كم عدد إلي قطعو خدمة البيبي من كيوتل

[عيون الدوحة]

الحمدالله أمس قطعت الخدمة

1

إلي يدش بعدي يحط رقمة
2 و 3 وهكذا

[ريان]

كيوتل: لا زيادة في رسوم البلاك بيري
الدوحة - الراية: نفت شركة اتصالات قطر كيوتل الشائعات التي تناقلتها شبكات التواصل الاجتماعي أمس عن وجود زيادة في رسوم خدمات البلاك بيري .

وصرح مصدر لـ الراية أن أسعار الخدمة لم يطرأ عليها تغيير منذ سبتمبر الماضي مشيراً إلى أن سعر خدمة هلا بلاك بيري 15 ريالاً في الأسبوع لعملاء هلا، و60 ريالاً لعملاء الشهري ، وبحسب بيان سابق لكيوتل يحصل جميع عملاء خدمة «الشهري» على الحزمة الكاملة من خدمة إنترنت بلاك بيري مجاناً.

[مخاوي الشيبة]

هههههههههههاي


عقب ماكشفوهم العالم تنفي قديمة قديمة


المهم انشالله راح اصير رقم 2

بس اول مارجع من الامارات ماوقفت الدنيا على كيوتل على فكرة

وصبرنا من الثمانيات لين اليوم وكيوتل محتكره كفايه كفايه كفايه

حان وقت التغيير الى الافضل مثل ما الشعوب العربية تنتفض لتغيير افضل

وداعا كيوتل اهلن فودا فون

[Qatar-Qa]

كيوتل: لا زيادة في رسوم البلاك بيري
الدوحة - الراية: نفت شركة اتصالات قطر كيوتل الشائعات التي تناقلتها شبكات التواصل الاجتماعي أمس عن وجود زيادة في رسوم خدمات البلاك بيري .

وصرح مصدر لـ الراية أن أسعار الخدمة لم يطرأ عليها تغيير منذ سبتمبر الماضي مشيراً إلى أن سعر خدمة هلا بلاك بيري 15 ريالاً في الأسبوع لعملاء هلا، و60 ريالاً لعملاء الشهري ، وبحسب بيان سابق لكيوتل يحصل جميع عملاء خدمة «الشهري» على الحزمة الكاملة من خدمة إنترنت بلاك بيري مجاناً.

هههههههههه كالعاده رد دبلوماسي تافه مثلهم

اي شخص مبتدا بيعرف يقرا بين السطور وبيعرف ان الكلام اللي كتبوه في الرايه كلام تافه

وميين قال ان احنا مشكلتنا في ((( رسوم خدمات البلاك بيري )))

احنا مشكلتنا في شي ثاني وهو السياسه الجديده في احتساب الشات والبرودكاست وتغيير الصور والايميلات على ظهر العميل ومن الميجا اللي كان بالاصل فقط لليوتيوب ومواقع الفيديو !!

[ابوالكلام]

كفو عليكم للعلم مقاطع من زمان قبل الموضوع إحنا مب سذج عند كيوتل تلعب علينا

[al saad]

تم قطع الخدمه......

الي بعدي من!!!!

[alma3ani]

كيوتل ماغيرت الرسوم ولاكنها مافعلتها يعني الرسوم من سبتمبر كانت 15 ريال و 250 ميغابايت

بس مافعلو تفعيل احتساب الميغابايت ويوم شافو الناس اشتركت واظمنتهم فعلة الخدمة

للاسف ماقدر اقاطعم لان ما اخس من كيوتل الا فودافون

الله المستعان

[bnader]

الحمدلله امس قطعت الخدمة

[حسن]

كيوتل هي الافضل في الوقت الحالي وماتقارن بفودا فون نهائيا
المشكله على المستخدم

[R 7 A L]

انا اليوم انشاء الله بروح لفودافون بشتري
10 كروت اذا الواحد بــ 25 المجموع بــ 250 ريال فقط يا بلاش

