بشائر المقاطعه ارجاع الرصيد

[ولد العديد]

بعد المقاطعه كيوتل تستسلم وتم ارجاع الرصيد 20 ريال كل واحد يشوف رصيده انا بصدفه اشيك حصلتهم رجعوا لي 20 ريال :nice:

كفوو شباب وبنات قطرررررر

[رمح الشمال]

كفووووو والله

[jeep-srt8]

مايجون الا بالعين الحمرا

والا انا اقول استمرو علشان يتأدبووووووووووووووووووووووو

[البدوي]

انا قاطعت والي الابد

[تمون]

وايد عليهم ٢٠ ريال بعد نهب طول هالاسنين قصوا عليكم ب ٢٠ ريال واستانستوا ؟!

[STAR]

سكتوكم بهالعشرين ..!!!


للاسف كيوتل حتى ماعتذرت للعملاء ...

[MAZEN37]

وايد عليهم 20 ريال بعد نهب طول هالاسنين قصوا عليكم ب 20 ريال واستانستوا ؟!
المهم فتحوا جوالك وله لا :)
دافع 700 ريال
زين منهم الي لفتوا وجيههم ناحية عملائهم
راضيين ب20

[QatarSafety]

شباب خلوكم شوي علموهم عطوهم درس
ترى احنا اغلى دولة في اسعار النت والجوال

[ولد العديد]

لا مب راضي بالعشرين بس هالعشرين هم خذوهم مني بدون علمي يوم استخدم البلاك بيري وكان رصيدي صفر

بس فتحت الموضوع ابي اقولكم انه المقاطعه جابت نتيجه مع كيوتل

[تمون]

المهم فتحوا جوالك وله لا :)
دافع 700 ريال
زين منهم الي لفتوا وجيههم ناحية عملائهم
راضيين ب20

ابشرك فتحوا جوالي و اليوم قطعوه مره ثانيه يعني بس 4 ايام من القطعه الاولى للثانيه راجعتهم قالي فاتورتك 1500 وشوي وانا وراهم و الزمن طويل

[STAR]

انزين وليش ردوا الرصيد بسكات ليش ماطرشوا لكم مسج باعادة الرصيد والاعتذار..!!!!!

[بوخالد911]

الحمدلله

[ولد العديد]

مادري عنهم والله لو مطرشين مسج عشان الناس تعرف انه رجع الرصيد وعتذار انه في خطا وجي يقصون علينا شوي كان زين بس فودافون وبس مب راجعين لهم خلهم يحسون شوي بالخساره

[مدحوب_ قطر]

نطالب الدولة بترخيص الشركة الثالثة والرابعة نبي زين واتصلات على شان تكون المنافسة ممتازة

[بوخالد911]

نطالب الدولة بترخيص الشركة الثالثة والرابعة نبي زين واتصلات على شان تكون المنافسة ممتازة

هناك اقاويل لترخيص مشغل ثالث
استعداد لكاس العالم 2022
:secret::secret::secret:

[رآعي موآجيب]

أخوي رجعوا له 200 ريال من ساعه :)

و يقول منيب مرجع الخدمه إلا في حالة إلغاء احتساب التعرفه ويتم الأعتذار عن تضليل المشتركين بشكل رسمي بدون اللف والدوران اللي شغالين عليه في الجرايد والمسجات هاليومين :nice:


صدقوني يالربع كانت المقاطعه جديه من شريحه كبيره

اولاً خلوكم على مقاطعتكم علشان يعرفون بأن الناس واعيه وعندها البديل

ثانياً شوفوا نتيجة المقاطعه اللي ما كملت اسبوع

تخيلوا لو نقاطع كل شركه استغلاليه مثل بعض شركات الطيران والسيارات وحتى الأحذيه اجلكم الله

كنا نشتري بعض انواع الأحذيه بـ 350 و 450 ، الحين من 1000 وطالع !!

