حد يفسّر لي هالحسبة من بعد تصريح كيوتل !!

[بـن عدوان]

السلام عليكم ورحمة الله وبركاته


بناء على الرد الآتي:

[QUOTE=الواعد;8227140][CENTER]20-05-2012


وحتى يتم توضيح هذا اللبس، وتماشياً مع ميثاق كيوتل لعملائها، قررت كيوتل إرجاع الرسوم الاضافية التي تم اقتطاعها أو التي سيتم اقتطاعها للفترة بين 14 مايو إلى 11 يونيو. و[SIZE="6"]ابتداءً من 12 يونيو 2012 سيتم احتساب 0.55 ر.ق لكل ميغابايت إضافية بعد استهلاك البيانات المخصصة (250 ميغابايت).




انا مشترك في الشهري بو 300

اليوم الساعه 10 جيكت على المتبقي من الدقايق والانترنت

المتبقى من الانترنت = 2718KB

ومن خمس دقايق مجيك صار 0KB :eek5:

جيكت على الفاتورة وطلع شي جديد !!

قيمة الفاتورة مثل ما هي بس مكتوب تحت

your unbilled charges are QR 5.37

للعلم لما كانت عندي بيانات انترنت كان الــ unbilled charges صفر

ولما خلص قاموا يحسبون :rolleyes2:

شسالفه الحين؟

حد يفهمني !!
اخاف استعمل واخرتها يقولون لا مابنرجع !!

[تمون]

يارجال لاتعور راسك كيوتل ماصة دمك ماصة دمك

شوف اذا لهم ريال والله يشحططونك ولو الحق عليهم ترجاهم عشان يردونه انا كرهت كيوتل ومليت من سوالف النصب الي تسويها والي فاقع كبدي ان الكل يدري بالنصب وساكتين

[مخاوي الشيبة]

يارجال لاتعور راسك كيوتل ماصة دمك ماصة دمك

شوف اذا لهم ريال والله يشحططونك ولو الحق عليهم ترجاهم عشان يردونه انا كرهت كيوتل ومليت من سوالف النصب الي تسويها والي فاقع كبدي ان الكل يدري بالنصب وساكتين



اتفق مع اخوووي تماما

[ذياب]

تسمع بلمنشار

الي طال ماكل نازل ماكل

[الجوكر90]

جول فودا فون وفك عمرك

[بـن عدوان]

ابشركم اليوم your unbilled charges are QR 13.31

:( يعني زاد

[mE mYself & i]

الكل حول فودافون

كيوتل في الأخير بتبيع بط

[قطريه أصيله]

من شوي سحبوا مني 30 ريال

وبعدين معاهم يعني :anger1: :anger1:

[Mr.Friend]

هلا أخوي
بالنسبة للفاتورة أنا ما أدري بس أخوي مشترك بالخدمة (مب فاتورة)
ورجعو له المبلغ المقطوع بالكامل وعلى حسب ما سمعت
بأن قانون الليمت بيتطبق في يونيو ....

[لقمان]

ان حولت الا فودفون من اليوم

[بصمة قطرية]

يقولون بيرجعون المبالغ للعملاء ..
هلا بيرجع لهم الرصيد ..
و الفاتورة بينخصم من الفاتورة القادمة ..
و بيبدون يحسبون من 12 يونيو ..

بس الرصيد ما زال يروح ..!!
كل اللي عندهم هلا يشتكون من هالشي ..!!

[رحال]

حولت فوداوووون :nice:

[عساف]

وانا حولت فودافون وارتحت ٤٩ ريال قيمة الاشتراك الشهري + ١ قيقا بايت انترنت

[mE mYself & i]

واللي يقول عن الأستخدام الأضافي فودا فون تحسب 0.35 ريال عن كل ميجا بايت بالمقابل كيوتل تحسب 0.55 ريال

[Qatar-Qa]

ماشالله عليكم
كفووو والله
ونبي كل واحد يكلم اهله وناسه يحولون بعد ويقنعهم

نبي نعلم كيووتل ان بدوونا احنا المشتركيين ماتسوى بييزه هالشركه

[حيهور]

مادري شالجديد!

من اول معطينا ٢٥٠ ميجا في الاسبوع بسعر ١٥ ريال

كنتم راضيين مع ان السعر الي هم عارضينه اغلى من فودا

احس ان الموضوع موب بلاك بيري لان بالفعل الاسعار هي هي ماتغير شي

[( أكاديمية )]

أنا مشتركة ( فاتورة ) بنشوف التغيير هالشهر ..
لكن ياكيوتل .. لماذا كل هذا التحايل على جيوب العملاء ؟

[بنت الدوحه]

والله ضعنا ماندري شنسوي
انا حولت على فودافون ومن شوي اكلمهم عشان التفعيل واحد يقول لي بفعلها خلال خمس دقايق والثاني يقول لي رصيدك 54 ولازم يكون 57 عشان تتفعل عندك الخدمه !!
طيب الاشتراك الشهري اللي اعرفه لازم يكون برصيدك 49
شسالفه ياجماعه ؟!!