والخدمة مية المية





برب كيوتل
باك فودافون

[راشد محمد]

للاسف كيوتل هي الافضل في الوقت الحالي

[قطريه أصيله]

كيوتل حراميه لكن مالنا غنى عنها

حسبنا الله ونعم الوكيل

[منابر خالده]

انا قطعت خدمة كيوتل وحطيت كرت فودافون من يوم الجمعه
مافي اختلاف بينهم في البلاك بيري

[بوخالد911]

انا قطعت خدمة كيوتل وحطيت كرت فودافون من يوم الجمعه
مافي اختلاف بينهم في البلاك بيري

بعد اشتراكك مع فودافون

س : عند فتح روابط البي بي

هل يقطع؟

أرجو التأكيد للأهمية

وشكرا

تحياتي قبل ارسال برود كاستاتي
:victory::nice::victory:

[Abdulla86]

انا وعندي 5 من الشباب حولوا البلاك بيري فودافون وخط كيوتل في جهاز ثاني

[Bo jassim 33]

تم قطعها امس

[مشموم]

انا قطعت الخدمة امس 3

[wadha-qa]

انا قطعت الخدمه من جوالي الفاتوره و فعلتها في هلا عشان ما يقدرون يقصون علينا ويشفطوون مبالغ من الفاتوره

[R 7 A L]

للاسف كيوتل هي الافضل في الوقت الحالي



وين أفضل وحتى الارسال للحين لك علية
حالها حال فودافون
الا ان الاخيرة قريباً راح تتفوق على كيوتل

[تمون]

انا اول واحد قطع الخدمة وحولت على فودافون

[امل الحب]

بعد اشتراكك مع فودافون

س : عند فتح روابط البي بي

هل يقطع؟

أرجو التأكيد للأهمية

وشكرا

تحياتي قبل ارسال برود كاستاتي
:victory::nice::victory:

ما يخصم ولاشي .. انا اشتراكي أسبوعي يخصم 12 ريال فقط ..

[boamir]

نص إلي في بيتنا حولوا على فودافون
وانا بعد إن شاء الله قريب بحوول عليهم

[nono80]

الموضوع صح كلمت الموظفه اليوم قالت لي صار لنا 6 ايام نعاني من استقبال الشكوي علي هالموضوع ينخصم علي حسب طول الرساله وحتي اذا طرشوا لي ينخصم من رصيدي وقلت لها بوق بس بطريقه محترمه قالت شنسوي مب بيدنا حسبي الله ونعم الوكيل كل شي صار ضدنا ونهبه ولا حياة لمن تنادي

[دااانة قطر]

ما يخصم ولاشي .. انا اشتراكي أسبوعي يخصم 12 ريال فقط ..



:nice::nice::nice:

[BoAof]

انا قطعت الخدمه وحولت فودافون بعد ما احسبو علي 1200 استخدام انترنت في كيوتل وانا شهري 300
عمرها ما تعدت فواتيري 350 الا شهر 4

[chillis]

وليش اقطع الخدمه وهي اشاعه :) انا ماشوف ان فرق شي صراحه واعتقداشاعة بلاك بيري

[الـقـاسـي]

ترى البلاك بيري في الهلا يختلف عن اللي فالفاتوره انا لما شغلته في هلا حسيت بالفرق في الفاتوره اسرع بكثير ..

وبروح اخذ لي كرت فودافون وافتك من كيوتل وبلاويها ..

والنصابين شيقولون ماتغيرت التسعيره ندري انها ماتغيرت انتوا غيرتوا سياستكم في الحساب

عيب والله يردون هالرد وكانهم يبون يمشونها علينا وبعدين لما احد يحاججهم بيقولون له احنا نتكلم عن التسعيره الاسبوعيه او الشهريه متى بتكبر اداره كيوتل عن هالحركات .

