معقولة نوصل هالمرحلة !!

[ولدQTR]

السلام عليكم ورحمة الله وبركاته..

امس جفت شي عمري ماتوقعت اجوفه بس للاسف جفته..

امس بالليل وانا طالع من فيلاجيو رايح المواقف تفأجات بسيارة يسوقها قطري لابس غترة وعقال ومنزل الداريش ومطول عالمسجل وراز البطل احذاه ..!!


معقوله ياجماعة وصلنا هالمرحلة !!

المجاهرة بالمعصيه ..

لحد الآن انا مب مستوعب احنا بقطر والا بأمريكا ..

شاللي يخلينا نوصل المرحلة ..

ماقول غير

الله يرحمنا برحمته ويحفظ كل من يعز علينا من هالاشياء ..

[abdo222]

اتوقع يكون "باربيكان او موسي ويا مكثر انواع العصائر" ,, ما اتوقع توصل المواصيل هال المرحله لو بعد 90 سنه,, خاصه المجاهره,,

[intesar]

ما أستغرب شيء..

[وطن]

اتوقع يكون "باربيكان او موسي ويا مكثر انواع العصائر" ,, ما اتوقع توصل المواصيل هال المرحله لو بعد 90 سنه,, خاصه المجاهره,,

انا بعد جا في بالي انه باربيكان ولا شي جذي

ما جا في بالي انه خمر

هل انت متأكد انه بطل خمر ؟؟!!!
شفت الاسم عليه ؟؟

ترى في ماي بعد غرشته نفس غراش الخمر

[منهم وفيهم]

صاحب الموضوع كتبت ماتظن ..

امس بالليل وانا طالع من فيلاجيو رايح المواقف تفأجات بسيارة يسوقها قطري لابس غترة وعقال ومنزل الداريش ومطول عالمسجل وراز البطل احذاه ..!!

أخوي لبسه للغتره والعقال مب دليل انه قطري (مب دفاع القطري انسان ويخطي )
البطل مثل ماقالوا لك الإخوان اكثرت المنتجات اللي غراشها تشبه غراش الخمر ..فا ماهوب دليل اخي الفاضل ..لو كنت متأكد كنت بلغت الجهات ..ولو منت بمتأكد فهي مجرد ظنون .

[R 7 A L]

ولاتنسى الافعال الغير اخلاقية في السيارات المظلله
في مواقف هالمجمعات

الله المستعان

[ميموري]

انا ماستبعد هالشي

واستانس لما اشوف هالغيره في الشعب

احمدالله ان الدنيا لسى بخير

"اللهم لا تاخذنا بما فعله السفهاء منا"

يارب خص بشرك وعم بخيرك

اللهم توب عليهم ولا تتوافاهم الا وهم ساجدين لك وموحدين

[A.L.I]

السلام عليكم ورحمة الله وبركاته..

امس جفت شي عمري ماتوقعت اجوفه بس للاسف جفته..

امس بالليل وانا طالع من فيلاجيو رايح المواقف تفأجات بسيارة يسوقها قطري لابس غترة وعقال ومنزل الداريش ومطول عالمسجل وراز البطل احذاه ..!!


معقوله ياجماعة وصلنا هالمرحلة !!

المجاهرة بالمعصيه ..

لحد الآن انا مب مستوعب احنا بقطر والا بأمريكا ..

شاللي يخلينا نوصل المرحلة ..

ماقول غير

الله يرحمنا برحمته ويحفظ كل من يعز علينا من هالاشياء ..





:eek5::eek5::eek5::eek5::eek5:

[abdo222]

ولاتنسى الافعال الغير اخلاقية في السيارات المظلله
في مواقف هالمجمعات

الله المستعان



ما أستغرب شيء..

