من بعد سعر الكرك والجباتي في كتارا سعر الشاورما .....!

[حمد بن سعد]

السلام عليكم ورحمة الله وبركاته

الكل ايعرف انه في كتارا سعر الكرك الصغير 3 اريال والكبير 5 اريال والجباتي الحبه بريالين


مريت امس مع لعيال وشفنا مطعم الشاورما وقلنا ناخذ عشى من عنده طلبت 3 لحم و3دجاج

طلع لحساب 90 اريال ييعني الواحد 15 اريال وياليت يستاهل الله يعز النعمه .


القصد في الموضوع انه السعر مبالغ فيه هل يستاهل سعره 15 اريال آن عن نفسي اشوفه وايد

وترك لكم التعليق

[دااانة قطر]

جاات عالكرك والجبااتي والشااورما
امس طلبت من الطاازج وجبة (رز مع قطعتين دجااج ) العااده تكون صدر وفخذ بس امس انصدمت صدر مقسوم نصين
كاان ودي اتصل عليهم واشرشحهم بس تعيزت لأني في البيت
بتعمد اليوم اطلب وبفتح العلبه عندهم وان كاانت نفس امس بردها عليهم


حسبي الله عليهم كل ابوهم

[Bonne Nuite]

والله كل شي صار مبالغ في اسعاره الله المستعان

[راشد محمد]

حسبي الله عليهم

[تاجر]

اسمح لي اخوي "حمد بن سعيد"
ولكن هل الخطأ في حماية المستهلك فقط !!؟!؟
هل سألت عن سعر الشاورما قبل لا تاخذه ؟!؟
كان بإمكانك انك تتركه بكل سهوله وتروح محل ثاني ..

اللوم يقع علينا اوقات..

[Rashid554]

للاسف مع احترامي لك انت لاتملك ثقافه المستهلك والاستهلاك
من الطبيعي تسال عن سعر الشورما قبل شرائها
الخجل من هالسؤال هو سبب ارتفاع الاسعار
لكن لو سالت وماعجبك السعر احسن من التحلطم من ورى الشاشات ..

[hot2000]

هذا إحنا ما نسال عن السعر. واذا جاب الفاتورة ما نشوف قائمه الأسعار ولا الطلبات ندفع وبس. شوفوا شجون الأجانب. يراجعون الطلب والسعر ويحاسبونهم

الله المستعان

[cappuccino]

اول شي بدل ما نسال عن سعر الشوارما او غيره تسعيرته المفروض كالأتي
ايجار المحل ومصاريفه وسكن العمال وغيره وهذا المحل بس يبيع شوارما على ما اعتقد وانا وياك شوارمته مو حلوه
السؤال اهني هل ارتفاع سعره ل 15 هو لتغطيه راس المال هذا اذا المحل يندفع عليه ايجار
ولو تلاحض كل المطاعم في كتارا اصلا اسعارها غاليه
ما ادري هل هي مملوكه لكتاره او افراد مؤجرين من عندهم
الزبده من الكلام الارتفاع كله الي حاصل بقطر بسبب ارتفاع الأيجارات والسكن فابالتالي اصحاب المحلات ترفع الأسعار لتغطيه مصاريفها

[حمد بن سعد]

جاات عالكرك والجبااتي والشااورما
امس طلبت من الطاازج وجبة (رز مع قطعتين دجااج ) العااده تكون صدر وفخذ بس امس انصدمت صدر مقسوم نصين
كاان ودي اتصل عليهم واشرشحهم بس تعيزت لأني في البيت
بتعمد اليوم اطلب وبفتح العلبه عندهم وان كاانت نفس امس بردها عليهم


حسبي الله عليهم كل ابوهم

الله يكون في العون

[حمد بن سعد]

والله كل شي صار مبالغ في اسعاره الله المستعان

اي والله الله المستعان

[حمد بن سعد]

اسمح لي اخوي "حمد بن سعيد"
ولكن هل الخطأ في حماية المستهلك فقط !!؟!؟
هل سألت عن سعر الشاورما قبل لا تاخذه ؟!؟
كان بإمكانك انك تتركه بكل سهوله وتروح محل ثاني ..

اللوم يقع علينا اوقات..

صح كلامك اخوي وكنت متوقع انه يكون سعره 5 اريال لاكن اول مره واخر مره

[حمد بن سعد]

للاسف مع احترامي لك انت لاتملك ثقافه المستهلك والاستهلاك
من الطبيعي تسال عن سعر الشورما قبل شرائها
الخجل من هالسؤال هو سبب ارتفاع الاسعار
لكن لو سالت وماعجبك السعر احسن من التحلطم من ورى الشاشات ..



صح ان ما املك ثقافة المستهلك وش فايدة الثقافه دام الي يبوق فلوسك منك وفيك.


