي والموتر نفس ماهو فقمت اقص على نفسي اقول لا يمكن انه عيوني عويه ههههههههههههههههههههههه

[monatee]

زين عيل يعني في شي اسمه لزقات :nice:

يعطيكم العافية

[عيون قطر]

كيو تاير كلمة حرامي اشوي عليه من اربع ايام تقريبا رجعت من الامارات ركبت تواير جداد قلت بسوي ميزانية للتواير المهم ركب التواير على جهاز جديد قالي مطور ومادري ايش وسعر الترصيص للتاير 60 ريال لانه الجهاز يقرا صح المهم عملت ميزانية للتواير طلعت من عنده والموتر كله ياخذ يمين قلت يمكن الشارع مب عدل المهم قبضت خط الشمال ونفس الشي الموتر ياخذ يمين المهم ثاني يوم رحت حق محل في التيسير اسمه كويك فيت قلت له شيك على ميزانية التواير كل التواير ميزانيتهم غير ولا واحد قريب للثاني وتقفل عندي وروح له وسفل فيه تسفل صج حرامي قالي لا ومادري ايش ومن بعدها حرمت اروح حق هالحرامية خلكم على ميزانية دبي ابرك لكم ولا اي محل ثاني او شركة دانلوب ولا برجستون على حسب التاير اللي مركبه ابرك لكم ولا هالحرامية

[همر]

النكته الاحلى عندهم اسعار التواير..

رحت اغير تواير التاهو رنجات 17 مياجر ومادري شالماركة مالت الوكاله جوديير يمكن ... مش برجستون ولا دنلوب...

التاير عندهم سعره 1150 ريال !!!!!!!!!!

ليش عسى ما شر ؟!!!! بيريللي علي غفله ؟!!!!

يقول لي احنا الوكلاء ... والمشكله انا سائل في الوكاله وعطوني رقم المورد مالهم وقالي التاير ب750 !!!! بس مايتعامل الا مع الشركه والشركه اكيد بتزيد السعر مثل كيوتاير...


والقهر اني كنت في الشارقه من 6 شهور والتواير الاصليه وبتواريخ جديده التاير ب500 ريال بس :anger3:

بس تعايزت ...


المهم طلعت من كيو تاير ... ميشلين احذاه... كم التاير يا رفيق الفلبين ؟!! قالي 950 !!!!

الحين ميشلين ارخص من جوديير ؟!! مادري صراحه بس من زمان وانا مغرم بالدب الابيض مالهم ركبت عندهم :shy:

[الســـهم]

كيو تاير من يومه غالي وعالفاضي ..

افضل ميزانية ومن تجارب سنين يسويها مركز الاطارات والمعدات ( بريللي ) بالذات اللي بطريق سلوى واللي مقابل الهوم سنتر عند جسر الجيده , خذ منهم ميزانية تواير ورودات من احلى مايكون , كنت اسوي ميزانية البالون عندهم ولا ارد لهم الا بعد ماركب تواير جديدة بعد سنه وكم شهر ..