والله انا الي استغرب ان سمعه الشباب القطري صارت بهال المستوى !! ليش هال التفكير,

[R 7 A L]

والله انا الي استغرب ان سمعه الشباب القطري صارت بهال المستوى !! ليش هال التفكير,


مو تفكير للأسف واقع وانا أخوك

[abdo222]

مو تفكير للأسف واقع وانا أخوك

يمكن يكون "واقع" لو قلت لي في مكان مستور, مب الي مشغل الاغاني وفي مواقف فيلاجيو, ولا قريب من العالم,, للحين انا اقول ان "المجاهره" ما بتكون واقع لو بعد 90 سنه هنا,, ان شاءالله

[وطن]

مو تفكير للأسف واقع وانا أخوك

كل بلاد فيها مقبرة يا اخوي

وان شاء الله ان اللي فيهم خير اكثر

[R 7 A L]

يمكن يكون "واقع" لو قلت لي في مكان مستور, مب الي مشغل الاغاني وفي مواقف فيلاجيو, ولا قريب من العالم,, للحين انا اقول ان "المجاهره" ما بتكون واقع لو بعد 90 سنه هنا,, ان شاءالله

ان شاء الله نتمنى ما نشوف هالمشاهده مره اخرى وتختفي


كل بلاد فيها مقبرة يا اخوي

وان شاء الله ان اللي فيهم خير اكثر

اكيد مافيه أي مكان خالي من أي عيب

[طلعة الروح]

حسبنا الله ونعم الوكيل .. اللهم لا تؤاخذنا بما يفعل السفهاء
صحيح قد تكون هاذي حالات شاذة بس هالحالات تودي بداهيه بنفس الوقت
مع احترامي لك اخوي كان المفروض تبلغ الشرطة طول ما انت متأكد من المسألة

[ريتويت]

لاحول ولا قوه الا بالله العلي العظيم

حسبي الله ونعم الوكيل

[(بوطلال)]

انت شدراك ان الي في السياره قطري ولو افترضنا قطري شلون عرفت ان البطل الي قدامه خمر ؟ عندك خبره في انواع الخمور واشكالها ؟

[intesar]

يمكن يكون "واقع" لو قلت لي في مكان مستور, مب الي مشغل الاغاني وفي مواقف فيلاجيو, ولا قريب من العالم,, للحين انا اقول ان "المجاهره" ما بتكون واقع لو بعد 90 سنه هنا,, ان شاءالله

ليش ان شاء الله.. معصومين من الغلط..
هو واقع.. بس العين تعودت عليه.. فصار المجاهرة بالمعصية.. مو معصية.. هذا هو الواقع..

[كازانوفا]

صحيح كيف عرفت انه ((خمر))؟؟؟؟

[(بوطلال)]

ليش ان شاء الله.. معصومين من الغلط..
هو واقع.. بس العين تعودت عليه.. فصار المجاهرة بالمعصية.. مو معصية.. هذا هو الواقع..

اختي انتصار ما ابالغ لو قلت القطري حتى لو كان فاسد فاسق يحسب حساب اي عمل يقوم به مليون مره قد يسيء لنفسه واهله . قطر صغيره والاخبار تنتشر فيها بسرعه لذلك راعي الشراب او المنكر يتدارى في بيت او عزبه او مزرعه او مكان مستور .وماوصلنا لمرحلة استعراض بطل الخمر في مكان عام قدام الكل .

[علي رشيد]

انت شدراك ان الي في السياره قطري ولو افترضنا قطري شلون عرفت ان البطل الي قدامه خمر ؟ عندك خبره في انواع الخمور واشكالها ؟



هههههههههههههههههههههههه

معاك 100 %

[intesar]

طيب واللي يغازل صراحة هذيزز ما يجهر بمعصية.. واللي يروح نايت كلوب ولا ديسكو أعزكم اللهزز هذي ما يجهر بالمعصية.. أنا ما أتكلم عن الموقف نفسه.. لأني ما كنت موجودة ولا أعرف الرجال.. أنا أتكلم بصورة عامة..
أنا أتكلم عن صورة القطري اللي ما يغلط كأنه ملاك.. بكل بلد فيها الزين وفيها الشين.. وفيها اللي يستر على عيوبه.. وفيه اللي من كثرة معاصيه ما عادت تفرق معاه..

أخي انا أتكلم بشكل عام.. وبوجهة نظر عامة..

[(بوطلال)]

طيب واللي يغازل صراحة هذيزز ما يجهر بمعصية.. واللي يروح نايت كلوب ولا ديسكو أعزكم اللهزز هذي ما يجهر بالمعصية.. أنا ما أتكلم عن الموقف نفسه.. لأني ما كنت موجودة ولا أعرف الرجال.. أنا أتكلم بصورة عامة..
أنا أتكلم عن صورة القطري اللي ما يغلط كأنه ملاك.. بكل بلد فيها الزين وفيها الشين.. وفيها اللي يستر على عيوبه.. وفيه اللي من كثرة معاصيه ما عادت تفرق معاه..

