اطقم الادوات الصحيه والمكسرات

[مضارب دوسري]

السلام عليكم
انا فالبيت قررت ان حمامات الاطفال اخلي اطقمها ومكسراتها صينيه من نوعيه عاديه
بسبب ان ماعندي الا ولد واحد وعمره 8 شهور
اما حمامات مجلس الضيوف والصاله والماستر روم قررت اني اركب افضل الانواع فيها
بخصوص الاطقم وش الافضل ؟
لقيت ماركه اسبانيه اسمها تقريبا كابيفيلا او شي جذي
بس قلت بشوف نوعيات اكثر وبعدين اقرر

وبخصوص المكسرات قررت اني اخذ ماركة كروهي الالمانيه ؟
هل هي ممتازه ؟

[القلم الصريح]

قروهي الالمانيه عليها ضمان 5 سنوات

[الســـهم]

مرحبا اخوي مضارب دوسري ..

اذا كان بيت العمر , ليش تسترخص فيه هالاشياء الاساسية وتدور الرخص , يعني اطقم جروهي في منها اكثر من صناعه , وكلها معتمدة من الشركة الام فيما عدا الصيني على ما اعتقد , وطقم الحمام (يكرم القارئ) من نوعية يورو سمارت شامل خلاط الشاور والسماعة بعامودها وخلاط المغسلة كلها على بعضها بحدود 800 ريال , وانا جبتها من الامارات بـ 600 ريال , واليورو ستايل بـ 800 ريال , وتقريبا ارخص واحد يبيع جروهي فالدوحة هو محمد واخوانه ومحله في نجمه.

بصراحة ومن رأيي اني اغامر بالاثاث ويكون صيني ولا اغامر بهالاساسيات عشان اوفر مبلغ بسيط لا يذكر وبالنهاية الصيانه راح تكلفني اكثر , هذا رأيي الشخصي وانت مش مجبور تلتزم فيه , ولكن هي مرة وحدة بتدفع مبلغ اكبر وبترتاح فترة اطول اذا الله راد .

[مضارب دوسري]

مرحبا اخوي مضارب دوسري ..

اذا كان بيت العمر , ليش تسترخص فيه هالاشياء الاساسية وتدور الرخص , يعني اطقم جروهي في منها اكثر من صناعه , وكلها معتمدة من الشركة الام فيما عدا الصيني على ما اعتقد , وطقم الحمام (يكرم القارئ) من نوعية يورو سمارت شامل خلاط الشاور والسماعة بعامودها وخلاط المغسلة كلها على بعضها بحدود 800 ريال , وانا جبتها من الامارات بـ 600 ريال , واليورو ستايل بـ 800 ريال , وتقريبا ارخص واحد يبيع جروهي فالدوحة هو محمد واخوانه ومحله في نجمه.

بصراحة ومن رأيي اني اغامر بالاثاث ويكون صيني ولا اغامر بهالاساسيات عشان اوفر مبلغ بسيط لا يذكر وبالنهاية الصيانه راح تكلفني اكثر , هذا رأيي الشخصي وانت مش مجبور تلتزم فيه , ولكن هي مرة وحدة بتدفع مبلغ اكبر وبترتاح فترة اطول اذا الله راد .
يعطيك العافيه بصراحه صدمتني اخوي ههههههه
اليورو سمارت اللي تكلمت عنه وين القاه الشيخ ؟
بصراحه اذا جذي بركب هالنوعيه لحمامات الاطفال لاني اوردي حاط لكل حمام 600 للاطقم ومافرقت إذا بزيد 200 ولا 300
مع الخلاطات لكل حمام من حمامات غرف الاطفال

وبخصوص ماركة قروهي يعطيك العافيه وان شاء الله بمر النجمه للمحل اللي تكلمت عنه

سؤال
اليورو سمارت صناعتها وين ؟

[معماري قطري]

السلام عليكم
انا فالبيت قررت ان حمامات الاطفال اخلي اطقمها ومكسراتها صينيه من نوعيه عاديه
بسبب ان ماعندي الا ولد واحد وعمره 8 شهور
اما حمامات مجلس الضيوف والصاله والماستر روم قررت اني اركب افضل الانواع فيها
بخصوص الاطقم وش الافضل ؟
لقيت ماركه اسبانيه اسمها تقريبا كابيفيلا او شي جذي
بس قلت بشوف نوعيات اكثر وبعدين اقرر