[chillis]

بالخير ارسال فودافون تعبان وراحوترجعون لكيوتل لان الشبكه اقوى وايد

[بنت الأجوادQ]

انا حولت فودافون ورجعت كيوتل .. لا خدمة ولا ارسال تووووووووبه اغير رجعت كيوتل على الاقل ارسال قوي واذا راجعتهم موظفين قطريين محترمين يساعدوني مش اجانب ما يعطونك وجه

[بوخالد911]

يا ريت حد من كيوتل يوضح هالنقطة الحساسة

وشكرا

[STAR]

يعني شنو من الشهر الياي بيبتدون يحسبون علينا ؟!!!


يعني البرودكاستات والمحادثات وتغيير الصور. راح تنحسب علينا ؟!!

[STAR]

وين العضو احب قطر...هو الوحيد الي كان يوضح لنا كل شيء...

[بوخالد911]

يعني شنو من الشهر الياي بيبتدون يحسبون علينا ؟!!!


يعني البرودكاستات والمحادثات وتغيير الصور. راح تنحسب علينا ؟!!

اي نعم
ارسال البرودكستات
وحتى تغيير الصور

بيتم احتسابه من الرصيد المتاح لك
:anger1::anger1::anger1:

[STAR]

@@..!!من صجك. مسيو بوخالد..!!

[mE mYself & i]

كلام صحيح 100%

ناهبينكم ناهببينكم

[بوخالد911]

@@..!!من صجك. مسيو بوخالد..!!


نعم
yes

oui

والله يعييينكم
:eek5::rolleyes2::eek5:

[STAR]

بل يعني رجعنا لنقطة البداية ..!!!

ماسوينا شيء ..ان مادفعنا هالشهر راح ندفع الشهر الياي..!!!!

[..er..]

ههههههههههههههههه

الطامه الكبرى عقب ماقريت الموضوع

شيكت على الفاتوره وطلعت لي ورده
+
your unbilled charges are QR 498.62
على فكره
ارسال برودكآست + استقبآل برودكآست + تغيير صوره + فتح رآبط + متآبعه فيديو + حفظ فيديو = كل ميقآ بآيت بـ 0.55 درهم قطري طبعآ بنآءآ على كلآم آلموظف يوم اتصلت له
ومن تآريخ 14\5 لين 11\6 مآرآح يتم احتساب اي درهم ولا حتى درهم الدرهم .. بس الخوف بعد 11\6 شرآح يصير !!!
قبل 11\6 رآح آقول برب كيوتل بآك فودآفون
ويمقن اكنسل الخدمه يكون افضل

[بصمة قطرية]

كل شي محسوب ..
برودكاست سواء ارسال او استقبال
روابط صور و فيديو
تغيير الصور ..

من امس حولت لفودافون والحمدلله الأمور تمام ..

[رآعي موآجيب]

يالربع و الله منيب راعي شماته

لكني متفرح عليهم

أستغفر الله وأتوب اليه من التشمات

خلونا نحقد عليهم الله يبتليهم بشركه ثانيه تنافسها مع فودافون :anger1:

[STAR]

كل شي محسوب ..
برودكاست سواء ارسال او استقبال
روابط صور و فيديو
تغيير الصور ..

من امس حولت لفودافون والحمدلله الأمور تمام ..

بدت كيوتل تخسر عملائها...

[saad1125]

هذي اسعار كيوتل وفودفون من موقع كلاهما على الانترنت للفائدة :

كيوتل :

قمنا بتخفيض أسعارنا بشكل دائم لتكون على تواصل مع هلا بلاك بيري. ستحصل الآن على 250 ميغابايت مقابل 15 ر. ق. أسبوعياً.

فودفون :
أفضل الأسعار للتعرفة الدائمة بـ 49 ر.ق شهرياً أو 12 ر.ق أسبوعياً
سعة بيانات هائلة تبلغ 1 جيجابايت شهرياً أو 250 ميجابايت أسبوعياً للاستخدام المحلي للـ BlackBerry

بعد انتهاء الباقة يتم الاحتساب بطرق التالية :

كيوتل : سيتم احتساب .55 درهم حسب التصريح في الصحف

فودفون :
سيتم حساب أي استخدام إضافي وفقاً للتعرفة الاعتيادية. ستستلم رسالة نصية قصيرة لتذكيرك بأنه سيتم احتساب الاستخدام الإضافي للبيانات
السعر : غير معلن في موقع الشركة على الانترنت بشكل واضح ولكن سعر الانترنت بتعرفة العادية هو 55 درهم

"إذا كنت تستخدم الإنترنت على الجوال من حينٍ لآخر ولا تريد شراء باقة إنترنت جوال، فلا يزال بإمكانك تصفح الإنترنت بسعر مخفض يبلغ 55 درهم لكل ميجابايت. بدون رسومإإعداد وبدون مدة محددة للعقد. أنت تحصل دوماً على عروض ذات قيمة ممتازة من فودافون."

