رايكم لو تكرمتوا

[نوت]

اللحين حجزت بورسلان بكمية 13 متر مين الي يوصل للبيت انا ولا المحل بصراحه كل المحلات الي أخذت من عندهم كوانتور ونابينا والعبيدلي وصلوا لي لين البيت وقعنا ااستلام الا الدهليز رفض يوصل بحجة ان المحلات الثانيه تاخذ نسبه على كل متر للتوصيل , قالي لاااازم تروحون الستور في الشمال تاخذون بسيارتكم او نجيب لك سياره تدفعين 280 الى 500 اجرة السياره حسب مايطلب ,والمضحك ان اجر ة السياره تقارب اوتفوق قيمة الطلب ,عرضت عليهم يجيبونها للمحل وناخذها من المحل رفضوا والحل ىاللحين ؟

[وطن]

اختي قولي لهم مابي وكنسلي الطلب
وروحي اخذي من محل ثاني

اذا ما عندج حد يروح يستلمهم لج

موضوع النسبة على التوصيل من المحلات الثانية ماعندي فكرة عنه

[شموخ دائم]

,

,


مرحبا

الموضوع ومافيه انها كميه ( صغيره ) وعشان كذا ما يبون يوصلون
الا الكميات الكبيره تجيب ربح لهم

13 متر كلها كرتونتين صغار بيطلع سياره كبيره بيك اب وسائق وبترول بتطلع الصبح وبترجع الظهر مع الزحمه
بالنسبه للمحل مو جايبه همها وبيعه خسرانه
:)



اذا البضاعه مهمه لك وتناسب ذوقك ارسلوا السائق احسن

ولو اخترتوا نفس الكميه من ( نابينا ) كان جابوا لكم مع بعض مع طلباتكم السابقه
وهذا ميزه الشراء من نفس المحل

دمت بطيب


,

,

اخوك


شموخ دائم

[معماري قطري]

المفروض شركة كهذي تكسب العميل

صحيح 13 متر كمية قليلة بس أدبياً البايع يوضح لي الوضع مسبقاً .. أو حتى يقول الكمية ممكن تتأخر شوي لأن بنوصلها مع طلبية ثانية

صراحة فيه شركات تجتهد لإرضاء العميل وأقل شيء يقولون له مر علينا المحل بعد وقت كذا وبنجيب لك وبطريقة طيبة .. أذكر مره طلبت نوعية مونة بلاط خاصة .. قراوت إيبوكسي .. المهم البايع قال روح الصناعية خذ طلبك أو إنتظر بكره ومرنا إخذه .. قلت مغامرة الصناعية في هالحر مقدور عليها، ورحت الا مخازنهم شيء خيالي كم مخزن وكل مخزن كبير ومظلم لا تكييف ولا إنارة، والله بدون مبالغة ويطلع معاي عامل وزين عرف في أي مخزن بسهولة، ويركب فوق وكان فيه غبار وظلام لكن معاه مصباح كهربي، صراحة من اللي شفته طلعت من طوري وزين قدر يحصل القراوت بعد بحث يمكن نص ساعة، وفي هالوقت شفت العجب من الحر والحشرات والقوارض أعزكم الله، وطلعت وانا أسب بأعلى صوتي في إدارتهم وفي جنسية إدارتهم وحظي ولد صاحب الشركة طالع من مكتب المخزن وسمعني ووالله من الإحراج ما رد علي بكلمه لأن يدري معاي حق وكنت خلاص منتهي ومستعد للنزال.

على النقيض مثلاً شركة تدمر مره إحتديت أمر مخازنهم، والله صراحة فخر الشركات القطرية عندهم نظام تخزين عجيب وبالكمبيوتر والفوركلفت وإنارة عجيبة وأرفف ارتفاعها قريب 8 أمتار على ما اعتقد، وفي 10 دقايق وصل للقطعه وجابها لي وكانت فوق، فسئلت شلون عرفت مكانها قال لكل قطعة وصف ورقم ونظامنا مطور بمبلغ مليون ريال، حتى جرد يسون في ثواني.