وبخصوص المكسرات قررت اني اخذ ماركة كروهي الالمانيه ؟
هل هي ممتازه ؟



إخوي شوف خلاطات Damixa البلجيكية

كانت عند الطيب وفيه منها مستويات ومجربها فخمة وايد للحمام الرئيسي والمجلس

لكن نصيحة لباقي الحمامات لتاخذ صيني وخذ نوعية جيدة حتى لو تروح دبي أو أي مكان غير، وقبل مر تدمر والمحلات في قطر يمكن تحصل السعر نفسه أو أرخص لتقارن الا شيء بنفسه بالضبط ... أذكر مره حبيت أشتري أطقم نوعية معينة من شركة جاكوزي الأمريكية، وسويت بحث في الإنترنت فوجدت الأسعار في أمريكا ومن موردين يدعون إنهم أرخص موردين غالية وكثير، ورحت دبي حصلت قطعة ب 43000 وفي قطر كنت محصل خصم جيد على نفس القطعة ب 35000 وهناك في دبي ما رضوا ينزلون ريال، فناقشت البايع فرد بأن بضاعة قطر ايطالية المنشأ وبضاعتهم أمريكية، فنقلت هذا الكلام للبائع في قطر فرد بأن بضاعة أمريكا كلها للسوق المحلي ويصدر منها قليل جداً للأسواق المجاورة، وفي إيطاليا هناك مصنعية جيدة وانتاجها لأُوروبا وباقي دول العالم من هذه الماركة وفي ذلك الوقت منذ حوالي 10 سنين.


ما أردت إيصاله أن هذه المواد مهمة ومواد الكهرباء طبعاً ويجب أن تسعى للحصول على الأفضل والأصلي، وتكون خطوة أو خطوات أمام وقت التركيب.

[مضارب دوسري]

يعطيك العافيه يا معماري
بصراحه مثل مارديت علي السهم
ماكنت ادري انه فيه ماركه يورو سمارت على كلامه انها جيده وبسعر 800 او حتى 1000 ريال
رحت طريق سلوى بصراحه النوعيات العاديه لحمام كامل مع خلاطاتها وصيني طبعا اسعارهم من 600 وطالع وتوصل لفوق الالف ريال حتى في انصار سيتي نفس الشي
ف مادام يورو سمارت هو مجربها وجيده وبسعر 800 او حتى لو 1000 ريال مع الخلاطات وكل حاجه بركبها لحمامات غرف الاطفال اجلكم الله

وبخصوص الكهربا أنا الحمدلله ركبت افضل مافي السوق حسب مالقيتهم وركبت المجامع ماركة سيمنز البريطانيه

والبايب فيتر أنا متعاقد مع شركة فناجيل صاحبها العضو محمد والحمدلله رب العالمين اليوم بدأو الشغل والبي بي ار نوعية اكوا ثيرم

[مضارب دوسري]

سؤالين اخوي معماري
الماركه البلجيكيه اللي ذكرتها اسعارها قريب من ماركة قروهي او اعلي بكثير لان لو الفرق كبير بختار قروهي بما انها سعرها عجبني وكلام الاخ السهم ان فالنجمه بسعر اقل من اللي لقيته بعد
؟

وبخصوص اطقم حمامات الضيوف اعزك الله شنو افضل النوعيات اللي تشوفها بحيث يكون سعر ال دبليو سي والمغسله بحدود ال 3000 للحمام الواحد من غير خلاطاتها ؟

[معماري قطري]

إخوي مر على أحمد اليوسف في تدمر اللي قرب جسر مدماك وشوف عنده حمام بخلاطاته وبالشور تري أو البانيو وخلاطاته غروهي والحمام تكرم ألماني ب 2990 وعرض خاص وباقي كم حبة بس.

ولو تبي تشوفه شوف صورة المغسلة في موضوع حوض السباحة المغلق.

ما ودي أسوي دعاية بس الزين دعايته منه وفيه.

[مضارب دوسري]

يعطيك العافيه بمر عليه اليوم ان شاء الله

[بودحوم]

انصحك بمنتجات TOTO اليابانية

أعتقد أنها في نابينا والله اعلم

هذا رابط شركة سعودية
http://www.abahussain.com/mixers/toto/totoa.htm




.

