وطني الحبيب، صبااااح الخيير !!

[pink pearl]

السلام عليكم ورحمة الله وبركاته،،

وطني الحبيب صباح الخير برنامج جماهيري له سنين يُقدم بطابع وطني وأصيل وقطري، لكن السنة اللي طافت وهالسنة تحول إلى مجرد أداة وصل وتوصيل للشكوى بس!! وغير هذا بين الفواصل للبرنامج وفي ختامه يحطون أغاني طربيه وحب وخرابيط ؟!!

طيب يالمخرج الفاضل: أنت يالقطري وياولد البلاد:
وين نشيدنا الوطني اللي ما نسمعه إلا في الاحتفالات الوطنية؟
وين محل الأغاني الوطنية((اللي بدون موسيقى)) من الإعراب قي البرنامج ؟
وين هويتنا القطرية الأصيلة ؟؟
هذي إذاعة وطنية ومن المفترض إنها تهتم بالنشيد الوطني والأغاني الوطنية سواء في البث أو بين الفواصل، فعلاً فعلاً استغربت من توجه المخرج للأغاني الطربية !!!
والله أتعجب ، هل بيوصل حال إذاعة قطر لنفس حال تلفزيون قطر ويبي لهم منافس علشان يطورون ويظهرون هويتنا الوطنية ؟ ولا بيندفنون مع ظهور إعلام قطري جديد؟؟

تذكير :
الرسايل النصية للبرنامج: 92666 ، أتمنى اللي يأيدني نبعث برسالة نصية للبرنامج، لعل وعسى يسمعونا ويوصلهم صوتنا،، وجزاكم الله خير وجعلنا الله وإياكم ممن يرون المنكر فيغيرونه .

[Rashid554]

أعتقد في بداية البرنامج تكون اغنية وطنية وفي الختام اغنيه طربية
تقدر تطفي الراديو اخر البرنامج :)

[R 7 A L]

وانت الصادق إداة لاستماع المذيع والمستمعين لصاحب الشكوى

والاغاني كلها مالها داعي

نبي بس يوصل الصوت للمسئول

[المسك1969]

عفوا مافهمت أنت تبي نبعث برسائل نصيه عشان يغيرون نوعية الأغاني وإلا البرنامج؟

[تحداني]

يبدو ان صلاحيه برنامج " وطني الحبيب صباح الخير " انتهت
ما اسمع غير هالجمله " منا الى جهات الاختصاص " طيب وبعدين ؟؟
مافي شي

يظل المشتكي يشتكي ويشتكي ويشتكي بدون فائده


راحت ايام إلهام بدر وحسن الساعي .. وعبدالعزيز جاسم


جملك الله برضاه

[pink pearl]

أعتقد في بداية البرنامج تكون اغنية وطنية وفي الختام اغنيه طربية
تقدر تطفي الراديو اخر البرنامج :)

هذا هو، لكن أخوي أنا مستغربة من وجود الأغاني الطربية! هل لها داعي في برنامج وطني ؟
على العموم جزاك الله خير على المرور




وانت الصادق إداة لاستماع المذيع والمستمعين لصاحب الشكوى

والاغاني كلها مالها داعي

نبي بس يوصل الصوت للمسئول

رحم الله والديك، وجزاك الله خير على المشاركة




عفوا مافهمت أنت تبي نبعث برسائل نصيه عشان يغيرون نوعية الأغاني وإلا البرنامج؟
أي نرسل لهم رسايل ونستنكر علشان يغيرون نوعية الأغاني، والله أستحي لما أسمع البرنامج مع أبوي وبعدين تظهر لنا أغاني طربية، مالها داعي أبداً، الله يهديهم
ومشكورة على المرور يالمسك:)

[مستثمره]

وطني الحبيب صباح الخير

[قطري !]