هذا واقع شفته وما قصدت التجريح في شركة أو المدح في أُخرى بس موقف مر علي وحبيت أذكره.

[مضارب دوسري]

صدقيني اختي ماتلقين محل ينقل هالكميه فالدوحه
خصوصا إذا كان مكان بيتج بعيد عن الدوحه
واحيانا حتى لو بيتج فالدوحه ماينقلون هالكميه

بس اللي مب معقول انهم يقولون لج حتى مايقدرون يجيبونها لج فالمحل وتطرشين حد يستلمهم
هاي ماسبق وصادفت مثل هالرد
الله يكون في عونج

[نوت]

صدقيني اختي ماتلقين محل ينقل هالكميه فالدوحه
خصوصا إذا كان مكان بيتج بعيد عن الدوحه
واحيانا حتى لو بيتج فالدوحه ماينقلون هالكميه

بس اللي مب معقول انهم يقولون لج حتى مايقدرون يجيبونها لج فالمحل وتطرشين حد يستلمهم
هاي ماسبق وصادفت مثل هالرد
الله يكون في عونج

البيت في الدوحه وقريب ومشكلة مخازنهم في الشمااااال وين روح الشمال؟حتى السايق مايدل سألتهم اذا المخازن بالصناعيه بنروح مقدور عليها قالي لا في الشمال

[نوت]

:thumbup::thumbup:

المفروض شركة كهذي تكسب العميل

صحيح 13 متر كمية قليلة بس أدبياً البايع يوضح لي الوضع مسبقاً .. أو حتى يقول الكمية ممكن تتأخر شوي لأن بنوصلها مع طلبية ثانية

صراحة فيه شركات تجتهد لإرضاء العميل وأقل شيء يقولون له مر علينا المحل بعد وقت كذا وبنجيب لك وبطريقة طيبة .. أذكر مره طلبت نوعية مونة بلاط خاصة .. قراوت إيبوكسي .. المهم البايع قال روح الصناعية خذ طلبك أو إنتظر بكره ومرنا إخذه .. قلت مغامرة الصناعية في هالحر مقدور عليها، ورحت الا مخازنهم شيء خيالي كم مخزن وكل مخزن كبير ومظلم لا تكييف ولا إنارة، والله بدون مبالغة ويطلع معاي عامل وزين عرف في أي مخزن بسهولة، ويركب فوق وكان فيه غبار وظلام لكن معاه مصباح كهربي، صراحة من اللي شفته طلعت من طوري وزين قدر يحصل القراوت بعد بحث يمكن نص ساعة، وفي هالوقت شفت العجب من الحر والحشرات والقوارض أعزكم الله، وطلعت وانا أسب بأعلى صوتي في إدارتهم وفي جنسية إدارتهم وحظي ولد صاحب الشركة طالع من مكتب المخزن وسمعني ووالله من الإحراج ما رد علي بكلمه لأن يدري معاي حق وكنت خلاص منتهي ومستعد للنزال.

على النقيض مثلاً شركة تدمر مره إحتديت أمر مخازنهم، والله صراحة فخر الشركات القطرية عندهم نظام تخزين عجيب وبالكمبيوتر والفوركلفت وإنارة عجيبة وأرفف ارتفاعها قريب 8 أمتار على ما اعتقد، وفي 10 دقايق وصل للقطعه وجابها لي وكانت فوق، فسئلت شلون عرفت مكانها قال لكل قطعة وصف ورقم ونظامنا مطور بمبلغ مليون ريال، حتى جرد يسون في ثواني.

هذا واقع شفته وما قصدت التجريح في شركة أو المدح في أُخرى بس موقف مر علي وحبيت أذكره.

[ولد المنصور]

اعتقد مخزنهم في ام العمد سبق وطرشت السائق وجابلي الامتار الناقصه ,, عادي

[dream~qa]

الصراحة الشركات في قطر تضحك وتفشل وما يهما كسب الزبون على حساب راحتهم

أول ما تقولهم عن مكان خارج الدوحة تطير عيونهم ويقولون بعيد ويرفعون السعر اللي يسمعهم يقول بيقطعون 1000 كيلو .. ما جنه المسافة ما تزيد عن 70 كيلو كحد أقصى .