[أ التميمي]

انا واحد ماعندي بيبي وماعترف فيه ولا افكر اخذه

[almaf1a]

ماراح اقطع لان الباقه جايه معاها الخدمه مجانيه و 250 ميغا تكفي وتزيد عندي

[فلور]

انا امس قطعت الخدمه حولته كرت هلا
الصراحه ذبحوني بالفواتير انا عندي اشتراك شهري 300 ريال كانت تجيني الفواتير ماتعدا 400 ريال قلت خلاص حلو -- من شهر 4 نصدمت من المبالغ إلي تجيني والله انا وحده مااتكلم بس الواحد ايش يسوي غصب طيب تدفع -- امس اتصلت اقطع الخدمه سالت الموظفه اذا الكلام صحيح او لا قالت صحيح بادين من تاريخ 14/5/2012 -
الصراحه صج نهبه

[سهم صعب]

//
//
انا قطعته واغلب الشباب اللي معاي قطعوه
المشكله موب في احتساب الرسوم المشكله في سياسة التعامل مع العملاء يعني يبدأون التسعيره واحنا اخر من يعلم
سياسية كيوتل من زمان كانت الاستغفال وجاء الوقت اللي نقول لا
وحتى لو ارسال فودافون اسوء غيروا شنو المشكله خل كيوتل تعرف ان لنا ردة فعل خل تهتز شوي
اما مافي اي ردة فعل منا ابشركم بتكون الجايات اسوء

[عساف]

تمت مقاطعة كيوتل من اليوم واتمنى من الجميع المقاطعة

لاااااااااا للإستغفال ولااااااااا للنهب والسلب ولاااااااااااا والف لاااااااااا يا كيوتل

[بووسالم]

تـــــمت مقاطعه كيوتل من اول امس وفعلت الخدمه في فودافون ومافي احسن منها كل شي بلاش

[عذب الكلام 1]

انا مع فودا فون وداعاا كيوتل مرتاح من زمان مع فودا فون كل شهر 100 ريال واحد قيقا لا يزيد ولا ينقص

[بن مشهور]

انا اليوم قطعت

[الماريّة]

انا من امس انا وثلاثة معاي في بيتي

حولنا ع فودافون :)


بس علموني شلون الغي خدمة البي بي من الفواتير

لاني بغير الجهاز واخاف تم شغاله ويخصمون علي

[A.L.I]

انا ماقطعت الخدمة لاني ماعند بيبي

[امل الحب]

انا من امس انا وثلاثة معاي في بيتي

حولنا ع فودافون :)


بس علموني شلون الغي خدمة البي بي من الفواتير

لاني بغير الجهاز واخاف تم شغاله ويخصمون علي

111 واكدي علي قطع الخدمة .. كيوتل طماعا وسيعة

[bo_hamad]

ما اعتقد حد بيقطع لأن البي بي مرض وانتشر واصابة به الشعوب

والله المستعان

[قطري مفلس]

سؤال يا اخواني وخواتي الاعضاء ///

عرض فودافون يقول لازم اشتري البلاك بيري من عندهم ،، وعلى حسب مافهمته من الربع ان سعره مرتفع في فودافون يعني ماخذين اشتراكهم مال ال 6 شهور مع سعر الجهاز عند الشراء !!!

يرجى التوضيح لو تكرمتوا لان انا واحد ماحب شي اسمه احتكار ( فما بالك بالاستغلال )

^_^

[قطري مفلس]

اضافة ////


انا عندي جهاز بلاك بيري ،،،، يعني المطلوب فقط شريحة فودافون ،،،

هل بيعطوني اشتراك ل 6 شهور بدون ماشتري جهاز من عندهم


ارجوا التوضيح لتعم الفائده

[لجين]

انا بنتظر شهر يمكن يغيرون رايهم بعد المقاطعة

[القلم الصريح]