ياليتهم أداة وصل وبس



احيانا يهاوشون المتصل ويدافعون عن الوزارات



خاصه مقدم البرنامج اللي اسمه محمد


على طول ضد المتصل , كأن بينه وبينهم خصااااام

[pink pearl]

يبدو ان صلاحيه برنامج " وطني الحبيب صباح الخير " انتهت
ما اسمع غير هالجمله " منا الى جهات الاختصاص " طيب وبعدين ؟؟
مافي شي
يظل المشتكي يشتكي ويشتكي ويشتكي بدون فائده
راحت ايام إلهام بدر وحسن الساعي .. وعبدالعزيز جاسم
جملك الله برضاه

فعلاً البرنامج له قيمته وله وزنه مع المبدعة إلهام بدر، الله يذكرها بالخير، وإن شاء الله الكل فيه الخير واالبركة ، ماقصرتي تحداني وحياج الله

[تحداني]

ياليتهم أداة وصل وبس



احيانا يهاوشون المتصل ويدافعون عن الوزارات



خاصه مقدم البرنامج اللي اسمه محمد


على طول ضد المتصل , كأن بينه وبينهم خصااااام



انا سمعت
في بعض المتصلين يألفون سيناريوهات عجيبه غريبه .. ومن كثر الصواريخ
صار عندهم شك في شكاوي المتصلين .. فشيسوون المذيعين ؟؟ خلني اقول لكم
يقومون يستخدمون اسلوب انت متهم الين ما تثبت برائتك ..


هذا والعلم عند الله


جملك الله برضاه

[chillis]

سنين وهو البرنامج نفسه ما تغير اي شي فيه غير المذيعين ولا فيه تجديد حسيته مغبر يبيله نفضه وتغير وعن نفسي ما صدق كل الشكاوي لان بعضها ما يدش العقل

[سيناتورنايف]

[COLOR="Blue"]لابرنامج ولا مذيع ياريت يغيرون المذيع اللي يتكلم واااااااااااجد ودايم ياخذ المايك ويتفلسف وهو ضد المواطن ويحقق كانة المسؤل ومن زمان مفروض يغيرون المذيع والظاهر مالقوا حد بديل [ /COLOR]

[Bo jassim 33]

صج فقد بريقه من ايام الهام البدر

وواحد من الشباب اشتكى قبل فتره على المجلس الاعلى

وكانت شكواه لمجرد الفضفضه ويدري انه ما من شئ يحل عن طريق هذا البرنامج

حتى المذيع مرات ما عنده خبره ويبلهم وقت وصلاحيات وقوة

[راشد محمد]

اللي يسمع البرنامج بيتعب نفسيا...

[بحرقطر]

المفروض يتعلمون من استوديو واحد
عموما منا الى الجهات المسؤوله

[رذاذ]

مع يحطون اغنية للبرنامج ينذكر بها اسمه .. وووطني الحبيب صباح الخير مع شروق الشمس .. ومع يحطون النشيد الوطني ..

للأسف البرنامج ما عدت اتابعة لنه بعض الردود من المذيع تبط الجبد .. وخاصة يوم تكون عنصرية وتبهدل الشخص ...

اتذكر اخر مره موقف الاستاذ الرياضي يوم يتحدا الطلاب برفع 5 ريالات من الارض بدون استخدام الييدين وبالوقوف وهي مرمية ع الارض ..

المدرس اثار موضوع التعجير لنها صعبه ومستحيل احدن يسويها وهدفها تحريك وتنشيط الطلاب ..

والاخت المذيعة نست انه مدرس وما خلت له كلمه وقعدت تهاوشه كنه ولد صغير ..

كمذيعة مفروض تعرفين الصح وتوصلين له انه غلط الطريقة باسلوب مقزز وللاسف بعدها بندت الراديو وانا مقفل ع اسلوبها وانقعالها الزايد..

[علي رشيد]

الحين خليتوا الاشياء المهمه و مسكتوا على ليش يحطون أغاني و ليش بـ موسيقى !!
أول شي هذي إذاعه يعني تساير كل الأذواق و انا عن نفسي أحب أسمع أغاني عاطفيه ..

ثاني شي البرنامج فكرته وحده و مستحيل إتغيَر إلا في حدود المذيعين و الفقرات أما المضمون واااااااااااحـد

يعني الراي العام .. نبض الشارع .. مشاكل أفراد المجتمع .. و غيرها من الأمور اللي نحس انها ما بتوصل للمسؤولين الكبار ..

[فارس قطر]

برنامج وطني الحبيب + المجلس البلدي

وجهان لعملة واحدة تم تنصيبهم للااستهلاك الاعلامي

علشان دول العالم تقول ان في قطر ديموقراطية .