عليكم بمقاطعة كل أستغلالي دام البديل موجود

[مضارب دوسري]

ابشرك فتحوا جوالي و اليوم قطعوه مره ثانيه يعني بس 4 ايام من القطعه الاولى للثانيه راجعتهم قالي فاتورتك 1500 وشوي وانا وراهم و الزمن طويل
وراهم والزمن طويل >>>>>>>>>كلمه قطريه بدايتها محد قدي ونهايتها بدفع من ورى خشمي :telephone:

[بن جعران]

انا رجعوا لي 154 ريال

[قطر70]

حسبي لله ونعم الوكيل

الييوم دافع 3120 فاتورة جوال مع اني والله العظيم ما استخدمه الا نادر واكثر شي للبلاك بيري

[Qatar-Qa]

خل تفيييدهم هذي الحركه النذله اللي سووها
واستمروو في المقااااطعه لحد مايرجعون للسياسه القدييمه

والله ماينفع معاهم غيير العين الحمرره

الله يخلي البديل فودافون والله ب 49 ريال 1 جيجا

[سعود العمادي]

صح رجعوا لكم المبالغ الي خذوها

لكن من تاريخ ١١ / ٦ بيسحبون من الرصيد او الفاتورة

اذا تجاوز فوق ٢٥٠ ميغا او ١ جيجا

وهاي اعتذار من كيوتل ان سو هاي الحركة بدون علم العملاء

[بصمة قطرية]

و اصحاب الفواتير شلون بترجع فلوسهم ...!!! حسبي الله ونعم الوكيل على كيوتل خلال شهر دافعه الفاتورة مرتين كل مرة 300 و شوي ما صار لي اسبوع من اخر مرة دفعت جيكت على الفاتورة 200 و شي مع العلم اني ما قمت ارسل مثل قبل وما افتح الا روابط بسيطة جداً ،.. فاتورتي اللي ما كانت توصل 400 هالشهر قربت من الالف ...!!!!! جاري التحويل لفودافون :anger1: تباً لكيوتل الحرامية :anger1:

[Qatar-Qa]

الحمد لله اليوم 3 من ربعي حولو لفودافون
والرابع انشالله بكره بيحول بعد

[بصمة قطرية]

تم التحويل لفودافون :nice: وداعاً كيوتل :anger1:

[سعود العمادي]

تم التحويل لفودافون :nice: وداعاً كيوتل :anger1:

:victory:

للعلم فودافون بعد تسحب من ارسال البرودكاست او الاستقبال

لكن فودافون في البلاك بيري ممتازة

وانا يوم الجمعة شغلت الخدمة على فودافون

ونخصم من ال 1 جيجا شي بسيط

يعني تكفي وزود

مع السلامه ياكيوتل

[pink pearl]

الحمدلله المقاطعة جابت نتيجة، فعلاً الشعب القطري شعب واعي ويا كيوتل المفروض: اعتذار رسمي في وطني الحبيب والصحف الأربع ورسالة نصية لكل عميل، والاعتذار بروحه مايكفي، نتمنى هالحركة ماتتكرر مرة ثانية

وأنا أحب أشكر كل واحد قاطع وهذا مصير من يتلاعب بعقول الشعب القطري

[R 7 A L]

حتى لو ارجعوه الثقه في كيوتل للاسف تغيرت

[توشيبا]

خلاص صرنا نغني باي باي كيوتل

فودافون وبس

[fhd4]

المشكلة في كيوتل هو الآتي نتمنى أن نجد منهم رد شافي :

أولا … تدعي كيوتل أن خدمة البلاك بيري مجانية في باقة الـ ٣٠٠ ريال … هذا الكلام غير صحيح … *يجب أن تكون مجانية لأنه لا توجد أي ميزة إضافية … مثله مثل أي جوال ثاني …

ثانيا … في السابق كنا ندفع ٣٦٠ ريال لباقة الشهري مع خدمة البلاك بيري ويعطونك ١٠٠٠ ميجا اضافية … الحين ما تدفع الـ ٦٠ ريال ولا يعطونك الـ ١٠٠٠ ميجا … إذا تريد ١٠٠٠ ميجا لازم تدفع ١٠٠ ريال … يعني في الواقع رفعوا السعر من ٣٦٠ إلى ٤٠٠ ريال لنفس الخدمة …

ثالثا … اذا كنت مشترك في باقة الـ ٣٠٠ ريال لا تستطيع اضافة خدمة البلاك بيري بـ ٦٠ ريال… في حين اللي مشترك في باقة أقل أو مب مشترك في أي باقة يستطيع اضافة الباقة بـ ٦٠ ريال ويعطونه الـ ١٠٠٠ ميجا … الحين أنا ملتزم بدفع ٣٠٠ ريال شهريا لكيوتل استخدمت الباقة او ما استخدمتها يعني هم المستفيدين … المفروض تكون عندي مزايا أكثر من اللي مب مشترك في باقة …

شباب لا تنسون في تويتر هاشتاق*
#QtelFail