وان ماتحلطم في الشات موضوع وصار ولازم الكل ينتبه له لو سكت بكره انت بتمر وبتاخذ وراح ايصيدك مثل الي صادني لو ان ما تطرقة للموضوع


شكرا على مرورك

[حمد بن سعد]

هذا إحنا ما نسال عن السعر. واذا جاب الفاتورة ما نشوف قائمه الأسعار ولا الطلبات ندفع وبس. شوفوا شجون الأجانب. يراجعون الطلب والسعر ويحاسبونهم

الله المستعان

اوعدك مره ثانيه راح اسال عن كل شي

تسلم على مرورك وتعليقك

[حمد بن سعد]

اول شي بدل ما نسال عن سعر الشوارما او غيره تسعيرته المفروض كالأتي
ايجار المحل ومصاريفه وسكن العمال وغيره وهذا المحل بس يبيع شوارما على ما اعتقد وانا وياك شوارمته مو حلوه
السؤال اهني هل ارتفاع سعره ل 15 هو لتغطيه راس المال هذا اذا المحل يندفع عليه ايجار
ولو تلاحض كل المطاعم في كتارا اصلا اسعارها غاليه
ما ادري هل هي مملوكه لكتاره او افراد مؤجرين من عندهم
الزبده من الكلام الارتفاع كله الي حاصل بقطر بسبب ارتفاع الأيجارات والسكن فابالتالي اصحاب المحلات ترفع الأسعار لتغطيه مصاريفها



واضح من كلامك انك مجرب المطعم لو انك مطرق للموضوع كان الحين ان موفر حول ستين اريال الله يسامحك ههههههههههههههههههههههههههههههههه


الله المستعان والله ورمضان جاي والله يكون في العون على الاسعار

تسلم على المرور اخوي

[bu-3bdulla]

الموضوع تطرق له واحد من الاخوان بس شكلك جزاك الله خير ما اتابع المنتدى
وهاي رابط الموضوع
http://www.qatarshares.com/vb/showthread.php?t=505344

الله يعيينا على جشع التجار

[هام السحاب]

حد يشتري شورمه من الحي الثقافي !!!
شفيه هلا اسطنبول !!

[الواعد]

انا اللي مستغرب منه الشباتي في كاتارا سعره مبالغ فيه مع انهم مايضبطونه

نفس السفير والزرقاء والمطاعم الهندية .

[qtr2010]

جاات عالكرك والجبااتي والشااورما
امس طلبت من الطاازج وجبة (رز مع قطعتين دجااج ) العااده تكون صدر وفخذ بس امس انصدمت صدر مقسوم نصين
كاان ودي اتصل عليهم واشرشحهم بس تعيزت لأني في البيت
بتعمد اليوم اطلب وبفتح العلبه عندهم وان كاانت نفس امس بردها عليهم


حسبي الله عليهم كل ابوهم

:thumbup:
بخصوص ان الرجال يشتكي من الشاورما وانتي زعلانه ان مغيرين لج قطع الدجاج ،،

لا والي ضحني انج بتغصبين نفسج ثاني يوم على الطازج بس عشان تتأكدين :app2:
انزين انطري يوم عالاقل ،،

شكلج ماكله عليهم حصى crazy

تحياتي :victory:

[بوحارب]

بل 15 ريال مرة وحده

بس غلطتك مانشدت عن السعر قبل ما تشتري !!

[فـيـراري قطر]

يالربع صراحه كلامك غريب؟!!!

الحين انتو تلومون المحل الي يبيع الكرك ب3 ريال ؟ انزين اتعرفون كم اجاره فالشهر؟ شلون بيطلع اجاره؟

لو تنزل الاجارات بينزل السعر تلقائي ياخي خذو الموضوع منكم وعليكم يعني لاتاخذونه من ناحية كم ندفع فكرو قبل الحكم على المحل

جايين على كرك بو 3 ريال لكن تذكرة سفر القطريه الي كل سنه ترتفع وعبدالغني الي كل ربع ساعه يرفع سعره محد يشتكي عليه خلها على الله بس

[بوطويشم]

السلام عليكم

المكان سياحي لازم سعره يكون غالي

البديل موجود

[airbus]

انت ماشوفت سعر شاورمة البلد بي ٧٠ ريال

[كازانوفا]

للاسف من فتره الكل اشتكى من ارتفاع سعر نجمة الهند والكل صار يطالب بمقاطعته من يومين مريت من صوبهم اشوف الزوحممممممه لا ترحم عندهم
البلا مناا وفيناااا

[catqat]

صح

تكت اور ليفت

[asmr]

اخوي اللوم اولاً على حماية المستهلك
ثانياً علينا احنا المستهلكين
الله يكون فالعون

[qatarlands]

مع احترامي للكل المشكله مش في المطاعم والمحلات

المشكله فينا حنا القطرييييين ندفع ولا نقاطع واحسن مافينا لسان فقط

[طارق]

مع احترامي للكل المشكله مش في المطاعم والمحلات

المشكله فينا حنا القطرييييين ندفع ولا نقاطع واحسن مافينا لسان فقط



حنا مافينا الى الكلام والزبو, الشاورما الطيبه مايجي سعرها 5-7 ريال في المطاعم الي تترزق من الشاورما.

وأهل قطر نص وناسته سياحه مطاعم ومقاهي , ويدفع بدون مايشوف السعر يابلفيت من الطبقه الذهبيه.

بعض أسعار مطاعمنا بأسعار باريس وجنيفا مع الأختلاف في الطعم والنظافه .

أرجو من الشعب تغيير عاداته الأستهلاكيه البايخه الي جعلت الكل يضحك علينا في المعرض الأخير .
شعب يقول غالي ويشتري ( عفيه غباء )
البعض وليس الكل