أقرب وأحسن فنادق عند الحرم ( مكـه )

[أسير الاسهم]

السلام عليكم

ناوي بإذن الله اروح عمره يومين ثلاثه .. وحبيت أستفسر من هل الخبره هالايام بالذات الفنادق أغلبها جديده وحبيت أعرف أقرب فندق للحرم المكي أروح للحرم مشي .. ويكون 5 ستار أكيد :nice:

يا ليت ما تبخلون علي بالمعلومات اللي تفيدني ولكم الأجر

[A.L.I]

فندق دار التوحيد

[R 7 A L]

الاسبوع الى طاف
كنت في مكه
وأخذت سويت ملكي مطل كامل على الحرم في الــ رفيلز الى أمام برج الساعة
والليلة بـ 6500
قريب جداً من الحرم

[فرحة الكواري]

ارشح لك ..

رافلز وهو نظام سويتات .. صاله وغرفه
وكل أسرة الغرف تكون king bed

الصيف السعر مابين 1000 ريال الى 1200 ريال
رمضان ييتدأ من 4900 ريال بداية رمضان
والله ييسر اموركم ان شاءالله

[راعي البورصه]

فندق دار التوحيد
من افضل الاماكن التي سكنت فيها

[المتفرج]

انا انصحك ببرج الساعه

وهو وقف الملك عبدالعزيز حتى سيارتك لها موقف تحت بعد

وخدمه ولا اروع من بوابة المجمع الى بوابة الملك عبدالعزيز في الحرم

وفيه عدة فنادق واذا محتاج تلفون شخص يعطيك الغرفه بسعر 800 ريال

فايف ستار ويحجز لك على الوقت اللي تبي

اذا تبي تلفون الشخص عطني رساله على الخاص ومن عيوني


سلام يا صاحبي العزيز

والله يوفقك ويسهل عليك يارب

[قطري !]

دار التوحيد


الباقي تحصل الاجانب منسدحين في الممرات وريحتهم عود كمبودي معتق من 50 عاااام

[قطريه ماركه]

زمزم .........

[أسير الاسهم]

يعطيكم العافيه على كل حال

[الشلهوب]

دار التوحيد مقابل باب الملك عبد العزيز

[خور العديد1]

فندق الفيرمونت

برج الساعه

سكنت فيه قبل 3 اسابيع
فندق 5 نجوم جديد وفخم
سعره 920 مع الافطار
حجزته من سفريات ريجنسي

[أبو بكر سالم]

انا سكنت في دار التوحيد ولقيت فيه كل الاشياء الحلوة موقف سيارة خدمة الغرف معاملة الموظفين فطور نظيف ومتنوع اقرب فندق للحرم كثرة المصاعد وغرفهم حلوه ويكفي ريحة الفندق من تدخل لين تطلع ريحته حلوه ياسمين وذا عندك شياب بيستانسون اكثر موفق اخوي انا حجزت بالتلفون دقيت عليهم وحجزت لان من غير حجز ماتحصل كله فل وسعر الليلة 1280

[Abdullah_89]

رافلز

ابراج زمزم

روتانا

[غايه الطواش]

انا سكنت في دار التوحيد والهلتون وفيرومنت
عير دار التوحيد مافيه
آخذت سويت دبلوماسي فخم روسيع وقريب جدا من الحرم

[غايه الطواش]

بس بصراحه ماعرف شي عن الأسعار
لأني لا انا الي أحجز ولا ادفع

[للصبر اخر]

دار التوحيد
من اجمل الاماكن اللي سكنتها
قريب وايد من الحرم
رائع بمعنى الكلمه

[Crown]

والله دار التوحيد للاسف للحين ماجربته

لكن جربت فندق برج الساعه فيرمون حلو بس اول مافتح العام

اخر مرة رحتله الخدمه صايره مب بهالمستوى الراقي الي شفته اخر مرة لان كان زحمه


وقرف بصراحه بس الغرف راقيه جدآ لكن تلقى اجانب واجد لكن دار التوحيد احسه دبلوماسي كله

ناس كلاس فا يفضل تقعد هناك انظفلك واستر حق هلك

[بوخالد911]

موفمبيك

ونت مغمض

[mohamedsolyy]

دار التوحيد واحجز من حملة الفرقان الغرفة ويك اند ب ١٠٥٠ والايام العادية ٩٧٠ تقريبا وممكن بعد حملة الفرقان يتفقولك مع سيارة تنتظرك بالمطار واذا تبي تروح المدينة بعد

[برزان]

مازال دار التوحيد هو الاقرب والاسهل في الدخول والطلوع ...
ودائما ننصح به للي معاهم ناس كبار في السن او مرضى او اي شخص لايحب كثرة الاسنصايرات وغيره ...

[خشوف]

دار التوحيد (الانتر) لايعلى عليه الخدمة خمس نجوم

اذا تبغي فندق دخلته قرييبه وفيه مواقف الصفوه وتحت سوق حلو

زمزم الخدمة صفر من 10 فاشل

موفبينك والمروه تحتهم الاسواق الحلوه


وعمره مقبوله وترجع بالسلامه