[مضارب دوسري]

رحت تدمر علي نصيحة اخوي معماري
بصراحه شي حلو ولفت انتباهي البلاط اللي عندهم
فالاخير عطاني عرض سعر وقالي انت وين ساكن قلت له فالخور
قالي فالخور وحايني هنا ليش مارحت فرع الخور اللي فتحناه
قلت له مدري ان عندكم فرع هناك توني اعرف منك وصفلي مكانه وقالي روح فرع الخور بيسوون لك خصم زياده عن اللي عطيتك انا لان هناك مسويين خصم اكثر عشان نجذب اهل المنطقه يشترون من ذاك الفرع
وان شا الله هاليومين بروح لهم فرع الخور وبحجز الكميه اللي ابيها مع السخان المركزي من عندههم

بش باقي حمامات اليهال انتظر اخوي السهم يرد علي او احد الاخوه الاعضاء اللي يعرفون وين تنباع يورو سمارت

[مضارب دوسري]

اخوي بو دحوم عندك فكره عن اسعار تويو ؟

وبانتظار اخوي السهم شان يقولي وين يبيعون ماركة يورو سمارت

[معماري قطري]

بالتوفيق لك إخوي

بس لتغتش بالتسميات أوقات تحصل يورو سمارت ولا هي اوروبيه وبعيده عن السمارت لو انا مكانك كملت على البيت كله أقل شيء من نفس نوعية اللي شفتهم، وشبيفيدك بعدين تجي فجأة الا الغرفة غرقانة ماي من تسريب مفاجيء.

[بوخالد911]

ومنكم نستفيد

[الســـهم]

مرحبا اخوي مضارب دوسري , واسف على التأخير ..

اليورو سمارت هو اسم موديل من ماركة جروهي , وهو الاقتصادي واقل منتجات الجروهي سعرا , وبصراحة مجربه من تقريبا خمس سنوات والحمدلله مافيه اي مشاكل , واتذكر اني خذته من محمد واخوانه بسعر 800 الى 1000 ريال للطقم (خلاط شاور + العمود مع السماعة + خلاط المغسلة) , وقبل اسبوعين خذته من الشارقة بـ 600 ريال للطقم و 800 ريال لطقم يورو ستايل , انصحك تمر محل محمد واخوانه وتشوف الاسعار واذا لقيت فرق كبير وحبيت تروح الشارقة راح اعطيك اسم المحل هناك وبالمرة نتصل فيه ونوصيه عليك , وهالمحل مجرب من شباب نعرفهم من 8 سنوات وزيادة , وازيدك بعد حتى المحابس الصغيره مالت الماي للمغسلة والشطاف ماركة جروهي خذتهم من هناك بـ 25 ريال وموجودة فقطر على 35 ريال , وبعد الشطافات خذتها بـ 85 ريال للون الابيض و بـ 110 الرصاصي , واعتقد فالدوحة اسعارهم ماتقل عن 120 للاول و 150 للثاني وماركة جروهي .

[بودحوم]

اخوي بو دحوم عندك فكره عن اسعار تويو ؟

وبانتظار اخوي السهم شان يقولي وين يبيعون ماركة يورو سمارت


لا والله ماعرف الأسعار بالضبط

اللي اعرفه انها غالية وخصوصاً الأكترونيه .
لكن شغل صح وقيمتها فيها

[ASK2]

افضل خلاطات grohe

خلاطات محترمه جداً

[مضارب دوسري]

مرحبا اخوي مضارب دوسري , واسف على التأخير ..

اليورو سمارت هو اسم موديل من ماركة جروهي , وهو الاقتصادي واقل منتجات الجروهي سعرا , وبصراحة مجربه من تقريبا خمس سنوات والحمدلله مافيه اي مشاكل , واتذكر اني خذته من محمد واخوانه بسعر 800 الى 1000 ريال للطقم (خلاط شاور + العمود مع السماعة + خلاط المغسلة) , وقبل اسبوعين خذته من الشارقة بـ 600 ريال للطقم و 800 ريال لطقم يورو ستايل , انصحك تمر محل محمد واخوانه وتشوف الاسعار واذا لقيت فرق كبير وحبيت تروح الشارقة راح اعطيك اسم المحل هناك وبالمرة نتصل فيه ونوصيه عليك , وهالمحل مجرب من شباب نعرفهم من 8 سنوات وزيادة , وازيدك بعد حتى المحابس الصغيره مالت الماي للمغسلة والشطاف ماركة جروهي خذتهم من هناك بـ 25 ريال وموجودة فقطر على 35 ريال , وبعد الشطافات خذتها بـ 85 ريال للون الابيض و بـ 110 الرصاصي , واعتقد فالدوحة اسعارهم ماتقل عن 120 للاول و 150 للثاني وماركة جروهي .