الخلاصة كلهما متشابهان الى حد ما ولكن الفارق في الخدمة فقط.

[ريتويت]

لاحول ولاقوه الا بالله

[بوخالد911]

ههههههههههههههههه

الطامه الكبرى عقب ماقريت الموضوع

شيكت على الفاتوره وطلعت لي ورده
+
your unbilled charges are QR 498.62
على فكره
ارسال برودكآست + استقبآل برودكآست + تغيير صوره + فتح رآبط + متآبعه فيديو + حفظ فيديو = كل ميقآ بآيت بـ 0.55 درهم قطري طبعآ بنآءآ على كلآم آلموظف يوم اتصلت له
ومن تآريخ 14\5 لين 11\6 مآرآح يتم احتساب اي درهم ولا حتى درهم الدرهم .. بس الخوف بعد 11\6 شرآح يصير !!!
قبل 11\6 رآح آقول برب كيوتل بآك فودآفون
ويمقن اكنسل الخدمه يكون افضل


كل شي محسوب ..
برودكاست سواء ارسال او استقبال روابط صور و فيديو
تغيير الصور ..

من امس حولت لفودافون والحمدلله الأمور تمام ..


اللي بالأحمر غير صحيح

الاستقبال مجاناً

وشكرا

:secret::secret::secret:

[AL-MAYSTRO]

فودافون مبروكه عليك بها

[حيهور]

فهمت المشكلة من وين!!!


المشكلة انتم موب فاهمين شنو يعني باقة انترنت 250 ميجا وسعر خدمة البلاك بيري 15 اسبوعيا

البلاك بيري عبارة عن خدمة مسنجر مشفرة مقدمة من شركة ريم لتفعيل الخدمة راح يحسب عليك 15 ريال فقط تفعيل الخدمة لمدة اسبوع في كيوتل وفودافون 12 ريال

يضاف معها باقة انترنت 250 ميجا لمدة اسبوع من كيوتل وفودافون

والبلاك بيري يحتاج إلى إنترنت مجرد مايشتغل راح يستخدم باقة الانترنت المتوفرة مع خدمة البلاك بيري

واذا استخدمة الباقة وخلصتها راح يتم الخصم من رصيدك لكل 1 ميجا بسعر .55 درهم من قبل كيوتل وفودافون

والباقة الي وفرتها كيوتل مجانية 250 ميجا وسعرها الاصلي 137.5

المهم اول ماكان في ليمت اذا خلصنا 250 ميجا نستهلك اكثر وكيوتل ماتحسب

الحين كيوتل تقولكم راح تحسب اذا استنفذت الـ 250 ميجا ونفس شي فودافون راح تحسب

السؤال الي يطرح نفسه لما اشبك بلاك بيري على الوايرلس! ليش ماستخدم النت الي بالوايرلس واوفر باقة النت

في السعودية اعتقد عندهم كذا ليش عندنا لا

للتوضيح نقدر نشبك على الوايرلس لكن خدمة البلاك بيري ماتشتغل الا اذا فصلة شبكة كيوتل.

[بو الجوري]

أبشرك أنا من تاريخ 25 إبريل لليوم
الunbilled .. تقريبا 391 ريال و أنا مافتح وايد روابط :(

راحت علينا خلااااااص

قصوا علينا أنا عن نفسي إذا عقب 12 يوليو حسابي زاد نفس الحسن
خلاص بكنسل البيبي أو بحوّل فودافون

[بو الجوري]

يعني تقريبا بعد ماكنت أدفع شهرياً 360 ريال ( 300 الباقه و 60 خدمة البلاكبيري )
ومرتاح وأفتح روابط ويوتيوب وكل شي براحتي

بصير أدفع 700 ريال تقريبا :(

ظلم الصراحـه ، مادري أكنسل الخدمه واللي يبيني يطرشلي رساله نصيه هههههه !!

[بصمة قطرية]

اللي بالأحمر غير صحيح

الاستقبال مجاناً

وشكرا

:secret::secret::secret:

لا صحيح اخوي ..
اي برودكاست يوصلك محسوب عليك ..
اتصل وتأكد بنفسك ..
قبل لا اقطع الخدمة استفسرت وأكد لي الموظف ان اي برودكاست سواء
ارسلته او استقبلته محسوب عليك ..
قلت له يعني كأني مسافرة كل ي محسوب علي ..!!

