السيراميك اول ولا العازل

[نوت]

هل يتم تركيب سيراميك جدران الحمامات اول ام وضع العازل للحمام اول ,لان كل واحد منهم يقول الثاني اول:rolleyes2:

[SULTAN1]

اللي قالك السراميك قبل وقف التعامل معاه

[معماري قطري]

المفروض بالعقل يتركب العازل ويكون مرتفع شوي بحيث آخر بلاطة تغطي على جزء كبير منه، وبعدين يجي بلاط الأرضيات يسكر المنطقة، فيكون العازل جزء منه فوق مستوى بلاط الأرضية ومخفي تحت أدنى بلاطة حائط، ونفس الوقت بلاط الأرضية قافل على آخر بلاطة، فيكون العازل عازل جزئياً أسفل حائط الحمام، وهذا مع وجود طرق أُخرى منها أن يتم تركيب البلاط أولاً للجدران، والبلاط بحد ذاته يعتبر عازل مائي جيد إذا تم تركيبه بالمواد الخاصة وبطريقة صحيحة.

[خالد32]

الجدران اول عشان ما يخربون لك العازل

[محمد الجفيري]

up up up up up

بالتوفيق ان شالله
:)

[Chambray]

الي اعرفه الجدران اول

[معماري قطري]

سئلت وتطقست عن الموضوع وطلعت غلطان جزئياً

هو صح يتركب السيراميك قبل بس آخر صف يتركب بعد العازل مع تمديد العازل لفوق بحيث يدخل جزء منه تحت آخر بلاطة بعد التركيب، وثم تدفن البايبات والعازل ويدفن جزء من آخر بلاطة حايط .. أقصد آخر صف بلاط وتوضع المونة بعد ذلك مع عمل ميلان لجهة الصرف، وآخرتها تُركب بلاطات الأرضية، وتكون بحدود 5 سم أو أكثر فوق مستوى آخر صف بلاط حائط، وتحتها عازل الرطوبة اللي ممتد شوي ورا بلاطة الحائط فيكون عازل مستوى فوق شوي من مستوى أرضية الحمام بالنسبة للحائط، وسمعت عن البناء في السعودية ما ادري إذا صحيح أو لا يعزلون لإرتفاع يوصل متر ونص، شلون التفاصيل العلم عند الله وقرأت عن هذا الموضوع في هذا المنتدى.

[ASK2]

على حسب اللي يشتغل

في ناس تركب بلاط الجدران عقب يسون العازل ويركبون البيبات ويدفنون ويركبون بلاط الارضيه

وفي ناس يسون العازل ويركبون البيبات ويدفنون ويركبون بلاط الارضيه عقب يركبون بلاط الجدران

مع ان الطريقه الثانيه هي افضل

لان الطريقه الثانيه يكون بلاط الارضيه عازل الدفان والبيبات والعازل اللي تحت ويتركب فوقه بلاط الجدران

عكس الطريقه الاولى اللي يكون بلاط الارضيه مع بلاط الجدران

وفي طريقه ايضاً انك تركب بلاط الجدران طبعاً من فوق وتخلي اخر صفتين او 30 سنتمتر من الارضيه وعقب تركب العازل والبيبات تدفن وتركب بلاط الارضيه اولاً وعقب اتكمل الباقي

بس هذه يبيلها حسبه دقيقه عشان تضمن ان البلاط تركب بحجمها الكامل من تحت اذا يهمك الشكل

مثل ماقلت لك كل واحد وطريقته في التركيب

لكن الافضل ان يتم تركيب بلاط الجدران فوق بلاط الارضيه عشان يعزل الماي اكثر من الدخول الارضيه

عشان كذي انا عن نفسي افضل تركيب العازل وعقب البيبات وعقب الدفان وعقب تركيب بلاط الارضيه وعقب بلاط الجدران ..

بالتوفيق

[الحـ قطر ــب]

سؤال فني

هل عازل الحمامات عليها ضمان

لاني كلمت اليوم المسند وقالوا انهم مايعطون ضمان على غازل الحمامات

[نوت]

سؤال فني

هل عازل الحمامات عليها ضمان

لاني كلمت اليوم المسند وقالوا انهم مايعطون ضمان على غازل الحمامات

:omg:تعاملنا مع المسند وعطانا ظمان 10 سنوات للعازل سواء السطح او الحمامات

[الحـ قطر ــب]

:omg:تعاملنا مع المسند وعطانا ظمان 10 سنوات للعازل سواء السطح او الحمامات

فالعقد مكتوب ان عازل الحمامات عليه ضمان ؟؟

[ولد المنصور]

السراميك اول عقب العازل ,,,,,, مستحيل العازل قبل

[أسير الاسهم]