يعطيك العافيه الشيخ ماقصرت بمر عليه اشوفهم

[مضارب دوسري]

لا والله ماعرف الأسعار بالضبط

اللي اعرفه انها غالية وخصوصاً الأكترونيه .
لكن شغل صح وقيمتها فيها

يعطيك العافيه بمر نابينا اشوفهم

[مضارب دوسري]

افضل خلاطات grohe

خلاطات محترمه جداً

يعطيك العافيه الشيخ
ان شاء الله ماراح اشتري الا هالماركه

[ولد المنصور]

اخوي مضارب شوف محل اكوازون اللي هو نكست للمشاريع طريق سلوى يعد مفروشات بوكنان قريب معرض الشارقه عند ة اطقم وخلاطات محترمه وضمان 5 سنوات وعند شطاف الحار والبارد شكله مرتب

[مضارب دوسري]

يعطيك العافيه اخوي
بمر عليهم بكره
بكره ناوي امر على العمودي ونابينا وبمر عالمحل اللي ذكرته وبعدها بقرر من وين اشتري

[(محمد)]

اخوي مضارب اذا حصلت نوعيات ممتازة باسعار طيبة حتى السيراميك والرخام خبرنا عندنا مشروع كبير ونبي نسوي عرض اسعار ... جزاك الله خير

[مضارب دوسري]

هلا اخوي محمد ولا يهمك
انت تبي سيراميك حمامات اجلك الله ولا ولا سيراميك ارضيات

[(محمد)]

هلا اخوي محمد ولا يهمك
انت تبي سيراميك حمامات اجلك الله ولا ولا سيراميك ارضيات

كل الانواع الله يجزاك خير .

[مضارب دوسري]

انصحك تمر على محل الضحى اللي في طريق سلوي بعد اضواء الصالحيه
على قد الكميه يسوي لك خصم عالسعر
متر البورسلان الاسباني عنده ب ٨٢ اذا الكميه كبيره
مر عليهم وبتلاقي اللي يرضيك

[(محمد)]

انصحك تمر على محل الضحى اللي في طريق سلوي بعد اضواء الصالحيه
على قد الكميه يسوي لك خصم عالسعر
متر البورسلان الاسباني عنده ب 82 اذا الكميه كبيره
مر عليهم وبتلاقي اللي يرضيك



الله يرضى عليك ماقصرت ... بمر له ان شاء الله.

[dream~qa]

أفضل الخلاطات هي جروهي بس من تجربتنا خذناها من عند شبيب وللأسف أختربت بسرعة وطار لونها .. وبدلناها بجروهي بس جبناه من الحسا والصراحة لا يعلى عليه صار له سنين وهو محافظ على شكلة ومتانته .

بالنسبة للحمامات ككل نصيحة أن محد يسترخص فيها حتى لو كانت للأطفال .. كل ماحطيت نوعيات جيدة كل ما عمرت سنين بس أهم شي لا تختار ديزاينات للأطفال خلها الوان كلاسيكية تعيش لكل الاعمار .

للقطع توي فورد من عند شبيب ممتازة وأنصح فيها .

موفقين .

[الحـ قطر ــب]

ماركة mr عند قرطبة للسيراميك

تعرفون عنها شي ؟

[saryalia4u]

اخوي بيتك لاتسترخص فيه
لان انت الخسران الوحيد


بالعكس حمامات الاطفال وانت بكرامه ماراح تستحمل كثر حمام الماستر او المجلس (لان استخامه قليل)

اعتمد الجيد حتى ماتضطر تكسر وتغير وساعتها بتلقى نفسك دفعت دبل السعر

هم ممكن يسوي لك مشاكل بالبيت كذا بيت وصل الماي للصالات وخرب السجاد والاثاث

اعتمد تاتو صناعه ممتازه وباسعار رووووعه وموجوده في نابينا

وهم جروهي الامارات رووووعه واسعاره وايد زينه عكس ماتوقعت لما سمعت ان اسعاره غاليه
لكن بالعكس فرق عن اسعار الدوحه