[بـن عدوان]

أبشركم المبلغ زاد

توني مجيك

your unbilled charges are QR 21.54
للعلم عليي فاتورة من الشهر اللي راح حق الانترنت بس 429 ريال ولين الحين ما خصموا شي !!

[بـن عدوان]

أبشرك أنا من تاريخ 25 إبريل لليوم
الunbilled .. تقريبا 391 ريال و أنا مافتح وايد روابط :(

راحت علينا خلااااااص

قصوا علينا أنا عن نفسي إذا عقب 12 يوليو حسابي زاد نفس الحسن
خلاص بكنسل البيبي أو بحوّل فودافون


انا من تاريخ 19 ابريل ولين بداية شهر 5

your unbilled charges are QR كان كل يوم يزيد

لين ماصار 429

والموظف في كيوتل حزتها كان يقول لا هاي زيادة على الباقة اللي هي 300 يعني استخدامك 129 ريال

واخرتها نزلت فاتورة 300+429

[بـن عدوان]

Your unbilled charges are QR 85.17

هذي اخر حسبة اللي هي من دقيقة

والعداد شغال ما شاءالله ..

[mariamaziz]

وايد ناس ما زالوا يتشكون ...

الظاهر حاولوا يسكتون الناس بس لحد ألحين أسمع من ناس و من ضمنهم اختي انهم تجيهم فواتير و تنقطع تلفوناتهم ..

أتمنى تكون كيوتل صريحة مع الناس .. ترى عفنااكم و ربي .. و الللي يقول لي روحي اخذي كرت فودافون أنا أقوله مابي شركة تشتغل تحت جناح كيوتل ..

أتمنى توقف مهزلة كيوتل ... كفايه عااد

[حراير قطر]

توكلوا على الله وحولوا على فودافون :nice:

http://i1083.photobucket.com/albums/j381/fuinkaqtr/CaptureNux2012-05-261815710.jpg

هالصورة قبل حطيتها بموضوعي

http://i1083.photobucket.com/albums/j381/fuinkaqtr/CaptureNux2012-05-210810611.jpg

وهذا رابط الموضوع

http://www.qatarshares.com/vb/showthread.php?t=510767

[CH Engineer]

مثل ماكتبت بموضوع اخونا تمون
كيوتل بعد ماخصمت ال1 غيغا والميجا المجاني مع الشهري قامت تحسب فلوس على المشتكرين
وبعد المشكله رجعت الفلوس ومارجعت البيانات المجانيه
يعني مصفره رصيدك من الانترنت وتحسب عليك
كان باقي عندي حول ال20 ميجا وخلص رصيدي بعد قرار التعديل وانا مافتحت اليوتيوب
اتوقع ماقاموا يحسبون على البلاك بيري مسنجر والتصفح بهالفتره ويحسبون على الوتس اب وتنزيل الفيديو..

[CH Engineer]

وايد ناس ما زالوا يتشكون ...

الظاهر حاولوا يسكتون الناس بس لحد ألحين أسمع من ناس و من ضمنهم اختي انهم تجيهم فواتير و تنقطع تلفوناتهم ..

أتمنى تكون كيوتل صريحة مع الناس .. ترى عفنااكم و ربي .. و الللي يقول لي روحي اخذي كرت فودافون أنا أقوله مابي شركة تشتغل تحت جناح كيوتل ..

أتمنى توقف مهزلة كيوتل ... كفايه عااد

اختي فيه العافيه على مشتركين كيوتل وعلى مجلس الاداره بالعكس خلهم يربحون من انضمامنا لفودافون
كيوتل عندها نسبه في فودافون صح كلامج
بس ادارة فودافون وادارة كيوتل تفرق والبيانات المالية للارباح السنويه تفرق يعني الخروج من كيوتل يؤدي لتقليل عدم العملاء وانخفاض الربحية
بالتالي ادارة كيوتل راح تراجع نفسها وتحترم زبائنها لانهم محاسبين على البيانات المالية السنويه

[بـن عدوان]

الحسبة وصلت 200 وشي

وصباح الخيير

[MAZEN37]

خل كيوتل تشبع بالبلاك بري
راح اطلع اي فون ابرك وافيد واشبك على الواير لس
صراحه البلاك بري ما دش راسي
تمت الغاء خدمة البلاك بري

[بـن عدوان]

على اساس قالوا لي بنشيل هالحسبة لما تنزل الفاتورة

بنجوف شسالفة

[مساهم غشيم]

أتمنى من الجميع مقاطعه كيوتل لانها لم تحترم عملائها قامت بالسرقه امام اعين الجميع وانصحكم جربو فودافون والله ماتخسروون علشان مايجي حد يقول اني شغال في فودافون واسوي لهم دعايه لا والله الا عسكري وبقول بسنا خرابيط يا كيوتل