[ريتويت]

ياليتهم أداة وصل وبس



احيانا يهاوشون المتصل ويدافعون عن الوزارات



خاصه مقدم البرنامج اللي اسمه محمد


على طول ضد المتصل , كأن بينه وبينهم خصااااام

اي والله صج!!!!

[قطر دزاين]

البرنامج فاشل

البرنامج وضع لك يمتص غضب المشتكين معقوله للحين ما فهمتو ها البرنامج

ما قد سمعت جهه مشتكى عليها حلت المشكله او عترفت اذا احد سمع يفيدني لاني للامانه لم اسمع

وصار البرنامج مكان الدفاع للجهات من هذا المذيع

البرنامج للمره الالف ليمتص غضب المشتكين

كله مساكين ينتظرون الجهات المشتكى يحلون مشكله واحده او يقلون اسفين

[حسن]

ووش يسون معدين البرنامج عقب ماربطو عضاعضهم مثل قباقب تايلند
وسحبو جميع الصلاحيات

[intesar]

بالفعل بعض الشكاوي ضحك على عقول الناس..

[بوسعود911]

راحت ايامكم يا عبدالعزيز محمد وحسن الساعي احس المذيع محمد العمري ضد المواطنيين ويوقف مع المشتكي عليه وااااايد

[hyamm]

انا سمعت
في بعض المتصلين يألفون سيناريوهات عجيبه غريبه .. ومن كثر الصواريخ
صار عندهم شك في شكاوي المتصلين .. فشيسوون المذيعين ؟؟ خلني اقول لكم
يقومون يستخدمون اسلوب انت متهم الين ما تثبت برائتك ..


هذا والعلم عند الله


جملك الله برضاه

أتفقك معاك ... وبعدين برنامج وطني الحبيب الهدف منه توصل الشكوى للمسؤوبين المعنين ... مو يحلون المشاكل عالهوى .. وللأسف صرنا نشوف ناس تتصل عالفاضي والمليان .. والمفروض الواحد قبل ما يتصل يشوف الجهه المعنيه قبل .. وإذا ما أستجابوله يكلم وطني الحبيب لكن مو كل شي نشتكي عليه في البرنامج ..:telephone:.

ملاحظه : مقدمي البرنامج لازم لازم لازم يكونون حيادين هذا دورهم مو يوقفون مع جهه على حساب جهه .. وأحيانا نلاحظ هالشي من خلال ردودهم على المتصلين ..والله يبعد عنا المشاكل .

[QTR-1978]

المفروض يسمونه برنامج فضفض
لانه بس تطلع اللي بخاطرك فالبرنامج وبس
وموضوع محد يخلصه لك لاحياه لمن تنادي

[cl63]

الله المستعان ان شاء الله

[بوبراهيم]

يحتاج البرنامج الى بعض الامتيازات حتى يستطيع كل مشتكي من ان يلقى حل لمشكلته
خاصة عندما يتصل شخص على البرنامج ويتكلم بموضوعه ودمه يحترق واخرتها
مايلقى اي اجابه من الطرف الثاني (احد الادارات الحكومية) ،، والذي ينقهر منه المشتكي
انه لا يسمع الرد لشكواه ...
في احد الدول المجاوره اذا اتصل شخص على البرنامج الخاص بدولة فان هذا البرنامج
يقوم بالاتصال على الطرف الاخر لكي يكون الحوار مابين الطرفين لكي يتم التوصل الى الحل .....

[الريـــاني 1]

في رايي يجب ان

تقلل الاعلانات الكثيرة والفواصل حتي نترك فرصة كافية لشرح الشكاوي
لا داعي للاغاني في برامج للشكاوي
تخصيص حلقات اسبوعية في ايام معينة لجهات محددة مثلا الاحد للمجلس الاعلي للصحة ويكون هناك مسئول من عندهم ياخذ الشكاوي ويرد عليها ويوم اخر للبلدية واشغال والتعليم ويوم مفتوح للشكاوي الاخري

وسلامتكم

[Bo jassim 33]

اصلا البرنامج ثبل لا يطلع المتصل عالهواء يقول شكواه

وهم يتصلون به

ويأخذون رقمه وبياناته كاملة

واجراءات اخرى

ثم يطلع عالهواء

وشكرا