استفسار عن السياحة في شرق اسيا

[الماسة55]

السلام عليكم

ياعضاء المنتدى العزيزين،انا ودي اسافر في الصيفية لشرق اسيا ومب عارفه اي دوله اللي تستاهل الواحد يتعنا لها من حيث الاجواء والمناظر الطبيبعة والاسواق طبعا انا اهم شي عندي يكون الجو رووووعة وطبعا وتكون اسعارها مناسبة.
فاللي عندها خبرة وقد سافر لها ياليت يفيدنا ويعطينا من تجربته لاني بجد محتارة ومب عارفه وين اروح بالضبط.ولكم مني كل الشكر والتقدير

[حفيد الأنصار]

شووفي اختى انا بشرق اسيا رحت اندونيسيا بس
الجووو خيااااااااااااال ويقولون اندونيسيا جوها احلى من ماليزيا
واعتقد اللي يروح شرق اسيا مايروح غير 3 دول ( اندونيسيا _ ماليزيا _ تايلند ) الاغلبية مايروحون الا لهاذي الدولة
اذا حابه تروحي اندونيسيا انا اقولك وين تروحين والاسعار اللي اعرفها واذا تبيني اعطيك رقم سواق وثقة موجود باندونيسيا
تروحون وترجعون بالسلامة
تحياتي ..

[كلاسيك قطر]

اختي يا مرحبا فيج. طبعا انا الان متواجد في ماليزيا والاجواء وله اروع ووانصحج مثل ماقال. الحربي اندونيسا. وماليزيا وتايلاند

واي استفسار انا حاضر

[alma3ani]

مرحبا اختي انا زرت ماليزيا وسنغافورة وتايلند وبروح نهاية الشهر لتايلند

تبين رايي ونصيحتي ماليزيا احلاهم وارتحت فيها وايد

على العلم ان سنغافورة روووووووعه ونظيفه وايد وانظف من لندن من وجهة نظري وتستاهل واذا ماتحبي زحمة الخليين فسنغافورة مافيها خليجين ورااااقية وايد ماجنج في شرق اسياء

والجو فهو حار ورطوبه لان جوهم مداري واستوائي

انصحج بماليزياوسنغافورة وابتعدي عن تايلند الا اذا علاج ومظطرهمثل حلاتي

واي استفسا انا بلخدمة

[naklan]

اختي الماسة55 لا تفوتين ماليزيا وتايلند بوكت بس الجومش بارد في اسيا
متوسط حوالي 25 درجة وما انصح بهونكنق في الصيف حاره تبين اسواق وفنادق فاخرة
ورخيصه ماليزيا واكل محترم واسلامي وعملتهم نفس الريال القطري اما سنقفورة الفنادق
نار غاليه جداَ تايلند روحي بانكوك للتسوق وبوكت جزر ومناظر تاخذ القلب ومعروف ان تايلند
بلد الفواكة وفي بانكوك منطقة اسمها نانا كلها مطاعم عربية وصرافين وجميع الخدمات
وعندهم كم مول حلو للمشتريات والتسوق
موفقة باذن الله :)

[قطريه ماركه]

من حيث الاجواء والمناظر الطبيبعة والاسواق طبعا انا اهم شي عندي يكون الجو رووووعة وطبعا وتكون اسعارها مناسبة

جنوب شرق اسيا جوها مداري استوائي حار .. الا في بعض الاوقات بعد سقوط الأمطار ...

الجووو الروووعه في اوروبا ....

[Class - Qtr]

جنوب شرق اسيا جوها مداري استوائي حار .. الا في بعض الاوقات بعد سقوط الأمطار ...

الجووو الروووعه في اوروبا ....


انا اتفق مع هالراي ,,

[Dana’1]

جربت ماليزا وسنغافورة

شرق آسيا تقريبا اجواءها وحدة استوائية مافيها برااااد او حااااااارة هم عندهم وسط وامطار واحيان رطوبة!

ماليزيا حلوة عائلية ونظيفة و خياراتها متنوعة بين عاصمة نظيفة باسواقها وشوارعها وجزر حلوة والاهم بلد اسلامية

سنغافورا ،،بعد حلوووة ونظييييييفة بشكل رهييب ...واسواقها رائعة بمعنى الكلمة
بس سنغافوا حدها كم يوم الى اسبوع لانها صغيرة والاماكن محدودة و تقريبا اشهرها جزيرة سنتوسا وحديقة الحيوانات ممتعة ،،،،بلد تستحق الزيارة وراقية
نصيحتي روحو الثنتين ماليزيا وسنغافورا:) ان شاءلله بتنبسطون

[استقرار]

بما إنك بنيه فروحي إندونيسيا روعة صراحة وأمان وناس طيبة وفيها أسوااااق كثير بجاكرتا

وبالسيارة من العاصمة روحي للجبل بل جنة صراحةً واجلسي كم يوم واتمشي بمدينة خلفة اسمها يوندونج جميله ورائعة وفيها جميع الجاليات لكثر الجاعات فيها وفيها مطار داخلي

ومري البركان والشلالات بصراحة طبيعة وحلوة وياكثر ماتسمعين أصوات الأذان فيها

[بوخالد911]

هلا

تايلند : بوكيت + كوسموي
ماليزيا : جينتنغ + لانكاوي
اندونيسيا : باندونق + بونشاق + بالي

[الشلهوب]

اختي مثل ماقالوا الاخوان سنغافورا وماليزيا سنغافورا حلوة ونظيفة وممكن من 5 ال6 ايام لتسوق فيها اسواق ومجمعات عجيبة وكلهم جنب بعض والحقيقة غالية يمكن اغلى بلد في جنوب غرب اسيا والحقيقة البلد تستاهل اما ماليزيا بعد حلوة ممكن اتروحين جنتينغ وهي فوق الجبل وهي مدينة العاب وهي منطقة باردة وممتازة ممكن اتروحين في نفس اليوم وترجهين كلالمبور بالتكسي او بالتلفريك او ممكن تسكنين باحدى الفنادق بجنتينغ وممكن اتروحين جزيرة لنكاوي بالطيران الداخلي وهي جزيرة حلوة وهادية واكثر السياح الي اجونها المعاريس الخليجين لقضا شهر العسل وكذلك العائلات

[قطري !]

روحي لاوروبا من الاخير


وخلي عنج الحر والرطوبه واللي عيونهم مستطيله ..

[محمد الجفيري]

بالتوفيق

up up up

[solyamalenki]

كوريآ الجنوبية بآختصار اي حد يروح هنآك يتمنى يرجع لها ثاني مرة ^^

[NINA RICCI]

ماليزيا تهبل ..

روحي جنتنغ باااارده , والشوبينغ في كوالالمبور ,, واماكنها السياحيه شكثرررر ماتشبعين منها الصراحه ^_^

واحبها اكثر من اوروبا لان فيها حياااه لين الفجر وانتي براااا وامااااااان .. صج تحسين انج مسافره , مب مثل اوروبا الساعه سبع خلاص كلشي يبدا يصكر

[UAE-SOUL]

جنوب شرق اسيا جوها مداري استوائي حار .. الا في بعض الاوقات بعد سقوط الأمطار ...

الجووو الروووعه في اوروبا ....

كلام صحيح الجو في جنوب شرق اسيا جو استوائي مع رطوبه يعني الي يبي الجو الحلو والبارد شوي لا يروح وانا واحد منهم نغير جو من رطوبه لي رطوبه ما تسوى بس كتغير من اماكن نعرفها ممكن