حاسبوااااااااااااااااااااااااااااااا من فودافون
تراها نفس كيوتل حرامية وانا من الاساس اشتركت في خدمة بلاك بيري فودافون وكل شهر ادفع 125 ريال ومفتووووووووووح بدون لمت ، غيروا النظام بروحهم بدون مايرجعون للعميل خفضوا الرسوم الى 49 ريال وصال فيه لمت وبعد مايكمل اللمت كل يومين بنخصم مني 100 ريال تقريبا 1300 ريال اخصموا خلال اسبوعبن وقبل فالشهر 125 ريال وقدمت شكوا عليهم لدى هئة قطر للاتصالات ict qatar

[بنت امي]

والله انا فاتحه الخدمه في الهلا كيوتل

وصار لهم شهور ماسحبوا مني 15ريال وماتسكرت خدمتي ههههههههه والله مادري ليش يمكن نسوني

[براك]

هو على حسب استخدامك بس لاحظتوا الفرق في السرعة كيوتل اسرع

[ابوالكلام]

للأسف بعض الاشخاص أناني ما يفكر الا في مصلحته وهذا الي مضيع البلد

[CH Engineer]

سؤال يا اخواني وخواتي الاعضاء ///

عرض فودافون يقول لازم اشتري البلاك بيري من عندهم ،، وعلى حسب مافهمته من الربع ان سعره مرتفع في فودافون يعني ماخذين اشتراكهم مال ال 6 شهور مع سعر الجهاز عند الشراء !!!

يرجى التوضيح لو تكرمتوا لان انا واحد ماحب شي اسمه احتكار ( فما بالك بالاستغلال )

^_^

اذا تبي اشتراك مجاني 6 شهور لازم تاخذ من عندهم جهاز بلاك بيري.. اجهزتهم ارخص من السوق

واذا عندك الجهاز
الاشتراك الاسبوعي ب 12 ريال
والشهري ب 49 ريال

[CH Engineer]

وليش اقطع الخدمه وهي اشاعه :) انا ماشوف ان فرق شي صراحه واعتقداشاعة بلاك بيري

شيك ع الفاتوره
وله انتظر وبتشوف الاشاعه بالفاتوره :rolleyes2:

[بـن عدوان]

انا مشترك في الشهري بو 300 والخدمه فيه مجانا

ومشترك في فودافون 150 فريدوم

طبعا الشهري 300 يعطونك 250 ميجا في الشهر واذا تبي 1 جيجا تدفع 100 ريال زيادة

الاجراء اللي بسويه الحين

بخلي خدمة البلاك بيري في الشهري شغاله بما انها بلاش بس مابستعمله

فودافون بدفع على الاشتراك 49 في الشهر شامل الخدمة + 1 جيجا

وبخفض قيمة الاشتراك وبخليها 100 ريال مثلا

مب احسن ؟

[خــطــافــ]

قطعت من شهرين

[الغيور]

احنا مع المقاطعه ، انا كلها يومين ويخلص اشتراكي وراح اغير الى فودافون باذن الله

[رآعي موآجيب]

هو على حسب استخدامك بس لاحظتوا الفرق في السرعة كيوتل اسرع



عندي فودا اسرع

وكيوتل ماتشتغل 3 جي صوب المطار والروضه ، والفودا 3 جي !!

المهم

كم وصل العدد ؟

سجلوني معكم :nice:

[قطري vip]

انا قطعت وخلصت وخذت شريحة فودافون والكرت ب25 يعني مايحتاج اشتري تلفون من عندهم للاشتراك ب6 شهور وبقولكم في طريقتين للكرت المدفوع 1_ ياخذون 12 ريال كل اسبوع او 2_ياخذون 49 شهريا واخترت
12 ريال اسبوعيا وطبعا رحت لكيوتل وطرشت رساله على الرقم 121 ايقاف (مسافه ) بي بي وتم الايقاف واذا مانجحت طرش بالانجليزي stop وبعدين مسافه bb وبس بتنقطع الخدمه انا قطعت لاني ماحب يتم استغفالي بدون مادري