أخي انا أتكلم بشكل عام.. وبوجهة نظر عامة..

وانا اتكلم بشكل عام . ومانحط لمغازل مثل شرب الخمر ولايمكن مقارنتهم .اما الدسكوات فمادري من وين عرفتي ان الي يدخلونهم قطرين او من الاصل ان لقطري يدخل الديسكوات . القصد مانبي كلام وتبلي وبس نبي اثباتات ودلايل

[intesar]

شوف محد يتبلى على حد.. إذا كان الكلام بشكل عام.. لا أنا ملاك ولا هم ملاك.. وكل ما ذكر يعتبر الجهر بالمعصية..

طيب لما يروحون برع.. ويجاهرون بالمعصية هناك أن محد يعرفهم.. هذا ايش نسميه..
الجهر بالمعصية.. معصية.. وين ماكان.. داخل ولا خارج البلاد..

وأرد وأقول بكل بلد فيها الزين والشين..
أما قضية الأخ اللي حاطه.. أنا ضد ما ذكره لسبب.. لأني ما أقدر احط بذمتي..

لكن الجواب عند صاحب المقال.. إذا كان صج عند بطل الخمر ولا لا..
تقدر تدخل مراكز الشرطة وتشوف عدد المجاهرين بالمعصية.. كلهم انصادوا بمزارع ولا أوكار خاصة.. ولا السكر يذهب بالعقل ويخليهم ما يعرفون شيسوون..

وتبغي تقول لي أن الديسكو وهالخرابيط ما فيها ولا قطري.. لا أضحك على نفسي.. في كل بلد الغالي والنفيس وفي مقابلها المغشوش والرخيص..

لكن أني أقول ما في مجاهرة بالمعصية هذي يمكن هالكلام نطبقه قبل 15 سنة او زيادة.. الحين يا أخي محد يخاف..

[elders]

انا ماستبعد هالشي

واستانس لما اشوف هالغيره في الشعب

احمدالله ان الدنيا لسى بخير

"اللهم لا تاخذنا بما فعله السفهاء منا"

يارب خص بشرك وعم بخيرك

اللهم توب عليهم ولا تتوافاهم الا وهم ساجدين لك وموحدين

الله سبحانه وتعالى ما عندو شر

[qtr2010]

يا اخي دام انك مقهور وعندك غيرة على شباب قطر ( اذا كان قطري) كان خذت رقم السيارة وبلغت عنه في نفس الوقت، ورجال الشرطة موجودين في فيلاجيو وبيمسكونه وبيتأكدون.

[غدير البورصه]

يا ايها الناس عليكم بانفسكم



دعوا الخلق للخالق

[ولدQTR]

اخوي بوطلال ..

انا ماحطيت بذمتي بس في اكثر من شي يدل عليه..

واحد ماسك البطل بيد ويسوق باليد الثانيه والاغاني صوتها عالي ولا وقاعد يغني ..


وثاني شي ترانا كبار مب يهال مانعرف انميز ..

والحمدلله على نعمة العقل بس..



انا يا جماعة قلت موقف وجفته قدام عيني اللي عاجبه يا هلا ويا مرحبا واللي مب عاجبه براحته..

وترى في اشياء العن والعن من اللي جفته..


الله يستر علينا بس من الجاي..

[الدوحه1]

اذا كان فعلا "خمر" اشلون وصل هالخمر الى "المواطن" لان بيع الخمر ممنوع للمسلمين؟؟؟؟
ومن يتحمل مسئولية خسارة هالمواطن؟؟

[النهار]

اذا كان فعلا "خمر" اشلون وصل هالخمر الى "المواطن" لان بيع الخمر ممنوع للمسلمين؟؟؟؟
ومن يتحمل مسئولية خسارة هالمواطن؟؟





عادي ناس عندها بيرمت تتاجر فيه ومن قال ممنوع بيع الخمور للمسلمين

[ريم 28]

مجرد ظن انه قطري
وظن انه خمر

ولا شي مؤكد في كلامك

الله يصلح الجميع

[h9466]

الانسان انسان به نقص ونفس نزاعة للهوى سواء قطري او غيره..والكل معرض للخطأ...ولا ننسى اعداد الشباب اللي يسافر كل سنة لشرق اسيا واوروبا للوناسة على قولتهم..