اللي عندي فالبيت ركب السيراميك حق الجدران فقط ويقول عشان ما يطيح شي واحنا نشتغل يشرخ العازل .. ويقول عقب ما نخلص العازل نكمل السيراميك الارضيه وحد العازل

[معماري قطري]

ما شاء الله كثرت الردود

يبي لي أجهز رسمة تفصيلية للي المفروض يكون الأنسب .. بس لكل شخص طريقته وأغلب الطُرُق تنفع .. المشكلة أوقات نشوف حمامات من برا يبين خط فاصل وفوقه يبين الحايط متأثر بالرطوية، والسبب عدم تنفيذ العازل والبلاط بطريقة صح فيتسرب الماء ويتجه لناحية الحايط بعد ما يملا منطقة العازل ويفيض، وقد يكون تسربه أيضاً ناحية الحوائط الداخلية جهة البيت، ومعلوم أن الطابوق متعطش للرطوبة ويشفطها ويسربها للجهة الأُخرى.

[معماري قطري]

وهذي رسمة مقطعية لحائط وأرضية حمام مشروح عليها نوع التشطيبات، ولازم تتماشى مع المواصفات المكتوبة، ووالله يعينكم عليها طلعت شوي ما تبين واضحة.

http://www.gulfup.com/G.png (http://www.gulfup.com/Xkrfwca6lnb8)

وهذي لازم طريقة الرسومات اللي توضح كل شيء في العقد علشان يكون العمل دقيق وصحيح وأحياناً تكون التفاصيل تختلف، فمثلاً مبالغة تكون لو عملنا قطع 45 درجة في الحايط علشان نحني فيه طرف العازل ونثبته، وممكن نكتفي بتثبيه على الطابوق بالنار ونحط عليه شوية بلاستر ونركب البلاطة الأخيرة، وبعدها نركب الأرضية أفضل وأحسن حق تصريف الماي، ولو تسرب شوية ماي عازل الرطوبة موجود فما يبقع على الحايط من الخارج ... وسلامتكم.

[almaf1a]

هل يشترط عمل خط غروف في الحائط مع مستوى اخر بلاطه يدخل فيها العازل؟

[معماري قطري]

هل يشترط عمل خط غروف في الحائط مع مستوى اخر بلاطه يدخل فيها العازل؟


الله يبارك فيك انا في الرسم حطيت الغروف .. بس تذكرت ان عندي البلاستر وبلاط الحايط وقلت كتابةً هذي مبالغة، وبدون غروف يمشي الوضع، وبعدين عندك طرق غير كثيرة وصدقني في بعض الدول ما يعترفون بعازل الماء إذا شغل التبليط جيد، ويبقى البلاط هو الطبقة العازلة الأُولى ضد الماء.

[almaf1a]

الله يبارك فيك انا في الرسم حطيت الغروف .. بس تذكرت ان عندي البلاستر وبلاط الحايط وقلت كتابةً هذي مبالغة، وبدون غروف يمشي الوضع، وبعدين عندك طرق غير كثيرة وصدقني في بعض الدول ما يعترفون بعازل الماء إذا شغل التبليط جيد، ويبقى البلاط هو الطبقة العازلة الأُولى ضد الماء.

الله يسلمك وين تحصل الي يبلط صح هل اليومين
يترسلك معجون بين البلاط والفنشنغ اي كلام

[معماري قطري]

الله يسلمك وين تحصل الي يبلط صح هل اليومين
يترسلك معجون بين البلاط والفنشنغ اي كلام



أي حد جربه قبل في جزء صغير ولا تاخذ عربي وخصوصاً سوري، وقبل ركز على الأرضية المصبوبة تحت هل الميلان معقول؟ وهل سمك الصبية كافي؟ ولمعرفة سمك الصبية يحطون مسامير خاصة وعلى أساسها يتحدد الميلان وتملي خرسانة لحد توصل فوق راس المسمار، وينرسم خط في الجدران ولازم تشوفه مغطى علشان تضمن التأسيس، بعدين تتشمخ الصبية قبل جفافها بالمشط الحديدي، وتنحط اللزقة الخاصة ويتركب عليها البلاط بالكروس المناسب، ويفضل أن يُزال الكروس البلاستيك وتصب روبة خاصة، وتوجد منها ألوان متعددة ومنها الإيبوكسي اللي مستحيل تتكسر أو تتوصخ أو يتغير لونها، وغالية شوي وتنخلط بمحلول خاص وفي خفاق كهربائي، وتُنظف بسرعة قبل لتجف على البلاط ولا يخترب البلاط ولا تنشال بعدين.

[معماري قطري]

في حالة تم عمل السابق قد لا تحتاج عازل مائي نهائياً

[almaf1a]

الف شكر لك اخوي معماري قطري

[معماري قطري]

الف شكر لك اخوي معماري قطري


الله يسلمك ويبارك فيك ولا شكر على واجب