وموفق

[almaf1a]

غروهي في منه المغشوش والاصلي
واعتقد ان وكيله المعتمد العمودي

[@north_star@]

غروهي في منه المغشوش والاصلي
واعتقد ان وكيله المعتمد العمودي

اخوي الجروهي كلهم موزعين ومافي وكالة عند حد

[مضارب دوسري]

اخوي الجروهي كلهم موزعين ومافي وكالة عند حد

صحيح كلامك هذا اللي سمعته من كل المحلات القروهي ماله وكيل فالدوحه

[مضارب دوسري]

يعطيكم العافيه
اليوم رحت لنابينا عشان اشوف اطقم الحمامات اجلكم الله
بصراحه ماركة توتو اشكالها روعه ومتنوعه مقارنه مع اللي شفته في تدمر لان لقيت المتوفر في تدمر تشكيلتين اعجبوني فقط
اما توتو لقيت انواع واشكال والظاهر اني بودي الاهل يختارون الاطقم اللي يبونها
الشي الثاني

اللي حاب استفسر منه
سيراميك الحمامات لان لقيت صناعه اماراتيه وعجبتني وايد اشكال السيراميك اللي تشكيلتها مثل ورق الجدران حد منكم جرب السيراميك الاماراتي من نابينا ؟ وشرايكم فيه
واسعاره متراوحه بين ال 60 الى 100 بعد الخصم للمتر المربع

[بودحوم]

يعطيكم العافيه
اليوم رحت لنابينا عشان اشوف اطقم الحمامات اجلكم الله
بصراحه ماركة توتو اشكالها روعه ومتنوعه مقارنه مع اللي شفته في تدمر لان لقيت المتوفر في تدمر تشكيلتين اعجبوني فقط
اما توتو لقيت انواع واشكال والظاهر اني بودي الاهل يختارون الاطقم اللي يبونها
الشي الثاني

اللي حاب استفسر منه
سيراميك الحمامات لان لقيت صناعه اماراتيه وعجبتني وايد اشكال السيراميك اللي تشكيلتها مثل ورق الجدران حد منكم جرب السيراميك الاماراتي من نابينا ؟ وشرايكم فيه
واسعاره متراوحه بين ال 60 الى 100 بعد الخصم للمتر المربع


اخوي مضارب دوسري

شلون أسعار توتو ؟؟
وهل لقيت عندهم المنتجات الأكترونية ؟؟

[مضارب دوسري]

اخوي مضارب دوسري

شلون أسعار توتو ؟؟
وهل لقيت عندهم المنتجات الأكترونية ؟؟

والله ياخوي الاسعار في منها المناسب وفي منها الرخيص وفي منها الغالي بزياده
بس الرخيص مب لانه كواليتي تعبان بس لانه شكله عادي بدون تشكيلات واسعار الدبليو سي مع المغسله مابين ١٢٠٠ الى ١٤٠٠
والمناسب في منه اشكال وحركات حلوه وتكلف الدبليو سي مع المغسله مابين 2300 الى 3500 من غير الخلاطات
والغالي هو موديلات جديده وفي منه نوعيات شفتها اظن الكترونيه بس مالتفتت لها وهي لما تقترب منها اوردي يفتح الغطا وما الى ذلك ولكن عيبها انه لما تغسل اكرمك الله يكون الهوز تبع الماي مشبوك فالدبليو سي يعني ماتقدر تتحكم بنفسك واسعارها الدبليو سي بس يوصل الى 5000 و 8000 بعد الخصم

[@north_star@]

السيراميك الاماراتي اللى عند نابينا ممتاز جدا وموصف بالكثير من المشاريع واسعاره مناسبة مقارنة بالايطالي والاسباني وبالتوفيق ان شاء الله

[المعنى88]

سيراميك راس الخيمة عندهم بالمصنع في موقعهم تشكيلات للحمامات والأرضيات حتى حمامات أطفال http://www.rakceramics.com/
راح تحصل شي معقول بس الشحن والمرور عليهم ما قدرت لان الوكيل نابينا
متوفر بعض الشيء عنده... حتى راس الخيمة لها طيران من الدوحة للوصول براحة وفيها فنادق وعلى البحر