[نجدي قطري]

قبل سنتين مارّ صوب الفنادق اللي في الكورنيش، وأشوف شلّة أمريكان، ويوم شافوني وعرفوا إنّي قطري، قام كل واحد وحط يده على البنت اللي معاه. يعني استفزاز.
ولكن قطري (أو منتحل شخصيّة قطري) أو غير قطري يمسك بطل ويجاهر، هذي بصراحة هزلت.
لازم الدولة تلقالها حل، وتنظّف بلادنا، خلاص شبعنا من الوساخة والانحلال.

[الصيفي قطر]

مره خذت قلاص ثلج من المعصره وشريت ردبول وانا واقف عالاشاره واشرب الردبول الا واحد حذاي يطالعني ويحرك راسه قلت هاي اشفيه بطلت الدريشه الا يقولي: ياخي عيب عليك والله !!
قتله شفيك؟!! ... قالي: قاعد تشرب فعز الظهر يعني مب خايف من حد خاف من ربك ياخي :@ !!

قلتله الشيخ ترا هاي ردبول وراويته الغرشه الا قام يضحك قالي اسمحلي والله اسف وحقك علي ..

يعني حزات الناس تتسرع في قراراتها فكونو حذرين وبوركت جهودك ياصاحب الموضوع

[faisalqatar]

اخواني هاي واقع و في بعض القطريين يشربون و يجاهرون بهالشي

لين متى بتنكرون يعني ؟ تره مافي فايدة من الانكار

وكل ما كتبنا شي نقزتوا لنا شدراكم انه قطري ومادري شنو !!!

اللي خاطره يشوف قطريين يشربون و في قطر خل يروح فندق اوريكس روتانا انا شايف بعيني !!

ولا اتقولون لي موسي و بربيكان تره احنا مب بقر اشكره مكتوب على الغرشه هاينكن (نوع من انواع البيرة بالكحول)

بسكم انكار و تفلسف وخلوا عنكم سوالف شدراك انه قطري لانه فعلا قطري

حسستوني الشعب القطري من البيت لين المسيد

في كل مكان حتى في مكة المكرمة لازم في الزين والشين

--------

صاحب الموضوع:
لا تستغرب اخوي من هالناس تره الشرب صار شي عادي .. قبل اتشوفهم في البحرين و دبي و اوروبا يلكونها لك اليهد والحين قاموا يشربون في الدوحه عشان يوفرون التذكرة

تحياتي لك

[نجدي قطري]

مره خذت قلاص ثلج من المعصره وشريت ردبول وانا واقف عالاشاره واشرب الردبول الا واحد حذاي يطالعني ويحرك راسه قلت هاي اشفيه بطلت الدريشه الا يقولي: ياخي عيب عليك والله !!
قتله شفيك؟!! ... قالي: قاعد تشرب فعز الظهر يعني مب خايف من حد خاف من ربك ياخي :@ !!

قلتله الشيخ ترا هاي ردبول وراويته الغرشه الا قام يضحك قالي اسمحلي والله اسف وحقك علي ..

يعني حزات الناس تتسرع في قراراتها فكونو حذرين وبوركت جهودك ياصاحب الموضوع

بس زين إن الرجّال تكلّم وقال اللي في خاطره، أحسن ما يسكت عن منكر، من وجهة نظره طبعًا.

[MAZEN37]

لا حول ولا قوه الا بالله

[Lollipop]

انا مااستغرب انه ممكن يكون خمر !!

[الأغر]

كل ديره وفيها مقبره .. الله يهديه ويصلحه .. لكن سؤالي ليش ما كلمته .. كلمه طيبه ممكن تعيده الى صوابه ..

[Lollipop]

يعني الحين المووضه صارت شرب الخمر ومسك الكاس عاجبهم اللون يعني انه اتكيت

[فلتة زمانها]

كل. يوم شفت وشفت وشفت
استروا ماواجهتهم يا شرفاء مكه او انصحوهم

[q6r2009]

كل. يوم شفت وشفت وشفت
استروا ماواجهتهم يا شرفاء مكه او انصحوهم


مايسوى عليه تكلم بالموضوع ياكلمة ردي مكانك ..

هو حب يشكي لكم فقط لاغير .. لاقال رقم السيارة او اسمه ..

حسنوا نياتكم .. وفيه الفاظ احس ماله داعي تذكر