توضيح مهم للبيانات الخليويه في البلاك بيري والايفون والفرق

[سكتون]

السلام عليكم ورحمة الله وبركاته

كثير من عملاء كيوتل وفودافون مايعرفون عن البيانات الخلويه او بصيغه افضل (الانترنت الجوال )
وطريقة تعامل الجهاز مع هذي البيانات مما سبب خساير كبيره في الايام الاخير للعملاء بسبب احتساب اي حركه في البلاكبيري من جيب العميل المسكين
انا بوضح لكم كيف يتعامل جهاز بلاك بيري وجهاز الايفون مع البيانات ونبتدي بالبلاكبيري
البلاكبيري :
السرعه اللي تشوفونها في مسنجر بلاكبيري والايميل والواتساب سببها ان جهاز بلاكبيري مايعطيك تنبيه للرساله الا اذا كان محملها كامله في الجهاز وطبعا انت اتجي وتفتحها وهي محسوبه عليك والعداد شغال يعني اي احد من اللي عندك في اللسته او القروب غير صورته او طرش لك مسج او جاتك ايميلات او اي نوع من انواع المراسلات كلها تحسب عليك وحتا البرودكاست اللي يجيك من اللسته محسوب عليك كل مازاد عدد الرسائل كلما قل الحجم المسموح لك واللي هو 1 جيجا بايت
وبعدها اي رسائل تجيك او تغيير بروفايل او برودكاست او ايميلات كلها تنحسب بفلوووس
وانا اعتبر البلاك بيري سيء من هذي الناحيه وبتعرفون هالشي بعد ماابين لكم طريقة تعامل الايفون مع البيانات الخلويه
الايفون :
الايفون عكس البلاكبيري لان اي رساله تجيك على الوات ساب او ايميل او مسنجر مايحملها الايفون من البيانات الخاصه فيك بسبب انه في البدايه يعطيك تنبيه صوت ومحتوى الرساله فقط يعني بيانات لاتكاد تذكر وبعدها اذا فتحت الرساله يتم التحميل من البيانات الخلويه يعني تقدر تسوي كنترول والايفون يتفوق بمراحل عن البلاكبيري من هذي الناحيه ونواحي كثيره

اتمنى اني وفقت في التوضيح لان بعد الحركه اللي صارت من كيوتل وفودافون في البلاكبيري صار الواحد لازم يفهم شاللي يدور حواليه
وان لم تكن ذئبا اكلتك الذئاب

[الـراسي]

يعطيك العافية على التوضيح

بس الحين كيوتل نزلت الحجم من 1 جيجا الى 250 ميقجا

هذا بالنسبة للبلاك بيري

[abo0o0od QtR]

يعطيك العافية على التوضيح

بس الحين كيوتل نزلت الحجم من 1 جيجا الى 250 ميقجا

هذا بالنسبة للبلاك بيري


لا الشيخ الحجم ا جيجا شهريا للاشتراك الشهري 250 ميجا هذا للهلا لانه اشتراكهم اسبوعي
كيوتل ما غيرت شي في السعة

الي تغير انها ما كانت تحسب شي على الاستخدام الي يزيد عن الحد المسموح فيه
ومن يوم الاربعاء قاموا يحسبون

[تمون]

راجع توقيعي يالغالي

[MAZEN37]

الحين من احسن بلاك بري فودافون او كيوتل
او اي فون مع الانترنت وكم بالفلوس؟

[سكتون]

الحين من احسن بلاك بري فودافون او كيوتل
او اي فون مع الانترنت وكم بالفلوس؟

من ستارلينك افضل لان خدمة الفيس تايم مب محكوره على كرت كيوتل فقط نفس فودافون
فودافون لازم تحط كرت فودافون على شان الفيس تايم يشتغل

[AlWakRa]

أنا حالياً أستخدم الهلا بلاكبيري وعمره ما زاد الاستخدام عن الحد المسموح ، وكل الروابط أفتحها عن طريق الـ 3 جي

على فكرة استخدام الجهاز للانترنت بدون فتح الروابط بسيط ومب بالطريقة اللي مصورها صاحب الموضوع ، وحتى الايميلات ، حسب اللي عندي الصور ما تطلع بالايميلات

اللي لاحظته إن اليوتيوب هو اللي يستهلك أكثر كمية بيانات ، خصوصاً إن آخر شهرين أشوف روابط الفيديو اللي توصلني بالبرودكاستات معظمها عن طريق اليوتيوب ومش مثل قبل اللي تكون أحجامها أصغر (حيث إنها ما تستهلك بيانات وايد مقارنة باليوتيوب)


بخصوص الواتساب على الايفون ، ما ادري عنه ، بس على الاندرويد فالرسايل النصية تتحمل كلها بالخلفية ، بس الروابط (نفس البلاكبيري) هي اللي ما تتحمل إلا إذا انت فتحتها

[mE mYself & i]

فودافون 350 ريال عن كل 1 جيجا أضافية
كيوتل 550 ريال عن كل 1 جيجا أضافية

[النهار]

يعطيك العافية على التوضيح

[سكتون]

أنا حالياً أستخدم الهلا بلاكبيري وعمره ما زاد الاستخدام عن الحد المسموح ، وكل الروابط أفتحها عن طريق الـ 3 جي

على فكرة استخدام الجهاز للانترنت بدون فتح الروابط بسيط ومب بالطريقة اللي مصورها صاحب الموضوع ، وحتى الايميلات ، حسب اللي عندي الصور ما تطلع بالايميلات

اللي لاحظته إن اليوتيوب هو اللي يستهلك أكثر كمية بيانات ، خصوصاً إن آخر شهرين أشوف روابط الفيديو اللي توصلني بالبرودكاستات معظمها عن طريق اليوتيوب ومش مثل قبل اللي تكون أحجامها أصغر (حيث إنها ما تستهلك بيانات وايد مقارنة باليوتيوب)


بخصوص الواتساب على الايفون ، ما ادري عنه ، بس على الاندرويد فالرسايل النصية تتحمل كلها بالخلفية ، بس الروابط (نفس البلاكبيري) هي اللي ما تتحمل إلا إذا انت فتحتها
هلا بك اخوي
اخوي انا ماقلت انه مكلف او بسيط
اللي اقصده انه يحسب عليك كان مكلف او بسيط
يعني مب مجانا

[AlWakRa]

صحيح ياخوي ، أنت نقطتك واضحة ، بس اللي أنا وضحته إن أكثر استهلاك البلاكبيري للبيانات هو من فتح الروابط ، وفتح الروابط مش مجاناً سواء كان بلاكبيري وإلا أي جهاز ثاني وتفتحه عن طريق خدمة البيانات ، وهاي اللي حبيت أوضحه سابقاً وذكرت إن طريقة عمل برامج الرسائل الفورية يتم بنفس الطريقة خصوصاً إذا كنت تستخدم خدمة البيانات ومش الوايرلس ، اللي ملاحظه أغلب أصحاب الآيفون والأندرويد يستخدمون الوايرلس للانترنت ومب البيانات فلذلك يعتقدون إنه يوفر أكثر باستهلاك الانترنت :) أما البلاكبيري ماله طعم إذا ما استخدمت البيانات ، الناس يآخذونه لأنه شابك على طول بالنت


أنا اللي فهمته من موضوعك إن البلاكبيري يصرف بيانات بالهبل بينما التلفونات الأخرى أفضل بكثير وأنا ما أعتقد هالشي لأن الجهازيين عندي (بلاكبيري وأندرويد) وشابك بالاثنين بخدمة البيانات وعارف استهلاكهم جيداً