ما يشوفون في السعودية شلون يوصلون طلبات بسيطة ما تزيد قيمتها عن 500 ريال بمسافات توصل 200 كيلو وعادي عندهم أهم شي عندهم إرضاء زباينهم .

[معماري قطري]

الصراحة الشركات في قطر تضحك وتفشل وما يهما كسب الزبون على حساب راحتهم

أول ما تقولهم عن مكان خارج الدوحة تطير عيونهم ويقولون بعيد ويرفعون السعر اللي يسمعهم يقول بيقطعون 1000 كيلو .. ما جنه المسافة ما تزيد عن 70 كيلو كحد أقصى .

ما يشوفون في السعودية شلون يوصلون طلبات بسيطة ما تزيد قيمتها عن 500 ريال بمسافات توصل 200 كيلو وعادي عندهم أهم شي عندهم إرضاء زباينهم .

قلت كلمة حق بيض الله ويهك

عجبوني تدمر وايد حتى في الخور سووا لهم فرع، وما يعجبوني شركات كثيرة وبعضهم تحصله يحاول يخليك تشتري منتج عنده بالغصب ولو قلت ما ابي علمني اذا فيه محل يبيع الماركة اللي ابيها أو شيء معين وهو يدري وين يقول لك ما اعرف... وغيرهم يحاول يوزعك على محل صديق له ويسوي له دعايه وهو يعرف انك مب محصل اللي تبيه عندهم.

في دبي مثلاً يتصل ويحاول ويقول لك تبي يجيبون الغرض بيجيبونه عندي بعد مثلاً ساعه أو ساعتين .. أو يقول لك روح المكان الفلاني وهو متأكد بالفعل انه موجود هناك، وهذا ما ينطبق على كل اللي عندنا فيه وايد يخدمون بطيب نفس وبغض النظر عن الجنسية.

[السد]

المفروض شركة كهذي تكسب العميل

صحيح 13 متر كمية قليلة بس أدبياً البايع يوضح لي الوضع مسبقاً ..

هو فيه ادبيا في عالم البناء
نصابين
الا ما ندر فئة قليلة تحترمك
كأنك تشحت من عندهم او زكاة قاعدين يبيعون لك !!
على اصابع اليد الواحدة !!

[معماري قطري]

هو فيه ادبيا في عالم البناء
نصابين
الا ما ندر فئة قليلة تحترمك
كأنك تشحت من عندهم او زكاة قاعدين يبيعون لك !!
على اصابع اليد الواحدة !!


والله فضيحة

وين حماية المستهلك عن أمثال ذيلا؟ هههههههههه أوقات يحدون الواحد ينسى نفسه ويدخل معاهم في مشاكل ويمكن ينسجن بسبب إستفزازهم له.

[نوت]

قبل هالمره كان لي معهم تجربه اخرى ,اتفقت معاهم ينفذون لي مطبخ وبعد الروحه والجيه والأتفاق على التصميم والأتفاق على المبلغ الكامل والمقدم ,اتصلت فيهم علشان اعطيهم الدفعه الأولى ,فاخبروني ان السعر تغير وزاد بنسبة 15 % وكان هذا الكلام بعد الزيادات في الرواتب مباشرة قلتلهم انا متفقه معاهم على السعر من قبل ومالهم حق يزيدون علىي بسبب زيادة الر واتب ,وهذا استغلال وقالوا لي هذا الي عندنا والشحن يكلف اذا تبغون ولا براحتكم وطبعا الغيته بسبب سوء تصرفهم,,ولكم الحكم

[مرحوم قطر]

ترى اغلبية الشركات في قطر كذا

و فعلاً لو فكرت فيها هو اذا طلع سياره حق كميه من13 متر خسران لان بيخسر

بترول و وقت و بيطلع سايق و سياره


و كميه من 13 متر كم كرتون بتطلع يالله 3 كراتين تركب في الكروزر

انا رايي اتطرشين السايق ولا حد من اخوانج اييبهم احسن


لان تقريباً كل الشركات كذا

[خالد32]

اطلبي منهم تستلمين البضاعة من المحل